Morgunblaðið - 01.08.1996, Blaðsíða 23

MORGUNBLAÐIÐ
ERLEIMT
FIMMTUDAGUR 1. ÁGÚST 1996 23
22 þúsund
sjálfsmorð
í Japan
RÚMLEGA 22 þúsund Japanir
frömdu sjálfsmorð á síðasta
ári, þar af um 2.800 vegna fjár-
hagsvandræða er stöfuðu af
því, að efnahags„blaðran“
sprakk, að því er lögregla
greindi frá í fyrradag. Fjöldi
þeirra, er sviptu sig lífi í fyrra,
er hærri en árið á undan sem
nemur 766 tilvikum. Gífurleg
þensla hófst í japönsku efna-
hagslífi á níunda áratugnum
og fasteignaverð hækkaði
verulega. Sagði fulltrúi lögregl-
unnar að eftirköst samdráttar-
ins í kjölfar þenslutímabilsins
væru enn algengasta orsök
sjálfsmorða í Japan.
Hundruðir
farast í
N-Kóreu
TALSMAÐUR Fæð'uhjálpar
Sameinuðu þjóðanna sagði í
gær, að fjöldi þeirra sem týnt
hafi lífi í flóðunum í N-Kóreu
sé sennilega nokkur hundruð.
Milljónir manna hefðu orðið
fyrir tjóni á flóðasvæðunum og
stór hluti þeirra missi heimili
sín.
Hagur græn-
friðunga
vænkast
FRAMLÖG til alþjóðlegu um-
hverfisverndarsamtakanna
Greenpeace, eða Grænfrið-
unga, hækkuðu um sem nemur
132 milljónum króna á árinu
1995, þrátt fyrir að tala með-
lima í samtökunum hefði dreg-
izt saman. Framkvæmdaráð
samtakanna skýrði frá því í
ársskýrslu sinni, sem út kom í
gær, að áróðursherferðir
Grænfriðunga vegna Brent
Spar olíuborpallsins og kjarn-
orkutilrauna Frakka í S-Kyrra-
hafí hafi ýtt aiþjóðlegum fram-
lögum úr 128 milljónum banda-
ríkjadala árið 1994 í 138 millj-
ónir árið 1995, eða 9,1 milljarð
króna. Meðlimir alþjóðasam-
taka Grænfriðunga eru nú um
2,9 milljónir, en þeim fækkaði
um hér um bil 200.000 á síð-
asta ári.
Eiginmaður
Bhuttos fær
ráðherrastól
BENAZIR Bhutto, forsætisráð-
herra Pakistans, fékk eig-
inmanni sínum, Asif Ali Zard-
ari, embætti ráðherra í ríkis-
stjórninni. Að sögn pakistanska
ríkissjónvarpsins gerði Bhutto
í gær róttækar breytingar á
stjórn sinni og skipaði átta
nýja ráðherra og sjö aðstoðar-
ráðherra.
Vann
hús með
standþoli
METTE Lill Johansen, þrítug
norsk ballettdansmær, vann
lúxusvillu í nágrenni Oslóar í
gær með því að sýna mest
standþol 396 keppenda, sem
allir vildu eignast húsið. Johans-
en sigraði í keppninni, sem fór
fram við umrædda villu í Skien,
suðaustur af Osló, með því að
standa upp við það í 109
klukkustundir og 17 mínútur.
Bandaríska alríkislögreglan yfirheyrir hugsanlegan tilræðismann í Atlanta
Sprengjuleit hjá
öryggisverði
Atlanta. Reuter.
BANDARÍSKA alríkislögreglan
FBI leitaði í gær að sprengju í íbúð
öryggisvarðar í Atlanta, sem grun-
aður er um aðild að sprengjutilræð-
inu í Ólympíugarðinum í borginni á
laugardag. Lögfræðingur öryggis-
varðarins sagði hann saklausan af
tilræðinu.
Richard Jewell, 33 ára öryggis-
vörður í Ólympíugarðinum, varð
fyrstur til að skýra öryggissveitun-
um frá sprengjunni og bandarískir
ijölmiðlar fjölluðu um hann sem
hetju eftir tilræðið en lögreglan
grunar hann nú um að hafa komið
sprengjunni fyrir í Ólympíugarðin-
um. Tveir menn biðu bana og 110
særðust í tilræðinu.
Nágrannar fluttir burt
Lögreglumenn leituðu að
sprengju í íbúð Jewells með hjálp
tveggja leitarhunda. Áður en leitin
hófst voru nágrannar hans fluttir í
skyndi úr íbúðum sínum, þeirra á
meðal kona í náttfötum með ung
börn.
„Þetta merkir engan veginn að
Jewell hafi verið sakaður um glæp.
Hann hefur ekki verið handtekinn,"
sagði David M. Tubbs, sem stjórnar
rannsókn FBI.
„Ef þeir eru að leita í íbúð hans
liggur hann undir grun,“ sagði lög-
fræðingur öryggisvarðarins, Wat-
son Bryant, eftir húsleitina. Áður
hafði hann sagt að Jewell væri ekki
viðriðinn sprengjutilræðið og yrði
ekki handtekinn.
Jewell neitaði að hafa átt aðild
að sprengjutilræðinu og kvaðst hafa
verið yfirheyrður fimm sinnum frá
því sprengjan sprakk á laugardag.
Hann lýsti sér sem fórnarlambi lög-
regluofsókna.
Heimildarmenn innan alríkislög-
reglunnar sögðu að grunsemdir
hefðu vaknað um aðild Jewells að
sprengjutilræðinu eftir að í ljós
hefði komið að hann hefði ýkt
reynslu sína af löggæslustörfum
þegar hann sótti um starf á vegum
einkafyrirtækis sem öryggisvörður
í Ólympíugarðinum.
Lögreglan er sögð vera að rann-
saka hvort öryggisvörðurinn væri
Reuter
ÖRYGGISVÖRÐURINN Richard Jewell, umkringdur fjölmiðla-
fólki, við heimili sitt eftir að lögreglan yfirheyrði hann vegna
sprengjutilræðisins í Atlanta.
sá sem hringdi í neyðarlínu til að
vara við tilræðinu áður en sprengjan
sprakk. Hún er einnig að rannsaka
myndbandsupptökur af Ólympíu-
garðinum til að ganga úr skugga
um hvort Jewell eða einhver annar
hefði skilið eftir bakpoka sem
sprengjan var falin í.
Hægri öfgamenn
grunaðir
Bandarísk dagblöð segja að alrík-
islögreglan hafi einnig rannsakað
hvort einhver af hreyfingum her-
skárra hægrimanna í Bandaríkjun-
um hafi staðið fyrir tilræðinu. Lög-
reglan hafí yfirheyrt þijá banda-
ríska hægriöfgamenn vegna tilræð-
isins og að minnsta kosti einn
þeirra, Derek Underwood, er félagi
í hreyfingu hvítra hægrimanna í
Alabama sem vill draga úr mið-
stjórnarvaldinu í Washington og
leggst gegn áformum Bills Clintons
Bandaríkjaforseta um að takmarka
rétt Bandaríkjamanna til byssu-
eignar.
Dagblöðin sögðu að svo virtist
sem Underwood hefði haldgóða
fjarvistarsönnun og verið á bar í
heimabæ sínum þegar sprengjan
sprakk í Ólympíugarðinum.
II

-noiD
w allt sem þú þarft...
TJÖLD verð frá 4.900.-
irgahimní
5 manna *
Áður kr. 31.900.- nú 26.000.-
Vango
útivistarbúnaður
Dallas
Eitt það vandaðasta
Kr. 65.000,-
3 manna -
kúlutjald 3,4 kg.
Áður kr. 8.900.- nú kr. 7.600.-
Cyclist
2 manna göngutjald
3,1 kg.Kr. 9.900.-
Adventure
150
4 manna
kúlu fjölskyldu
með tveimur inngöngum.
Kr. 19.900.-
Puffin
i manna
kúlutjald, mjög stöðugt
3,4 kg.Kr. 9.900.-
Hiker Dome
2 stólar, 2 kollar og borð
Áður 5.600 nú 3.990
Opið á fimmtudagskvöldum til kl.2l
00
SVEFNPOKAR
verð frá 3.900.-
Swift 400
-I5“C I
2,1 kg- __
Áður 6.200.- nú 3.900.-
Swallow 3SO
-io°cl
1,5 kg.
Léttur gongusvefnpoki
MP 350
-15°
2,0 kg.
Vandaður og þægilegur
alhliða svefnpoki
Verð 8.560,-
.þar sem ferðalagið byrjar!
§geuðBReiN
ÆGIR
Eyjaslóð 7 Reykjavik S.5II 2200