Morgunblaðið - 01.09.1996, Blaðsíða 19

MORGUNBLAÐIÐ
SUNNUDAGUR 1. SEPTEMBER 1996 19
LISTIR
Nýtt íslenskt í
bland við Ibsen,
Andersen og
Williams
Nanna systir, Villiöndin og Köttur á heitu
blikkþaki eru meðal þess sem Þjóðleikhúsið
býður upp á á næsta leikári. Þröstur Helga-
son kynnti sér verkefnaskrá og ræddi við
Stefán Baldursson Þjóðleikhússti'óra.
HILMIR Snær Guðnason og Margrét Vilhjálmsdóttir leika aðal-
hlutverkin í Leitt hún skyldi vera skækja eftir John Ford sem
sýnt verður á Smíðaverkstæðinu.
FJÖGUR ný íslensk leikverk, ný er-
lend og klassísk verk og draugasög-
ur verða á efnisskrá komandi leikárs
Þjóðleikhússins. „Þetta verður fjöl-
breytt leikár og óhætt að segja að
við séum stolt af því“, segir Stefán
Baldursson, Þjóðleikhússtjóri. „Við
erum mjög bjartsýn á veturinn. Við
áttum mjög gott leikár í fyrra, að-
sóknin jókst um hér um bil fjórðung
frá árinu áður. Þrek og tár og Kar-
demommubærinn gengu best en þau
verk voru sýnd 60 sinnum; bæði
verða tekin upp að nýju í haust."
Sjö nýjum leikurum hefur verið
bætt inn á fastan samning hjá hús-
inu en þeir eru Edda Heiðrún Bach-
mann, Vigdís Gunnarsdóttir, Stefán
Jónsson, Bergur Þór Ingólfsson,
Magnús Ragnarsson, Margrét Vil-
hjálmsdóttir og Þröstur Leó Gunn-
arsson. Á þriggja mánaða höfundar-
launum hjá Þjóðleikhúsinu verður í
vetur Benóný Ægisson.
Stóra sviðið
Fyrstá verkið á stóra sviðinu verð-
ur Nanna systir eftir Einar Kárason
og Kjartan Ragnarsson. „Þetta verk
gekk við fádæma vinsældir hjá Leik-
félagi Akureyrar í fyrra“, segir Stef-
án, „en höfundarnir hafa gert á því
smávægilegar breytingar í sumar.
Þetta er bráðfyndin og skondin mynd
af mannlífinu í litlu bæjarfélagi þar
sem raunveruleikinn er skrautlegri
en nokkurt leikrit." Leikstjórn verð-
ur í höndum Andrésar Sigurvinsson-
ar en með aðalhlutverk fara Ólafía
Hrönn Jónsdóttir, sem leikur titil-
hlutverkið, Sigurður Siguijónsson,
Pálmi Gestsson, Tinna Gunnlaugs-
dóttir, Örn Árnason og Hjálmar
Hjálmarsson.
Kennarar óskast heitir nýtt verk
eftir Ólaf Hauk Símonarson sem
frumflutt verður í nóvember. „Ólafur
Haukur fer nú að verða eins konar
hirðskáld Þjóðleikhússins en hann
BALTASAR Kormákur og Margrét Vílhjálmsdóttir í
hlutverkum sínum í Köttur á heitu blikkþaki eftir Ten-
nessee Williams.
MAGNÚS Ragnarsson leikur einn af
ferðalöngunum Hvíta myrkri Karls
Ágústs Úlfssonar.
hefur verið með að jafnaði eitt leik-
rit á vetri síðastliðin ár. Ólafur er
mjög fjölhæfur höfundur og sýnir
sífellt á sér nýjar hliðar. Þetta verk
er á alvarlegu nótunum þótt grínið
sé reyndar aldrei langt undan. Verk-
ið íjallar um ung kennarahjón sem
flytja út á land til að kenna. Þar
ætla þau að reyna að hefja nýtt líf,
þau hafa átt í svolitlum erfíðleikum
í hjónabandinu en einhver hugsjón
býr einnig að baki þessum flutningi.
Þau komast hins vegar að því að
hugmyndir þeirra fara ekki allskostar
saman við lífsviðhorf heimamanna."
Leikstjóri er Þórhallur Sigurðsson,
sem hefur ieikstýrt íjölda verka eftir
Ólaf Hauk, en með aðalhiutverk fara
Sigrún Edda Björnsdóttir og Þröstur
Leó Gunnarsson, sem leika hjónin
ungu. Með önnur hlutverk fara með-
al annars Örn Árnason, Gunnar Ey-
jóifsson, Ólafía Hrönn Jónsdóttir og
Hjálmar Hjálmarsson.
Fjögur erlend klassísk verk verða
á stóra sviðinu. Jólasýning verður
Viliiöndin eftir Henrik Ibsen sem
Stefán Baldursson leikstýrir. Með
aðalhlutverkin fara Pálmi Gestsson,
Edda Heiðrún Bachmann, Steinunn
Ólína Þorsteinsdóttir, Helgi Skúla-
son og Gunnar Eyjólfsson. Köttur á
heitu blikkþaki eftir Tennessee Will-
iams verður sýnt í fyrsta skipti í
íslensku atvinnuleikhúsi í vetur und-
ir leikstjórn Hallmars Sigurðssonar.
í aðalhlutverkum verða Baltasar
Kormákur og Margrét Vilhjálms-
dóttir en meðal annarra leikenda
verða Helgi Skúlason, Helga Bach-
mann, Þröstur Leó Gunnarsson,
Edda Arnljótsdóttir og Erlingur
Gíslason. Söngleikur ársins verður
Fiðlarinn á þakinu eftir Stein/Boch/
Harnick sem Kolbrún Halldórsdóttir
leikstýrir. Með aðalhlutverk fara
Jóhann Sigurðarson og Edda Heið-
rún Bachmann. Að endingu verður
á stóra sviðinu eitt barnaleikrit sem
telst til klassískra bókmennta, Litli-
Kláus og Stóri-Kláus eftir H.C. And-
ersen. Verkið verður frumflutt eftir
áramót í leikstjórn Ásdísar Þórhalls-
dóttur en þetta er frumraun hennar
í Þjóðleikhúsinu. Söngvum hefur
verið bætt inn í verkið. Tónlistar-
stjórn í sýningunni annast Jóhann
G. Jóhannsson en söngtexta semur
Þórarinn Eldjárn.
Smíðaverkstæðið
Fyrsta verk á dagskrá Smíðaverk-
stæðisins verður Leitt hún skyldi
vera skækja eftir John Ford. „Þetta
er aldagamalt og djarft verk um
blóðskömm, skefjalausar ástríður,
undirferli, svik og hefndir", segir
Stefán. Leikstjóri er Baltasar Kor-
mákur sem er einnig að þreyta frum-
raun sína á því sviði í Þjóðleikhús-
inu. Hilmir Snær Guðnason, Margrét
Vilhjálmsdóttir og Steinn Ármann
Magnússon fara með aðalhlutverkin.
Hallgrímur H. Helgason hefur
hingað til helst verið þekktur sem
þýðandi Ijölda leikverka en í vetur
verður frumsýnt eftir hann nýtt leik-
rit sem nefnist Vorkvöld með krókó-
díium. „Þetta verk lýsir dimmisjóns-
kvöldi í Reykjavík; hér er á ferðinni
beinskeytt og léttgeggjað verk um
íslenska nútímaæsku", segir Þjóð-
leikhússtjóri.
Á smíðaverkstæðinu verður svo
efnt til þeirrar nýbreytni að bjóða
til miðnætursýningar. Hávar Sigur-
jónsson hefur sett saman leiksýn-
ingu sem nefnist Reimleikar og er
hrollvekjandi draugasaga byggð á
íslensku efni. Einnig verða teknar
upp sýningar á Hamingjuráninu á
smíðaverkstæðinu, en það var frum-
sýnt á síðasta vori.
Litla sviðið
Leikárið á litla sviðinu hefst á
verki sem forsýnt var á listahátíð í
sumar, Hvíta myrkur, eftir Karl
Ágúst Úlfsson. Verkið gerist í litlu
gistihúsi í einangruðu sjávarplássi
þar sem farþegar í langferðabíl hafa
orðið innlyksa í aftakaveðri. Hallmar
Sigurðsson leikstýrir en leikendur
eru Kristbjörg Kjeld, Helgi Skúla-
son, Magnús Ragnarsson, Lilja Guð-
rún Þorvaldsdóttir, Ragnheiður
Steindórsdóttir og Þröstur Leó
Gunnarsson.
Tvö ný erlend verk verða sýnd á
litla sviðinu; gamanleikurinn Lista-
verkið eftir frönsku skáldkonuna,
Yazmina Reza, en það hefur notið
geysilegra vinsælda víða í Evrópu,
að sögn Stefáns. Hefur það unnið
til fjölda verðlauna, meðal annars
frönsku Moliere-verðlaunanna.
Krabbasvalirnar nefnist svo verk
eftir sænsku skáldkonuna Marianne
Goldman sem fjallar á nærfærinn
en opinskáan hátt um þrjár konur
sem bíða dauða síns á krabbameins-
deild. Leikstjóri verður María Krist-
jánsdóttir en með aðalhlutverkin
þrjú fara Kristbjörg Kjeld, Guðrún
Gísladóttir og Edda Arnljótsdóttir.
Einnig verður sýningum á Kirkju-
garðsklúbbnum haldið áfram en þær
hófust í fyrra.
Auk þessa verður Listaklúbbur
Leikhússkjallarans starfræktur í
vetur með svipuðu sniði og síðastlið-
in þijú tvö ár.
Raddir í
Reykjavík
HLJÓÐMYNDA- og ljósmyndasýn-
ingu Þorsteins J., Ráddir í Reykjavík
í Ráðhúskaffinu, lýkur í vikunni. Á
sýningunni gefur að líta ljósmyndir
af Reykvíkingum sem og raddir
gamalla Reykvíkinga sem rifja upp
hvernig umhorfs var í borginni hér
einu sinni. „Raddir í Reykjavík hefur
staðið yfir í þijár vikur og hefur
verið vel sótt,“ segir í kynningu.
----------» ♦ -----
Valgerður sýnir
í Galleríi Greip
SÝNING á verkum Valgerðar Guð-
laugsdóttur hefur verið opnuð í Gall-
erí Greip, Hverfisgötu, 82.
Valgerður lauk námi í skúlptúrdeild
Myndlista- og handíðaskóla íslands
árið 1994. Þetta er hennar fyrsta
einkasýning en hún hefur tekið þátt
í samsýningum heima og erlendis.
Hausttónleikar
Selfosskirkju
SJÖTTU hausttónleikar Selfoss-
kirkju eru hafnir. Glúmur Gylfason
organisti hóf tónleikaröðina og á
þriðjudag, 3. september, leikur
Halldór Oskarsson organisti Odda
á orgel Selfosskirkju.
Héraðssjóður Árnesprófasts-
dæmis ásamt öðrum styrktaraðil-
um hafa séð til þess að hægt
hefur verið að bjóða óeypis að-
gang.
Auk glúms og Halldórs munu
eftirfandi organistar og aðrir tón-
listarmenn koma fram; Mark A.
Anderson organisti Princeton USA
10. september, Kári Þormar
organisti, en hann er í framhaldss-
námi í Dusseldorf, 17. september,
Tríó Reykjavíkur, þau Guðný Guð-
mundsdóttir fiðluleikari, Gunnar
Kvaran sellóleikari og Halldór
Haraldsson píanóleikari, þann 24.
september.
SJQVArwTALMENNAR
- Þú tryggir ekki eftir á!
Opið hjá
Sj óvá-Almennum
kl. 9-5
Að venju breytist afgreiðslutími okkar
1. september. Frá þeim degi verður opið hjá
Sjóvá-Almennum frá klukkan níu til fimm.