Morgunblaðið - 14.09.1996, Blaðsíða 16

16 LAUGARDAGUR 14. SEPTEMBER 1996
VIÐSKIPTI
MORGUNBLAÐIÐ
Mikil viðskipti með hlutabréf í Búlandstindi á Djúpavogi
Rúmlega 8% hlutafjár
hafa skipt um hendur
VIÐSKIPTI með hlutabréf í Bú-
landstindi hf. á Djúpavogi hafa verið
mjög áberandi á undanförnum vik-
um. Samtals hafa átt sér stað við-
skipti með hlutabréf félagsins, sem
skráð eru á Opna tilboðsmarkaðnum,
að nafnvirði tæplega 25 milljónir
króna á undanförnum 4 vikum. Þetta
svarar til rúmlega 8% af heildarhlut-
afé fyrirtækisins.
Gengi hlutabréfanna hefur hækk-
að um 29%, úr 1,2 í 1,55. Svo virð-
ist sem fjárfestar á hlutabréfamark-
aði séu farnir að leita nýrra fjárfest-
ingartækifæra á markaðnum, eftir
miklar hækkanir á gengi hlutabréfa
á þessu ári, og segir Albert Jónsson,
hjá Landsbréfum, að flölmargir fjár-
festar séu á bak við þessi kaup.
30 milljóna króna
hlutafjáraukning
Að sögn Jóhanns Þórs Halldórs-
sonar, framkvæmdastjóra Búlands-
tinds, hefur félagið verið að selja
talsvert magn af eigin bréfum sem
það eignaðist í makaskiptum sem
voru gerð í tengslum við kaup KEA
á hlut í Gunnarstindi á Stöðvarfirði.
Gunnarstindur og Búlandstindur hafi
átt hlut hvort í öðru en skipt hafí
verið á þessum bréfum, þannig að
fyrirtækin drógu sig alveg út úr hlut-
hafahópi hvors annars. Nafnvirði
bréfanna sem félagið hafí eignast
með þessum hætti hafí verið um 19
milljónir króna að nafnvirði.
Að sögn Jóhanns er fyrirtækið
einnig að auka hlutafé sitt um 30
milljónir króna um þessar mundir.
Þau bréf muni koma til sölu á al-
mennum markaði, nýti hluthafar sér
ekki forkaupsrétt sinn að fullu. Hann
segir að gengi bréfanna í forkaups-
rétti verði 1,15.
Þá hefur ísfélag Vestmannaeyja
einnig gert tilboð í hlut Þróunarsjóðs
sjávarútvegsins í fyrirtækinu, sem
er 70 milljónir að nafnvirði, eða um
23,5%. ísfélagið bauð raunar í þessi
hlutabréf á síðasta ári, á genginu
1,05, en hefur nú hækkað tilboð sitt
í 1,15.
Jóhann segir að í raun sé ekkert
nýtt að frétta af því máli. Hluthafar
og starfsmenn eigi forkaupsrétt á
þessum bréfum og geti því gengið
inn í þetta tilboð, samkvæmt lögum
um Þróunarsjóð. Því sé nú beðið eft-
ir því að frestur til að nýta sér for-
kaupsréttinn renni út, en það verði
24. september.
Fjárfestar farnir að leita
nýrra kosta
Albert Jónsson, verðbréfamiðlari
hjá Landsbréfum, sem hafa annast
sölu á eigin hlutabréfum Búlands-
tinds, segir þessi viðskipti vera til
marks um það að fjárfestar séu farn-
ir að leita nýrra fjárfestingarkosta á
hlutabréfamarkaði og þá farnir að
líta meira til þeirra fyrirtækja sem
séu að koma ný inn á markaðinn.
Hann segir að kaupendur bréf-
anna séu mjög breiður hópur og því
ekki einungis um einhveija hags-
munaaðila að ræða. „Ég held að
þetta sé mjög spennandi prófraun
sem á sér stað á markaðnum nú,“
segir Albert.
Morgunblaðið/Kristján
INGI Björnsson framkvæmdastjóri og Olafur Sverrisson yfir-
verkstjóri í flotkvínni sem nú hefur verið í notkun í eitt ár.
Eitt ár liðið frá því flotkví var tekin í notkun við Slippstöðina
Stór verkefni hafa
flustinn ílandið
TUTTUGU og sex skip hafa verið
tekin upp í flotkví Akureyrarhafn-
ar við Slippstöðina frá því hún var
tekin í notkun fyrir réttu ári.
Stærsta skipið sem tekið hefur
verið upp í kvína er Hofsjökull, 118
metrar að lengd, en hann er vænt-
anlegur í annað sinn eftir helgi.
Auk þess hafa verið tekin upp
mörg af stærstu fiskiskipum Is-
lendinga og má þar m.a. nefna
Guðbjörgu IS og Baldvin Þorsteins-
son EA.
Flotkvíin var smíðuð í Litháen,
hún hefur 5.000 tonna lyftigetu,
SAfVYO
lengdin er 116 metrar og breiddin
24 metrar og getur hún tekið upp
skip með allt að 7,6 metra djúp-
ristu. Heildarkostnaður við kaupin,
gerð kvíarstæðis, flutning og fleira
var um 290 milljónir króna.
„Síðasta ár hefur verið mjög
gott fyrir Slippstöðina," segir Ingi
Björnsson framkvæmdastjóri. „Það
eru margir samhangandi þættir
sem gera að verkum að reksturinn
hefur gengið betur en áður. Flotkví-
in er þar veigamikill þáttur, hún
tvöfaldar afkastagetu okkar hvað
varðar möguleika á upptökum
skipa. Þá opnaði hún okkur í raun
nýjan markað, en með tilkomu
hennar getum við tekið inun stærri
skip en áður. Þessi skip þurftu áður
að fara úr landi til að komast í slipp.
Það má því segja að með flotkvínni
hafí töluvert af verkefnum færst inn
í landið."
Ingi segir það mikið framfara-
spor sem stigið var fyrir skipaiðnað-
inn á Akureyri þegar flotkvíin var
keypt, þar hafí verið tekin hárrétt
ákvörðun. Samkeppni í skipaiðnaði
sé afar hörð, bæði milli innlendu
stöðvanna og eins við erlendar
skipasmíðastöðvar. Hann segir ís-
lendinga standa sterkast að vígi í
smíði o g uppsetningu vinnslubúnað-
ar og hafí þar sterka stöðu miðað
við önnur lönd.
Starfsfólki hefur fjölgað
Nú vinna um 160 manns hjá
Slippstöðinni en fyrir um einu og
hálfu ári, í ársbyijun 1995, voru
þeir um 100. Stefna stöðvarinnar
er að fá fyrirtæki í málmiðnaði og
tengdum greinum til samstarfs við
sig þegar við á. Einnig hefur verið
leitað til jámiðnaðarmanna á Eyja-
fjarðarsvæðinu þegar á hefur þurft
að halda og jafnvel lengra til, en
jámiðnaðarmenn frá Póllandi hafa
verið að störfum hjá stöðinni undan-
farnar vikur.
Ólafur Sverrisson segir að mikið
hafí verið að gera hjá stöðinni allt
síðasta ár og segir hann að verkefna-
staðan allt fram til áramóta sé ágæt.
„Við erum óvenju vel settir núna, en
yfírleitt sjá menn ekki langt fram í
tímann í þessum iðnaði. Meðal stórra
verkefna má nefna að einn togari
Mecklenburger Hochseefíscherei,
dótturfélags Útgerðarfélags Akur-
eyringa kemur í stóra viðgerð á
haustdögum. Ingi segir að Slippstöð-
in hafí notið góðs af fjárfestingum
íslendinga í útgerð í útlöndum, en
þar hafa einnig verið unnin verkefni
fyrir DFFU, dótturfélag Samheija.
Selurróbóta til Bras-
ilíu fyrir 25 milljónir
SANYO 28"
• Svartur, flatur
Black Matrix
myndlampi.
• Nicam stereo.
• Hraðvirkt ísl.
• textavarp.
Umboðsmenn um land allt
FVRIRTÆKI Jóns Hjaltalín Magn-
ússonar verkfræðings, Altech, hef-
ur náð samningum um sölu á róbót-
um til álvers í Brasilíu fyrir um
25 milljónir króna. Þetta er þriðja
álverið sem festir kaup á slíkum
búnaði frá fyrirtækinu, en hann
hefur verið í notkun hjá ÍSAL frá
árinu 1988 og Söral í Noregi frá
1991. Búnaðurinn verður afhentur
brasilíska fyrirtækinu í lok nóvem-
ber.
Jón Hjaltalín sagði í samtali við
Morgunblaðið að um væri að ræða
svonefnt tindavarnarkerfi sem sam-
anstæði af kragaróbóta og kraga-
áfyllingarvél. „Tækið setur á sjálf-
virkan hátt kraga utan um tinda á
göfflum rafskautanna sem síðan
eru fylltir með kolefni. Þetta eykur
líftíma rafskautanna um allt að
10%, en í álverum þarf um hálft
kíló af rafskauti á móti hveiju kílói
af áli. Meginástæðan fyrir því að
brasilíska álverið valdi róbóta í
þetta verkefni er sú að fyrirtækið
er að sækja um vottun samkvæmt
ISO 14000 staðlinum. Hér er um
að ræða nýjan staðal sem tekur til
umhverfismála, heilbrigðismála og
öryggismála starfsmanna. Við er-
um mjög ánægð með það því það
hefur verið lögð áhersla á það í
þróun og kynningu á búnaðinum
að hann leysi af hólmi starfsmenn
í óþrifalegum, einhæfum og jafnvel
hættulegum störfum."
Altech hefur verið í viðræðum
við brasilíska fyrirtækið frá árinu
1993. Fulltrúar þess komu hingað
til lands árið 1995 og aftur í júní sl.
I framhaldi af því var gengið frá
kaupunum. „Okkar velgengni
byggist á því að við fengum tæki-
færi til að setja tækið okkar upp
hjá ISAL og gátum í framhaldi af
því boðið aðilum frá öðrum álverum
að sjá tækið í notkun. Álver eru
nokkuð íhaldssamur markaður og
ekki auðvelt að komast inn á hann
með ný tæki. Þess vegna er það
mikill styrkur fyrir okkur að eiga
gott samstarf við ÍSAL.“
Jón Hjaltalín bendir jafnframt á
að áhugi álvera á því að bæta um-
hverfi og öryggi starfsmanna hafi
aukist sem auki enn vonir um sölu
á þessum tækjum í framtíðinni.
Viðræður hafi átt sér stað við um
30 önnur álver um kaup á þessum
búnaði, en of snemmt sé að greina
frá framvindu þeirra. Altech hafi
auk þessa kragaróbóta þróað og
selt fímm önnur tæki til álvera og
sé nú í viðræðum við um 75 álver
víða um heim.