Morgunblaðið - 14.09.1996, Blaðsíða 21
MORGUNBLAÐIÐ
LAUGARDAGUR 14. SEPTEMBER 1996 21
Ofát ógn-
ar mann-
kyninu
OFFITA ógnar byggðum
heims, að sögn 300 breskra
lækna og annarra vísinda-
manna, sem tekist hafa á
hendur það hlutverk að vekja
menn til vitundar um hættur
af völdum ofáts. Segja þeir
offitu breiðast út á ógnar-
hraða og vera einn alvarleg-
asti heilsuvandi heimsins.
Hefur fjöldi offeitra Breta
tvöfaldast frá 1980 og í
Bandaríkjunum munu allir
íbúar landsins þjást af offitu
árið 2230 að óbreyttri þróun.
Helstu ástæður þess að fólk
fitnar eru aukið hreyfingar-
leysi, breyttar matarvenjur,
umhverfisáhrif og, í nokkrum
tilvikum, erfðafræðilegir
þættir. Offitunni fylgir fjöldi
kvilla, einnig heilablóðfall,
hjartveiki, ófijósemi, liðbólg-
ur, vissar tegundir krabba-
meins, slitgigt og sykursýki.
Landnema-
virki fundið
FUNDIST hafa leyfar virkis,
sem fyrstu ensku landnem-
arnir í Ameríku reistu. Virkið
nefndu þeir Jamestown eftir
leiðtoga sínum John Smith
ofursta en hann öðlaðist var-
anlega frægð sakir vinskapar
við indíánastúlkuna Poca-
hontas. Á staðnum fundust
jarðneskar leifar manns á
þrítugsaldri, sem látist hafði
í átökum en hafði verið jarð-
settur innan virkisins og graf-
inn í líkkistu.
Kúariðuslag
afstýrt
BREZKA ríkisstjórnin sam-
þykkti á fimmtudag að endur-
skoða vísindalegar niðurstöð-
ur varðandi kúariðu í sam-
vinnu við framkvæmdastjórn
ESB, og forðaði þar með al-
varlegum árekstri við fram-
kvæmdastjórnina og hin að-
ildarríki ESB vegna fyrri
áætlunar um slátrun naut-
gripa í Bretlandi. Ákvörðun
stjórnarinnar um að eiga
samráð við framkvæmda-
stjórnina batt enda á vanga-
veltur það að lútandi, að Bret-
ar myndu einhliða ákveða að
draga úr þeim Ijölda naut-
gripa, sem þeir hafa skuid-
bundið sig til að lóga.
Bílsprengja í
gengjastríði
FYRIR utan samkomuhús
Vítisengla-bifhjólagengisins í
Hróarskeldu sprakk á
fimmtudag sprengja í bíl, sem
orsakaði mikla eyðileggingu
en sakaði engan, að sögn lög-
reglu. Sprengjan var það
öflug, að rúður brotnuðu í
byggingum í 150 m radíus frá
henni. Þetta var önnur bíl-
sprengjan, sem sprakk á síð-
ustu átta dögum og nýjasta
skrefið í hörðu stríði milli Vít-
isengla- og Bandidos bifhjóla-
gengjanna. Sex manns hafa
látið lífið í stríði þessu á und-
anförnum tveimur árum.
ERLEIMT
Páfi sagður með krabba-
mein og Parkinsonsveiki
JÓHANNES Páll páfi er tal-
inn vera með krabbamein og
Parkinsons-veiki.
Róm. The Daily Telegraph.
í PÁFAGARÐI er talið, að Jóhannes
Páll páfi sé með krabbamein og
Parkinsons-veiki að auki og starfs-
menn Páfagarðs eru farnir að „bíða“
eftir eftirmanni hans. Kom þetta
fram í viðtali við háttsettan en
ónefndan mann innan kaþólsku
kirkjunnar á fimmtudag.
í löngu viðtali í ítalska dagblaðinu
La Repubblica, sem hefur mikil sam-
bönd í Páfagarði, segir presturinn
eða prelátinn, að allt gangi sinn
vanagang að öðru leyti en því, að
ástandið einkennist af bið. Finnist
sumum „dásamlegt“ hve páfi sýni
mikið þrek í veikindum sínum en
flestir kjósi að segja sem minnst og
til séu þeir, sem furði sig á öllum
ferðunum, sem páfi hefur lagt upp
í um dagana. Eigi þeir erfitt með
að koma auga á tilganginn með
þeim. Allir séu þó að bíða eftir því,
sem við taki.
Opinberlega er ekkert að
Um heilsu páfa sagði prelátinn,
að opinbera afstaðan væri sú, að
ekkert amaði að. Hann væri vissu-
lega gamall og lúinn en annað ekki.
„Okkur, sem hafa samband við
læknana og við erum margir, dylst
hins vegar ekki, að hann er með
krabbamein og er til meðferðar við
því. Ef hann reynir of mikið á sig
eða ef iyfin hjálpa honum ekki í
svip, þá á hann í erfíðleikum með
að gera sig skiljanlegan. Þetta eru
dæmigerð einkenni Parkinsons-
veiki,“ sagði prelátinn.