Morgunblaðið - 14.09.1996, Blaðsíða 40

40 LAUGARDAGUR 14. SEPTEMBER 1996
MORGUNBLAÐIÐ
BRÉF
TIL BLAÐSINS
Ljóska
Smáfólk
Kringlan 1103 Reykjavík • Sími 5691100 • Símbréf 569 1329
• Netfang: lauga@mbl.is
Vantar meira
umburðarlyndi
Frá stjórn SONI:
í DAG búa mörg þúsund útlending-
ar á íslandi. Við höfum áhyggjur
af því neikvæða viðhorfi í garð
útlendinga sem hefur birst í fjöl-
miðlum undanfarið. Fjölmiðlar
hafa gífurlegt vald til að móta
skoðun fólks. Til þess að sambúð
hinna útlendu og hinna innfæddu
sé og verði friðsamleg þá þarf
umburðarlyndi á báða vegu. Yfir-
gnæfandi meirihluti útlendinga er
heiðarlegt fólk sem vill bara vinna,
sjá fyrir sínu heimili og njóta þess
að búa hér. Nákvæmlega eins og
hinir innfæddu íslendingar. Við
verðum að hafa það í huga að það
eru því miður óprúttnir einstakl-
ingar í öllum þjóðfélögum, fólk sem
fremur glæpi. En við verðum líka
að muna eftir því, að dæma ekki
heil þjóðarbrot eða þjóðir út frá
hegðun nokkurra einstaklinga.
Því miður eru alltof oft fréttir í
fjölmiðlum um íslendinga sem
stela, brjótast inn, fremja alls kyns
ofbeldi eins og sifjaspell, nauðgun,
morð, og aðrar misþyrmingar auk
skattsvika, svindls o.s.frv. Við
gætum ekki lifað hér ef við mynd-
um hugsa um íslendinga sem ein-
göngu glæpamenn og bófa út frá
þessum daglega fréttaflutningi.
Okkur finnst að skorti á umburðar-
lyndi og ali á kynþáttahatri þegar
árásarmönnum er lýst fyrst og
fremst í fréttum sem „þeldökkur
maður“, „unglingspiltur ættaður
frá Tælandi" eða „meðlimur í ví-
etnömsku mafíunni". Það er ekki
öllum gert jafnhátt undir hatti á
þessu sviði. Við heyrum aldrei um
„hvítan, ljóshærðan kristinn pilt
ættaðan frá Dalvík“. Okkur sámar
þegar við heyrum slíkar lýsingar
sem tengja saman uppruna fólks
við eitthvert athæfi, eins og það
sé orsakasamband þar á milli. Jafn-
vel í jákvæðum fréttum um útlend-
inga, eins og nýlega um ungan
mann frá Rússlandi sem spilaði
fyrir krabbameinssjúklinga í Hlíð-
ardalsskóla og var kynntur sem
„gyðingastrákur". Að beina alltaf
athygli að því sem greinir fólk í
sundur í staðinn fyrir að líta á alla
jafna sem menn, hjálpar ekki.
Það er einlæg ósk okkar að fjöl-
miðlafólk sýni meiri tillitssemi og
spyiji sjálft sig hvort svona lýsing-
ar endurspegli ábyrga og sann-
gjarna fréttamennsku.
Við erum stjórnarmeðlimir í
SONI (Society of New Icelanders)
eða Félagi nýrra íslendinga sem
er eitt af mörgum félögum útlend-
inga á íslandi. í SONI er fólk frá
ca 20 mismunandi löndum og er
aðalmarkmið félagsins að efla
skilning milli fólks af öllu þjóðerni
sem á Islandi býr, með auknum
menningarlegum og félagslegum
samskiptum.
STJÓRN SONI;
Hope Knútsson, Robert S. Robertson,
Barbara Kristvinsson, Yvonne Morris,
Lesley Ágústsson og Geoffrey
Pettyplece.
Bílbeltin
Skilvirkar inn-
heimtuaðferðir
Frá Friðriki Einarssyni:
SUNNUDAGINN 1. september sl.
birtist sú frétt í Morgunblaðinu að
lögreglan á Snæfellsnesi hefði orðið
að kæra um 40 bílstjóra á einum
degi fyrir að spenna ekki bílbeltin
í akstri, sem er skylt.
Mig langar að segja stutta sögu:
Fyrir um 20 árum vorum við
hjónin í Kaupmannahöfn. Dag
nokkurn ók svilkona mín okkur í
bæinn. Ég settist við hlið hennar í
framsætið og konumar spenntu
strax beltin. Eg spurði: „Á ég líka
að spenna belti hér í framsætinu?"
„Þú þarft þess ekki. En þá skal ég
segja þér hvað skeður. Eftir
skamma stund verðum við stöðvuð.
Lögregluþjónn kemur að gluggan-
um mín megin, býður góðan dag,
bendir á lausa beltið þitt, tekur upp
kvittanahefti og byijar að fylla út,
um leið og hann segir: „Það eru
200 krónur".
„En ef þú segist ekki hafa neina
peninga á þér,“ segi ég. „Þá biður
hann mig um bíllyklana, og segist
aka bílnum niður á lögreglustöð og
þar geti ég leyst hann út hvenær
sem er. Og ef ég spyr, hvort hann
geti ekki skotið mér heim til að
sækja peninga, segist hann ekki
mega það, „en þér megið sitja í og
fara út hvar sem yður sýnist á leið-
inni.“
Auðvitað spennti ég beltið mitt.
Af hveiju tökum við ekki upp
þessa innheimtuaðferð hér? Og ég
meina bókstaflega. Ekki bara að
„látast“ og segja: „Jæja, við slepp-
um því núna“.
Auk þess legg ég til að þessar
sektir gangi til reksturs lögreglunn-
ar, sem er í fjársvelti, en ein þarf-
asta og bezta stofnun þjóðfélagsins.
FRIÐRIK EINARSSON,
Hæðargarði 53, Reykjavík.
THAT'S A NICE 5HIRT VOU'RE UJEARIN6, RERUN.._ THANK m.ACTUALLY, IT U5BD T0 BEL0N6 TO LINUS.. 1M THE Y0UN6E5T 50 ALL I 6ET _ARE TMR0W-UP5..
iá? ’■) '
En hve þú ert í snot- Þakka þér fyrir, í raun- Eg er yngstur svo
urri skyrtu, Rabbi... inni átti Lalli hana. að allt sem ég fæ
eru aflógaflíkur.
o
S
Hvað skal segja? 12
Væri rétt að segja: Veitt var fé til lagningu nýs vegar?
Svar: Kvenkyns nafnorð, sem enda á -ing í nefnifalli, enda á -ar
í eignarfalli (ekki á -u). Þess vegna er sagt: rigningar-skúr, kerl-
ingar-skinnið, drottningar-bragð og Veitt var fé til lagningar nýs
vegar.
MORGUNBLAÐIÐ, Kringlunni 1, 103 Reykjavik. SÍMAR: Skiptiborð: 569 1100. Auglýsingar:
569 1111. Áskriftir: 569 1122. SÍMBRÉF: Ritstjðrn 569 1329, fréttir 569 1181, íþróUir 569 1156,
sérblöð 569 1222, auglýsingar 569 1110» skrifstofa 568 1811, gjaldkeri 569 1115. NETFANG:
MBL@GENTRUM.-IS / Áskriftargjald 1.700 kr. á mánuði innanlands. llausasölu 125 kr. eintakið.