Morgunblaðið - 11.10.1996, Blaðsíða 14
14 FÖSTUDAGUR 11. OKTÓBER 1996
MORGUNBLAÐIÐ
AKUREYRI
JAKOB Thorarensen og Haukur Karlsson við vél sem flettir birkinu af staurunum, en þeim er svo
komið fyrir í stæðum í góðri geymslu og þurrkaðir til vors.
Grisjunarefni verður
að girðingarstaurum
ljúka við gerð þriggja kílómetra
gönguleiðar sem tengir Kjarna-
skóg við Nausta- og Hamraborg-
ir, en Rafveita Akureyrar gaf á
sínum tíma lýsingu á þeirri leið.
„September var hlýjasti mánuð-
ur sumarsins og það höfum við
notfært okkur óspart, en erum
nú farin að huga að haust- og
vetrarverkunum.“ Senn hvað líð-
ur verður farið að höggva
stærstu jólatrén en skógræktar-
menn eru þegar byrjaðist að
merkja þau jólatré sem höggvin
verða á þessu hausti.
Mikið gróðursett á vegum
bændaskógræktar
Um 30 þúsund plöntum var í
sumar plantað í reiti Skógrækt-
arfélags Eyfirðinga og þá gat
Hallgrímur þess að mikið hefði
verið gróðursett á vegum bænda-
skógræktar. „Það var óvenju
mikið um gróðursetningu hér á
svæðinu á þessu blíða sumri,“
sagði Hallgrimur.
STARFSMENN Skógræktarfé-
lags Eyfirðinga hafa síðustu
daga verið að grisja í reitum fé-
lagsins, einkum á Miðhálsstöðum
og í Vaðlareit og eru nú í óða
önn að breyta þessu grisjunar-
efni í girðingarstaura.
Hallgrímur Indriðason fram-
kvæmdastjóri segir að stauramir
verði notaðir í þágu félagsins og
seldir ef eitthvað verður af-
gangs. Til stendur að friða um
80 hektara lands að Hálsi í Eyja-
fjarðarsveit og verða staurarnir
sem nú er verið að gera í Kjarna-
skógi notaðir við það verkefni.
Að Hálsi hefur félagið úthlutað
einstaklingum og félagasamtök-
um spildum til skógræktar. Áður
hefur álíka stórt svæði að Hálsi
verið friðað. Hallgrímur áætlar
að í sumar hafi verið plantað um
10 þúsund plöntum á svæðinu.
„Haustið hefur verið eintak-
lega gott til framkvæmda og
okkur unnist vel,“ sagði Hall-
grímur, en nú er m.a. verið að
Morgunblaðið/krstján
TRÉ verður að girðingarstaur,
Helgi Þórsson beitir söginni af
fagmennsku.
Stjórnkerfi
bæjarins verði
endurskoðað
SIGRÍÐUR Stefánsdóttir, bæjar-
fulltrúi Alþýðubandalagsins, lagði
fram á fundi bæjarráðs í gær, til-
lögu um kosningu stjórnkerfis-
nefndar. Nefndin verði skipuð fjór-
um bæjarfulltrúum og er henni
ætlað að endurskoða í heild stjórn-
kerfi Akureyrarbæjar.
í tillögunni er jafnframt lagt
til að nefndin leggi fram tillögur
um breytingar á nefndakerfi bæj-
arins og einnig á skiptingu bæjar-
kerfisins í deildir og svið eftir því
sem þurfa þykir. Nefndinni er
ætlað að skila tillögum sínum að
breytingum á „Samþykkt um
stjórn Akureyrarbæjar" fyrir árs-
lok 1997. Bæjarráð samþykkti að
vísa tillögu Sigríðar til bæjar-
stjórnar.
Mikil breyting
á verkefnum bæjarins
í greinargerð með tillögunni
kemur meðal annars fram að síð-
asta heildarendurskoðun á stjórn-
kerfi bæjarsins hafi farið fram á
seinni á hluta kjörtímabilsins
1986-1990. í kjölfar þess starfs
sem þá var unnið var meðal ann-
ars samþykkt að fækka nefndum
umtalsvert og einnig var ákveðin
sú þrískipting bæjarkerfísins í svið
sem nú er í gildi.
Sigríður bendir á að síðan þessi
endurskoðun fór fram hafí orðið
mikil breyting á verkefnum bæjar-
ins, fyrst og fremst vegna yfirtöku
grunnskólans og yfirfærslu verk-
efna vegna samninga sem Akur-
eyrarbær hefur gert innan ramma
reynslusveitarfélagaverkefnisins.
Mikill munur
á umfangi verkefna
„Vegna þessa og eðlilegrar
þróunar, reynslu og breytinga á
hugmyndum hafa ýmsar beinar og
óbeinar tillögur komið fram um
breytingar á stjórnkerfinu, nokkr-
ar breytingar hafa verið gerðar,
aðrar eru í augsýn og enn aðrar
boðaðar. Mikill munur er á um-
fangi þeirra verkefna sem nefndum
bæjarins er ætlað að fjalla um og
bera ábyrgð á - og það sama má
reyndar segja um deildirnar. Einn-
ig hafa breytingar eða tillögur til
breytinga á deildum og nefndum
ekki fylgst að. Tilraunir til að gera
bæjarkerfið „opnara og skilvirk-
ara“ ættu að vera hluti af reynslu-
sveitarfélagaverkefninu, þar hefur
skipulag stjórkerfisins sitt að
segja,“ segir Sigríður enn fremur
í greinargerð sinni.
Gott ástand í
verðmerkingnm
NEYTENDASAMTÖKIN og
Samkeppnisstofnun hafa frá i vor
haft með sér samvinnu um að
stuðla að bættum verðupplýsing-
um og verðmerkingum með eftir-
litsheimsóknum í verslanir og
þjónustufyrirtæki víðs vegar um
landið. Nú í vikunni náðist sá
góði árangur að af um 100 versl-
unum á Akureyri er einungis ein
sem Neytendafélaginu er kunn-
ugt um að hafi ekki góðar verð-
merkingar í útstillingagluggum
sínum. Að sögn eiganda viðkom-
andi verslunar stendur það þó til
bóta mjög fljótlega.
Vegagerð yfir Fljótsheiði gengur
samkvæmt áætlun
Vinnum eins lengi
og veður leyfir
FRAMKVÆMDIR við nýjan veg,
Hringveg, Fosshóll-Aðaldalsvegur
yfir Fljótsheiði ganga samkvæmt
áætlun en verið er að vinna við fyrsta
áfanga vegarins. Háfell í Reýkjavík
er verktaki við vegaframkvæmdirn-
ar og segir Einar Eiðsson verkstjóri
að verkið hafi unnist vel í haust,
enda einstök veðurblíða verið ríkj-
andi frá því hafíst var handa við
vegagerðina um miðjan ágúst.
Alls er vegurinn 9,9 kílómetrar
að lengd og er áætlað að verkinu
ljúki í ágúst 1998. Kostnaðaráætlun
Vegagerðarinnar hljóðaði upp á
187,7 milljónir króna, en tilboð Há-
fells er upp á 133 milljónir króna,
sem er 71% af áætluðum kostnaði.
Um er að ræða stærsta einstaka
verktakasamning Vegagerðarinnar
á Norðuriandi frá því að unnið var
við göngin í Ólafsfjarðarmúla.
50 tonna Búkollur
á ferðinni
Um 15 manns starfa við vega-
gerðina og hafa þeir yfír að ráða
stórvirkum vinnuvélum, 6 gijót-
trukkum sem vega um 50 tonn full-
hlaðnir en þá kalla vegagerðarmenn
Búkollur, einnig eru tvær gröfur og
þrjár jarðýtur á svæðinu.
Þeir voru uppi á miðri heiðinni í
gærdag, skömmu áður en farið var
heim í helgarfrí, en hvert úthald hjá
flokknum stendur í ellefu daga og
er unnið frá 8 um morguninn til kl.
21 um kvöldið. „Við vinnum okkur
til beggja átta og erum búnir að
setja okkur ákveðið markmið sem
við ætlum að reyna að ná áður en
við hættum í haust. Við ætlum að
vinna við þessa vegagerð eins lengi
í haust og veður leyfír, sem vonandi
verður eitthvað fram í nóvember,“
segir Einar.
Þá er ætlunin að bytja strax og
veður leyfir aftur í vor, en Einar
segir að mikið verði um að vera í
vegagerðinni næsta sumar. „Þá
verður mesti krafturinn í þessu verk-
efni.“
Efnið í veginn er við höndina en
gert er ráð fyrir að alls verði keyrð-
ir út um 400 þúsund rúmmetrar í
undirlag vegarins. Á miðri heiðinni
er mýrlendi og er gert ráð fyrir að
meðalsig á ákveðnum kafla verði
um 1,80 metrar þar sem það er
mest.
HÁFELL notar stórvirkar vinnuvélar við vegagerðina á Fljóts-
heiði, en grjóttrukkarnir vega um 50 tonn fullhlaðnir og starfs-
mennimir kalla þá Búkollu.
EINAR Eiðsson verksljóri á leiðinni til að ræða við Björn ýtu-
stjóra um framkvæmd verksins við vegagerðina.
Presturinn
á beinið?
EFTIR guðsþjónustu í Akureyrar-
kirkju næstkomandi sunnudag
verður boðið upp á molasopa í safn-
aðarheimili kirkjunnar. Þar gefst
kirkjugestum færi á að ræða préd-
ikunartexta dagsins, tjá sig um
ræðuna eða taka prestinn á beinið
hafí enginn skilið það sem hann var
að segja.
Texti næsta sunnudags er úr
Matteusarguðspjalli, 9. kafla, v.
1.-8., vilji menn undirbúa sig fyrir
guðsþjónustuna og koma vel lesnir
í molasopann og umræðurnar við
sóknarprestinn.
Takist vel til er ætlunin að drekka
fleiri slíka sopa eftir guðsþjónustur
í Akureyrarkirkju og spjalla um
ræður sóknarprestanna.
------♦ ♦ ♦----
Lögreglan brýn-
ir klippurnar
FJÖLMARGIR bíleigendur á Akur-
eyri hafa enn ekki gert upp bifreiða-
gjöld ársins og því eru lögreglu-
menn farnir að brýna klippurnar
og hyggja á aðgerðir eftir helgi.
Talsvert er útistandandi af
ógreiddum bifreiðagjöldum og þeir
sem ekki hafa gert upp skuldir sín-
ar fyrir nk. mánudagskvöld, mega
eiga von á því að koma að bílum
sínum án númers í framhaldinu.