Morgunblaðið - 11.10.1996, Blaðsíða 21

MORGUNBLAÐIÐ
FÖSTUDAGUR 11. OKTÓBER 1996 21
Reuter
Clarke stal senunni
KENNETH Clarke, fjármálaráð-
herra Bretlands, kom, sá og sigr-
aði á flokksþingi íhaldsflokksins
í gær. Flutti hann þar mikla ræðu,
„þá bestu nokkru sinni“ að
margra dómi, og að henni lokinni
stóðu þingfulltrúar upp og klöpp-
uðu fyrir honum í fimm mínútur.
Voru stuðningsmenn hans afar
ánægðir með viðtökumar en þeir
óttuðust, að fremur köldu myndi
anda til hans á þinginu vegna
yfirlýsinga hans um Evrópumálin
og hugsanlegar skattalækkanir.
Clarke er Evrópusinni og hann
þvertekur fyrir að lækka skatta
til þess eins að auka sigurlíkur
flokksins í næstu kosningum.
Sumir fulltrúanna á þinginu
kváðust enn hafa áhyggjur af
því, að Clarke væri umhugaðra
um að uppfylla fyrirmæli Maas-
trieht-sáttmálans um aðhaldssöm
fjárlög en að lækka skatta eins
mikið og unnt væri. Þeir kváðust
þó ánægðir með, að Clarke skyldi
tilbúinn til að fylgja stefnu
stjórnarinnar varðandi EMU,
evrópska myntbandalagið, sem
felst í því að „bíða og sjá til“.
Clarke olli miklu uppnámi meðal
Evrópuandstæðinga í Ihalds-
flokknum þegar hann sagði í síð-
asta mánuði, að það væri „ömur-
legt“ ef Bretar hikuðu til síðustu
stundar og stykkju þá um borð
í EMU-vagninn. Hér tekur
Clarke við fagnaðarlátum þing-
fulltrúa ásamt John Major for-
sætisráðherra.
Evrópuþingskosningar í Austurríki
Stóru flokkarnir
með sama fylgi
Vín. Reuter.
TVEIR stærstu stjórnmálaflokk-
arnir í Austurríki, Jafnaðarmanna-
flokkurinn og Þjóðarflokkurinn,
njóta sama stuðnings meðal kjós-
enda fyrir Evrópuþingskosningarn-
ar á sunnudag en næstum helming-
ur kjósenda er enn óákveðinn. Kem-
ur þetta fram í skoðanakönnun, sem
birt var í gær.
Samkvæmt könnuninni, sem Gall-
up gerði fyrir fréttatímaritið News,
hafa báðir flokkarnir 31% en jafnað-
armenn fengu 38% atkvæða í þing-
kosningunum í desember fyrir tæpu
ári og Þjóðarflokkurinn 28%. Telur
tímaritið, að helsta skýringin á fylg-
isaukningu Þjóðarflokksins sé vin-
sældir þekktasta Evrópuþingsfram-
bjóðanda hans, Ursulu Stenzels, en
hún er kunn úr sjónvarpi.
Frelsisflokkur hægrimannsins
Jörg Haiders fær 24% atkvæða
samkvæmt könnuninni, græningjar
átta prósent og Fijálslyndi flokkur-
inn sex.
Óánægjan gagnast Haider
Um 46% kjósenda kváðust ekki
hafa gert upp hug sinn en talið er,
að óánægja margra með stóru
flokkana, sem eru saman í stjórn,
geti orðið vatn á myllu Frelsis-
flokksins. Kom það fram hjá tveim-
ur þriðju hinna óákveðnu, að þeir
vildu veita ríkisstjórninni ráðningu.
5,8 átta milljónir manna eru á
kjörskrá í þessum fyrstu Evrópu-
þingskosningum í Austurríki síðan
það varð aðili að Evrópusamband-
inu á síðasta ári.
ERLEIMT
Kappræður varaforsetaframbjóðenda 1 Flórída
Gore þótti standa
sig betur en Kemp
Reuter
JACK Kemp, varaforsetaefni repúblikana, og A1 Gore varafor-
seti takast í hendur fyrir kappræður sínar í Flórída á miðviku-
dagskvöld.
St. Petersburg, Flórída. Reuter.
AL Gore, varaforseti Bandaríkj-
anna, og Jack Kemp, varaforseta-
efni repúblikana, háðu á miðviku-
dagskvöld kappræður, þar sem
tölfræðin réð ríkjum og prúð-
mennska og kurteisi voru í fyrir-
rúmi, þótt skoðanamunur hefði
verið nokkur, sérstaklega í skatta-
málum og um fóstureyðingar.
Samkvæmt þremur skoðanakönn-
unum töldu þeir sem fylgdust með
vioureign þeirra Gore hafa vinn-
inginn.
Búist hafði verið við því að
Kemp mundi nota tækifærið til
að veitast að Bill Clinton forseta
og gera persónu hans að umræðu-
efni, en svo fór ekki. Hins vegar
virtist hann gera sér far um að
taka ekki undir eða ganga lengra
en Bob Dole, forsetaframbjóðandi
repúblikana, hefur gert í kosn-
ingabaráttunni. Tók hann til
dæmis ekki undir áskoranir Doles
um að binda enda á aðgerðir ríkis-
ins til að jafna rétt allra þjóð-
félagshópa og gekk lengra en
Dole í skattamálum þegar hann
lagði til að í framtíðinni yrði að-
eins eitt, 25% skattþrep.
Gore reyndi að draga fram að
Kemp hefði iðulega verið ósam-
mála Dole áður en hann varð með-
frambjóðandi hans. Kemp sakaði
Gore um að vera málsvara stöðn-
unar og styðja úrelt skattafyrir-
komulag.
Kemp, sem er 61 árs fyrrver-
andi þingmaður og atvinnumaður
í ruðningi, sagði að hann greindi
aðeins á um tvennt við framboð
Clintons og Gores: „Það eru utan-
ríkismál og innanríkismál."
Forsmekkurinn að árinu 2000?
Stjórnmálaskýrendur höfðu
margir beðið þessara kappræðna
með eftirvæntingu. Sennilegt er
talið að þessir tveir menn, Gore
og Kemp, muni sækjast eftir út-
nefningu flokka sinna til forseta-
framboðs að fjórum árum liðnum
og var því litið á kappræðurnar,
sem fóru fram í St. Petersburg í
Flórída, sem forsmekkinn að því,
sem koma skyldi.
Ólíklegt er hins vegar talið að
þessar kappræður muni hafa áhrif
á kjósendur. Þetta verða einu
kappræður Gores og Kemps, en
Clinton og Dole munu leiða saman
hesta sína á ný um miðjan mánuð.
Samkvæmt könnun sjónvarps-
stöðvarinnar CBS voru 48% þeirrar
hyggju að Gore hefði staðið sig
betur, 31% sagði að Kemp hefði
haft vinninginn, 13% sögðu að leik-
ar hefðu farið jafnt og 8% höfðu
enga skoðun á málinu.
I öðrum könnunum varð niður-
staðan sú sama, að Gore hefði
haft betur, en munurinn ýmist
minni eða meiri.
Danska þingið setur lög
gegn bifhjólasamtökum
Kaupmannahöfn. Reuter.
DANSKA þingið samþykkti í gær-
kvöldi fyrsta lagafrumvarpið af
mörgum, sem beinlínis er beint
gegn starfsemi bifhjólagengja á
borð við Bandidos og Vítisengla,
sem borist hafa á banaspjót á
Norðurlöndum undanfarin ár.
Samkvæmt lögunum fær lög-
regla heimild til að banna liðs-
mönnum bifhjólagengjanna að
safnast saman í félagsheimilum
sínum eða öðrum húsum, sem ætla
mætti að kynnu að sæta árás af
hálfu óvinagengis, en þar með yrði
Iífi saklausra borgara stefnt í
hættu.
„Þessi ráðstöfun eykur öryggi
þeirra sem búa í nágrenni við víg-
hreiður Bandidos og Vítisengla,“
sagði Björn Westh, dómsmálaráð-
herra, að þingsamþyktinni lokinni.
Westh hét frekari lagasetningu
í nóvember nk., m.a. setningu laga
sem veita myndu lögreglu víðtækar
heimildir til að leita í húsum og
mannvirkjum og hlera síma án
þess að þurfa áður að afla sér-
stakra heimilda hjá dómara.
Ennfremur boðaði Westh, að lög
um ólögmætan vopnaburð yrðu
hert, en nú liggur aðeins tveggja
til íjögurra mánaða refsivist í fang-
elsi við brotum af því tagi.
S M I Ð I R N I R
SÝNING 28.sept-19.Okt.
/ ♦ ♦
Ulfar Orn sýnir
málverk og smámyndir
undir þökum
Húsasmið j unnar.
HUSASMIÐJAN
ATHUGIÐ AÐ SÝNINGIN ER í AÐALVERSLUN HÚSASMIÐJUNNAR, SKÚTUVOGI 16 OG PLÖTUHÚSl SÚÐARVOGl 3 - 5.