Morgunblaðið - 11.10.1996, Blaðsíða 19
MORGUNBLAÐIÐ
FÖSTUDAGUR 11. OKTÓBER 1996 19
URVERINU
Morgunblaðið/Hlér Guðjónsson
SIGURÐUR Einarsson frá Vestmannaeyjum með íslenska loðnu
í japönskum stórmarkaði, en loðna er mikilvægasta söluvara SH
í Japan. Allir pakkarnir eru á sama verði, en eftir því sem loðn-
an er stærri þvi hærra er kílóverðið og munar þar mjög miklu.
Því eru pakkarnir með stærstu loðnunni léttastir.
það byggjast að mestu leyti á því
að vélvæða ferlið eins mikið og
kostur væri, umfram það sem væri
í verksmiðjum í Japan.
Jón Þórðarson, stjórnarformað-
ur ÚA, hefur kynnt sér vel úrval
fisktegunda í neytendavöruversl-
unum í Japan og taldi það hvergi
jafn mikið í heiminum. „Ég held
að hvergi annars staðar hafi fisk-
urinn þá staðsetningu í matvöru-
verslunum sem hann hefur í Jap-
an. Fiskinum er komið fyrir á sama
stað og mjólkurvörum er komið
fyrir á Islandi. Þvi sem allir kaupa
er komið fyrir innst í versluninni
til þess að leiða menn framhjá hin-
um vörunum. Það er ekki óvana-
legt að sjá um 90-100 metra af
kæliborðum og frystiborðum sem
fyrst og fremst eru full af pökkuð-
um sjávarafurðum. Til samanburð-
ar má nefna að það besta, sem ég
hef séð í Evrópu eru e.t.v. 20
metrar. Allavega er úrvalið, ef við
teljum það í metrum, fimm sinnum
meira og ef við berum saman
gæðin þá er munurinn ennþá meira
sláandi. Þetta er svo miklu betra
að það er nánast ekki hægt að
bera það saman. Það sem vekur
e.t.v. mestan áhuga hvað markað-
inn varðar er hve vöruúrvalið er
stórfenglegt og hve stóran sess
sjávarafurðir skipa í hjörtum neyt-
enda. Við sáum til kaupenda, sem
gengu framhjá öllu öðru í verslun-
inni til þess að kaupa fisk fyrst
af öllu. Þetta segir okkur að við
erum að fást við þjóð, sem er ekk-
ert um það bil að hætta að kaupa
fisk. Þetta er og mun vafalaust
halda áfram að vera einn af mikil-
vægustu mörkuðunum fyrir sjávar-
afurðir og við verðum að einbeita
okkur staðfastlega að því að sinna
honum vel, í samræmi við stöðu
hans á heimsmarkaði. Ef við ætlum
að ná meiri árangri þurfum við að
ná þekkingunni sem Japanir búa
yfir í sambandi við meðferð mat-
væla, inn í fyrirtækin hjá okkur.“
Gjörnýta hráefnið
Rakel Olsen, framkvæmdastjóri
Sigurðar Ágústssonar hf. í
Stykkishólmi, taldi mjög merkilegt
hve Japanir nota margt af því sem
hent er á íslandi og hvernig þeir
gjörnýta hráefnið. Hún nefndi að
á fiskmarkaðinum í Tókýó væru
t.d. seldir fiskuggar, þurrkaðir og
pakkaðir í neytendaumbúðir, ann-
aðhvort sem skraut eða snakk.
„Það er alveg ljóst að Japanir borða
margar tegundir, sem við höfum
aldrei reynt að vinna. Til dæmis
rakst ég á þurrkaða marglyttu, en
það er tegund sem ég veit ekki til
að nokkurn tíma hafi verið gerðar
tilraunir til að nýta. Hvort það
hentar okkar skipum eða vinnslu-
húsum er svo allt annað mál. Á
fiskmarkaðinum í Tókýó sá ég líka
margar tegundir af skelfiski, sem
ekki eru unnar á Islandi ennþá,
þó trúlega liggi þar miklir mögu-
leikar. A sumum þessara tegunda
eru þegar hafnar tilraunir. Svipaða
sögu er að segja um hrognin, það
er greinilega markaður fyrir allar
—£
r i — ——
HOFÐI
£ GORBATSJOV §
mögulegar tegundir hrogna úr
fiskum, sem við nýtum ekki á ís-
landi ennþá, tegundir sem bjóða
upp á mikla möguleika. En það er
auðvitað ekki neitt sem hægt er
að gera án ýtarlegra athugana.
Við þurfum að kanna það og skoða
betur.“
Þorsteinn Pálsson, sjávarút-
vegsráðherra, átti viðtöl við jap-
önsk stjórnvöld um samskipti land-
anna á ýmsum sviðum sjávarút-
vegsmála. Hann hitti einnig jap-
anska kaupendur íslensks sjávar-
fangs og skoðaði fiskvinnslufyrir-
tæki, sem m.a. vinna úr íslenskri
vöru. Hann sagði að það hefði ver-
ið mjög fróðlegt að sjá hve virkur
markaðurinn væri og á hvern hátt
Japanir ynnu úr íslenskum afurð-
um. „Þessi markaður er geysilega
flókinn og viðkvæmur, en hér eru
miklir möguleikar. Við eigum ör-
ugglega eftir að eiga hér mjög
mikil viðskipti og hér eru mögu-
leikar fyrir frekari vöruþróun. Þó
að það sé alltaf vandasamt að
koma meira unninni vöru inn á
markað sem þennan, er ég sann-
færður um það eftir þessa heim-
sókn að við eigum slíka mögu-
leika."
Gætu keypt hvalaafurðir
„Ef við lítum á hinn bóginn á
þau samtöl, sem ég hef átt við sjáv-
arútvegsráðuneytið, ítrekuðu jap-
önsk stjórnvöld áhuga sinn á því
að við gengjum aftur í Alþjóðahval-
veiðiráðið. Þeir tóku það sérstak-
lega fram aðspurðir að ef hvalveið-
ar hæfust á íslandi, gætu þeir
keypt hvalaafurðir ef við gengjum
í ráðið á nýjan leik. En það er
auðvitað ekki þar með sagt að
vandinn sé leystur. Við ræddum
líka viðskiptamál. Ég óskaði eftir
því að þeir tækju til endurskoðunar
innflutningskvóta sem hér er.
Hingað til hefur það ekki haft telj-
andi áhrif á íslenskar afurðir, því
hann varðar fyrst og fremst síld-
og Jjorskafurðir.
Ég er bjartsýnn á áframhald-
andi uppgang japanska markaðar-
ins. Það er engin tilviljun að hér
hefur verið mestur vöxtur í útflutn-
ingi á íslenskum sjávarafurðum og
ég er viss um að við getum flutt
hingað meira af fullunninni vöru.
Þó að auðvitað taki það tíma að
þróa slíkt, er ég sannfærður um
að það muni takast. Það er mjög
mikilvægt að við ræktum þennan
markað vel.“
OPINN ALMENNINGI
Helgamar 12.-13. og 19.-20. október gefst fólki kostur
á að skoða húsið Höfða í Reykjavík frá kl. 11.00 - 17.00.
í tilefni að nú eru 10 ár frá því að leiðtogafundur Reagans
og Gorbatsjov var haldinn í húsinu.
Leiðsögn verður um húsið þessa fjóra daga á klukkustundar
fresti frá kl. 11.00 - 16.00.
7
.m
H ö P P D IfyŒ +1 Í
H j ARTA -
VERHDAR
|Hi(iV0iWinM®ibib
Stóra skriðdýrasýningin
veikomín Tropical Zoo í heimsókn
Fjölbreytt safn af
óvenjulegum, lifandi
dýrum úr öll-
.. um heims-
hornum
Miöaverö:
Börn kr. 500
Fullorðnir kr. 600
JL-Húsið v/Hringbraut
2.hæð, 1000 (fm) sýningarsalur
5. - 27. október.
Opið virka daga kl. 12-20;
laugardaga og sunnudaga frá kl. 12-19
Lifandi hitabeltisdýr:
Risasnákar, eitursnákar,
eðlur, skjaldbökur, sporðdrekar,
kóngulær o.s.frv.
Hitabeltisfiðrildi í hundraðatali
Upplýsingar gefur Gula línan - sími 562-6262