Morgunblaðið - 11.10.1996, Blaðsíða 10
10 FÖSTUDAGUR 11. OKTÓBER 1996
MORGUNBLAÐIÐ
FRÉTTIR
Hæstiréttur fellir dóm í landamerkjamáli
Ölfushreppur á ekki
skíðasvæðið í Bláfjöllum
HÆSTIRÉTTUR hefur staðfest
niðurstöðu Héraðsdóms Suður-
lands frá síðasta ári í landamerkja-
máli, sem Ölfushreppur höfðaði
vegna markalínu um Bláfjalla-
svæðið. Fallist var á kröfur sveit-
arfélaga á höfuðborgarsvæðinu og
þýðir niðurstaðan því að Bláfjalla-
svæðið og þar með talin skíða-
svæði þar, teljast ekki til Ölfus-
hrepps.
Ölfushreppur höfðaði mál gegn
Reykjavíkurborg, Seltjarnarnes-
kaupstað, Kópavogskaupstað,
Garðabæ, Bessastaðahreppi,
Hafnarfjarðarkaupstað, eiganda
jarðarinnar Vatnsenda og öðrum
þeim sem telja til beins eða óbeins
eignarréttar að landamerkjum,
sem fram komu í dómkröfum
hreppsins.
Engin andmæli á liðnum öldum
Hreppurinn hefur talið sig hafa
eignarrétt á afréttarlandi sínu og
litið svo á, að sá réttur helgaðist
af hefð og venjum frá ómunatíð.
Fyrir hönd hreppsins var bent á,
að ekki hafí komið fram nein and-
mæli gegn þessum eignarrétti á
liðnum öldum, fyrr en á allra síð-
ustu árum. Andmæli þessi, af
hálfu sveitarfélaga vestan ijalls í
Gullbringu- og Kjósarsýslu, hafi
ekki raskað á neinn hátt eignar-
rétti hreppsins að afréttinum,
þ.á m. á Bláfjallasvæðinu.
Héraðsdómur leit til gamalla
uppdrátta, afréttarnota, sem hvor
málsaðili um sig hefði haft af
þrætulandinu, fjallskila og hvaða
mörk teldust hagkvæm, þegar
hann ákvarðaði landamörkin.
Hæstiréttur segir í niðurstöðu
sinni, að þau mörk, sem dregin
séu í héraðsdómi, séu glögg af
völdum náttúrunnar og samrým-
ist þeim eldri lýsingum, sem eink-
um verði að líta til. Bláfjalla-
hryggurinn skeri sig úr í landslag-
inu og sé markalína um hann
hæstan eðlilegt framhald þess
merkjapunkts, sem aðilar séu
ásáttir um að Vífilsfelli. Þá skipti
sköpum, þegar lína sé dregin úr
suðurenda Bláfjalla, að Litla-
Kóngsfell hafi verið ákvarðað sem
merkjapunktur. Dóminn kváðu
upp hæstaréttardómararnir Har-
aldur Henrysson, Garðar Gísla-
son, Guðrún Erlendsdóttir, Hjört-
ur Torfason og Pétur Kr. Haf-
stein.
, Morgunblaðið/Ásdís
HALLDÓR Asgrímsson utanríkisráöherra afhendir forsvars-
mönnum söfnunarinnar framlag ríkissljórnarinnar.
Safnað fyrir stúd-
enta í Sarajevó
„STÚDENTAR hjálpa stúdent-
um“ eru kjörorð söfnunar sem
stúdentar í Háskóla íslands
hrundu af stað í gær fyrir há-
skólastúdenta í Sarajevó í Bos-
níu. Söfnunin hófst formlega
með því að Halldór Ásgrímsson
utanríkisráðherra afhenti for-
svarsmönnum söfnunarinnar
framlag ríkisstjórnarinnar til
átaksins, 1,5 milljón króna. Við
það tækifæri sagði hann aðstoð
íslenskra stúdenta gott for-
dæmi og m.a. þess vegna hefðu
stjórnvöld ákveðið að leggja
þeim lið í þessu. Miroslav
Manojlovic, fyrrverandi stúd-
ent í Háskólanum I Sarajevó
og enskunemi í HÍ, þakkaði
fyrir stuðning íslenskra stúd-
enta.
Stúdentaráð HÍ og nokkur
stúdentaskiptafélög standa að
söfnuninni en markmiðið með
henni er að afla fjár og safna
námsbókum, ritföngum eða
tækjum sem nýtast í kennslu
og námi. Að sögn Einars Skúla-
sonar, framkvæmdastjóra SHI,
hafði í gær þegar tekist að
safna 5 ljósritunarvélum, 40
tölvum og glás af námsbókum.
Hann segir þó að betur megi
ef duga skal og í dag verður
safnað meðal almennings.
Stúdentar ætla að hafast við á
Ingólfstorgi í tjaldi frá kl.
14-17 og safna um leið og þeir
skemmta sér og vegfarendum
með ýmsum uppákomum. Þá
verða rósir seldar í nokkrum
verslunarmiðstöðvum. Um eitt
hundrað stúdentar úr öllum
deildum Háskólans koma að
söfnuninni með einum eða öðr-
um hætti.
Garðabær - Hæðahverfi
- einbýli - tvöfaldur bílskúr
Vorum að fá í sölu nýtt, fallegt einbýlishús á einni hæð með
tvöföldum bílskúr. Húsið er vel skipulagt með 4 stórum
svefnherb., stofu með útgang í suðurgarð. Innangengt í
bílskúr. Áhv. húsbréf 9,9 millj. Verð 14,5 millj. 2076.
VALHÖLL,
Mörkinni 3, sími 588 4477.
Frumvarp um úthafsveiðar endurflutt
Ráðherra segir
lagasetningu áríðandi
ÞORSTEINN Pálsson, sjávarútvegs-
ráðherra, mælti í gær fyrir frum-
varpi til laga um fiskveiðar utan
lögsögu íslands, en frumvarpið var
fyrst flutt á síðasta þingi. Eini hluti
þess, sem þá hlaut afgreiðslu, var
ákvæði um gjaldtöku fyrir eftirlit
með skipum við veiðar utan lögsög-
unnar. Frumvarpið var mjög um-
deilt er það var á dagskrá í vor og
þótt gerðar hafi verið allnokkrar
breytingar á því var gagnrýni á það
mikil við endurflutning þess.
Þorsteinn sagði brýnt, að iög á
þessu sviði yrðu afgreidd fljótt,
vegna þess að núgildandi lög væru
hvergi nærri viðhlítandi. Stjórnvöld
þyrftu á skýrum lagastoðum að
halda til að geta sett nauðsynlegar
reglur um veiðar bæði úr íslenzkum
deilistofnum og um veiðar íslenzkra
skipa á alþjóðlegum hafsvæðum. í
desember 1995 var gengið frá sátt-
mála Sameinuðu þjóðanna um veiðar
á alþjóðlegum hafsvæðum. Hann
hefur enn ekki gengið endanlega í
gildi, þar sem meðal annars íslenzka
þingið á eftir að staðfesta hann.
Þorsteinn harmaði, að frumvarpið
skyldi ekki hafa orðið að lögum þeg-
ar á síðasta þingi, þar sem áríðandi
sé að skýrar lagareglur liggi fyrir
með góðum fyrirvara um eins stórt
og mikilvægt mál og úthafsveiðarn-
ar séu. A þessu ári stefnir í að út-
hafsveiðiflotinn skili yfir 14% af
heildarafla íslendinga.
Sighvatur Björgvinsson, Alþýðu-
flokki, gagnrýndi frumvarpið sem
mikið miðstýringarfrumvarp. Það
feli í sér óþarflega miklar valdboðs-
heimildir til handa sjávarútvegsráð-
herra, sem myndi samkvæmt frum-
varpinu fá vajd til að binda allar
úthafsveiðar ísiendinga „nauðsyn-
legum skilyrðum og leyfum“, sem
honum verði í sjálfsvald sett að
ákveða hver yrðu.
Sighvatur sagði veiðar úthafs-
veiðiflotans hafa staðið undir meg-
inhluta þeirrar efnahagslegu sóknar
sem orðið hafi í þjóðarbúskapnum á
síðustu árum. A að gizka 15.000
íslendingar byggðu nú afkomu sína
á afrakstri úthafsveiðanna. 50 fiski-
skip stunduðu nú úthafsveiðar héð-
an. Með þeim heimildum, sem gert
sé ráð fyrir að ráðherra fái í hendur
með nýju lögunum, verði honum
gert kleift að hindra sókn þessa flota
á ný mið. Að mati Sighvats krefjast
hvorki úthafsveiðisáttmáli SÞ né al-
mennar aðstæður þess, að lög verði
sett með slíkum valdheimildum.
Veiðileyfagjald í raun
Svanfríður Jónasdóttir, Þjóðvaka,
gagnrýndi, að með frumvarpinu
hygðist ríkisstjórnin setja í raun
veiðileyfagjald á úthafsveiðiflotann,
sem hins vegar greiði það ekki til
ríkisins, heldur í formi þorskígilda
til annarra útvegsmanna, sem séu
handhafar kvótans í heimalögsög-
unni.
Framtíðarstefnumótun í upplýsingatækni
Tölvuverkefni rík-
isins verði boðin út
FINNUR Ingólfsson iðnaðarráð-
herra hefur skipað nefnd til að
kanna hvort ekki megi færa verk-
efni á sviði tölvumála úr stofnunum
til einkafyrirtækja. Hann segir að
með því megi spara hjá stofnunum
og styðja lítil tölvufyrirtæki.
Fjölmennur starfshópur skipaður
fulltrúum ráðuneyta, stofnana, fé-
laga og fyrirtækja hefur undanfarið
ár starfað að stefnumótun í upplýs-
ingatækni. Hann skilaði niðurstöð-
um í gær og er framtíðarstefna rík-
isstjórnarinnar byggð á þeirri vinnu.
Ákveðið hefur verið að umsjón
átaks í þessum málefnum verði í
höndum forsætisráðuneytisins.
Átak til að stuðla að tölvulæsi
Eitt forgangsverkefna í stefnu
ríkisstjórnarinnar í málefnum upp-
lýsingatækninnar er að opinber
verkefni á sviði hugbúnaðargerðar
verði boðin út. Annað forgangs-
verkefni er að flutningsgeta og
flutningsöryggi tölvutækra upplýs-
inga verði bætt og að kostnaður
almennings og fyrirtækja af þjón-
ustunni verði í lágmarki. í þriðja
lagi vill ríkisstjórnin hefja átak á
sviði menntamála til að stuðla að
almennu tölvulæsi þjóðarinnar.
Davíð Oddsson forsætisráðherra
sagði að málið hefði verið afgreitt
í ríkisstjórn nýlega. í framhaldi af
því hefðu ráðuneytisstjórar í nokkr-
um ráðuneytum farið yfir málið og
fjallað um hvað snéri sérstaklega
að ríkisvaldinu, hvað þyrfti til að
koma og á hvaða tíma. „Verkið er
því hafið en það gerist ekki í einni
svipan,“ sagði forsætisráðherra. Að
sögn Davíðs er ekki búið að taka
ákvarðanir um fjárframlög vegna
forgangsverkefnanna.
Yfirumsjón með starfshópnum
hafði Tómas Ingi Olrich alþingis-
maður. Hann segir upplýsingatækni
geta leitt til mikils sparnaðar í opin-
bera geiranum. „Tæknin gerir okk-
ur kleift að bjóða upp á meiri þjón-
ustu fyrir lægra verð. Sérstaklega
á þetta við um menntakerfið sem
stendur."
Valinn í
starfshóp
á vegum SÞ
GUÐMUNDUR Alfreðsson,
doktor í lögum og forstöðumað-
ur Raoul Wallenberg-mannrétt-
indastofnun-
arinnar í Lundi
í Svíþjóð, hefur
verið valinn í
annað af
tveimur sæt-
um Vestur-
landa í starfs-
hópi um rétt til
þróunar á veg-
um Mannrétt-
indaráðs Sam-
einuðu þjóðanna í Genf.
Guðmundur situr í starfs-
hópnum sem fulltrúi Islands.
Hitt sætið féll í hlut Frakklands.
Samkvæmt upplýsingum
Morgunblaðsins var gerð
óformleg könnun í Vesturlanda-
hópnum á stuðningi við þá, sem
komu til greina sem fulltrúar
Vesturlanda í starfshópnum, og
hlaut Guðmundur yfírgnæfandi
stuðning.