Morgunblaðið - 14.11.1996, Blaðsíða 55
MORGUNBLAÐIÐ
FIMMTUDAGUR 14. NÓVEMBER 1996 55
Kennarar og
nemendur
sameinast
um að bæta
kennslu
STÚDENTARÁÐ Háskóla íslands
og kennslumálanefnd Háskólaráðs
standa fyrir málstofu um markmið
háskólakennslu 16. nóvember nk.
í Norræna húsinu.
Næstu fjóra mánuði mun standa
yfir umfangsmikil kennslumála-
ráðstefna fyrir Háskóla íslands.
Markmið hennar er að stuðla að
framþróun í kennsluháttum. Vinna
á tillögur um kennslumat og
kennsluþróun, réttindi og skyldur
kennara og nemenda, rannsókn-
arnám og starfsnám, samskipti við
erlenda háskóla, endurmenntun og
símenntun kennara, nýmæli í fyr-
irkomulagi í kennslu og málefni
er varða próf og námsmat. Niður-
stöðurnar verða lagðar fyrir á ráð-
stefnu er haldin verður 8. mars á
næsta ári, segir í fréttatilkynn-
ingu.
Málstofan á laugardaginn
markar upphaf þessarar vinnu.
Hlutverk hennar er að skilgreina
og skýra markmið_ og innri þætti
háskólakennslu. Á málstofunni
munu sex fyrirlesarar skýra frá
sínum viðhorfum og reynslu er
varðar kennslu og kennsluhætti.
Ráðstefnan hefst kl. 13 með
setningu Páls Skúlasonar, prófess-
ors í heimspeki og formanns
kennslumálanefndar Háskólaráðs.
Nánari upplýsingar veitir Lára
Samira Benjnouh, varaformaður
SHÍ, eða Páll Skúlason.
Danskur sál-
fræðingur kenn-
ir hawaiíska
seiðmenningu
MARIANNE Suhr kemur nú í ann-
að skipti til íslands. Marianne er
„gestalt“ sálfræðingur, mynd-
þerapisti, heilari, seiðkona, rithöf-
undur og kennari í hawaiískri seið-
menningu. Hún er dönsk að upp-
runa en ferðast vítt og breitt um
heiminn, bæði til að kenna og bjóða
fólki í einkatíma.
Að þessu sinni
heldur hún tvö
námskeið á veg-
um Pýramídans í
Dugguvogi 2 í
Reykjavík auk
þess að taka fólk
í einkatíma, í
ráðgjöf, heilun
og skyggnilest-
ur. Námskeið-
in/einkatímarnir fara fram á ensku
en túlkur verður á staðnum til
þess að þýða fyrir þá sem þess
óska.
Marianne heldur kvöldnámskeið
sem hún nefnir Mátt kærleikans
hinn 20. nóvember frá kl. 20-22.
Námskeiðið byggist á ævafornum
vísdómi hawaiískrar seiðmenning-
ar er nefnist HUNA. Marianne
mun kenna fólki aðferðir til að ná
árangri í því sem það tekur sér
fyrir hendur, bæði í einkalífinu og
hvað aðra varðar.
Helgina 23. og 24. nóvember
verður Marianne með námskeið í
hawaiískri seiðmenningu frá kl.
10-18 báða dagana. Einnig mun
Marianne taka fólk í einkatíma
dagana 19., 20. og 21. nóvember.
Skráning á námskeið og í einka-
tíma fer fram hjá Pýramídanum.
■ HAUSTFUNDUR SÍBS deild-
arinnar á Vífilsstöðum verður
haldinn fimmtudaginn 14. nóvem-
ber kl. 20.30 í Skútunni, Hóls-
hrauni 3, Hafnarfirði. Á fundinum
verður spilað bingó undir stjórn
Skúla Jenssonar. Að auki segir
Þórarinn Gíslason sérfræðingur
frá nýjungum og svarar fyrirspurn-
um. Kaffiveitingar og bingóspjald
er 500 kr. en þess má geta að tak-
markaður fjöldi er á spjöldum.
Hönnunar- og
tískusýning á
Kaffi Reykjavík
HALDIN verður hönnunar- og
tískusýning á Kaffi Reykjavík í
kvöld, fimmtudagskvöld, kl. 21.
Kynnir kvöldsins verður Bryndís
Schram.
Verslunin Misty sýnir kvenlegan
undirfatnað, María Lovísa, fata-
hönnuður, kynnir nýja fatalínu og
Lára gullsmiður sýnir skartgripi.
Hárgreiðslustofan Valhöll sér um
hárið og sýnir nýja línu í greiðslu
og strípum en snyrtistofan Guerla-
in annast förðun sýningarstúlkn-
anna. Verslunin Brúðkaupsskreyt-
ingar sér um blómaskreytingar.
Signý Sæmunsdóttir sópran-
söngkona og Þóra Fríða Sæmunds-
dóttir píanóleikari koma fram í
hléi.
Stofnfundur
Hollvinafélags
læknadeildar
UNDIRBÚNINGSNEFND Holl-
vinafélags læknadeildar býður
læknum, stúdentum og aðstand-
endum þeirra ásamt öðrum holl-
vinum læknadeildar til stofnfund-
ar í Læknagarði við Vatnsmýrar-
veg föstudaginn 15. nóvember nk.
Samkoman hefst kl. 17. Skýrt
verður frá hollvinasamtökunum,
stofnskrá hollvinafélagsins verður
borin upp og stjórnarkjör fer fram.
Þá verður flutt tónlist og gestum
gefst tækifæri á að skoða hús-
næði Iæknadeildar í Læknagarði
og kynna sér starfsemi sem þar
fer fram. Fundinum Iýkur um kl.
18.30.
Unglingameist-
aramót íslands
um helgina
SKÁKSAMBAND íslands heldur
Unglingameistaramót Islands
1996, fyrir skákmenn fædda 1976
og síðar, dagana 15.-17. nóvember
nk. i Faxafeni 12 og verða tefldar
7 umferðir eftir monrad-kerfi.
Umhugsunartími er 1 klst. á alla
skákina.
Mótsdagar verða föstudag, laug-
ardag og sunnudag. Þátttökugjald
er 800_kr. Skráning hjá Skáksam-
bandi íslands.
Skákbækur verða veittar í verð-
laun til 5 efstu en að auki fær sigur-
vegarinn farseðil á leiðum Flugleiða
á skákmót erlendis.
Félagsfundur
LAUF
LAUF, samtök áhugafólks um
flogaveiki, heldur almennan félags-
fund fimmtudaginn 14. nóvember
kl. 20.30.
Prófessor Gunnar Guðmundsson
flytur erindi um íslenska/banda-
ríska rannsókn um flogaveiki og
svarar fyrirspurnum.
LEIÐRÉTT
Rangt starfsheiti
Morgunblaðið birti 26. október
síðastliðin greinina Geðheilbrigðis-
þjónusta í Noregi eftir Normu Mo-
oney. Höfundur, sem er sálfræðing-
ur, var ranglega kynntur sem geð-
læknir. Greinin barst blaðinu frá
samtökunum Geðhjálp. Samtökin
og blaðið biðja velvirðingar á þess-
um mistökum.
Marianne Suhr
FRÉTTIR
Morgunblaðið/Halldór
ERLA Vilhjálmsdóttir, eigandi Tékk-Kristals, afhenti Þorsteini
Ólafssyni, framkvæmdastjóra SKB, peningagjöfina.
Tékk-Krist-
all styrkir
krabba-
meinssjúk
börn
FYRIRTÆKIÐ Tékk-Kristall átti
25 ára afmæli 1. nóvember sl. Af
því tilefni ákváðu eigendur þess
að gefa Styrktarfélagi krabba-
meinssjúkra barna (SKB) 250.000
kr.
„SKB var stofnað af foreldrum
barna með krabbamein 2. sept-
ember 1991 og átti því 5 ára af-
mæli fyrr á þessu ári. Tilgangur
félagsins er að gæta á öllum svið-
um, bæði utan og innan sjúkra-
húsa, hagsmuna barna með
krabbamein. Rauði þráðurinn í
starfsemi SKB er og hefur verið
fjáraflanir og fjárhagslegur
stuðningur við fjöiskyldur barna
með krabbamein en eins og flest-
um ætti að vera kunnugt verða
þær einatt fyrir miklum kostnað-
arauka og tekjutapi. Segja má að
með umönnunarbótum úr al-
mannatryggingakerfinu sé kostn-
aðaraukinn bættur að verulegu
leyti en aðra sögu er að segja um
tekjutap. Þegar haft er í huga að
foreldri á einungis rétt á 7 daga
launuðu fríi á ári til að annast
sjúk börn sín er auðvelt að skilja
þá fjárhagserfiðleika sem viðkom-
andi fjölskyldur hafna í,“ segir í
fréttatilkynningu frá SKB.
Jólakort Rauða kross-
hússins 1996
RAUÐAKROSSHÚSIÐ, neyðarat-
hvarf fyrir börn og unglinga, hefur
gefið út jólakort i fjáröflunarskyni.
Rauði kross íslands og deildir
hans hafa annast rekstur Rauða-
krosshússins síðan 1985 og á þeim
tíma hafa á níunda hundrað börn
og unglingar gist athvarfið og feng-
ið þar aðstoð. Á sama tíma hafa
tugir þúsunda notfært sér trúnaðar-
símann. Auk þessa er boðið upp á
ráðgjöf í Rauðakrosshúsinu.
Jólakortasalan er eina eigin fjár-
öflun Rauðakrosshússins. Myndin á
kortinu í ár er hluti fresku sem
myndlistarmaðurinn Baltasar gerði
fyrir Víðistaðakirkju í Hafnarfirði á
árunum 1986-87. Freskan er byggð
á sæluboðunum. Þessi hluti verksins
nefnist Sælir eru miskunnsamir og
er táknmynd af flóttafólki. Maðurinn
lengst til vinstri ber rauða krossinn
sem tákn um samhjálp þjóða í átök-
um og neyð. Myndin er notuð með
góðfúslegu leyfi listamannsins, segir
í fréttatilkynningu.
SIGURJÓN Andrésson, Magnúsarbakaríi í Vestmannaeyjum,
tók besta prófið af bakaranemum.
Bakaranemar útskrifast
LANDSSAMBAND bakarameist-
ara og Sveinafélag bakara buðu
bakaranemum er tóku sveinspróf
á þessu ári til hófs nýlega þar
sem afhending prófskírteina fór
fram.
Sama prófnefndin hefur dæmt
hjá öllum nemunum. í henni sátu
Ragnar Eðvaldsson, Keflavík,
Guðni Andreasen, Selfossi og
Gunnar Guðmundsson, Reykja-
vík.
Athuga-
semd frá
Lyfju hf.
MORGUNBLAÐINU hefur borist
eftirfarandi athugasemd frá Inga
Guðjónssyni lyfsala hjá Lyfju hf.
„I tilefni af verðkönnun sem
Morgunblaðið stóð fyrir í gær í
fjórum lyfjaverslunum, m.a. Lyfju,
vill undirritaður koma eftirfarandi
á framfæri. Fram kom í könnurU
inni að hjá Lyfju væri 5% afsláttur
veittur af lausasöluljrfjum og hluta
sjúklings af kostnaði lyfs fyrir elli-
og örorkulífeyrisþega. Hið rétta
er að á undanfömum mánuðum
hafa elli- og örorkulífeyrisþegar
notið 20-25% afsláttar af lyfseðils-
skyldum lyfjum hjá Lyfju. Um síð-
ustu helgi var síðan ákveðið að
auka afsláttinn enn frekar og er
hann nú frá 17% upp í 60% af lyf-
seðilsskyldum lyfjum. Almenna
reglan er sú að því dýrari lyf sem
um er að ræða því hærri afsláttur
er veittur.11
*
Islensk
póstsaga
gefin út
PÓSTSAGA íslands 1776-1873
er komin út og er höfundur bók-
arinnar Heimir Þorleifsson sagn-
fræðingur. Bókaútgáfan Þjóð-
saga hafði samvinnu við Póst og
síma um útgáfuna og var myndin
tekin þegar Halldóri Blöndal
samgönguráðherra var afhent
fyrsta eintak bókarinnar.
„Póstsagan er mikilvægur
hluti Islandssögunnar því fyrir
daga símans og þegar heimilda-
verk voru slæmar gegndu póst-
arnir stóru hlutverki. Póstsagan
er ítarlegt heimildaverk sem nær
frá upphafi opinberrar póstþjón-
ustu til 1873 er fyrstu íslensku
frímerkin voru gefin út og póst-
málin voru sett undir sérstaka
ríkisstofnun, Póststjómina. í
bókinni er fjöldi mynda af skjöl-
um auk teikninga og annarra
skýringar mynda, “ segir í frétta-
tilkynningu frá Pósti og síma.