Morgunblaðið - 05.12.1996, Qupperneq 57

MORGUNBLAÐIÐ
FIMMTUDAGUR 5. DESEMBER 1996 57
FRÉTTIR
Fyrirlestur
um hjálpar-
hugtakið
JÓN Björnsson, framkvæmdastjóri
menningar-, uppeldis- og félags-
mála hjá Reykjavíkurborg heldur
fyrirlestur mánudagskvöldið 9. des-
ember kl. 20.15 á vegum Siðfræði-
stofnunar og Framtíðarstofnunar
um hjálparhugtakið.
„Á síðustu áratugum hafa menn
þóst sjá ýmiskonar veikleikamerki
á velferðarkerfum Evrópu, jafnvel
að þau hafi brugðist hlutverki sínu
með öllu. í erindinu er fjallað um
hugtakið „hjálp“, sálfræðilegar og
samfélagslegar forsendur þess að
fólk hjálpist að í samfélaginu. Vel-
ferðarkerfínu er lýst sem verkfæri
til að veita þeim einstaklingum og
hópum hjálp sem hennar þurfa. Sú
tilgáta er sett fram að „skrifræðis-
legt velferðarkerfí“ mæti ekki þeim
sálfræðilegu forsendum sem þurfa
að vera til staðar svo fólk annars
vegar vilji veita hjálp, og hinsvegar
að fólk geti nýtt sér hjálp,“ segir
í fréttatilkynningu.
Jón hefur ritað fjölmargar grein-
ar í tímarit og bækur; einkum um
félagsmál almennt, öldrunarmál,
atvinnuleysi og jaðarsvæði sálfræði
og heimspeki. Ennfremur hefur
hann haldið erindi m.a. á fjölmörg-
um norrænum ráðstefnum. Þá hef-
ur hann ritað bók um hugmyndir
manna um frelsi viljans og örlaga-
hugtakið (Af örlögum mannanna
1991).
Fyrirlesturinn er haldinn í Odda,
stofu 101. Hann er öllum opinn og
aðgangur er ókeypis.
-----♦ ♦ ♦-----
Jólafundur
hjá Styrk
HINN árlegi jólafundur Styrks,
samtaka krabbameinssjúklinga og
aðstandenda þeirra, verður í
Kiwanishúsinu á Engjateigi 11 í
Reykjavík fimmtudaginn 5. desem-
ber kl. 20.30. Félagar í Stómasam-
tökum íslands og Nýrri rödd eru
sérstakir gestir. Þessi fundur er í
boði Kiwanisklúbbsins Esju, sem
sér um veitingar.
Fyrst á dagskrá er að Friðrik
Erlingsson, rithöfundur, les úr
nýrri bók sinni um sr. Pétur Þórar-
insson og Ingibjörgu Sigurlaugs-
dóttur. Síðan les Helga Jónsdóttir
leikari ljóð eftir Davíð Stefánsson
en nýlega er kominn út geisladisk-
ur með lestri Helgu og bróður henn-
ar, Arnars Jónssonar. Þá flytur
Ingileif Malmberg hugvekju en hún
er sérmenntuð í sálgæslu sjúkra.
Styrkur gefur
útjólakort
STYRKUR, samtök krabbameins-
sjúklinga og aðstandenda þeirra
hefur gefíð út jólakort. Á kortinu
er pastelmyndin „Þjóðsaga" eftir
Jón Reykdal, listmálara, en hann
gaf samtökunum birtingarrétt á
myndinni. Kortin verða til sölu hjá
Krabbameinsfélaginu.
MYNDIN er tekin í kapellu
Skjóls þar sem kertastjakarn-
ir sjást.
Kertasljakar
horfnir frá
Skjóli
TVEIR kertastjakar hurfu í síðast-
liðinni viku úr kapellu í Hjúkrunar-
heimilinu Skjóli.
Stjakarnir eru úr messing, 38
sm háir með kertastandi og vega
um 6 kg hvor. Formið er stuðla-
bergsdrangur og upp úr honum
miðjum rís hæsta súlan og myndar
krossmark 25 sm hátt með sex-
strendum diski sem kerstastandur-
inn er greyptur í.
Þeir, sem einhveijar upplýs-
ingar gætu gefið um hvar þessir
stjakar eru nú, hafi vinsamlegast
samband við Rannsóknarlögreglu
ríkisins.
Jólakort Félags
eldri borg-ara
ÚT ERU komin jólakort Félags
eldri borgara í Reykjavík og ná-
grenni með mynd af Dómkirkjunni
og Alþingishúsinu í vetrarbúningi.
Kortin eru ein mikilvægasta fjár-
öflunarleið félagsins og fást á skrif-
stofu FEB, Risinu, Hverfisgötu 105.
Umræðufundur
Islenskrar
ættleiðingar
FÉLAGIÐ íslensk ættleiðing hefur
nú hleypt af stokkunum þeirri nýj-
ung að hafa umræðufundi fyrir
félagsmenn í hveijum mánuði.
Næsti fundur verður laugardaginn
7. desernber kl. 10-12 og verður
þá rætt og frætt um sjálftraust og
jákvæða sjálfsímynd barna og
unglinga undir stjórn Snjólaugar
Stefánsdóttur, uppeldis- og fjöl-
skylduráðgjafa, sem einnig er kjör-
móðir. Fundurinn er haldinn á
skrifstofu félagsins á Grettisgötu
6. Þátttökugjald er 500 kr., kaffi
innifalið og er fólk beðið að til-
kynna þátttöku.