Morgunblaðið - 17.12.1996, Blaðsíða 2

2 ÞRIÐJUDAGUR 17. DESEMBER 1996
MORGUNBLAÐIÐ
FRÉTTIR
Morgunblaðið/Valdimar Kristinsson
Frumvarp um tryggingagj ald
Tveir stjórnar-
liðar andvígir
VIÐ aðra umræðu frumvarps
ríkisstjórnarinnar um trygginga-
gjald, sem fram fór á Alþingi í
gær, lýstu tveir þingmenn Sjálf-
stæðisflokks sig andvíga frum-
varpinu. Einar Oddur Kristjáns-
son, sem á sæti í efnahags- og
viðskiptanefnd, sem fjallaði um
frumvarpið, mælti gegn samþykki
frumvarpsins í nafni þess fyrst
og fremst, að ekki bæri að auka
gjaldtöku af sjávarútveginum.
Hinn þingmaðurinn, Egill Jóns-
son, lagðist gegn frumvarpinu
sem málsvari landbúnaðarins.
Samkvæmt frumvarpinu, sem
tengist öðrum skattalagafrum-
vörpum stjórnarinnar, sem að hluta
til hafa þegar orðið að lögum, er
ráðgert að jafna álagningu trygg-
ingagjalds miili atvinnugreina og
stefna að einu gjaldhlutfalli eftir
fjögur ár, en það er nú í þremur
þrepum. Sjávarútvegur, landbún-
aður, veitingarekstur o.fl. er nú í
lægra gjaldþrepi, en samkvæmt
tillögum frumvarpsins mun trygg-
ingagjaid á þessar greinar hækka
í áföngum fram til aldamóta um
samtals tæplega 2% af launum;
þær greinar sem eru nú í hærra
þrepinu lækka að sama skapi. í
frumvarpinu var upphaflega gert
ráð fyrir að hið endanlega sam-
ræmda gjaldhlutfall yrði 5,50%, en
meirihluti efnahags- og viðskipta-
nefndar leggur til í nefndaráliti
sínu að það verði 5,25%.
Einar Oddur sagðist frá upphafí
umræðnanna um breytingar á
tryggingagjaldi hafa lagzt gegn
því „og talið það mjög hættulegt".
Hann sagði hér vera um „táknræna
athöfn" að ræða; verið væri að
íþyngja stöðu helztu samkeppnis-
greina landsins fáeinum vikum
áður en kjarasamningar væru laus-
ir.
Varaformaður efnahags- og viðskiptanefndar um skýrslu Veritas
Drögiim ekki miklar
ályktanir af skýrslunni
Hross
tekin á
hús
HESTAMENN eru sem óðast
að taka reiðhesta sína á hús
svo hægt verði að stunda út-
reiðar yfir hátíðirnar.
Meðal þeirra sem tóku inn
um helgina voru hjónin Jó-
hannes Þorkelsson og Unnur
Hjaltadóttir sem eru með
hesthús að Varmárbökkum í
Mosfellsbæ. Þau notuðu
haustið til að innrétta hest-
húsið á nýjan leik og því var
það stór stund að taka herleg-
heitin í notkun með því að
taka á hús meðal annars tvo
unga fola sem tamdir verða
í vetur.
Vonin er stór hluti af hesta-
mennskunni og nú er að sjá
hvort draumarnir um glæstan
gæðing muni rætast. Verður
það sá brúni eða kannski sá
tvístjörnótti, sem er undan
heiðursverðlaunahestinum
Hervari?
ÁGÚST EINARSSON, varaformað-
ur efnahags- og viðskiptanefndar
Alþingis, segir að ekki verði dregnar
miklar ályktanir af skýrslu ráð-
gjafarfyrirtækisins Veritas um styrk
bandaríska álfyrirtækisins Columbia
Ventures. Hún sé hins vegar innlegg
í málið. Nefndin hafi viljað fá upplýs-
ingar um málið frá fleirum en ís-
lenskum stjórnvöldum.
„Ég tel að þessi skýrsla sé inn-
legg í þessa umræðu. Það er hins
vegar iangt frá því að hún veiti
fullkomnar upplýsingar um stöðu
fyrirtækisins. Efnahags- og við-
skiptanefnd vildi gjarnan fá mat
annarra aðila en einungis íslenskra
stjórnvalda á þessum þætti. Þetta
gefur vísbendingar um að menn eru
dálítið kvíðnir um afdrif þessa máls
og sýnir að menn taka mjög alvar-
lega þegar verið er að sækja um
heimildir til aukinnar lánsfjáröflun-
ar upp á mjög marga milijarða. Það
er því eðlilegt að þingmenn vilji
reyna að haga málum þannig að
allt sé eins örugglega úr garði gert
og hægt er,“ sagði Ágúst.
Ágúst sagði rétt að iðnaðarráðu-
neytið hefði boðist til að veita
nefndinni upplýsingar um stöðu
Columbia Ventures gegn trúnaði.
„Það hefur enginn ágreiningur ver-
ið milli nefndarinnar og ráðuneytis-
ins hvað þennan þátt varðar. Nefnd-
in vildi einfaldlega sjá málið frá
öðrum sjónarhornum. Efni skýrsl-
unnar er hins vegar ekki þess eðlis
að menn eigi að draga miklar álykt-
anir af henni.“
Efnahags- og viðskiptanefnd hef-
ur afgreitt frumvarp til lánsíjárlaga
til annarrar umræðu, en Ágúst sagði
að hún myndi fjalla um frumvarpið
aftur milli annarrar og þriðju um-
ræðu.
Fyrirtækið nýtur trausts
„Fulltrúar iðnaðarráðuneytisins
buðu efnahags- og viðskiptanefnd
að gefa henni trúnaðarupplýsingar
um stöðu Columbia Ventures. Fyrir-
tækið er einkafyrirtæki. Það er ekki
skráð og hefur ekki óskað eftir því
að vera skráð. Þess vegna vill það
að farið verði með upplýsingar um
stöðu fyrirtækisins sem trúnaðar-
mál. Við höfum fengið þessar upp-
lýsingar og sannreynt í gegnum
endurskoðendur fyrirtækisins. Við
teljum okkur því hafa mjög glögga
mynd af stöðu þess og teljum það
traust,“ sagði Finnur Ingólfsson iðn-
aðarráðherra.
„Þessir samningar eru ekki orðnir
að veruleika ennþá. Fjármögnun á
álveri á Grundartanga er alveg eft-
ir. Það að stærstu bankar heims eru
að undirbúa fjármögnun verkefnis-
ins með Columbia bendir ótvírætt
til þess að þeir hafí trú á verkefninu
og hafí trú á fyrirtækinu."
Finnur sagði að það gæfi auga-
leið að alþjóðlegar bankastofnanir
væru ekki í viðræðum við Columbia
Ventures ef staða þess væri þannig
að lánstraust þess væri aðeins fjórar
milljónir dollara. „Það kemur raunar
fram í þessari skýrslu Veritas að
þeir hafa afar litlar upplýsingar um
fyrirtækið. Upplýsingarnar sem þeir
hafa fengið eru óstaðfestar og
komnar frá þriðja aðila. Það kemur
einnig fram að upplýsingarnar má
ekki kynna nema með skriflegu leyfi
Veritas."
Finnur sagði að Landsvirkjun og
iðnaðarráðuneytið myndu ekki ganga
frá samningum við Columbia fyrr en
gengið hefði verið algjörlega úr
skugga um getu fyrirtækisins til að
ráðast í þetta verkefni og Ijúka því.
Andlát
PÉTUR SIGURÐSSON
UNDANFARNA daga hefur mikið
borið á lasleika meðal landsmanna
þrátt fyrir að um 30 þúsund manns
hafi verið bólusettir gegn inflúensu
í haust. Haraldur Briem, settur
aðstoðarlandlæknir, segir að margir
stofnar inflúensunnar séu að ganga
og því ekki rétt að halda því fram
að bóluefnið sé gagnslaust.
„Það hafa verið að greinast
ýmsir pestarvaldar. Margir stofnar
eru að ganga, bæði A- og B-stofn-
ar og allt þetta blandast saman,“
sagði Haraldur. Benti hann á að í
bóluefninu, sem 30 þús. manns
hefðu fengið, væri vörn gegn
tveimur A-stofnum og einum B-
stofni. Greinst hefðu tilfelli af
bæði A- og B-stofni. Ekki væri
vitað nákvæmlega hvaða B-stofn
er á ferðinni. Því væri ekki hægt
að halda því fram að bóluefnið
væri gagnslaust.
„Bóluefnið miðast aðallega við
A-stofnana sem taldir eru við-
skotaverri," sagði hann. „B-stofn
er venjulega ekki eins erfiður en
getur þó orðið það í einstaka tilfell-
um.“ Haraldur sagðist ekki hafa
fengið neinar tölfræðilegar upplýs-
ingar um hversu margir væru veik-
ir. Sagði hann að bóluefni veitti
aldrei 100% vernd, en vemd í um
70-80% tilvika. „Ef menn veikjast
verður veikin oft mildari en ella
ef þeir hafa verið bólusettir," sagði
hann. „Eftir því sem við best vitum
eru þetta þessir inflúensustofnar
sem eru í löndunum í kringum
okkur, sem eru í bóluefninu þannig
að bólusetningin ætti að gera
gagn.“
Haraldur sagði að fyrr í haust
hefði gengið bakteríusýking, sem
olli sýkingum í loftvegi og lungna-
bólgu með flensueinkennum.
PÉTUR Sigurðsson,
fyrrverandi alþingis-
maður, stýrimaður og
forstöðumaður Hrafn-
istu í Hafnarfirði lézt
sl. sunnudag, 68 ára
að aldri.
Pétur Sigurðsson
var fæddur í Keflavík
1. júlí 1928. Foreldrar
hans voru hjónin Sig-
urður Pétursson skip-
stjóri og útgerðarmað-
ur þar og síðar í
Reykjavík og Birna
Ingibjörg Hafliðadótt-
ir húsmóðir. Hann
lauk gagnfræðaprófi í Reykjavík
árið 1944, fískimannaprófi hinu
meira í Stýrimannaskólanum í
Reykjavík 1949 og farmannaprófi
1951. Árið 1961 stundaði hann
nám í hagræðingartækni og stjórn-
unarstörfum hjá Iðnaðarmála-
stofnun íslands.
Pétur Sigurðsson var sjómaður
á árunum 1943-1963. Haustið
1959 var hann fýrst
kjörinn til setu á Al-
þingi fyrir Sjálfstæðis-
flokkinn. Þar átti hann
sæti óslitið til ársins
1983, sat á 28 þingum
alls. Frá 1977 til 1992
var hann forstöðu-
maður Hrafnistu í
Hafnarfirði.
Pétur gegndi ýms-
um trúnaðarstörfum í
samtökum sjómanna.
Hann var í stjórn Sjó-
mannafélags Reykja-
víkur 1962-1994 og í
miðstjórn Alþýðusam-
bands íslands 1972-1976. Árin
1962-1994 var hann formaður
Sjómannadagsráðs, stjórnarfor-
maður Hrafnistu, dvalarheimilis
aldraðra sjómanna, Happdrættis
DAS, Laugarásbíós, Bæjarbíós í
Hafnarfirði og barnaheimilisins
Hraunáss í Grímsnesi til 1992.
Hann var í stjórn Fiskimálasjóðs
1983-1987 og formaður öryggis-
málanefndar sjómanna 1984-
1986. Hann sat í stjórn Atvinnu-
leysistryggingasjóðs 1963-1987,
formaður frá 1983. Yfirskoðunar-
maður ríkisreikninga var hann
1968-1975.
Pétur var fulltrúi á þingi Evr-
ópuráðsins 1967-1972, í Norður-
landaráði 1983-1987 ogí Vestnor-
ræna þingmannaráðinu 1986.
Loks var hann formaður banka-
ráðs Landsbanka íslands 1985-
1989.
Péturs Sigurðssonar var minnst
á Alþingi í gær. Forseti þingsins,
Olafur G. Einarsson minntist hans
sem starfsams röskleikamanns
sem skilaði miklu starfi, ekki sízt
í þágu sjómanna. Á Alþingi átti
Pétur frumkvæði að lögum um og
ályktunum um hagsmunamál sjó-
manna og annarra launþega, ör-
yggismál og öldrunarmál.
Pétur var tvíkvæntur. Eftirlif-
andi eiginkona hans er Ásthildur
Jóhannesdóttir en fyrri kona hans
Sigríður Sveinsdóttir.
Bólusetning ekkí gagnslaus
Margir stofnar af
inflúensu að ganga