Morgunblaðið - 17.12.1996, Blaðsíða 64
>4 ÞRIÐJUDAGUR 17. DESEMBER 1996
MORGUNBLAÐIÐ
Dýraglens
J/€7Af MVAÐ ÆTUÞ/Z.
þÓ APS£G7A?
Grettir
Tommi og Jenni
Ljóska
Smáfólk
Já, kennari... ja, ég segi Var það rétt hjá mér? Gott Engar myndavélar, takk fyrir!
„Guatemala" hjá mér!
BREF
TIL BLAÐSINS
Kringlan 1103 Reykjavík • Sími 569 1100 • Símbréf 569 1329
• Netfang: lauga@mbl.is
Rafmagns-
öryggismál
Opið bréf til Stefáns Guðmundssonar,
formanns iðnaðamefndar Alþingis
Frá Kára Einarssyni:
ÞAÐ LÍTUR helst út fyrir að emb-
ættismenn ráðuneyta og hagsmuna-
tengdir ráðgjafar þeirra vinni mark-
visst að því að skara eld að eigin
köku á kostnað alls almennings í
landinu.
Nýjasta dæmi um þetta er frum-
varp til laga um öryggi raforkuvirkja
(mál 73) og um Löggildingarstofu
(mál 74).
Fjöldi ráðgjafa og nefnda ásamt
embættismönnum iðnaðarráðuneytis
hafa í rúm fjögur ár unnið að breyt-
ingum og endurskipulagningu raf-
magnsöryggismála á Islandi.
Ohæfir ráðgjafar og verkstjórar
utan rafmagnsverkfræðisviðs semja
reglugerðir og drög að frumvarpi um
nýskipan rafmagnsöryggismála og
við bætist að þeir eru fulltrúar hags-
munaaðila og stjórnast því af annar-
legum sjónarmiðum einkahagsmuna
og fara að auki offari í einkavæðing-
arhugmyndum. (Þó einkavæðing sé
af hinu góða á hún sér einnig sín
takmörk).
Ráðherra hefur undirritað margar
reglugerðir varðandi rafmagnsör-
yggismál og flestar þeirra hafa verið
dregnar til baka, en engin lög hafa
enn verið samþykkt á Alþingi, sem
þessar reglugerðir byggja á.
Mál 73 og mál 74 eru verk þess-
ara aðila til þess að lögfesta þessar
reglugerðir. Rafmagnöryggismál eru
því orðin að viðskiptamálum.
Hvað hafa öll þessi heimskulegu
vinnubrögð kostað þjóðina nú þegar?
Kostnaður við eitt slys eða eitt
tjón, sem kann að skapast vegna
óreiðu í rafmagnseftirlitsmálum, get-
ur orðið margfalt meiri en áætlaður
spamaður með breytingum sam-
kvæmt þessu frumvarpi (2 starf
u.þ.b. 5 milljónir króna). Eða ætti
kannski að nota úrtaksskoðanir við
rannsóknir á burðarþoli mannvirkja
og hvers vegna ekki við bifreiðaskoð-
un? Hafa farið fram rannsóknir á
því hve stór hluti slysa eða óhappa
orsakast vegna bilunar í bifreiðinni?
Er það hugsanlegt að menn viti
ekki hvað rafmagn er eða viti svo
lítið um rafmagn og bruna- og slysa-
hættur, sem skapast geta vegna
rangra vinnubragða í rafmagnskerf-
um?
Viðgengst úrtaksskoðun á raf-
orkuvirkjum annars staðar í heimin-
um? Engin önnur þjóð hefur látið sér
detta slíkt í hug. Það er slíkur fáran-
leiki að engu tali tekur.
Hvers vegna þarf nýskipan raf-
magnsöryggismála? Samkvæmt
EES-samningunum eru breytingar á
lögum nr. 60/1979, um Rafmagnseft-
irlit ríkisins óþarfar, sjá Upplýsinga-
efni um EES-samninginn bls. 17.
Að hvaða leyti uppfyllir RER ekki
kröfur um rekstur rafmagnsöryggis-
mála? Er rekstrarkostnaður of hár
eða RER illa stjórnað? Ef það er
svo, hvers vegna er þá ekki skipt
um stjómendur? Hvers vegna ekki
að endurskipuleggja RER með nú-
tímastjómunaraðferðum?
Samkvæmt útreikningum er raf-
magnseftirlit í höndum skoðunar-
stofa a.m.k. 200% dýrara fyrir neyt-
endur og nánast óvirkt.
Hafa menn hugleitt áhættuna -
að gera öryggismál þjóðarinnar að
viðskiptamálum?
Það er algjört ábyrgðarleysi að
láta fámennan hóp hagsmunaaðila
hafa áhrif á fyrirkomulag þessara
mála. Þingmenn eru þjóðkjörnir full-
trúar, sem eiga að gæta hagsmuna
allrar þjóðarinnar, en ekki láta mis-
vitra embættismenn með hagsmuna-
hópa á bakinu ráða ferðinni.
Hér með er skorað á þig að gera
allt sem í þínu valdi stendur til að
stöðva þessi skelfilegu vinnubrögð
embættismanna og hagsmuna-
tengdra aðila.
Lesendum skal bent á eftirtaldar
greinar:
Ritstjómargrein í Morgunblaðinu
dags. 3.10. 1996. Hugleiðingar um
rafmagnsöryggismál, bréf til Morg-
unblaðsins dags. 23.10.96. Úrtaks-
skoðun - nýjung í rafmagnsörygg-
ismálum, bréf til Morgunblaðsins
dags. 23.11. 94, athyglisverðar
greinar í tímaritinu Fortune 14.10.
1996: „The Confessions of an Ex-
Consultant" og „Controlling Your
Consultants".
KÁRI EINARSSON
rafmagnsverkfræðingur.
Góða ferð til Venesuela
með draslið þitt, Peterson
Frá Rannveigu Tryggvadóttur:
ÉG MÓTMÆLI því harðlega að
skrifað verði undir samninginn við
Columbia Ventures-fyrirtækið um
smíði álvers á Grundartanga með 60
þús. tonna ársafköst sem yrði svo
stækkað upp í 180 þúsund tonn og
yrði þá ívið stærra en álverið í
Straumsvík. í Hvalfirði er nátt-
úrufegurð meiri en víða annars stað-
ar á landinu og ráðamenn hafa ekk-
ert leyfi til að eyðileggja umhverfið
þar. Búið er að afmarka iðnaðar-
svæði þar sem er álíka stórt og svæð-
ið frá Kringlumýrarbraut norðan
Miklubrautar og Hringbrautar og út
í Örfirisey i Reykjavík.
Islenska þjóðin á enn landið sem
hún byggir og hún á að hafa ráð-
stöfunarrétt á því. Þvi skulu stjómvöld
skylduð til þess með lögum að efna
til þjóðaratkvæðagreiðslu um mál sem
þjóðin er viðkvæm fyrir og snerta
náttúru og umhverfi í jafnríkum mæli
og mengandi stóriðja og tilheyrandi
vatnsvirkjanir á hálendinu. Ég treysti
því að Alþingi samþykki þetta.
RANNVEIG TRYGGVADÓTTIR,
þýðandi,
Bjarmalandi 7, Reykjavík.
Allt efni sem birtist í Morgunblaðinu og Lesbók er varðveitt í upplýsinga-
safni þess. Morgunblaðið áskilur sér rétt til að ráðstafa efninu þaðan, hvort
sém er með endurbirtingu eða á annan hátt. Þeir sem ufhenda blaðinu efni
til birtingar tetjast samþykkja þetta, ef ekki fylgir fyrirvari hér að lútandi.