Morgunblaðið - 28.12.1996, Qupperneq 56

MORGUNBLAÐIÐ
56 LAUGARDAGUR 28. DESEMBER 1996
Dýraglens
OtJA,EKKEHT
jxfnastAvið
EX>ttA *F
STEJZJCU.kAFFI-
j' dTtip A
MOfcöNANA
Ljóska
BRÉF
TIL BLAÐSINS
Kringlan 1103 Reylgavik • Sími 569 1100 • Símbréf 569 1329
• Netfang: lauga@mbl.is
Vímuefnavandmn ekki
„skemmtiefni í skamm-
degisdrunganum“
Frá ritstjórn Beneventum:
Á DÖGUNUM kom út á vegum
nemendafélags Menntaskólans við
Hamrahlíð blað í tilefni af 30 ára
afmæli skólans. Var send fréttatil-
kynning til stærstu fjölmiðla lands-
ins og þar var greint frá helstu
efnisþáttum blaðsins. Þar á meðal
var atferliskönnun sem gerð var
meðal nemenda og hefur nú valdið
miklu fjaðrafolki. Ritstjóri blaðsins
harmar vinnubrögð þeirra fjölmiðla
sem að málinu komu, að undan-
skildu Ríkisútvarpinu og Morgun-
blaðinu, en aðrir fjölmiðlar hafa
fjallað um málið af ábyrgðarleysi
og léttúð sem er í alla staði óviðeig-
andi í máli sem þessu.
Tölur um áfengis- og vímu-
efnanotkun nemenda menntaskól-
ans hafa verið blásnar upp af þess-
um fjölmiðlum og rangtúlkaðar.
Virðist fréttamaðurinn almennt
hafa gleymt hlutverki sínu, að
upplýsa þegna lýðræðissamfé-
lagsins um atburði í kringum sig,
og lært nýtt hlutverk í staðinn:
að æsa almenning og espa til að
kaupa blaðið. Þannig má sjá á
forsíðu Dags-Tímans 3. þessa
mánaðar fyrirsögnina: „Helming-
urinn dópaður" og er þar vísað í
tölur sem gefa til kynna að 50%
nemenda skólans hafa „prófað“
ólögleg vímuefni. Líkja má þessu
við að ef fram hefði komið að
helmingur þjóðarinnar hafi lagst
inn á sjúkrahúsi einhvern tíma á
lífsleiðinni, slægi Dagur-Tíminn
því fram á forsíðu að helmingur
landsmanna lægi meðvitundarlaus
á sjúkrahúsi.
Eins vekur það furðu að bæði
skuli vera rætt við forseta nem-
endafélags, rektor skólans og
áfangastjóra, en engan sem kom
nálægt vinnslu blaðsins né könnun-
arinnar. Fást þannig heldur ein-
hliða sjónarmið þeirra sem hags-
muna hafa að gæta í ímynd skól-
ans.
„Það voru tveir nemendur skól-
ans sem gerðu þessa könnun og
afþökkuðu alla aðstoð kennara og
þeirra sem hafa reynslu af svona
könnunum. Margar spurningar
voru mjög ófullnægjandi orðaðar
og því tel ég niðurstöður ekki nógu
öruggar," segir rektor meðal ann-
ars í DV 5. desember. í Morgun-
blaðinu daginn áður segir hún „...
og ber frekar að líta á hana sem
skemmtiefni í skammdegisdrung-
anum en vísindalega rannsókn“.
Við hörmum þessi ummæli rektors
sem bera vott um þekkingarleysi
á vinnsluferli könnunarinnar. Við
afþökkuðum enga aðstoð kennara,
enda var hún okkur aldrei boðin.
Hins vegar eru skekkjumörk ekk-
ert aðalatriði í þessu samhengi,
heldur sú vísbending sem könnunin
gefur um alvarlega misnotkun
vímuefna meðal nemenda skólans.
Spumingarnar sem um er rætt
voru ekki í neinu tilfelli ófullnægj-
andi eða blekkjandi. Um er að
ræða spumingamar: „Drekkur þú
áfengi reglulega (ferðu á fyllerí?)",
„Hefur þú prófað einhver ólögleg
vímuefni?“ og „Ef svarið er ját-
andi, hvaða vímuefni hefur þú
prófað?“.
Allt þetta hefði rektor vitað
hefði hún leitað til þeirra sem að
könnuninni stóðu eftir upplýsing-
um og allt þetta hefðu fjölmiðlar
getað fundið út á eigin spýtur hefði
viljinn verið fyrir hendi.
Þessi könnun var ekki unnin af
vísindalegri nákvæmni. En um
þriðjungur nemenda skólans tók
þátt í henni og gefa niðurstöður
hennar sterklega til kynna að
vímuefnaneysla sé stórt vandamál
innan Menntaskólans við Hamra-
hlíð. Niðurstöður könnunarinnar
vora birtar með það að leiðarljósi
að vekja fólk til umhugsunar og
egna til úrbóta. Það sýnir ábyrgð-
arleysi að kasta þeim niðurstöðum
frá sér.
Þvert á það sem skilja má af
orðum rektors og vinnubrögðum
fjölmiðla ber ekki að líta á vímu-
efnavandann sem „skemmtiefni í
skammdegisdranganum".
RITSTJÓRN BENEVENTI,
málgagns Nemendafélags
Menntaskólans við Hamrahlíð.
Málverk eftir Karólínu
Lárusdóttur
Frá Kristínu G. Guðnadóttur:
í UMMÆLUM sem höfð voru
eftir Gunnari Kvaran í Morgun-
blaðinu nýlega og einnig í grein
Víkveija hinn 13.12. 1996 er
ranghermt að listaverk þau sem
Listasafn Reykjavíkur á eftir
Karólónu Lárusdóttur séu öll frá
árinu 1967. Hið rétta er að safn-
ið á sex myndir eftir Karólínu
Lárusdóttur frá tímabilinu 1967-
1989.
Elsta verkið sem er málað með
olíu á léreft ber titilinn „Uppstill-
ing“ og er frá árinu 1967. Onnur
verk eru; „Mjög fín veisla“, olíu-
verk frá 1980, „Beðið eftir biðl-
um“, vatnslitamynd frá 1982, Án
titils (fólk í landslagi), olíuverk
frá 1986, „Pálmasunnudagur“,
vatnslitamynd frá 1988, Án titils,
vatnslitamynd frá 1989.
Sem safnvörður og umsjónar-
maður listaverkaeignar Listasafns
Reykjavíkur vill undirrituð hér
með fara fram á að rangfærslur
þessar varðandi listaverkaeign
safnsins verði leiðréttar.
KRISTÍN G. GUÐNADÓTTIR
safnvörður, Kjarvalsstöðum.
Allt efni sem birtist í Morgunblaðinu og Lesbók er varðveitt í upplýsinga-
safni þess. Morgunblaðið áskilur sér rétt tii að ráðstafa efninu þaðan, hvort
sem er með endurbirtingu eða á annan hátt. Þeir sem afhenda blaðinu efni
til birtingar teljast samþykkja þetta, ef ekki fylgir fyrirvari hér að lútandi.