Morgunblaðið - 31.12.1996, Blaðsíða 33
MORGUNBLAÐIÐ
ÞRIÐJUDAGUR 31. DESEMBER 1996 33
ELDGOS HEFST
UNDIR VATNAJÖKLI
ELDGOS hófst undir Vatnajökli
í 4 til 6 km langri sprungu á
milli Bárðarbungu og Grims-
vatna á ellefta tímanum mánu-
dagskvöldið 30. september. Litl-
ar flugvélar virtust agnarsmáar
í samanburði við sigkatlana sem
mynduðust í kjölfar gossins, eins
og sést hér til hægri hliðar. Tveir
þeirra voru orðnir um 2 km í
þvermál og 100 m djúpir degi
eftir að gosið hófst.
Eldgosið braust upp úr ísnum
2. október og aska fór að dreif-
ast yfir jökulinn. Reykjarstrók-
urinn var tilkomumikill eins og
sjá má hér fyrir neðan. Gosið
kom upp þar sem hryggurinn frá
1938 var hæstur og braust í
gegnum 450 metra þykkan ís.
Gosvirknin hélst stöðug til 11.
október. Þá minnkaði hún og um
miðjan mánuðinn fjaraði gosið
út. Fjórða stærsta eldgosi aldar-
innar á íslandi var iokið.
Morgunblaðið/RAX
Morgunblaðið/Þorkell
Morgunblaðið/Golli
SKEIÐARÁRHLAUP hófst að morgni þriðjudagsins 5. nóvembers
með 4 til 5 metra hárri fljóðbylgju sem bar með sér krap og aur.
Um miðjan dag var rennslið í hlaupinu a.m.k. 30 þúsund rúmmetrar
á sekúndu og var það að öllum líkindum orðið jafnstórt síðasta stór-
hlaupi á Skeiðarársandi árið 1938.
Verulegt eignatjón varð á mannvirkjum. Brúin yfir Gígjukvísl
hvarf þegar á hádegi í vatnsflauminn og brýmar yfir Skeiðará og
Sæluhúsakvísl stórskemmdust. Einnig urðu stórskemmdir á þjóðveg-
inum yfir Skeiðarársand og varnargörðum.
SKEIÐARARHLAUP HOFST MEÐ 4 TIL 5
METRA HÁRRI FLÓÐBYLGJU
I l c
Morgunblaðið/Kristján
RIFSNES SH RAKUPP
í FJÖRU OG
STRANDAÐI VIÐ
GRÍMSEY
RIFSNES SH-44, 230 tonna stál-
bát frá Rifi, rak upp í fjöru í
svokailaðri Grenivík við Grímsey
að morgni mánudagsins 21. októ-
bers. Vonskuveður var þegar
strandið átti sér stað og lamdist
skipið til í fjöruborðinu. Fimm
manns voru í áhöfn bátsins og
sakaði þá ekki.
Skipið náðist aftur á flot dag-
inn eftir. Þrjú skip drógu það á
flot, Margrét EA, Dagfari GK
og Sæljón SU. Heimabáturinn
Þorleifur EA aðstoðaði við að
koma taugum á milli skipanna. I
fyrstu var talið að um lítið tjón
hefði verið að ræða, en síðar kom
í ljós að það nam tugum milljóna.