Morgunblaðið - 20.02.1997, Side 12

12 FIMMTUDAGUR 20. FEBRÚAR 1997
MORGUNBLAÐIÐ
FRÉTTIR
LANDIÐ
Mosfellsbær
Áætlaðar heild-
artekjur 668
milljónir króna
BÆJARSTJÓRN Mosfellsbæjar hef-
ur samþykkt ijárhagsáætlun sveitar-
félagsins fyrir árið 1997. Heildar-
skatttekjur samkvæmt áætluninni
eru rúmar 668 milljónir og er gert
ráð fyrir að veija 539 milljónum til
reksturs málaflokka. Þar af er áætlað
að veija 287,8 milljónum til fræðslu-
mála. Fjárfestingar umfram framlög
frá rekstri verða 98 millj. og mismun-
ur tekinna og veittra lána er 147
milljónir.
í áætluninni er gert ráð fyrir aukn-
um tekjum og gjöldum vegna yfir-
færslu grunnskólans til sveitarfélags-
ins. Meðal nýjunga í áætluninni er
stöðugildi vegna sérfræðiaðstoðar við
skóla. Enn fremur er gert ráð fyrir
að fjölskyldudeild Félagsmálastofn-
unar verði styrkt til að veita hluta
af sérfræðiþjónustunni við skóla.
Gert er ráð fyrir hækkun útsvars-
tekna og hærri launakostnaði vegna
nýrra kjarasamninga og í fyrsta sinn
er reiknað með leigu hjá þeim stofn-
unum, sem eru í eigin húsnæði. Er
þar um millifærslur að ræða innan
áætlunarinnar, sem ekki hafa áhrif
á endanlega útkomu en þær skekkja
allan samanburð milli ára. I áætlun-
inni er gert ráð fyrir 33 millj. fram-
lagi frá veitum.
Til félagslegra íbúða, Atvinnuþró-
unarsjóðs og Lista- og menning-
arsjóðs er áætlað að veija tæplega
7.7 millj. Áætlað framlag til ijárfest-
inga er 129,6 millj.
Heildarfjárfesting 222,5 millj.
Heildaríjárfestingar bæjarsjóðs
eru áætlaðar 222,5 millj. og eru
gjaldfærðar fjárfestingar 42,8 millj.
þar af, en eignfærðar fjárfestingar
179.7 millj. Til veitna er áætlað að
verja 5,2 millj.
Stærstu verkefnin eru uppbygg-
ing skólamannvirkja og verður tæp-
lega 140 millj. varið til þess. Fjórar
kennslustofur verða byggðar við
Varmárskóla ásamt nýjum sam-
komusal og er fyrirhugað að flytja
skólabókasafnið í eldri salinn.
Gert er ráð fyrir að byggja við
leikskólann að Hlaðhömrum og bæta
við um 50 leikskólarýmum á árinu
auk þess sem áætlað er að hefja
framkvæmdir við nýtt jþróttahús,
sem verður samtengt íþróttamið-
stöðinni að Varmá. Er áætlað að
veija til þessa 40 millj. á árinu. Þá
verður unnið við opin svæði og verð-
ur lögð áhersla á svæði, sem tengj-
ast byggðinni og nýtast íbúum best
til útivistar.
FISK krafið um
2,5 milljónir
STJÓRN Atvinnuleyistryggingasjóðs
mun á fundi nk. mánudag taka af-
stöðu til tillögu um að krefja Fiskiðj-
una Skagfirðing hf. á Sauðárkróki
um endurgreiðslu á atvinnuleysisbót-
um sem greiddar voru til starfsmanna
FISK í september á síðasta ári. End-
urgreiðslukrafan hljóðar upp á u.þ.b.
2,5 milljónir króna.
Mál þetta hefur verið til umfjöll-
unar í stjórn Atvinnuleyistrygginga-
sjóðs frá því Félagsdómur dæmdi
uppsagnir FISK ólöglegar. Fyrir-
tækið sagði starfsmönnunum upp
störfum á þeirri forsendu að það
hefði ekki nægilegt hráefni til að
vinna úr, en Félagsdómur taldi að
þessi forsenda hefði ekki verið fyrir
hendi eftir 1. september þegar nýtt
fiskveiðiár hófst.
Framkvæmdastjóri FISK hefur
lýst því yfir að fyrirtækið muni vísa
málinu til dómstóla ef það verði kraf-
ið um endurgreiðslu.
Skýrsla um langan vinnutíma á Islandi
Styttri vinnutími
kallar á laga-
breytingu
VEGNA tilkomu vinnutímatilskip-
unar Evrópusambandsins þarf að
gera breytingar á lögum um aðbún-
að, hollustuhætti og öryggi á vinnu-
stöðum og lögum um réttindi og
skyldur opinberra starfsmanna.
Þetta kemur fram í fylgiskjali með
skýrslu félagsmálaráðherra um af-
leiðingar langs vinnutíma hér á
landi.
Skýrslan var lögð fram á Alþingi
að beiðni Margrétar Frímannsdóttur
alþingismanns, en Alþingi sam-
þykkti beiðnina sl. haust. I skýrsl-
unni var spurt um áhrif vinnutíma
á kjör launafólks, framleiðni í fyrir-
tækjum og afkomu þeirra, slysa og
veikindatíðni og fjölskyldulíf.
Ófullnægjandi skýrsla
Margrét sagðist vera afar
óánægð með skýrsluna. Upplýs-
ingarnar í henni væru langt frá því
að vera fuilnægjandi. í skýrslunni
væri ekki gerð tilraun til að svara
spurningu um áhrif vinnutíma á
fjölskyldulíf og svör við öðrum þátt-
um væru ákaflega rýr. Hún sagðist
ætla að ræða skýrsluna í þingflokki
Alþýðubandalagsins og sagðist eiga
von á að hann myndi ítreka skýrslu-
beiðnina því henni hefði ekki verið
sinnt.
„Mér hefði fundist eðlilegt að ráð-
herra hefði skilað bráðabirgða-
skýrslu þar sem segir að verkið
væri mjög viðamikið og hann þyrfti
lengri tíma. Allir hefðu tekið tillit
til þess. Svona vinnubrögð eru hins
vegar fyrir neðan allar hellur," sagði
Margrét.
Margrét sagðist vita til þess að
Ríkisspítalarnir og fleiri vinnustaðir
hefðu haldið ráðstefnur um áhrif
langs vinnutíma og mikil vinnuálags
á starfsfólk. Félagsmálaráðuneytið
virtist ekki hafa gert tilraun til að
nálgast þessi gögn.
Grunnskólinn á Blönduósi
Morgunblaðið/Jón Sigurðsson
NEMENDUR í tískusýningarhópnum sýna nýjustu tískuna og
var til þess tekið hversu fáguð framkoma nemendanna var.
Fjölbreytt verkefni
á starfsdögum
Blönduósi - Nemendur grunnskól-
ans á Blönduósi héldu svokallaða
starfsdaga fyrir skömmu. Kenndi þar
margra grasa og æfðu nemendur
m.a framkomu á tískusýningum,
dans- og flölmiðlahópur var starfandi
svo eitthvað sé nefnt. Fjölmiðlahópur-
inn tók mörg viðtöl úti í samfélaginu
og lék hópnum meðal annars forvitni
á að vita hvort „löggan" skyti bófa
og fengust þau svör hjá lögreglunni
á Blönduósi að svo væri ekki.
Yiljaekki
greiða
húsaleigu-
bætur
Húsavík - Húsavíkurbær
hefur ekki fallist á að greiða
húsaleigubætur sem sum
bæjarfélög hafa greitt. Bæj-
arráð samþykkti á fundi 4.
febrúar sl. að leggja til við
bæjarstjórn að hún sam-
þykkti eftirfarandi ályktun í
sambandi við húsaleigu-
bætur:
„Bæjarstjórn Húsavíkur
samþykkir að beina þeim til-
mælum til stjórnar Sam-
bands íslenskra sveitarfélaga
áð teknar verði upp viðræður
við ríkið um að húsaleigu-
bótakerfið verði hluti af al-
mennu bótakerfi ríkisins eins
og gildir í dag varðandi
vaxtabætur. Með því að
flytja þetta verkefni alfarið
til ríkisins er tryggt að sam-
ræmi verði í greiðslu bóta
til tekjulágra einstaklinga
og fjölskyldna vegna hús-
næðiskostnaðar auk þess
sem eðlilegt verður að telj-
ast að greiðslur þessara bóta
verði almennt úrræði sem
allir eigi rétt á án tillits til
búsetu.“
Ályktun þessa samþykkti
bæjarstórn samhljóða á fundi
sínum síðastliðinn þriðjudag.
Morgunblaðið/FDS
Skóli fær ballskákborð
Umhverfis-
ráðherra
heimsækir
Sauðárkrók
GUÐMUNDUR Bjarnason um-
hverfisráðherra heimsækir
Sauðárkrók fimmtudaginn 20.
febrúar. Ráðgert er að ráðherrann
heimsæki stofnanir og nokkur fyr-
irtæki í bænum.
Þá verður ráðherra frummæl-
andi á hádegisverðarfundi á Kaffi
Króki þar sem rætt verður um
skipulags- og umhverfismál og
framtíð byggða. Á bæjarstjórnar-
fundi síðdegis mun Guðmundur
Bjarnason staðsfesta aðalskipulag
Sauðárkróks 1994-2014 sem ný-
lega var samþykkt af bæjarstjórn
Sauðárkróks.
Heimsókn Guðmundar er liður
í þeirri viðleitni afmælisnefndar
Sauðárkróks að nýta afmælisárið
til að kynna bæinn og þá marg-
þættu starfsemi sem þar fer
fram.
Ólafsvík - Þegar Snæfellsbær tók
við Grunnskóla Ólafsvíkur var
ákveðið flytja félagsaðstöðu nem-
enda í skólann, en hún var áður í
Félagsheimilinu Klifi. Af því tilefni
gaf Lionsklúbbur Ólafsvíkur grunn-
skólanum ballskákborð. Myndin var
tekin þegar borðið var afhent og á
henni eru Guðlaugur Wium, form.
Lionsklúbbs Ólafsvíkur, Hjördís H.
Guðlaugsdóttir, form. nemendaráðs,
Iris Jónsdóttir, form. íþróttaráðs
skólans, og Gunnar Hjartarson
skólastjóri.
Morgunblaðið/Aðalheiður Högnadóttir
SVANUR Guðmundsson prentari og Kristjana Ó. Valgeirsdóttir
ásamt dóttur sinni, Ragnheiði Ósk, við nýja Heidelberg offsetprent-
vél sem þau hafa fest kaup á til að annast alla prentun fyrir Svartlist.
Svartlist
prentar á Hellu
Hellu - Nýlega tók til starfa
Prentsmiðjan Svartlist ehf. á
Hellu, en eigendur hennar eru
hjónin Svanur Guðmundsson og
Kristjana Ó. Valgeirsdóttir.
Svartlist ehf. annast alla al-
menna prentun, bæði svarthvíta
og í Iit, hannar og setur upp aug-
lýsingar, prentar m.a. reikninga,
bréfsefni, bæklinga, útfararskrár
og hvers kyns eyðublöð fyrir ein-
staklinga og fyrirtæki. Auk þessa
gefur fyrirtækið út bæklinginn
„Búkollu" sem kemur út vikulega
og er dreift ókeypis inn á hvert
heimili í Rangárvalla- og Vestur-
Skaftafellssýslu. í Búkollu er að
finna sjónvarpsdagskrá og aug-
lýsingar, en að sögn Svans hefur
ritínu verið mjög vel tekið.
)
)
>
i
i
t
1
I
I
I'
I
I
i
i
t
i
;
i
i
t