Morgunblaðið - 20.02.1997, Blaðsíða 14
14 FIMMTUDAGUR 20. FEBRÚAR 1997
MORGUNBLAÐIÐ
AKUREYRI
Vörður Traustason og Ester Jacobsen kölluð til Fíladelfíu
Finnum að við eigum að
taka við nýju starfi
Morgunblaðið/Kristján
ESTER Jacobsen og Vörður Traustason hafa verið kölluð til
starfa til að veita hvítasunnusöfnuðinum Fíladelfíu í Reykjavík
forstöðu, en þau hafa undanfarin 17 ár verið í forsvari fyrir
hvítasunnusöfnuðinn á Akureyri.
VÖRÐUR Traustason forstöðu-
maður hvítasunnusafnaðarins á
Akureyri og eiginkona hans, Est-
er Jacobsen, hafa verið kölluð til
starfa til að veita hvítasunnu-
söfnuðinum í Reykjavík forstöðu.
Aðalsafnaðarfundur safnaðarins
sem haldinn verður í byrjun maí
næstkomandi þarf að samþykkja
köllun þeirra. Þau taka við af
Hafliða Kristinssyni sem gegnt
hefur starfinu undanfarin 9 ár
en heldur nú til náms til Banda-
ríkjanna. Theodór Birgisson for-
stöðumaður hvitasunnukirkjunn-
ar á Isafirði hefur verið kallaður
til starfa á Akureyri.
Vörður og Ester hafa búið á
Akureyri í 20 ár og veitt söfnuði
hvítasunnumanna í bænum for-
stöðu í 17 ár, utan eitt ár er þau
störfuðu í Noregi þar sem þau
unnu á vegum kirkjunnar m.a.
við aðhlynningu og meðferð
fíkniefnasjúklinga.
Vaxandi starfsemi
Þegar þau tóku við starfinu
fyrir 17 árum voru um 35 manns
í söfnuðinum, en starfseminni
hefur vaxið mjög fiskur um
hrygg frá þeim tíma. Starfið fór
fram í húsnæði safnaðarins við
Lundargötu.
Vörður sagði að árið 1982
hefði söfnuðurinn ráðist í hús-
byggingu við Skarðshlíð, fjórum
árum síðar var starfsemi safnað-
arins flutt í nýja húsnæðið og
árið 1988 tók leikskólinn Hlíðar-
ból, sem Hvítasunnukirkjan rek-
ur, til starfa. Þar er pláss fyrir
80 börn.
Um og eftir 1990 kom margt
nýtt fólk til starfa innan safn-
aðarins, m.a. mikið af fjölskyldu-
fólki. Nú starfa um 130 manns
með hvítasunnusöfnuðinum á
Akureyri og í nágrenni, en minni
söfnuðir eru starfandi á nokkr-
um stöðum á Norðurlandi,
Vopnafirði, Húsavík, í Hrísey, á
Ólafsfirði, Siglufirði og Skaga-
strönd.„Þetta hefur verið mjög
gefandi starf,“ sagði Vörður.
,.Það eru vissulega blendnar til-
finningar sem fylgja því að yfir-
gefa söfnuðinn hér, innan hans
er mikill kærleikur og maður
finnur sterkt til þess að fólki
þykir vænt um mann. En við
finnum að við eigum að fara,
taka við nýju starfi. Ég veit það
verður erfitt og örugglega eril-
samara en hér fyrir norðan enda
söfnuðurinn stærri. Við vonum
hins vegar að við getum látið
gott af okkur leiða.“ „Það verð-
ur heilmikil breyting á lífi okkar
en við hlökkum til að takast á
við ný verkefni,“ sagði Ester.
Ljósmyndasýning Morgunblaðsins
MÓSAMBÍK
Fátækt land með framtíð
Mósambík er eitt fátækasta land heims og illa leikið eftir langvinnar styrjaldir og alræðisstjórn.
En þetta stóra Afríkuríki er engu að síður land möguleikanna. Ýmsar líknar- og hjálparstofnanir
hafa verið að leggja landsmönnum lið við að bæta lífskjörin. Á meðal þeirra eru Hjálparstofnun
kirkjunnar og Þróunarsamvinnustofnun Islands.
Þorkell Þorkelsson, Ijósmyndari Morgunblaðsins, ferðaðist nýverið um Mósambík og fylgdist
meðal annars með brunnagerð og jarðsprengjuhreinsun, auk þess sem hann beindi linsum sínum
að litskrúðugu mannlífinu. í anddyri Morgunblaðshússins, Kringlunni 1, hefur verið komið upp
yfirlitssýningu á völdum myndum sem teknar voru í ferðinni.
Sýningin hefst á morgun, föstudaginn 21. febrúar, og lýkur föstudaginn 7. mars. Hún er opin
á afgreiðslutíma blaðsins kl. 8-18 alla virka daga og laugardaga kl. 8-12.
Allar myndirnar á sýningunni eru til sölu.
MYNDASAFN
Morgunblaðið/Kristján
VETRARÍÞRÓTTIR setja svip sinn á Dekurdaga sem hefjast á
Akureyri á morgun og standa í rúma viku. Gera má ráð fyrir
að líf og fjör verði bæði í Hlíðarfjalli, þar sem þessir snjóbretta-
kappar voru að gera sig klára, en einnig verður mikið um að
vera á á skautasvellinu.
Dekurdagar
á Akureyri
DEKURDAGAR hefjast á Akur-
eyri á morgun, föstudag, en um
er að ræða átak sem Upplýsinga-
miðstöðin í samstarfi við ferða-
þjónustu, veitingastaði og verslan-
ir á Akureyri standa að og er
ætlað að beina athygli að fjöl-
breyttri afþreyingu og skemmtun-
um í bænum yfir vetrartímann.
Mikill áhugi
Guðmundur Birgir Heiðarsson
forstöðumaður Upplýsingamið-
stöðvarinnar sagði að þetta væri
í annað sinn sem efnt væri til
Dekurdaga á Akureyri. í fyrra var
veður ekki hagstætt þegar dag-
amir stóðu yfir en útlitið virðist
betra nú. „Við verðum vör við
mikinn áhuga sem við merkjum
m.a. á fleiri pöntunum í flugi,“
sagði Guðmundur Birgir, en benti
á að dagarnir væru ekki síður til
þess haldnir að skemmta bæjarbú-
um og nærsveitarmönnum. „Við
leggjum áherslu á það sem er að
gerast í bænum, hér er alltaf líf-
legt, bæði á sviði menningar og
afþreyingar.“
Vetraríþróttir setja svip sinn á
dekurdagana og má nefna að di-
skótek verður á skautasvellinu
annað kvöld frá kl. 19 til 23 og
skíðaunnendur geta rennt sér nið-
ur brekkurnar í Hlíðarfjalli fram
til miðnættis, en þar verður opið
frá kl. 21 til 24 annað kvöld.
Tónleikar og sýningar
Á menningarsviðinu má nefna
að vígslutónleikar nýs konsert-
flygils verða á laugardag, Frey-
vangsleikhúsið frumsýnir gaman-
leik annað kvöld og Leikfélag
Akureyrar sýnir verkin Undir ber-
um himni og Kossa og kúlissur. Á
Listasafninu á Akureyri standa
yfir tvær sýningar. Á skemmti-
stöðunum verður einnig ýmislegt
um að vera.
Alla næstu viku og helgina þar
á eftir verða einnig margvíslegir
viðburðir, má m.a. nefna langan
laugardag í verslunum með útsöl-
um og tilboðum. Bikarmót í snjó-
krossi verður haldið sem og snjó-
brettamót og skíðatrimm á göngu-
skíðum.
I
i
i
I
Hjálpum Herdísi •
STUÐNINGSFÓLK Herdísar
Hauksdóttur, Einholti 2a á Akur-
eyri, hafa opnað bankareikning í
Landsbanka íslands, Brekkuaf-
greiðslu, kjörbók nr. 63100. Kjör-
orð söfnunarinnar er Hjálpum
Herdísi.
Hjördís er 27 ára gömul og
hefur allt frá barnæsku átt við
veikindi að stríða, en þau hafa
ágerst nú síðari ár. Fram kemur
í frétt frá stuðningsfólkinu að hún
sé ein af þeim mörgu sjúklingum
sem fáir vita af, en hún hefur reynt
að lifa lífinu eins og aðstæður leyfa
þrátt fyrir veikindi sín. Fyrr í þess-
um mánuði fór hún til Kaup-
mannahafnar ásamt foreldrum og
eldri systur. Þar gengust systurnar
undir aðgerð, þar sem sú eldri gaf
Herdísi annað nýra sitt, því nýru
i
&
»
+
Dómaranámskeið
Hlaupadeild Skautasambands íslands
heldur dómaranámskeið í listhlaupi
dagana 2. og 3. mars í Reykjavík
og á Akureyri 4.-6. mars.
Námskeiðsgjald er 3.000 kr.
Innritun og upplýsingar í síma 552 9620
(Jóhanna) milli kl. 19-21 í kvöld og annað kvöld.
hennar eru nánast óstarfhæf.
Stuðningsfólk vill létta Herdísi •
og fjölskyldu hennar fjárhagsbyrð-
ina sem af veikindunum hefur
hlotist og leitar því til almennings
um fjárframlög.
------» ♦-------
Samvera eldri j
borgara i
SAMVERA eldri borgara verður í
Glerárkirkju á morgun, föstudag-
inn 21. febrúar og hefst hún
klukkan 15. Samveran byggist
upp á helgistund, upplestri, söng
og að lokum verða bornar fram
kaffiveitingar.