Morgunblaðið - 20.02.1997, Side 46

46 FIMMTUDAGUR 20. FEBRÚAR 1997
MORGUNBLAÐIÐ
Ég kom með hundinn minn Já, hann er ekta hundur, Einhverjar fleiri Nei, við útbýtum ekki
vegna skýrslunnar minnar í nei, þetta er ekki lítill spurningar? ókeypis blöðrum!
dag. krakki í hundafötum, nei,
hann talar ekki, hundar tala
ekki.
BREF
TTL BLAÐSINS
Kringlan 1103 Reykjavík • Sími 569 1100 • Símbréf 569 1329
• Netfang: lauga@mbl.is
Fæðingarorlofið
er of stutt
Frá Fríðu Björk Másdóttur:
ÞEGAR kona fer í fæðingarorlof
þá kynnist hún sínu nýja barni, sem
hún bar undir belti í 9 mánuði. Að
sjálfsögðu þarf barnið að kynnast
foreldrum sínum og öðrum ættingj-
um. En allt í einu eftir 6 mánuði
þarf konan að láta barnið frá sér
vegna þess að svo segja lögin.
Móðir og barn tengjast sterkum
böndum strax við fæðingu barnsins
og kynnast þörfum hvors annars.
Bijóstagjöf er ein sú mesta unaðs-
stund sem móðir og barn eiga sam-
an, en að vísu eru ekki öll börn á
brjósti, aftur á móti eru önnur mjög
lengi. En eins og lögin segja verður
þú, kona góð, að klippa á þennan
unaðsgjafa eftir 6 mánuði og láta
einhvern annan aðila úti í bæ sjá
um uppeldið á þínu bami á meðan
þú vinnur úti.
Misjafnt er hvað konur hafa í
laun á mánuði, en setjum það upp
þannig að þau séu í kringum 60-
62.000 á mánuði sem eru lág-
markslaun. Hvað kostar svo dagm-
amma fyrir barnið allan daginn?
Það eru um 30.000 en Reykjanes-
bær greiðir niður um 11.000 á
mánuði þannig að eftir standa
kannski 44.000. Er þetta hægt?
Þriðjungur barna í Reykjanesbæ
voru á biðlista inn á leikskóla í
desember sl. eða um 275 börn.
Mikill skortur er á fagfólki á leik-
skólum í Reykjanesbæ og eru að-
eins 18 leikskólakennarar af 102
starfsmönnum. Hlutfall faglærðs
starfsfólks á leikskólum Reykjanes-
bæjar er því 23,2%.
Börn í Reykjanesbæ eiga rétt á
leikskólavist frá 2ja ára aldri en
biðlistarnir sýna það og sanna að
börn komast yfirleitt ekki að fyrr
en 3ja ára gömul.
Ekkert er laust hjá dagmæðrum
í Keflavík eins og er, samkvæmt
samtali mínu við starfsmann bæjar-
skrifstofunnar í Keflavík sem sér
um dagvistun barna hjá dagmæðr-
um, en það losnar væntanlega með
sumrinu.
Af hveiju á ég að láta einhveija
konu úti í bæ, þótt hún sé hæf, sjá
um og taka ábyrgð á mínu barni
þegar ég get séð um það sjálf?
Sagt er að börn byiji á hinum og
þessum hlutum um og yfir 6 mán-
aða aldri, t.d. flest börn læra að
sitja örugglega milli 7-9 mánaða
aldurs, þau byija vanalega að
skríða milli 6 og 12 mánaða. Sum
börn byija að standa milli 7 og 9
mánaða. Ég gæti talið upp miklu
meira en læt það ógert. Af hverju
megum við foreldrarnir ekki fá að
njóta með barninu okkar þessara
mestu framfara lífs þess?
Ég myndi vilja vera heima hjá
mínu barni alla vega til 2ja ára
aldurs svo að ég geti notið þess að
hugsa um það, búa um það af ást
og umhyggju vegna þess að ég
efast um að 6 mánaða gamalt barn
sé tilbúið að fara úr sínu umhverfi
í annað bróðurpartinn úr deginum.
Hvort vilja yfirvöld að konur
misnoti atvinnuieysisbæturnar eða
fái lengra fæðingarorlof?
Ég skora á yfirvöld að hugsa
málið og leyfa okkur foreldrum að
annast barnið okkar sjálf. — Á full-
um launum auðvitað.
FRÍÐA BJÖRK MÁSDÓTTIR,
Hringbraut 136, Keflavík.
Austur yfir fjall
Frá Eysteini Sigurðssyni:
ÁRNI Johnsen alþingismaður skrif-
aði grein 15. febr. hér í Mbl. um
nauðsyn þess að raflýsa þjóðveginn
yfir Hellisheiði. Ég er honum hjart-
anlega sammála um nauðsyn þess-
arar lýsingar strax og efni þjóðar-
búsins leyfa, en ég er honum jafn
ósammála í því að í fyrirsögn grein-
arinnar og margoft í henni síðar
talar hann um leiðina „austur fyrir
Fjall“.
Fyrir það fyrsta held ég að rangt
sé að skrifa „fjall" hér með stórum
staf. Fjallið, sem um ræðir, er Hell-
isheiðin, og orðið er ekki stytting á
sérnafni heldur samheitið sem not-
að er um þúsundir fjalla um allt
land.
í öðru lagi er það málvilla að
tala um að fara „austur fyrir ijall“.
Réttara er að fara „austur yfir
fjall“. Þetta kenndi mér ungum
móðir mín, Þóra Eyjólfsdóttir, bor-
inn og bamfæddur Reykvíkingur,
en hún og hennar fólk fullyrtu að
í sínu ungdæmi hefði þessi leið frá
Reykjavík alltaf heitið austur yfir
fjall. Síðan hef ég aukheldur fengið
það staðfest að þetta er rétt með
því að skoða gömul dæmi úr rit-
heimildum.
Það segir sig líka sjálft að þetta
er rökréttara, sé miðað við gömlu
þjóðleiðina. Hún lá hér upp með
Sandskeiði, hjá Draugatjörn og
Kolviðarhóli, upp Hellisskarð og síð-
an sem leið lá austur Hellisheiðina
og niður Kamba. Þá leið fóru menn
hér áður fyrr fótgangandi eða
hrossríðandi yfir fjallið, og má enn
sjá menjar hennar í vörðum og
sæluhúsarústum. Aftur á móti voru
menn „fyrir austan fjall“ þegar
austur var komið, og af því orða-
lagi er, held ég, hið nýrra dregið
með einfaldari áhrifsbreytingu. Ef
til vill á stuðlasetning líka hér ein-
hvem hlut að máli (f:f).
En meðan við fylgjum þeirri
stefnu að halda íslenskunni hreinni
ættum við öll, held ég, alþingismenn
sem aðrir, að temja okkur að nota
orðalagið austur yfir fjall um leiðina
yfír Hellisheiðina okkar. Fyrir okk-
ur bíleigendur er raflýsing hennar
hið mesta þarfamál. Ég er reiðubú-
inn að vera harður stuðningsmaður
Árna Johnsen í því máli, en með
því fororði að hann vilji í reynd lýsa
upp leiðina yfír fjallið.
EYSTEINN SIGURÐSSON,
íslenskufræðingur og kennari við
Stýrimannaskólann og Vélskólann.
Allt efni sem birtist í Morgunblaðinu og Lesbók er varðveitt í upplýsinga-
safni þess. Morgunblaðið áskilur sér rétt til að ráðstafa efninu þaðan, hvort
sem er með endurbirtingu eða á annan hátt. Þeir sem afhenda blaðinu efni
til birtingar teljast samþykkja þetta, ef ekki fylgir fyrirvari hér að lútandi.