Morgunblaðið - 20.02.1997, Blaðsíða 25

MORGUNBLAÐIÐ
FIMMTUDAGUR 20. FEBRÚAR 1997 25
LISTIR
SÆNSKA leikkonan Bibi Anders-
son stendur á krossgötum. í lok
þessa leikárs yfirgefur hún Dram-
aten í Stokkhólmi, þar sem hún
hefur starfað í áratugi og reynir
fyrir sér með óháðum leikhópum,
helst konum, segir hún sjálf í við-
tali við Politiken. Hún hefur leikið
á sviði og í kvikmyndum, verið
virk í stjórnmálum en nú er hún
komin á byijunarreit.
Andersson er 59 ára og í vetur
var samningur hennar við Dram-
aten, þar sem hún hefur starfað
með hléum frá 1954, ekki end-
urnýjaður. Hún kennir því um að
hún hafi verið talsmaður leikar-
anna þegar mótmæla þurfti því
sem miður fór og að hún fái nú
að kenna á því, „Því miður höfum
við engin verkefni fyrir þig á
næsta leikári," stóð í uppsagnar-
bréfinu.
Bibi Andersson segist vilja
spreyta sig með leikhópum, helst
konum. Ein hugmyndin er að
skrifa verk þar sem hópur kvenna
hittist í París í lok heimsstyijald-
arinnar síðari og horfir í framtíð-
ina. „A meðal áhorfenda í leikhúsi
er jafnan fjöldinn allur af konum,
60 ára og eldri, sem eru komnar
á „menningaraldurinn". Hvers
vegna ekki að leika beint fyrir
þær?“ segir Andersson en hún
hefur nú þegar samið eitt verk
sem hún segir ekki síst höfða til
þessa hóps. Það var sýnt á leiklist-
arhátíð í Stokkhólmi sl. haust og
fjallar um þijár eiginkonur Aug-
usts Strindbergs, sem hittast og
skiptast á reynslusögum.
Einna þekktust er Andersson
líklega fyrir leik sinn í kvikmynd-
BIBI Andersson er 59 ára og Dramaten í Stokkhólmi Um Ingmars Bergmans en sú
hefur ekki lengur þörf fyrir starfskrafta hennar. reynsla var ekki átakalaus. í end-
Bibi And-
ersson á
kross-
götum
urminningum sínum rifjar hún
upp hversu mjög samstarfið gat
tekið á taugarnar en yfirlýsing
Bergmans: „Bibi grætur. Það tek-
ur að minnsta kosti klukkutima.
Matarhlé!“ er gott dæmi um það.
Engu að síður voru þau góðir vin-
ir og áttu árangursríkt samstarf.
Segist Andersson telja að fáum
hafi tekist eins vel upp við að lýsa
konum og Bergman. Hún segist
ekki horfa á gömlu kvikmyndirn-
ar sem hún Iék í. Segist þó hafa
séð Persona fyrir skemmstu og
fundist eigin frammistaða ágæt,
þó að hún skilji myndina til fulls
fyrst nú.
Sarajevo-listinn
Fyrir þremur árum hellti Bibi
Andersson sér út í stjórnmál.
Hvatinn að því var ferð hennar
til Sarajevo og fleiri bæja og
borga í Bosníu. Heimsóknin hafði
svo mikil áhrif á hana að hún
stofnaði samtök, Sarajevo-listann,
sem hafði það eitt að markmiði
að opna aftur leiðina til Sarajevo,
sem þá var einangruð vegna
stríðsátaka. Listinn var í framboði
í þingkosningum en kom ekki
manni inn á þing. Eftir silja
Andersson og aðrir forsvarsmenn,
skuldugir upp fyrir haus.
En hún starfar áfram í
sljórnmálum, m.a. er hún félagi í
Helsinki-mannr éttindanefndinni
og á vegum hennar hélt hún fyrir
skömmu til Belgrad, þar sem hún
hitti námsmenn og aðra stjórnar-
andstæðinga að máli.
Þrýst á sorgarhnappana
Bibi Andersson hefur ferðast
alloft til Bosníu, síðast í október.
Hún segir að eftirminnilegast sé
fólkið, ekki eyðileggingin. Hún
nefnir leikarann Nermin Tulic,
sem sakaði hana um að vera á
„stríðssafaríi". Hún gerði allt sem
í hennar valdi stóð til að afsanna
orð hans og tókst að útvega
leikflokki hans fjármagn til að
setja upp sýningar og koma til
Svíþjóðar. Það tókst.
Nú segir hún Sarajevo breytta.
Þar hafi ummerki vestrænnar
„menningar" skotið upp kollinum;
hamborgarastaðir, verslana-
keðjur og tölvuverslanir.
Geysilegu fjármagni sé veitt til
landsins en hún komi ekki hinum
allslausu til góða.
Nýjasta hlutverk hennar er í
harmleik Evrípídesar um
Trójudætur, þar sem hún túlkar
fórnarlamb stríðsátaka. Hún
segist þó ekki sælya þá reynslu
til stríðsins í lýðveldum gömlu
Júgóslavíu. „Þegar maður túlkar
sorg á sviði getur maður ekki
nýtt sér sorg annarra. Þá verður
maður að ýta á eigin sorgar-
hnappa.“
Málþing haldið um
tónlist á nýrri öld
„ÍSLENSK tónlist á nýrri öld“ nefn-
ist málþing sem haldið verður í FÍH-
salnum, Rauðagerði 27, kl. 11-17.
á iaugardaginn. Málþingið er ókeyp-
is.
Dagskrá málþingsins verður á
þessa leið: Tönlist eftir pöntun -
Music on demand (MOD). Heiðar Jón
Hannesson frá SKYRR kynnir þró-
unarverkefni sem SKÝRR hefur unn-
ið að ásamt erlendum fyrirtækjum
með styrk frá ESB.
Starfssvið tönlistarstjórans.
Magnús Einarsson, tónlistarstjóri
Rásar 2.
Tölvan velur tónlistina. Ágúst
Héðinsson, dagskrárgerðarmaður á
Bylgjunni, fiallar um notkun forrita
til að velja tónlist til spilunar á út-
varpsstöðvum.
Það sem íslendingar geta lært af
Svíum. Hans Lindström, fram-
kvæmdastjóri AMI, samtaka listflytj-
enda í Svíþjóð, ræðir um sænsk sjón-
Bíósalur MÍR
„Farðu og
sjáðu“
RÚSSNESKA kvikmyndin „Farðu
og sjáðu“ (Ídí í smotrí) sýnd í bíó-
sal MÍR, Vatnsstíg 10, sunnudag-
inn 23. febrúar kl. 16.
Mynd þessi var gerð 1985 og
fjallar um ógnarverk þýska innrás-
arhersins í Hvíta-Rússlandi árið
1942. Sagt er frá örlögum íbúa
þorpsins Perekhody, eins af nær
700 þorpum í Hvíta-Rússlandi sem
Þjóðveijar jöfnuðu við jörðu.
Aðalpersónan í kvikmmyndinni
er drengurinn Flera sem finnur
riffii og gengur til liðs við skæru-
liða.
Leikstjóri er Elem Klimov. Með
aðalhlutverk fara Alexei Kravts-
enko, Olga Mironova og Ljudbom-
iras Lauciavicius. Enskur texti.
Aðgangur er ókeypis.
armið til þarlendrar tónlistar og þann
árangur sem Svíar hafa náð í útflutn-
ing( hennar.
Útflutningur á íslenskri tónlist.
Árni Magnússon, aðstoðarmaður iðn-
aðarráðherra skýrir frá niðurstöðum
starfshóps iðnaðarráðuneytisins og
íslensks tóniistariðnaðar.
íslenski tónlistariðnaðurinn. Stein-
ar Berg ísleifsson, framkvæmda-
stjóri Spors, segir frá þróuninni síð-
ustu ár og framtíðarhorfum.
Hvað fmnst almenningi? Kynntar
verða niðurstöður úr nýrri viðhorfs-
könnun Hagvangs á afstöðu íslend-
inga til þeirra áhrifa sem tónlistar-
spilun í útvarpi hefur, trú þeirra á
opinberan stuðning við útflutning
íslenskrar tónlistar - og hvers konar
íslenska tónlist þeir hlusta helst á í
útvarpi.
Boðið verður upp á hádegisverð
og í ráðstefnulok verða boðnar léttar
veitingar.
Síðasta sýningarhelgi
Úr landslagi
í afstrakt
í LISTASETRINU Kirkjuhvoli á
Akranesþ lýkur nú á sunnudag sýn-
ingunni Úr landslagi í afstrakt. Sýn-
ing þessi er úr safni Hafnarborgar,
menningar- og listastofnunar Hafn-
arfjarðar, og er hluti úr sýningu með
sama nafni sem sett var upp í Hafn-
arborg í ágúst 1994.
Á sýningunni eru verk eftir Ágúst
Petersen, Björn Roth, Benedikt
Gunnarsson, Eirík Smith, Jón Þor-
leifsson, Júlíönu Sveinsdóttur, Krist-
ján Davíðsson, Nínu Tryggvadóttur,
Svein Björnsson, Sigurð Sigurðsson,
S'.’ein Þórarinsson og Veturliða
Gunnarsson.
Viðfangsefni sýningarinnar er
landslag sem verður kveikja að af-
straktmyndum og afstraktmyndir
sem kvikna af landslagi.
Listasetrið er opið virka daga frá
kl. 19-21 og frá kl. 15-18 um heig-
ar.
sem
hufísa

mikiö
um
heilsuna...