Morgunblaðið - 27.02.1997, Page 15

MORGUNBLAÐIÐ
LANDIÐ
FIMMTUDAGUR 27. FEBRÚAR 1997 15
Morgunblaðið/Kr.Ben.
LEKI kom upp við inntakið á forsjóðaranum þegar verksmiðja
SR-mjöls í Helguvík var gangsett í gær en iðnaðarmenn brugðu
skjótt við. Lengst til hægri fylgist Þórður
Jónsson rekstrarstjóri með.
ÞEIR Jón Reynir Magnússon, forsljóri SR-mjöls, og Hlynur Arn-
dal Jónsson, framkvæmdastjóri fjármálasviðs, voru mættir suður
í Helguvík að fyigjast með gangsetningunni og eru hér ásamt
Þórði Jónssyni rekstrasljóra.
Loðnuverksmiðjan í
Helgnvík gangsett í gær
Grindavík - Ný loðnuverksmiðja
SR-mjöls í Helguvík var formlega
tekin í notkun í gærmorgun eftir að
starfsmenn hinna ýmsu verktaka og
SR-mjöls höfðu lagt nótt við dag til
að ná þessum áfanga.
Þórður Jónsson, rekstrarstjóri fyr-
irtækisins, og Guðjón Engilbertsson,
vinnslustjóri verksmiðjunnar, höfðu
í mörgu að snúast meðan lagnir voru
þrýstiprófaðar áður en hráefninu var
hleypt inn á sjóðarana. Gallar komu
fram hér og þar en þó ekki stórvægi-
legir. Herða þurfti uppá boltum á
nokkrum stöðum á samsetningu á
gufuleiðslum og það var síðan á ell-
efta tímanum í gærmorgun sem
loðnu var dælt inn í verksmiðjuna
og suðan hófst. Starsmennirnir
fylgdust síðan með því þegar loðnan
fór frá einu framleiðslustiginu til
annars í gegnum verksmiðjuna, frá
sjóðaranum gegnum forpressu,
pressu og þurrkara, þar til út kemur
fullunnin afurð.
Þórður sagði að bygging verk-
smiðjunnar hefði tafist um mánuð
miðað við upphaflegu áætlunina.
Ekki væri hægt á þessu stigi að
meta hversu mikið framleiðslutapið
væri í krónum talið þennan tíma, því
í rauninni hefði verið verst að missa
út síðustu tvær vikur. Þá hefði allur
tíminn farið í að komast í gang frek-
ar en að standa í ótímabærum út-
reikningum.
Byggingarkostnaður
800 milljónir
Verksmiðjan í Helguvík er meðal-
stór á íslenskan mælikvarða og getur
brætt 600-900 tonn af hráefni á sól-
arhring en bræðslugetan fer töluvert
eftir hráefninu sem berst að. Kostn-
aður er áætlaður um 800 milljónir
króna og iætur nærri að endanlegur
kostnaður verði nálægt áætlun. Hún
er búin nýjustu gerð af þurrkurum
og á að geta framleitt allar gerðir
af mjöli, meðal annars svokallað
hágæðamjöl, en það er dýrara í fram-
leiðslu en aðrir flokkar mjöls.
Húsagerðin í Keflavík byggði
verksmiðjuhúsið. Þurrkararnir eru
norskir og ýmsir aðrir hlutir tækja-
búnaðarins flutt notað inn frá Nor-
egi, eins og sjóðarar og pressur. Þá
er mikið af búnaðinum smíðað hér
innanlands bæði á vélaverkstæði
SR-mjöls og í öðrum vélsmiðjum.
Ófærð á
Flateyri
Flateyri - Norðaustanátt með snjó-
komu, skafrenningi og stinnings-
kalda minnti Flateyringa óþægilega
á gamalkunnugar aðstæður síðast-
liðna helgi. Mikil ófærð var og þurfti
að notast við bát til að feija fólk út
í Holt í Önundarfirði.
Aðalgötur sem og hliðargötur voru
erfiðar yfirferðar vegna skafrenn-
ings sem gat náð allt að tveim metr-
um á hæð. Rýma þurfti hús og fengu
íbúar þeirra að gista í nýju félagsmið-
stöðinni fyrir ofan leikskólann í Græ-
nagarði. Seinni hluta sunnudags var
hættuástandi aflýst og sneru þá íbú-
ar aftur til síns heima.
Nóg var að gera hjá fyrirtækinu
Afreksmenn ehf. sem sér um snjó-
mokstur og aðra skylda starfsemi
við að ryðja götur bæjarins af öllum
snjónum. Fyrir yngstu kynslóðina var
þetta hinsvegar mikið ævintýri að
leika sér í snjónum sem gat náð alla
leið undir tjáfur húsa.
Morgunblaðið/Aldís Hafsteinsdóttir
KRAKKARNIR í 8.-H í Grunnskólanum í Hveragerði vilja vekja
athygli á málefnum Baháá í Iran.
Unglingar í Hveragerði
mótmæla dauðadómi
Hveragerði - Utanríkisráð-
herra, Halldóri Ásgrímssyni,
hefur verið sent bréf frá 8. bekk
H í Grunnskólanum í Hvera-
gerði, þar sem krakkarnir leita
liðsinnis ráðherra og biðja hann
um að mótmæla dauðadómi yfir
tveim Bahá’um í Iran.
í bréfinu segir meðal ann-
ars:„í bekknum okkar er stelpa
sem er Baháí og við biðjum þig
að mótmæla dauðadómi sem
kveðinn hefur verið upp í íran
yfir Zabihullah Mahrami og
Musa Talebi fyrir það eitt að
gerast fráhverfir Islam og einn-
ig fangelsun tveggja annarra
Baháá. Ef þú gætir gert þetta
fyrir okkur, værum við þér
mjög þakklát."
Bfrífa Þrastardóttir, í 8.-H, er
einn af fimm Baháúm í Grunn-
skólanum í Hveragerði. Hún
kom með myndband í skólann
einn daginn og sýndi bekkjarfé-
lögum sínum. Þar sagði frá 16
ára stúlku sem tekin var af lífi
ásamt fleiri konum vegna þess
eins að þær voru Baháár. Þetta
myndband vakti athygli bekkj-
arins á málefnum Baháá í íran,
en þar hafa þeir verið ofsóttir
í mörg ár.
Vildu krakkarnir leggja sitt
af mörkum til að vekja athygli
á þessu máli og því ákváðu þau
aðskrifa utanríkisráðherra.
Þau sögðust hafa trú á því að
Halldór legði þessu máli lið og
að bréf þeirra kæmi til með að
skipta máli. Krakkarnir í
Hveragerði telja það grundvall-
armannréttindi að fólk hafi
frelsi til að velja trúarbrögð eða
eins og Drífa sagði: „Mér finnst
að allir eigi að geta búið saman
í sátt og samlyndi burtséð frá
litarhætti og trúarbrögðum.“
Bókmenntaverðlaun Halldórs Laxness
500.000 KRÓNA
VERÐLAUNAFÉ!
Handritum skal skilað fyrir 15. maí 1997 til
Vöku-Helgafells, Síðumúla 6, 108 Reykjavík,
merkt „Bókmenntaverðlaun Halldórs Lax-
ness“. Handritin eiga að vera merkt dulnefni
en rétt nafn fylgi með í lokuðu umslagi.
HANDRITIÐ GEFIÐ ÚT í HAUST
Ætlunin er að Bókmenntaverðlaun Halldórs
Laxness verði veitt árlega. Komist dómnefnd
hins vegar einhverju sinni að þeirri niðurstöðu
að ekkert handritanna verðskuldi verðlaunin
getur hún ákveðið að veita þau höfundi sem
talinn er hafa auðgað íslenskar bókmenntir
með verkum sem þegar hafa verið gefin út.
SAMKEPPNIN ÖLLUM OPIN
Minnt er á að samkeppnin um Bókmennta-
verðlaun Halldórs Laxness er öllum opin, hvort
sem þátttakendur hafa áður gefið út bækur
eða ekki. Við hvetjum því jafnt unga sem
aldna höfunda til þess að senda handrit sín í
keppnina.
Að samkeppni lokinni geta þátttakendur
vitjað handritanna hjá Vöku- Helgafelli.
Upplýsingar um samkeppnina vekir
Pétur Már Ólafsson, í síma 550 3134
milli kl. 9 og 17.
VAKA-HELGAFELL • Síðumúla 6 • 108 Reykjavík • Sími 550 3000
Bókmenntaverðlaun Halldórs Laxness voru
veitt í fyrsta sinn á liðnu hausti að undan-
genginni samkeppni. Við það tilefni var
minnt á að verðlaunin verða veitt árlega og
voru rithöfundar hvattir til að senda inn
handrit í samkeppni næsta árs. Skilafrestur
handrita er til 15. maí 1997. Verðlaunin
verða síðan afhent á hausti komandi og
kemur verðlaunabókin út sama dag hjá
Vöku-Helgafelli. Megintilgangur Bók-
menntaverðlauna Halldórs Laxness er að
efla íslenskan sagnaskáldskap og stuðla
þannig að endurnýjun íslenskrar frásagnar-
listar. Bókaforlagið Vaka-Helgafell stendur
að verðlaununum í samráði við fjölskyldu
skáldsins.
VERÐLAUNIN
Vaka-Helgafell leggur fram verðlaunaféð sem
nemur 500 þúsund krónum en við verðlauna-
upphæðina bætast venjuleg höfundarlaun
samkvæmt rammasamningi Rithöfunda-
sambands fslands og Félags íslenskra bóka-
útgefenda. Verðlaunin eru veitt fyrir nýja og
áður óbirta íslenska skáldsögu, eða safn
smásagna, að undangenginni samkeppni sem
er öllum onin.