Morgunblaðið - 27.02.1997, Qupperneq 23

MORGUNBLAÐIÐ
FIMMTUDAGUR 27. FEBRÚAR 1997 23
LISTIR
„Reykjavík - menningarborg
Evrópu árið 2000“
Framkvæmda-
stjórnin tekur við
undirbúningi
INGIBJORG Sólrún Gísladóttir
borgarstjóri fól nýskipaðri fram-
kvæmdastjórn „Reykjavíkur -
menningarborgar Evrópu árið
2000“ að taka við undirbúningi
verkefnisins við upphaf fyrsta
fundar stjórnarinnar í Ráðhúsi
Reykjavíkur í gær. Kvaðst hún við
það tækifæri vonast til að verkefn-
ið eigi eftir að efla og styrkja ís-
lenska menningu til lengri tíma
litið, ekki sé einvörðungu stefnt
að ,,flugeldasýningu“ árið 2000.
Akvörðunin um að tilnefna
Reykjavíkurborg ásamt átta öðrum
borgum menningarborg Evrópu
árið 2000 var tekin af ráðherra-
nefnd Evrópusambandsins í árslok
1995. Eru hinar borgirnar Avign-
on, Bologna, Prag, Helsinki, Berg-
en, Brussel, Santiago de Compo-
stela og Kraká. Markmið verkefn-
isins mun vera að auka gagnkvæm
kynni Evrópuþjóðanna, að draga
fram sameiginleg einkenni Evr-
ópuríkja en leggja um leið áherslu
á ijölbreytileika og að gera menn-
ingarlega sérstöðu einstakra
borga, svæða eða landa almenningi
ljósari og aðgengilegri. Gert er ráð
fyrir töluverðu samstarfi milli við-
komandi menningarborga í tengsl-
um við verkefnið.
„Reykjavík - menningarborg
Evrópu árið 2000“ er í forræði
og á ábyrgð Reykjavíkurborgar
en verður rekin sem sjálfstæð ein-
ing, aðgreind frá stjórnkerfi borg-
arinnar og kostuð af sjálfstæðum
sjóði. Á fjárhagsáætlun Reykja-
víkurborgar fyrir þetta ár er gert
ráð fyrir 20 milljóna króna fjár-
veitingu til verkefnisins en að
sögn borgarstjóra er gert ráð fyr-
ir að ijárframlagið fari vaxandi á
næstu árum.
Ýtir á eftir
tónlistarhúsi
Markmið borgarinnar með verk-
efninu hafa hvorki verið skilgreind
né sett fram á einum stað en að
sögn borgarstjóra hafa eftirfarandi
verið nefnd í umræðum og gögn-
um: Að auka hlut menningar í
starfsemi borgarinnar, að efla starf
og sköpun á sviði menningar, að
vekja athygli á íslandi, Reykjavík
og íslenskri menningu meðal ann-
arra þjóða, að setja nýjar áherslur
í landkynningu og ferðaþjónustu
en „menningartúrismi“, svo sem
Morgunblaðið/Kristinn
BORGARSTJÓRI og framkvæmdanefndarmenn á fundinum í gær.
borgarstjóri orðaði það, mun hafa
aukist til muna í kringum menn-
ingarborgir Evrópu til þessa, að
markaðssetja íslenska menningu
erlendis, að vekja íslendinga til
gagnrýnnar hugsunar um stöðu
eigin menningar í alþjóðlegu sam-
hengi og að skila íslenskri menn-
ingu aðstöðubót, svo sem tónlistar-
húsi.
Varðandi síðastnefnda liðinn
kvaðst Ingibjörg Sólrún vona að
„Reykjavík - menningarborg Evr-
ópu árið 2000“ gæti ýtt á eftir
hugmyndum um byggingu tónlist-
arhúss hér á landi, þó svo það yrði
ef til vill ekki reiðubúið til notkun-
ar menningarborgarárið.
Guðrún Ágústsdóttir, einn af
fulltrúum Reykjavíkurborgar í
framkvæmdastjórninni, sagði að
borgin muni í tengslum við verk-
efnið veita meira fé til menningar-
mála en nokkru sinni fyrr - sem
skipti verulegu máli. Þess sjái þeg-
ar stað í fjárhagsáætlun ársins
1997 en aukinheldur hafi Reykja-
víkurborg, svo sem fleiri menning-
arborgir á undan henni, hafíst
handa við að taka til í betri stof-
unni, það er að segja miðbæ
Reykjavíkur. Nefndi hún Safna-
húsið og Hafnarhúsið sérstaklega
í því samhengi.
Auk Guðrúnar eiga sæti í stjóm-
inni Páll Skúlason prófessor, sem
er formaður, og Inga Jóna Þórðar-
dóttir af hálfu Reykjavíkurborgar,
Helgi Gíslason sendifulltrúi fyrir
hönd utanríkisráðuneytisins, Sús-
anna Svavarsdóttir blaðamaður
fulltrúi menntamálaráðuneytisins,
Brynjólfur Bjarnason fram-
kvæmdastjóri, sem tilnefndur er
af Reykjavíkurborg sem fulltrúi
atvinnu- og viðskiptalífs, og Birgir
Sigurðsson rithöfundur fyrir hönd
Bandalags íslenskra listamanna.
Tímarit
• Tímarit Máls og menningar,
fyrsta hefti 1997, er komið út.
Meginviðfangsefni tímaritsins að
þessu sinni eru myndlist og mynd-
listargagnrýni. Aðalsteinn Jng-
ólfsson, Gunnar J. Árnason,
Halldór B. Runólfsson og Jón
Proppé hugleiða stöðu myndlist-
ar og myndlistargagnrýni hér á
landi.
Ljóð eru eftir Sigurð Pálsson,
Svein Einarsson, Seamus Hean-
ey, Charles Baudelaire og Olaf
H. Hauge og smásaga eftir ungan
höfund, Teit Þorkelsson.
Þorsteinn frá Hamri flutti
kveðju við jarðarför Sigfúsar
Daðasonar, skálds og fyrrum rit-
stjóra TMM, og er hún birt í tíma-
ritinu.
Þijár greinar um bókmenntir
er að fínna í þessu hefti. Dagný
Kristjánsdóttir ritar grein um
skáldsögur Jakobínu Sigurðar-
dóttur, Soffía Auður Birgisdótt-
/rum tværfranskar 18. aldar
skáldsögur og tvær nýlegar
bandarískar kvikmyndir, og loks
skrifar gríski ritstjórinn og rit-
gerðahöfundurinn Lakis Progui-
dis grein um evrópsku skáldsög-
una og bókmenntatímaritið Smiðju
skáldsögunnar.
í þessu hefti hefur nýr þáttur,
Neftóbakshornið, göngu sína.
Hann er hugsaður sem vettvangur
fyrir skemmtilegt eða forvitnilegt
efni frá fyrri tíð. Efni fyrsta Nef-
tóbakshornsins er „Líkræða yfir
hveijum sem vill“, eftir Pétur
Palladíus (1509-1560) Sjálands-
biskup og ritar Mörður Arnason
inngang.
Fimm bækureru ritdæmdarí
þessu fyrsta hefti ársins.
Tímarit Máls og menningar
kemur út fjórum sinnum á ári og
kostar ársáskrift 3.300 kr. Þetta
hefti er 128 bls., unnið íPrent-
smiðjunni Odda hf. Kápumynd er
eftir Sigrúnu Eldjárn.
Ritstjóri TMM er Friðrik
Rafnsson.

*‘V

V V cÁV

$
&
gar í lauginni, fimmtudaginn 27. febrúar,
verða haldnir ú eftirtöldum stöðum:
Htísavík: Sundlaugin Laugarbrekku, kL 17 - 19. Kynning i sund-
leikfimi. Ráðgjöf og blóðþrýstingsmælingar. Húsvíkingar! Munið sundleikfimina
á þriðjudögum kl. 21.
Grænn lífseðill
— gagnast þér allt lífið —
FranikvanndaoðiLtr Granm Ufseðilsins eru íþrótdrfyrir itlhl ogHeilsuefUng.
Hveragerði: Sundlaugin Laugoskarði kL 18 - 20. Riðgjöf og mælingar.
Hafiuitjjörður: Suðurbæjarlaug kL 17 - 19. Riðgjöf, mælingar og annað
til skemmmnar og ftóðleiks.
Akranes: Jaðarsbakkolaug kL 17 - 19. Ríðgjöf og mælingar.
Reykjavik: LaugardolslaugkL 7-9og 17-19, ÁrbæjarlaugkL 7-9,
Breiðholtslaug kL 11.30- 13.30, Vesturbæjarlaug kL 11.30- 13.30,
Sundhöllin kl. 17 - 19. Riðgjöf, blóðfitu- og blóðþrýstingsmælingar.
Heilbrigðis- og
tryggingamálaráöuneytiö
SPARISJÓÐURINN
-fyrirþig ogþím