Morgunblaðið - 12.04.1997, Blaðsíða 64

MORGUNBLAÐIÐ, KRINULAN I, 103 REYKJAVÍK, SÍMI 569 1100, SÍMBRÉF 569 1181,
IVSTHÓLF 3040, NETFANG MBL(S>CENTRUM.IS / AKUREYRI: KAUPVANGSSTRÆTI 1
LAUGARDAGUK12. APRIL 1997
VERÐ í LAUSASÖLU 125 KR. MEÐ VSK
Mannbjörg þegar Haukur SF fórst 14 mílur suður af Hornafirði
Sökk þegar síðasti
maður fór frá borði
HAUKUR SF 208 var 17 tonna frambyggður eikarbátur.
MANNBJÖRG varð þegar drag-
nótarbáturinn Haukur SF 208 frá
Hornafirði sökk um fjórtán
sjómílur suður af Hornafirði í
gær. Þremur mönnum af bátnum
tókst að komast í gúmmíbjörgun-
arbát og senda út neyðarkall.
Hafborg SF 116 var í fjögurra
sjómílna fjarlægð og heyrðu skip-
verjar kallið. Skipbrotsmönnum
var bjargað heilum á húfí um
borð í Hafborgu og komu þeir til
Hafnar í Hornafirði um tíuleytið
í gærkvöldi.
Haukur SF var 17 rúmlesta
bátur. Skipstjóri er Kristján Har-
aldsson.
Björgunarmiðstöð Slysavarna-
félags íslands fékk upplýsingar
kl. 18.58 í gær frá loftskeytastöð-
inni á Hornafirði um að Haukur
SF 208 hefði sent út neyðarkall.
Bátar á svæðinu voru látnir vita
og héldu þeir strax á svæðið,
tæplega 14 sjómílur suður af
Hornafirði. Ellefu mínútum síðar,
kl. 19.09, kom tilkynning til
Björgunarmiðstöðvarinnar um að
áhöfn Hauks, þremur mönnum,
hefði verið bjargað um borð í
Hafborgu SF 116.
AHt nánir vinir
Sigurður Guðmundsson, skip-
stjóri á Hafborgu, sagði í samtali
við Morgunblaðið í gærkvöldi að
aðstæður til björgunar hefðu verið
mjög góðar, lítill sjór og aðeins
vindbára. Hafborg var um hálfa
klukkustund á leiðinni að slysstað.
„Báturinn fór niður um leið og
síðasti maður stökk í björgunar-
bátinn. Það er ekki hægt að
álykta á þessari stundu hvað
gerðist. Mennirnir voru allir
komnir í björgunarbátinn þegar
við komum að og það amaði ekk-
ert að þeim annað en að þeir
voru orðnir dálítið kaldir og skelk-
aðir. Það gekk mjög vel að koma
þeim um borð og tók ekki nema
um tvær mínútur. Það er rosalega
góð tilfinning að hafa bjargað
þeim og manni hlýnar um hjarta-
rætur. Þetta eru allt nánir vinir,“
sagði Sigurður.
Hann sagði að skipstjórinn
hefði ekki komist í neyðartalstöð-
ina en náð að skríða hálfur inn
um brúargluggann og teygja sig
til að senda út neyðarkallið. Þá
var báturinn rétt ósokkinn.
Sigurður hafði það eftir skip-
veijum á Hauki að þetta hefði
borið afar brátt að. Báturinn fór
snögglega að síga bakborðsmegin
sökk um
12 sjómílur
suður af
5 sjómílur Hornafiði
þótt þungur poki hefði verið úti
á stjórnborðssíðu. Hentu skipverj-
ar strax út björgunarbáti. Stag
sem liggur úr stefni bátsins í
bómuna lenti ofan á björgunar-
bátnum en skipveijar náðu að
kippa bátnum undan því.
„Þeir voru allir úti á dekki
þegar þetta gerðist en litlu mun-
aði að þeir kæmust ekki í björg-
unarbátinn,“ sagði Sigurður.
Páll Ægir Pétursson, deildar-
stjóri björgunardeildar Slysa-
varnafélags íslands, segir að við
björgunaraðgerð sem þessa skipti
gríðarlega miklu máli það góða
samstarf sem er milli Björgun-
armiðstöðvarinnar og strand-
stöðva Pósts og síma. „Þar hefur
Tilkynningaskyldan einnig mikið
að segja. Þegar sjálfvirka tilkynn-
ingaskyldan verður orðin að veru-
leika gjörbreytir það öllu öryggi
fyrir sæfarendur. Við þetta tilvik
hefðum við strax orðið varir við
að eitthvað væri að,“ sagði Páll
Ægir.
Haukur SF 208 var fram-
byggður eikarbátur, 17 brúttó-
lestir, smíðaður á Fáskrúðsfirði
1973. Hann hét áður Njörður.
Samið við starfs-
fólk sveitarfélaga
Samtök iðnaðarins sömdu við
Félag bókagerðarmanna
LAUNANEFND sveitarfélaga og
samflot starfsmannafélaga sveitar-
félaga skrifuðu undir nýjan kjara-
samning á Hótel Örk í Hveragerði
á 12. tímanum í gærkvöldi. Samn-
ingurinn er hliðstæður öðrum kjara-
samningum sem gerðir hafa verið
undanfarnar vikur.
Launanefnd sveitarfélaga hefur
umboð 62 sveitarfélaga og samtaka
þeirra til kjarasamningsgerðar við
20 félög opinberra starfsmanna
með samtals um þijú þúsund félags-
mönnum. Reykjavíkurborg á ekki
aðild að þessum samningi.
70.000 kr. lágmarkslaun
frá upphafi
Kjarasamningurinn gildir frá 1.
mars síðastliðnum til 1. maí árið
2000. Grunnlaun hækka nú þegar
um 4,7%, um 4% 1. janúar 1998,
3,6% 1999 og um 1,8% 1. maí árið
2000.
í samningnum eru m.a. sérstök
ákvæði um lágmarkshvíld, réttindi
og skyidur starfsmanna og bókun
um lífeyrismál með hiiðsjón af nýj-
um lögum um LSR og fyrirliggj-
andi frumvarpi til laga um skyldu-
tryggingu lífeyrisréttinda og starf-
semi lífeyrissjóða.
Karl Björnsson, formaður launa-
nefndar sveitarfélaga, segir að
þetta sé í fyrsta skipti sem ákvæði
um réttindi og skyldur opinberra
starfsmanna eru færð inn í kjara-
samning. Hann segir að nokkrar
tilfærslur og breytingar sem gerðar
eru í samningnum leiði til hækkun-
ar á lægstu launum sem verða að
lágmarki 70.000 kr. frá upphafi
samningstímans. Samningurinn er
sá fyrsti sem gerður er við aðildar-
félög BSRB í þeirri samningalotu á
vinnumarkaði sem nú stendur yfir.
Samningar náðust milli Félags
bókagerðarmanna og Vinnuveit-
endasambandsins fyrir hönd Sam-
taka iðnaðarins í gær. Að sögn
Arnar Jóhannssonar, varaformanns
SI, er samningurinn á sömu nótum
og aðrir, sem gerðir hafa verið.
Gildistími er til febrúar árið 2000
og áfangahækkanir þær sömu og í
öðrum samningum.
Morgunblaðið/Kristján
Nýr vísitölugrunnur
Meðalút-
gjöld heim-
ila 200 þús.
á mánuði
SAMKVÆMT nýjum vísitölugrunni
sem Hagstofa íslands hefur kynnt
fara 17% útgjalda heimila til kaupa
á mat og óáfengum drykkjarvörum,
17,3% til reksturs húsnæðis, 15,8%
til ferða og flutninga og 13% til
tómstundaiðkunar og menningar-
mála.
Vísitölugrunnurinn byggist á
viðamikilli neyslukönnun sem gerð
var 1995 en samkvæmt henni voru
meðalútgjöld heimilanna 2,3 millj-
ónir króna á ári. I dreifbýli voru
meðalútgjöldin 2 milljónir króna, á
höfuðborgarsvæðinu 2,3 milljónir
og í öðm þéttbýli 2,4 milljónir.
Litlar breytingar urðu á samsetn-
ingu vísitölugrunnsins en samsetn-
ing einstakra flokka breyttist nokk-
uð. Útgjöld til kaupa á mat- og
drykkjarvöru eru nær sama hlutfall
af heildarútgjöldum og áður, hlut-
fall ferða og flutninga hækkar, _en
húsnæðiskostnaður minnkar. Út-
gjöld á kaffihúsum hafa aukist og
sama gildir um skyndibitakaup sem
hafa aukist á kostnað annarrar
matvöru.
■ Helmingur/12
------♦ ♦ ♦----
Víkartindur
Fá að leysa
út vörur
SÝSLUMAÐURINN í Rangárvalla-
sýslu hefur ákveðið að eigendur
farms um borð í Víkartindi geti leyst
til sín vörur sínar gegn afhendingu
tryggingar í formi yfirlýsingar vá-
tryggjanda vöru, bankaábyrgðar eða
geymslugreiðslu.
Akvörðunin, sem byggð er á lög-
um um skipsströnd og vogrek, mið-
ar að því að tryggja greiðslu kostn-
aðar við björgun farms og annars
hugsanlegs kostnaðar sem farmeig-
endum verður gert að greiða vegna
strandsins. í frétt frá sýslumanni
segir að farmeigendur geti snúið
sér til Eimskips til að fá vöru af-
henta. Með undirritun ábyrgðaryfir-
lýsingar afsali þeir sér ekki rétti til
að bera ágreining um greiðslu-
skyldu undir dómstóla.
Losun gáma úr lestum hafin
Losun gáma úr lestum Víkartinds
hófst á fimmtudag. Voru fyrstu
gámarnir fluttir á athafnasvæði
Eimskips í Sundahöfn í gærkvöldi.
------♦■•♦ ♦---
Tarzan í
trjánum
HITINN fór upp í 15 stig á Akur-
eyri um miðjan dag í gær og
greinilegt að vorið er komið.
Þeir voru því ekki seinir á sér,
félagarnir Tómas og Daníel og
þustu út í garð þar sem trén
hentuðu sérlega vel til klifurs.
Áfram er spáð lilýju veðri á land-
inu. í dag á að verða sex til
fimmtán stiga hiti, hlýjast á
Norðaustur- og Austurlandi.