Morgunblaðið - 24.05.1997, Page 1

88 SÍÐUR B/C
114. TBL. 85. ÁRG. LAUGARDAGUR 24. MAÍ1997 PRENTSMIÐJA MORGUNBLAÐSINS
Sveitir Kabila skjóta á sljórnarandstæðinga í Kinshasa
Tshisekedi andvíg-
ur stj órn Kabíla
Kinshasa. Reuter.
HERSVEITIR Laurents Kabila,
sjálfskipaðs forseta Lýðveldisins
Kongó, brutu á bak aftur mótmæli
gegn stjórn hans í Kinshasa í gær.
Þar voru að verki stuðningsmenn
Etiennes Tshisekedis sem ekki hlaut
sæti í stjórn Kabilas þó hann sé einn
kunnasti andstæðingur Mobutus
Sese Sekos fyrrverandi einræðis-
herra í Zaire. Landamæri landsins
voru enn lokuð í gær og komust
hvorki erlendir fréttamenn né stjórn-
arerindrekar úr landi.
Tshisekedi sagði að í sínum huga
væri stjórn Kabila ekki til. „Ég hvet
alla landsmenn til að mótmæla sjálf-
skipun stjórnvalda sem ekki njóta
almenns stuðnings," sagði hann og
bætti við að flokkur sinn hefði í 17
ár barist fyrir lýðræði og lögum og
reglu í Zaire. Því ætti önnur einræð-
isstjórn lítinn hljómgrunn. Hvatti
hann erlend ríki, sem lagt hefðu
sveitum hans lið í baráttunni gegn
Mobutu, til þess að kalla sveitir sín-
ar heim „svo Zairebúar geti gert út
um sín mál sjálfir," eins og hann
komst að orði.
Þegar nokkur þúsund stuðnings-
manna Tshisekedis nálguðust þing-
húsið í Kinshasa eftir nokkurra kíló-
metra mótmælagöngu skutu her-
sveitir af hríðskotabyssum í loft upp
og leystu upp mótmælin.
Alþjóðlegur þrýstingur á stjórn
Kabila um að upplýsa hver hefðu
orðið örlög um 280.000 flóttamanna
frá Rúanda í Zaire jókst í gær.
Emma Bonino, sem fer með mannúð-
armál í framkvæmdastjórn Evrópu-
sambandsins (ESB), krafðist þess
af Kabila að hann veitti fulltrúum
hjálparsamtaka ferðafrelsi í landinu
svo hægt væri að grafast fyrir um
örlög flóttafólksins. Alþjóðasamtök-
in Læknar án landamæra sökuðu
Kabila í vikunni um að hafa áform
um að útrýma hútúum sem flúið
hefðu til Zaire frá Rúanda.
Thabo Mbeki, varaforseti Suður-
Afríku, varaði við væntingum um
kosningar í bráð í Lýðveldinu Kongó.
Ástandið í landinu leyfði það ekki.
Mobutu til Marokkó
Mobutu kom í gær til Marokkó.
Var honum flogið þangað frá Togo
í einkaþotu Gnassingbe Eyadema
Tongoforseta. Fréttamönnum var
bannaður aðgangur að flugvellinum
í Rabat en hermt var að í fylgd
Mobutu hefði verið eiginkona hans,
börn og nánir vinir og vandamenn,
alls um 50 manns. Ekki var gefið
upp hvert hersingin hélt af flugvell-
inum.
Horftum
veröld víða
EFTIR erfiða göngu náðu ís-
lensku fjallgöngumennirnir
þrír, Björn Olafsson, Einar K.
Stefánsson og Hallgrímur
Magnússon, á tind Everest-
fjalls, hæsta fjalls veraldar, á
miðvikudagsmorguninn. Þá
var þessi mynd tekin og sendu
fjallgöngumennirnir myndina
til Morgunblaðsins í gær eftir
tveggja daga ferð af tindinum
niður í grunnbúðir. „Utsýnið
var glæsilegt og sást vel í allar
áttir þrátt fyrir að nokkuð
hafi skafið af fjaliinu til norð-
urs,“ sagði Björn Olafsson,
einn fjallgöngumannanna í
gær. Þeir ruddu brautina fyrir
fleiri leiðangra sem beðið
höfðu færis til uppgöngu og í
gær komust 22 fjallgöngu-
menn á tindinn. Meðal þeirra
var sonarsonur Sherpans
Norgay Tenzings, sem kleif
fjallið fyrstur ásamt Edmund
Hillary árið 1953.
■ Áfallalaus/4
■ Óblíður Everest/20
*
I fangelsi
fyrir
símtal
London. Reuter.
ÞRJÁTÍU og fimm ára banka-
maður, Peter Mill, var dæmdur
í sex mánaða fangelsi í gær
fyrir að valda dauðaslysi er
hann talaði í farsíma er hann
ók heim úr vinnu.
Atvikið átti sér stað á beygju
en meðan Mill hlustaði á rödd
konu sinnar á símsvara farsím-
ans bar Rover-bíl hans yfir á
rangan vegarhelming með
þeim afleiðingum að hann skall
á bifreið sem á móti kom. Oku-
maður hennar beið bana í
árekstrinum.
Kröfur um að bannað verði
að nota síma undir stýri hafa
aukist í Bretlandi vegna tíðra
umferðarslysa.
Það var dýrkeypt fyrir 18 ára
stúlku í Texas að svara í farsíma
er hún ók bifreið sinni. Missti
hún vald á henni með þeim af-
leiðingum að ungur drengur
beið bana. Dómstóll dæmdi
hana til að borga fjölskyldu
hans sjö milljónir dollara, hálfan
milljarð króna, í bætur.