Morgunblaðið - 24.05.1997, Síða 28

28 LAUGARDAGUR 24. MAÍ 1997
MORGUNBLAÐIÐ
MENNTUN
Háskóli íslands
Framboð meist-
aranáms eykst
STEFNT er að því að kennsla til
meistaraprófs í verkfræði verði
stytt úr u.þ.b. sex árum í fimm og
um leið sameinuð lengdu almennu
verkfræðinámi, sem áður tók fjögur
ár. Með þessari breytingu verður
íslenska verkfræðigráðan sambæri-
leg við það sem tíðkast með öðrum
verkfræðiskólum, að því er fram
kemur í nýju fréttabréfi Háskóla
íslands.
Nám á fyrsta ári er að mestu
leyti sameiginlegt fyrir allar skor-
imar. Á fyrsta ári er lögð áhersla
á raungreinar, svo sem stærðfræði
og eðlisfræði, þannig að nemendur
geta auðveldlega skipt um námsleið
ef þeim sýnist svo.
Reiknað er með að hætt verði
að kenna til cand.scient.-prófs en
verkfræðititillinn verður framvegis
magister scientiarum eða mag.sci-
ent. Hugmyndin er sú að BS-fólki
standi til boða að halda áfram námi,
skipta um skóla eða fara utan, svo
dæmi séu tekin. Þeir sem halda
áfram námi við verkfræðideild geta
t.d. tekið nokkur námskeið erlendis
og skilað meistararitgerð við deild-
ina. Á þessu námsþrepi er einnig
unnt að að taka inn nemendur frá
öðrum stöðum.
Meistaranám í
viðskiptafræði
Haustið 1997 hefja fyrstu nem-
arnir nám til MS-gráðu í viðskipta-
fræði við Háskóla íslands. Hver
nemandi sérhæfir sig á einhveiju
sviði innan viðskiptafræðinnar og
því er ekki um svokallað MBA-nám
að ræða, að því er fram kemur í
fréttabréfinu.
Fyrsta veturinn verður boðið upp
á sex sérsvið og þurfa nemendur
að dvelja eitt misseri við erlendan
háskóla. Þessi svið eru rekstrar-
stjórnun, kostnaðarstjórnun, stjórn-
un og stefnumótun, gæðastjórnun,
alþjóðaviðskipti og atvinnuvegir og
stjórnsýsla.
Ennfremur kemur fram í frétta-
bréfinu að hröð þróun eigi sér stað
í viðskiptaskor hvað snertir kennslu
og rannsóknir. Upphaf þeirra breyt-
inga sem nú eigi sér stað megi rekja
til vinnu sjálfsmatsnefndar skorar-
innar á árinu 1993.
Þá hefur innihald náms í við-
skiptafræði einnig tekið umtals-
verðum breytingum á síðustu árum.
Áhersla hefur verið aukin á tungu-
mál í tengslum við greinina, efni
hefur verið þjappað nokkuð saman,
þannig að kröfur til nemenda hafa
aukist, og aukin áhersla er á þjálf-
un nemenda í skriflegri og munn-
legri tjáningu og í að vinna að verk-
efnum einir sér og í hópi.
Tvær nýjar leiðir
Uppeldis- og menntunarfræði-
skor við HÍ býður tvær leiðir í
MA-námi haustið 1997, annars veg-
ar almennt rannsóknarnám og hins
vegar mat á skólastarfi, sem er ný
námsleið. Verður lögð áhersla á að
nemendur sérhæfi sig í matsfræð-
um og mati á skólastarfí, enda er
rík áhersla lögð á mat á skólastarfi
sem einn grundvallarþátt skólaþró-
unar og stefnumörkunar í skóla-
og menntamálum.
Þá fer stjórnmálafræðiskor við
félagsvísindadeild HÍ af stað með
MA-nám í fyrsta sinn haustið 1997
eins og greint hefur verið frá í
Morgunblaðinu. Er hugmyndin sú,
að námið sameini hagnýtar og
fræðilegar áherslur og búi nemend-
ur undir fjölþætt störf á íslenskum
vinnumarkaði.
Morgunblaðið/Katrín Frímannsdóttir
VIÐ undirritunina, f.v. Leola Josefson formaður Val Bjornson sjóðsins, Ásta Bjarnadóttir styrk-
þegi 1994, Nils Hasselmo forseti University of Minnesota, Sigrún Barkardóttir núverandi styrk-
þegi og Kristinn Garðarsson styrkþegi 1995.
Minnesotaháskóli og Háskóla Islands
Skiptinemasamn-
ingiir endumýjaður
SKIPTINEMASAMNINGUR
milli Háskóla íslands og Minne-
sotaháskóla (University of Min-
nesota) var endurnýjaður um síð-
ustu mánaðamót í Bandaríkjun-
um. í ágústbyrjun verður hann
undirritaður á Islandi.
í styrknum felst að einn nem-
andi frá hvorum skóla er við nám
í eitt ár hjá hinum á styrk sem
felur í sér niðurfellingu skóla-
gjalda og fjárstyrk til uppihalds.
Samningin undirritaði Nils Hass-
elmo fyrir hönd Minnesotaháskóla
að viðstöddum styrkþegum síð-
ustu ára, stjómarmeðlimum Val
Bjornson sjóðsins og öðrum þeim
sem tekið hafa á einn eða annan
hátt þátt í samskiptum skólanna.
Undanfarin 15 ár hefur ávallt
einn nemandi frá HÍ verið við
framhaldsnám í Minnesotahá-
skóla. Hafa þeir m.a. lagt stund
hjúkrun, MBA, sjúkrahússtjórn-
un, landafræði, sálarfræði, verk-
fræði, námsefnisforritun o.fl.
Þeir sem farið hafa til náms á
íslandi hafa numið íslensku fyrir
útlendinga, bókmenntir eða sögu.
Margir hafa lagt Minnesota-
sjóðnum lið í gegnum tíðina og
hafa íslendingar í fylkinu og af-
komendur þeirra verið hvað dug-
legastir að safna eða gefa fé í
sjóðinn. Er hann nokkuð stönd-
ugur, en stefnt er að því að koma
einnig á kennaraskiptum milli
skólanna. Til að það megi takast
þarf meira fé í sjóðinn.
FLÍSAR
:=í:
3BÍ lis w liL'l **
Stórhöfða 17, við Gullinbrá,
sími 567 4844
★
JAMES BURN
INTERNATIONAL
Efni og tæki fyrir IHÍIG'O
járngorma innbindingu.
J. RSIVfllDSSON Hf.
Skipholti 33,105 Reykjovik, sími 533 3535.
Ályktanir fulltrúaþings KÍ
Kröfur um
endurskoðun á
sérfræðiþj ónustu
ÁTTUNDA fulltrúaþing Kenna-
rasambands Islands haldið 3.-6.
maí 1997 hefur sent frá sér all-
margar ályktanir. Meðal þess
sem þar kemur fram er að þing-
ið fagnar þeirri auknu umræðu
um skólamál sem undanfarið
hefur verið í þjóðfélaginu. „Ef
rétt er að staðið ætti slík um-
ræða að geta leitt til framfara í
skólamálum, nemendum, kenn-
urum og öðrum aðstandendum
skólastarfs til hagsbóta," segir
þar.
Metnaðarfull
sveitarfélög
í almennri ályktun um skóla-
mál er því m.a. beint til mennta-
málaráðherra að endurskoða
reglugerð um sérfræðiþjónustu
skóla með það að markmiði að
auka sálfræðiþjónustu. Í
ályktuninni kemur fram að víða
hafi sveitarfélög sýnt metnað í
að efla skólastarf í verki og boð-
ið upp á meiri sérfræðiþjónustu
en ríkið gerði. Þá krefst þingið
þess að skólar fái lögbundna
sérfræðiþjónustu og að sveitarfé-
lög auki fjárveitingar til skóla-
starfs. Tekið er fram að mikil-
vægt sé að til staðar séu úrræði
og meðferð fyrir nemendur og
foreldra þeirra. Einnig að sú
þjónusta sé heildstæð þannig að
ekki þurfi að leita til margra
aðila í hinum ýmsum „kerfum"
þjóðfélagsins.
Þá fagnar fulltrúaþingið því
að tilboðum um endurmenntun
hafi fjölgað og beinir því til
stjórnar og skólamálaráðs að
taka virkan þátt í mótun framtíð-
arfyrirkomulags á endurmennt-
un kennara og skólastjóra.
Fulltrúaráðsþingið ályktar um
endurskoðun aðalnámskráa
grunn- og framhaldskóla og
beinir því m.a. til stjórnar KÍ að
kennurum sem taka beinan þátt
í endurskoðuninni, t.d. með setu
í vinnuhópum, verði veittur
kennsluafsláttur meðan á verk-
inu stendur.
Breyttar
kröfur
Ennfremur ályktar þingið um
breyttar kröfur til kennara og
skólastjóra. Krefst þingið þess
að menntamálaráðherra geri við-
semjendum kennara og skóla-
stjóra grein fyrir nýjum lög-
bundnum verkþáttum í skóla-
starfi sem finna megi í lögum
um grunnskóla, s.s. skólanám-
skrám, mati á skólastarfi og
auknu foreldrastarfi.
Þingið beinir þeim tilmælum
til menntamálaráðuneytis að það
standi að skipulagðri fræðslu
fyrir skólastjóra og kennara um
sjálfsmatsaðferðir skóla.
Töluverðar breytingar á skólastefnu KÍ
Aherslan á
faglegt starf
ALLMIKLAR breytingar á skóla-
stefnu Kennarasambands Íslands
voru samþykktar á áttunda full-
trúaþingi KÍ sem fram fór fyrir
skömmu. Meðal annars má nefna
að reynt var að hreinsa skólastefn-
una af kjaralegum kröfum, þannig
að hún taki svotil eingöngu til fag-
legrar stefnu sambandsins. „Við
fengum þessi fyrirmæli frá síðasta
þingi sem haldið var fyrir þremur
árum og tókum þau alvarlega,“
sagði Guðrún Ebba Ólafsdóttir
varaformaður KÍ.
Einnig voru settar inn breyting-
ar með tilliti til fleiri kennara-
menntunarstofnana. Að sögn Guð-
rúnar Ebbu eru sex ár síðan skóla-
stefnan var tekin til endurskoðunar
í heild sinni eins og nú var gert.
Hún segir að rauður þráður í skóla-
stefnunni sé og hafi verið sjálf-
stæði skóla til að efla innra starf
sitt. Það komi ekki síst í ljós að
þessu sinni eftir að sveitarfélögin
hafa tekið rekstri grunnskólans.
Nýir kaflar um foreldraráð
og upplýsingatækni
Meðal nýrra kafla í skólastefn-
unni má nefna kafla um foreldra-
ráð. Þar segir m.a. að með stofnun
þeirra séu möguleikar foreldra til
að hafa áhrif á skólastarfið enn
frekar tryggðir. „Við leggjum
áherslu á að starfsemi foreldraráða
taki mið af aðstæðum á hveijum
stað fyrir sig, að foreldrar hafi
ákveðið fijálsræði um hvernig kos-
ið er og að þeir setji sjálfir starfs-
reglur innan ramma laganna. Við
leggjum áherslu á að þeir séu um-
sagnaraðilar en ekki hluti af stjóm-
kerfí skólans. Mikilvægt hlutverk
þeirra sé að virkja foreldra til sam-
skipta um innra starf skólans og
vekja til umhugsunar um foreldra-
hlutverkið. Einnig teljum við að
meginhlutverk foreldraráða sé að
efla og styðja við skólastarfið,"
sagði Guðrún Ebba.
Nýr kafli er um upplýsingatækni
í skólum, auk þess sem kaflanum
um jafnrétti til náms var breytt.
„Þar tókum við til dæmis út kafl-
ann þar sem KÍ leggst gegn stofn-
un einkaskóla. Við breyttum einnig
talsvert kaflanum um einsetinn
skóla og settum inn kafla um
lengda viðveru út af heildsdags-
skólanum. Við viljum að í lengdri
viðveru verði nemendur í umsjá
uppeldismenntaðra starfsmanna
og að það sé skipulagt í samráði
við foreldra."
Samræmd próf
Þá voru gerðar breytingar á
kaflanum um samræmd próf. „Ef
samræmd próf verða áfram viljum
við dreifa þeim og gefa nemendum
kost á að þreyta þau fyrr, jafnvel
hluta þeirra í 9. bekk. Við viljum
einnig að þeim verði fjölgað eða
að nemendur hafí eitthvert val.“
Þá er nýr kafli um sérfræðiþjón-
ustu skóla og hlutverk skólaskrif-
stofa.