Morgunblaðið - 24.05.1997, Page 50

50 LAUGARDAGUR 24. MAÍ 1997
MORGUNBLAÐIÐ
Dýraglens
Smáfólk
6UE55 WHAT..IN KINDER6ARTEN
TOVM WE LEARNEP TO
TIE OUR 5H0E6
Veistu hvað ... Við lærðum að
reima skóna okkar í leikskólan-
Ég held að ég sé nokkuð góður Þetta eru ekki þínir skór!
í því____ég er fljótur að læra
um í dag ...
BREF
TIL BLAÐSINS
Kringlan 1 103 Reykjavík • Sími 569 1100 • Símbréf 569 1329
„Hvað hét amma
húsvarðarins?“
Um samræmt próf í stærðfræði
Frá Örnólfi Thorlacius:
TALSVERT hefur runnið bæði af
bleki og tárum vegna samræmds
prófs í stærðfræði sem í ár var lagt
fyrir nemendur tiunda bekkjar
grunnskóla. Gagnrýni hefur einkum
beinst að lengd prófsins. Sé ég ekki
ástæðu til að lengja þá umræðu en
geri í þess stað stutta athugasemd
við efni prófsins.
í frægri sögu eftir Jaroslev Haek
situr góði dátinn Svejk fyrir svörum
hjá lærðum sérfræðingum sem
kanna eiga vitsmunaþroska hans. í
stað þess að svara lýsir hann hæð
og öðrum sérkennum á stórhýsi og
gegnspyr að lokum: — Hvað hét
amma húsvarðarins?"
Mér datt þessi saga í hug þegar
ég las eitt verkefnið á prófinu (nr.
44), sem ijallar um endurnýjun á
hitaveitulögn. Höfundar prófsins
hafa á prenti reynt að firra sig
gagnrýni sem fram hefur komið á
þessu verkefni með því fyrirheiti að
tekið verði við yfírferð úrlausna til-
lit til loðinna fyrirmæla um lengd
röra, hvort átt hafí verið við eitt eða
tvö. En það virðist mér aukaatriði.
í upphafí verkefnisins er tilgreind
sú forsenda, sem eðlilegt er að við
sé miðað þegar vatnslögn er end-
urnýjuð, að nýja rörið eigi að geta
flutt jafnmikið vatn og tvö eldri rör
sem fyrir voru (væntanlega á jafn-
löngum tíma). Síðan kemur fram
að nýja rörið sé 70 metra langt en
þau sem fyrir voru 100 metrar (og
0,3 metrar að þvermáli). Ekki vildi
ég ráða starfsmenn Rannsókna-
stofnunar uppeldis- og menntamála
eða stærðfræðinga á hennar vegum
til að hanna endumýjun á hitaveitu-
lögn að mínu húsi. Skyldi hvera-
vatnið eiga að renna fyrstu eða síð-
ustu 30 metrana eftir opnum
skurði?
Þar með er vitleysan ekki upp
talin. Setjum svo að forsendur um
lengd röranna séu breyttar, að hita-
veitan noti til dæmis hluta tekna
af nýrri gjaldskrárhækkun til að
leggja lykkju á aðalæð svo stytta
megi heimæð um þijátíu metra. En
vandinn sem nemendum er að lok-
um gert að leysa er hvert þvermál
nýja rörsins þurfi að vera til þess
að það geti rúmað jafnmikið og eldri
rörin. Hvað varð af upphaflegu for-
sendunni um óbreytt rennsli?
Stofnun sem kennir sig við rann-
sóknir í uppeldismálum gerir okkur,
sem reynt höfum að veija nauðsyn
þess að verðandi kennurum sé gert
að leggja stund á fræði þeirra, eng-
an greiða með því að láta svona
rugl frá sér. Og hvað með þá stað-
hæfíngu að stærðfræðin efli rök-
hyggju iðkenda sinna?
ÖRNÓLFUR THORLACIUS,
fv. rektor Menntaskólans
við Hamrahlíð.
Jaðarsel sem
hraðbraut?
Frá Hauki Þór Haraldssyni:
NÚ STENDUR yfír kynning á til-
lögu um nýtt aðalskipulag fyrir
Reykjavík. Samkvæmt tillögunni er
gert ráð fyrir nýjum vegi úr Fífu-
hvammshverfi í gegnum Seljahverfi
um Jaðarsel. Við fyrstu skoðun má
ætla að þarna sé um eðlilega teng-
ingu á milli hverfa að ræða en svo
er ekki ef nánar er skoðað. Með
því að leggja þennan nýja veg inn
á Jaðarselið er verið að breyta
venjulegri götu í íbúðarhverfi í
hraðbraut. Umferð mun án efa auk-
ast mikið og þá sérstaklega umferð
vörubíla með uppfyllingarefni úr
námum fyrir ofan Sandskeið.
Aukin umferð um Seljahverfí
mun leiða til slysahættu og þá sér-
staklega fyrir börn sem verða að
fara yfír Jaðarsel á leið í Selja-
skóla. Yfírlýst markmið borgar-
stjómar er að draga úr slysahættu
í íbúðarhverfum og eflaust em allir
borgarbúar sammála markmiðun-
um, því kemur á óvart að lagt sé
til að leggja veg sem mun örugg-
lega auka slysahættu, en kemur
íbúum hverfísins að litlum notum.
Áætlað er að rúmlega 8.000 íbú-
ar verði í Fífuhvammshverfí. Það
er eflaust nauðsynlegt að bæta
samgöngur við hverfíð en í stað
þess að fara í gegnum Seljahverfí
er eðlilegra að leggja nýjan veg úr
Fífuhvammshverfi um óbyggt
svæði í austanverðu Vatnsenda-
hvarfi og inn á Breiðholtsbraut. Nýr
vegur í Vatnsendahvarfi yrði í
meira en 300 metra fjarlægð frá
byggð við Vatnsenda og efst í Selja-
hverfi. Slíkur vegur myndi leysa
umferðarmál Fífuhvammshverfis
án þess að leiða til slysahættu í
íbúðarhverfi.
Nokkrir íbúar í Seljahverfí eru
að leita eftir stuðningi annarra við
þá tillögu að fella áðurnefndan veg
út af skipulagi Reykjavíkur. Auk
þess er stefnt að því að halda kynn-
ingarfund miðvikudaginn 28. maí
kl. 20 í Seljaskóla þar sem sýndar
verða teikningar af fyrirhuguðum
vegi.
HAUKUR ÞÓR HARALDSSON,
Klyfjaseli 9, Reykjavík.
Allt efni sem birtist í Morgunblaðinu og Lesbók er varðveitt í upplýsinga-
safni þess. Morgunblaðið áskilur sér rétt til að ráðstafa efninu þaðan, hvort
sem er með endurbirtingu eða á annan hátt. Þeir sem afhenda blaðinu efni
til birtingar teljast samþykkja þetta, ef ekki fylgir fyrirvari hér að lútandi.