Morgunblaðið - 27.08.1997, Blaðsíða 14
14 MIÐVIKUDAGUR 27. ÁGÚST 1997
MORGUN BLAÐIÐ
LANDIÐ
Bygging nýrrar sund
laugar að hefjast
Morgunblaðið/Aldís Hafsteinsdóttir
MIKILL fjöldi fólks sótti Hveragerði heim á Blómstrandi dögum
um helgina.
Blómstrandi dagar
í Hveragerði
Morgunblaðið/Silli
Flas og
slys em oft
förunautar
Húsavík - Vegagerð ríkisins vinnur
nú að endurbótum á slitlagi á all-
löngum kafla í Aðaldalshrauni og
hefur í því sambandi takmarkað
ökuhraða í 50 km yfir nýlagt malar-
lag. Maður, sem ekið hefur um
hraunið, segir að flestir vegfarendur
virði alls ekki settar ökutakmarkan-
ir.
Ökumanni bílsins, sem myndin er
af, hefur legið of mikið á og ekið
hátt yfir settum aksturstakmörkum
og því ekki ráðið við bílinn í lausa-
mölinni og ökuferðin endaði illa.
Flas og slys eru oft förunautar.
Stykkishólmi - Undirbúningur að
byggingu nýrrar sundlaugar er kom-
inn á fullan skrið. Frumteikningar
hafa verið samþykktar og reiknað
er með að jarðvinna verði fljótlega
boðin út.
í fyrra var skipuð bygginganefnd
til að annast undirbúning fram-
kvæmdarinnar. Formaður hennar er
Ellert Kristinsson. Að sögn Ellerts
liggja nú fyrir frumteikningar að
sundlauginni. Byggðir verða nýir
búningsklefar og tengjast þeir
íþróttamiðstöðinni. Þá verður byggð
lítil innisundlaug sem ætluð er til
kennslu, þjálfunar fyrir sjúklinga og
svo aldraða. Útisundlaugin verður
25x12,5 m. Þá er gert ráð fyrir heit-
um pottum, baðlaug og rennibraut-
um.
Arkitekt sundlaugarinnar er Ómar
Þór Guðmundsson en hann teiknaði
íþróttamiðstöðina sem tengist þessu
mannvirki.
Ellert sagði að heita vatnið sem
fannst fyrir ofan Stykkishólm í vetur
hafí aukið þrýsting um að byggja
nýja sundlaug. Hann hafi orðið var
við mikinn áhuga bæjarbúa fyrir
þessum framkvæmdum og sagðist
vona að taka mætti mannvirkið í
notkun síðla næsta árs.
Hveragerði - Blómstrandi dagar
voru haldnir í Hveragerði um síð-
astliðna helgi. Fjölbreytt dagskrá
var í gangi fyrir alla aldurshópa
bæði laugardag og sunnudag.
Greinilegt var að hinir fjöl-
mörgu gestir sem sóttu bæinn
heim skemmtu sér hið besta enda
var veðrið eins og best varð á
kosið og bærinn skartaði sínu feg-
ursta. Talið er að á milli fjögur
og fimm hundruð manns hafi sótt
brekkusöng á Fossflötinni á laug-
ardagskvöldið. Þar var það Árni
Johnsen sem stjórnaði söngnum
og sá til þess að allir tækju vel
undir. Glæsileg flugeldasýning
lýsti síðan upp kolsvartan nætur-
himininn og vakti óskipta aðdáun
þeirra er til sáu.
Óneitanlega settu jarðskjálft-
arnir á aðfaranótt sunnudagsins
mark sitt á dagskrá Blómstrandi
daga enda um fátt annað talað
manna á meðal á sunnudeginum.
Óróleikinn hafði þó ekki áhrif á
yngri kynslóðina sem skemmti sér
konunglega í hinum fjölmörgu
leiktækjum sem sett höfðu verið
upp víðsvegar um bæinn.
Morgunblaðið/Gunnlaugur Ámason
BYGGINGANEFND sundlaugar í Stykkishólmi: Hilmar Hall-
varðsson, Ólafur Kristjánsson, Ellert Kristinsson og Davíð
Sveinsson.
Sléttusöngur
á Selfossi
Selfossi - Það var mikið um dýrðir
á útivistarsvæðinu á Selfossi
síðastliðið laugardagskvöld þegar
bæjarbúar söfnuðust saman og
sungu við varðeld.
Hátt í 400 manns sóttu þessa
„útihátíð" sem gárungarnir hafa
kallað sléttusöng. Varðeldur var
tendraður um kvöldið og myndað-
ist skemmtileg stemmning þegar
leið á kvöldið þar sem söngurinn
ómaði á meðan eldurinn logaði.
Það kom í hlut raddsterkra
heimamanna að leiða sönginn og
var greinilegt að skemmtunin
mældist vel fyrir hjá ungum sem
öldnum.
Að sögn aðstandenda gekk allt
að óskum og voru veðurguðirnir
hliðhollir mannfólkinu að þessu
sinni. Snorri Sigfinnsson er einn
þeirra bæjarbúa sem skipulögðu
sléttusönginn og vonast hann til
að þessi uppákoma geti orðið að
árvissum viðburði.
Morgunblaðið/Sig. Fannar.
ÞAÐ var góð stemmning á
Selfossi um helgina þegar
bæjarbúar sameinuðust við
varðeld og sungu „sléttu-
söngva“.
Morgunblaðið/Sig. Fannar.
MIKIÐ er um það að ferðamenn heimsæki Sólheima í Grímsnesi. Á dögunum var hópur frá félags-
starfinu í Gerðubergi, Breiðholti, í heimsókn.
Heimsókn til Sólheima
STEINAR WAAGE
Tegund: 2416
Litir: Svartur, brúnn
Stærðir: 36-41
Tegund: 2310
Litur: Svartur
Stærðir: 36-41
Tegund: 2330
Litur: Svartur
Stærðir: 36-41
Verð: 6.995
Verð: 7-495
Verð: 7-495
5% STAÐGREIÐSLUAFSLATTUR • POSTSENDUM SAMDÆGURS
STEINAR WAAGE
SKOVERSLUN
SÍMI 511 8519 ^
STEINAR WAAGE
SKOVERSLUN
SÍMI 568 9212
Selfossi - Það hefur verið mikið
um það að ferðamenn heimsæki
Sólheima í þeim tilgangi að kynn-
ast öðrum lífsháttum en menn
þekkja úr daglegu umhverfi. Á
Sólheimum er samfélagið vist-
vænt og að flestu leyti sjálfbært.
Það er á margan hátt eins og að
koma inn í annan heim þegar
Sólheimar eru annars vegar.
Þegar blaðamann bar að garði
voru meðlimir í félagsstarfi
Gerðubergs í Breiðholti í heim-
sókn. Með þeim í För voru nokkr-
ir félagar í Blindrafélaginu og
stoðbýlið í Foldabæ. Alls voru í
hópnum 60 manns og keyrðu þau
austur yfir fjall gagngert til að
heimsækja Sólheima.
Að sögn Guðrúnar Jónsdóttur,
forstöðumanns félagsstarfsins í
Gerðubergi, er ferðin upphafið
að hauststarfi félagsins. „Við er-
um að leggja af stað eftir sumar-
leyfin,“ sagði Guðrún. Hún sagði
einnig að á komandi starfsári fé-
lagsins væru nýjar reglur er
varða meðlimi í félaginu, þ.e.a.s.
nú eru ekkert aldurstakmark inn
í félagið, öllum er heimil þátttaka.
Fólkið á Sólheimum er orðið
vant miklum gestagangi og eru
flestir ánægðir með alla þá at-
hygli sem ferðamennirnir veita
starfseminni á Sólheimum.
GUÐRÚN Jónsdóttir, for-
stöðumaður félagsstarfsins í
Gerðubergi.
Á SÓLHEIMUM eru menn almennt ánægðir með þann áhuga
sem ferðamenn sýna því starfi sem þar fer fram. Hér getur að
líta ánægða starfsmenn í handverkshúsinu.