Morgunblaðið - 27.08.1997, Blaðsíða 19

MORGUNBLAÐIÐ
ERLENT
MIÐVIKUDAGUR 27. ÁGÚST 1997 19
L
Harðar atlögur að Jákvæðri mismunun“
Clinton reymr að
bjarga áætluninni
Washington. The Daily Telegraph.
BILL Clinton Bandaríkjaforseti
reynir nú allt hvað hann getur til
að bjarga áætlun Bandaríkjastjórn-
ar um að auka jöfnuð milli kyn-
þátta og bæta stöðu minnihluta-
hópa í Bandaríkjunum. Kalifornía
hefur gert harða atlögu að henni
og dómsmálaráðuneytið bandaríska
sá sig í gær tilneytt til að láta af
stuðningi við hana í máli sem nú
er rekið fyrir dómstól í New Jersey.
„Jákvæð mismunun" veitir
blökkumönnum og öðrum minni-
hlutahópum forgang að mennta-
stofnunum, störfum og samningum
og hefur verið við lýði frá sjötta
áratugnum. Dómsmálaráðuneytið
sér sér hins vegar ekki fært að
halda fast við áætlunina í málinu í
New Jersey en þar er tekist á um
brottrekstur hvítrar kennslukonu
sem var vikið frá störfum á þeirri
forsendu að rýma þyrfti til fýrir
svörtum kennara, er talinn var jafn-
hæfur til starfans.
Málið er afar óþægilegt fyrir
Clinton, sem hefur margoft lýst
yfír stuðningi við áætlunina um að
auka jöfnuð milli þjóðfélagshópa en
hefur neyðst til að láta af honum í
í New Jersey-málinu vegna mikils
utanaðkomandi þrýstings.
Sá þrýstingur kom t.d. berlega í
ljós í nóvember sl. en þá samþykktu
Kaliforníubúar umdeilda tillögu
sem bannar mismunun vegna litar-
háttar við ráðningar í störf og við
skóla. Bendir nú flest til þess að
tillagan verði að lögum á fimmtu-
dag en dómari í Kaliforníu hefur
reynt að koma í veg fyrir það á
þeirri forsendu að það myndi skaða
þá sem fengið hefðu störf vegna
Jákvæðrar mismununar", yrði hún
aflögð. Hæstiréttur ríkisins úr-
skurðaði niðurstöðu dómarans
ógilda í síðustu viku og því verður
tillagan að lögum á fímmtudag
nema æðsti dómstóll Bandaríkjanna
taki í taumana.
Reuter
Móðir Teresa fær blómsveig
MÓÐIR Teresa átti í gær af-
mæli og er nú orðin 87 ára
gömul. Af því tilefni var henni
fléttaður blómsveigur og sést
hér ein af systrunum í trúboði
góðverkanna í Kalkútta setja
hann um háls henni. Móðir Ter-
esa hélt upp á afmælið með því
að halda sérstaka guðsþjón-
ustu.
Ný bilun í Mír
en súrefnistæki
komin í lag
Moskvu. Reuter.
ÁHÖFN rússnesku geimstöðvarinn-
ar Mír hefur tekist að gera við súr-
efnistæki stöðvarinnar eftir að hafa
verið án fersks lofts um stundarsak-
ir. Annar vandi kom upp í gær í
stöðinni er ekki reyndist unnt að
stilla sólrafhlöður, sem gert var við
í síðustu viku.
Bandaríska geimferðastofnunin
(NASA) skýrði frá því í fyrrakvöld,
að tvö súrefnisframleiðslutæki Mír
hefðu bilað og ætti áhöfnin því að-
eins nokkurra daga birgðir af súr-
efni á flöskum. Rússneskir stjórn-
endur Mír-áætlunarinnar vísuðu
fréttinni í fyrstu á bug. í gær játtu
þeir hins vegar biluninni en gerðu
lítið úr alvöru málsins og sögðu að
gert hefði verið við bilunina á
klukkutíma.
Þá hefur rafmagni verið hleypt
á Kvant-2 einingu Mír en lokað var
fyrir rafstraum þangað eftir árekst-
ur birgðafars við geimstöðina 25.
júní sl., en þá bilaði rafkerfi henn-
ar. í Kvant eru önnur súrefnisfram-
leiðslutæki og var búist við að þau
kæmust senn í gagnið.
Jafnframt voru vonir við það
bundnar í gær að næstu daga yrði
hægt að hleypa rafstraumi á tvo
aðra hluta geimstöðvarinnar, Kríst-
all og Príroda, sem einnig hafa
verið myrkvaðir frá 25. júní. Þar
inni voru stundaðar ýmiss konar
rannsóknir. Áður þarf þó að þurrka
raka sem myndast hefur undan-
farnar vikur í Krístall og vann vél-
fræðingurinn í áhöfninni, Pavel
Vínogradov, að því að þerra hann
með handþurrkum í gær.
Ljósgildrur snúast ekki
Vera kann að þessi áform breyt-
ist eitthvað því í gær var frá því
skýrt að ekki væri unnt að stilla
sólrafhlöður á Spektr-einingunni
þannig að ljósgildrur þeirra næmu
geisla sólar nema að litlu leyti. í
síðustu viku tókst að tengja rafhlöð-
urnar við orkukerfi Mír en það hef-
ur ekki skilað þeirri orku sem von-
ast var til. Rafhlöðurnar á Spektr
skemmdust í árekstrinum 25. júni
en fyrir hann framleiddu þær 75%
raforku Mír-stöðvarinnar. Talið er
að í ljós muni koma á næstu dögum
hvort hægt verður með einhverjum
ráðum að vinna bug á stillingar-
vandamálum rafhlaðanna.
Verzlunarskóli íslands
Öldungadeild
Innritað verður í öldungadeild Verzlunarskóla íslands
25.-28. ágúst kl. 08.30-18.00.
Eftirtaldar námsgreinar verða í boði á haustönn:
Bókfærsla Lögfræði Stærðfræði
Danska Mannkynssaga Tölvubókhald
Efna- og eðlisfræði Markaðsfræði Tölvunotkun
Enska Milliríkjaviöskipti Tölvur (forritun)
Franska Rekstrarhagfræði Verslunarréttur
íslandssaga íslenska Ritvinnsla Spænska Þýska
Ekki er nauðsynlegt að stefna að ákveðinni prófgráðu og algengt er að fólk
leggi stund á einstakar námsgreinar til að auka atvinnumöguleika sína eða
sér til ánægju. Skólagjald er í hlutfalli við kenndar kennslustundir.
Kennsla í öldungadeildinni fer fram kl. 17.30-22.00
mánudaga til fimmtudaga og hefst 1. september.
Umsóknarblöð og námslýsingar fást
á skrifstofu skólans, Ofanleiti 1.
Síðustu dagar rýmingarsölunnar!
Enn frekari verðlækkun á gardínuefnum og dúkum.
Athugið! Fullar verslanir af nýjum stórglæsilegum
gardínuefnum í næstu viku.
I