Morgunblaðið - 27.08.1997, Blaðsíða 17
MORGUNBLAÐIÐ
MIÐVIKUDAGUR 27. ÁGÚST 1997 17
ERLENT
Geir H. Haarde vill sjá öll
Norðurlönd í NATO
Tengsl Rússlands
við NATO nánari
en Svíþjóðar
og Finnlands
Ræða Geirs H. Haarde vakti athygli á örygg-
---------------------------,-----
ismálaráðstefnu Norðurlandaráðs. Olafur
Þ. Stephensen skrifar frá ráðstefnunni í
Helsinki.
RÆÐA Geirs H. Haarde,
formanns flokkahóps
íhaldsmanna í Norður-
landaráði, vakti talsverða
athygli á ráðstefnu ráðs-
ins um öryggismál, sem
lauk í Helsinki í gær.
Geir hvatti Finnland og
Svíþjóð til inngöngu í
NATO og sagði það
skjóta skökku við að
Rússland hefði nú nánari
tengsl við bandalagið en
þessi tvö norrænu ríki.
„Það er staðreynd að
Rússland hefur nú, á
grundvelli samstarfs-
samnings síns, formlega
nánari tengsl við NATO
en Svíþjóð og Finnland. Það kemur
einkennilega fyrir sjónir,“ sagði Geir.
„Aðild myndi auðvelda Svíþjóð og
Finnlandi að taka þátt í ákvarðana-
töku og taka víðtækari ábyrgð á ör-
yggi hér í norðri. Annað mikilvægt
atriði er að gangi Svíþjóð og Finnland
í NATO verður auðveldara að veija
landamæri Eystrasaltsríkjanna.
Hreint landfræðilega séð er þetta
skýrt, en það þýðir einnig að fleiri
lönd skipta með sér ábyrgðinni. Þetta
getur orðið mikilvæg röksemd þegar
þarf að fá samþykki fyrir hugsan-
legri aðild Eystrasaltsríkjanna á
Bandaríkjaþingi."
Geir sagði að á sínum tíma hefði
ekkert orðið úr hugmyndum um nor-
rænt vamarbandalag
eftir seinna stríð. „En
nú höfum við tækifæri
til að sameina öll löndin
innan ramma hins nýja
NATO á næstu árum.
Það myndi þjóna hags-
munum okkar allra bet-
ur. Alltént er erfitt að
sjá fyrir sér að Eystra-
saltsríkin þijú gangi í
NATO, en ekki nor-
rænu ríkin tvö, sem
eftir eru,“ sagði Geir.
Sjónarmið Geirs og
íhaldshópsins áttu ekki
upp á pallborðið hjá
ýmsum þingmönnum
frá Finnlandi og Sví-
þjóð, sem svöruðu Geir í umræðum á
ráðstefnunni. Olof Johansson, for-
maður sænska Miðflokksins, sem hef-
ur lagzt gegn NATO-aðild, sagði til
dæmis að það væri ekki rétt að for-
senda samræmdrar norrænnar örygg-
ismálastefnu væri að öll norrænu rík-
in væru í NATO. „Ég vil leggja
áherzlu á að nú þegar öryggismál eru
orðin að umræðuefni í norrænu sam-
starfi verður að ríkja virðing fyrir
bæði ólíkum lausnum norrænu ríkj-
anna í öryggismálum og fyrir mis-
munandi tengingu þeirra við Evrópu-
sambandið," sagði Johansson. „Sé
þessi virðing ekki fyrir hendi mun
okkur ekki takast að samræma sjón-
armið Norðurlanda."
Halldór Ásgrímsson
utanríkisráðherra
Umhverfismála-
umræðan á kostnað
mannréttinda?
Helsinki. Morgunblaðið.
HALLDÓR Ásgrímsson utanríkis-
ráðherra sagði í ræðu sinni á örygg-
ismálaráðstefnu Norðurlandaráðs í
Helsinki í gær að hann hefði
áhyggjur af því að á Vesturlöndum
snerist umræðan í æ meira mæli
um umhverfismál og réttindi dýra,
á kostnað umræðna um mannrétt-
indamál.
Halldór fjallaði í ræðu sinni með-
al annars um að vernd mannrétt-
inda og umhverfis væri hluti af því
að tryggja öryggi í Evrópu. „í þessu
sambandi vil ég hins vegar nefna
að mér finnst óheppileg þróun hafa
átt sér stað, með því að umræðan
í iðnvæddu ríkjunum snýst í aukn-
um mæli um umhverfismál og rétt-
indi dýra, en ef til vill í minnkandi
mæli um mannréttindamál," sagði
Halldór.
Hann sagði að ísland byggði af-
komu sína á náttúruauðlindum og
hann væri eindreginn stuðnings-
maður sjálfbærrar þróunar og gerði
sér grein fyrir gífurlegu mikilvægi
umhverfismála. „Ég vara hins veg-
ar við því að við vanrækjum mann-
réttindamálin. Við kunnum að halda
að við höfum uppfyllt allar nauðsyn-
legar kröfur og getum því tekið því
rólega, en sjálft eðli mannréttinda
krefst aðgerða," sagði Halldór.
Ráðherrann sagði að ekki væri
nóg að tryggja og virða mannrétt-
indi, heldur yrði almenningur að
vera sér meðvitandi um gildi þeirra
og fólk yrði að skilja að mannrétt-
indi væru óaðskiljanlegur hluti sam-
félagsins. „Til þess að viðhalda
þessari vitund eru samræður og
umræður nauðsynlegar," sagði
Halldór.
www.mbl.is/boltinn
nver vinnur
Giskaðu á hverjir fá gull-,
silfur- og bronsskóna sem
Adidas veitir markahæstu
mönnum Sjóvár-Almennrar
deildarinnar í sumar.
■
Ef þú getur rétt hverjir fá gull-, silfur-
og bronsskóna áttu möguleika á
glæsilegum vinningum:
1. verðlaun: 30.000 kr. vóruúttekt frá Adidas
2. verðlaun: 20.000 kr. vöruúttekt frá Adidas
3 -12. verðlaun: Bolir frá Adidas
Taktu þátt i spennandi leik
knattspyrnuvefs Morgunblaðsins og
Adidas dagana 18.-31. ágúst. Þú fyllir
út þátttökuseðil á knattspyrnuvef
Morgunblaðsins á slóðinni:
www.mbl.is/boltinn
Ef þú hefur ekki aðgang að Netinu
getur þú heimsótt okkur fyrir utan
Sportkringluna á I. hæð Kringlunnar
milli klukkan 14.00 og 18.00 virka daga
og milli kl. 12.00 og 15.00 á laugardögum
og fengið aðstoð við að taka þátt.