Morgunblaðið - 07.10.1997, Blaðsíða 15

MORGUNBLAÐIÐ
ÞRIÐJUDAGUR 7. OKTÓBER 1997 15
AKUREYRI
Horft út um
gluggann
ÞÓ AÐ flestum þyki gaman í
skólanum og sökkvi sér ofan í
lærdóminn, svona að öllu
jöfnu, er nauðsynlegt að líta
upp úr bókunum öðru hvoru
og sjá hvað fyrir augu ber utan
veggja skólastofunnar. Eins og
þessir krakkar í Brekkuskóla
á Akureyri. Kannski það hafi
bara verið ljósmyndarinn sem
var á vappi fyrir utan
gluggann sem fékk þau til að
gera hlé á vinnunni í þetta
sinn.
Verkefm Sjálfsbjargar í fullum gangi
Sjálfvirkur opnunar-
bunaður
ÞRIGGJA mánaða átaksverkefni
Sjálfsbjargar á Akureyri sem gengur
út á að sem flestar verslanir, þjónustu-
fyrirtæki og einstaklingar komi sér
upp sjálfvirkum opnunarbúnaði á
hurðir stendur nú yfir. Ætlunin er að
þeir sem verða við kalli félagsins fái
viðurkenningu á alþjóðadegi fatlaðra
3. desember næstkomandi. Átakið
hófst með útgáfu blaðsins „Létt hurð,
greið leið“, sem var dreift á 6.200
staði á Akureyri og í Eyjafirði. Vænt-
ir félagið þess að sem flestir taki við
a hurðir
sér og komi upp léttum hurðum í
húsum sínum og greiði mönnum þann-
ig leið.
Sjálfsbjörg hefur veitt húsráðendum
að Glerárgötu 26, þar sem m.a. eru
skrifstofur á vegum Akureyrarbæjar,
viðurkenningu fyrir gott aðgengi.
Brauðgerð Kristjáns Jónssonar hlaut
viðurkenninguna „Velunnari Sjálfs-
bjargar á Akureyri 1997“. Félagið
hefur skorað á Sjálfsbjargarfélagið á
Siglufirði að gangast fyrir átaksdegi
um aðgengi fatlaðra á næsta ári.
Bæjarráð
Bærinn tek-
ur ekki við
eignum
Ársólar
BÆJARRÁÐ Akureyrar getur ekki
lagt til að Akureyrarbær taki við
eignum leikskólans Ársólar. Ráðið
tekur hins vegar jákvætt í samninga
um frekari stofnstyrk til leikskólans
þegar nauðsynleg gögn og upplýs-
ingar liggja fyrir.
Bæjarráð tók til umfjöllunar tvö
erindi frá leikskólanum Ársól á fundi
sínum á fimmtudag, annað frá 15.
júní síðastliðnum um afhendingu á
húseign og búnaði ásamt skuldbind-
ingum leikskólans til Akureyrarbæj-
ar og hitt frá 7. júlí um frekari stofn-
styrk vegna stækkunar á leikskólan-
um Ársól.
Skautasvell
Á fundi bæjarráðs var einnig tekið
fyrir erindi frá Skautafélagi Ak-
ureyrar en félagið leitar eftir sam-
starfi við Akureyrarbæ um byggingu
yfir skautasvellið við Naustaveg.
Bæjarráð frestaði afgreiðslu málsins,
vísaði því til íþrótta- og tómstunda-
ráðs til skoðunar og óskar eftir til-
lögu frá ráðinu um afgreiðslu þess.
Smíðaverkstæði LA
Leikfélag Akureyrar hefur sent
bæjaryfirvöldum erindi vegna hús-
næðis fyrir smíðaverkstæði félags-
ins. Samþykkt var á fundi bæjarráðs
tillaga bæjarstjóra þess efnis að
smíðaverkstæði leikvalla bæjarins
verði flutt úr leiguhúsnæði að Ós-
eyri 16 í húsnæði umhverfisdeildar
í Gróðrarstöðinni. Leitað verður eftir
samþykki eigenda húsnæðisins að
Óseyri 16 um framsal á leigusamn-
ingi til Leikfélags Akureyrar.
-----»■ -»-»---
Apótek á Akureyri
Vaktþjónustu
hætt
FORSVARSMENN lyfjaverslana á
Akureyri, Akureyrar apóteki og
Stjörnu apóteki hafa sent bæjaryfir-
völdum bréf þar sem greint er frá
vaktafyrirkomulagi apótekanna á
liðnum árum vegna afgreiðslu á
nauðsynlegum lyfjum utan hefð-
bundins afgreiðslutíma.
Fram kemur í bréfinu að nú sé
svo komið að vegna aukinnar sam-
keppni og lækkandi álagningar á lyf
treysti apótekin sér ekki til að halda
úti slíkri vaktþjónustu án þess að
greiðsla komi fyrir og munu apótek-
in að óbreyttu hætta bakvöktum frá
og með 1. nóvember næstkomandi.
Félagsmálastjóri Akureyrarbæjar
hefur skoðað málið og haft samband
við Fjórðungssjúkrahúsið og Heilsu-
gæslustöðina vegna þessa erindis og
miðað við viðbrögð þeirra sér bæjar-
ráð ekki ástæðu til að hafa afskipti
af málinu.
Discovery XS-V8I'V
MED KRAFTA í KÖGGLUM
Discovery XS-V8Í
Land Rover Discovery
Windsor V8i er kraftmikill
jeppi sem kemur þér
þangað sem þú vilt fara.
Discovery Windsor er
óskaþíll íslenskra jeppa-
manna með 3,9 Irtra vél með beinni innspýtingu. Windsor
er sérbúinn fyrir íslenskar aðstæður með ABS bremsukerfi,
álfelgum, brettaköntum, tveimur sóllúgum og upphitaðri
framrúðu. Staðalbúnaður í Discovery V8i er: Sæti fyrir
sjö, vökva- og veltistýri, rafdrifnar rúður og speglar,
fjarstýrðar samlæsingar, þjófavörn, útvarp og
segulband, toppgrind, hliðarlistar og aðskilin miðstöð
fyrir ökumann og farþega. Komdu
og við hjá okkur og prófaðu
þennan kraftmikla og þægilega
jeppa sem nú er fáanlegur á
sérlega góðu verði
Discovery V8i frá 2.980.000
Discovery Windsor V8i
frá 3.390.000
Suðurlandsbraut 14, sími 575 1200. Söludeild, sími 575 1210