Morgunblaðið - 07.10.1997, Blaðsíða 4

4 ÞRIÐJUDAGUR 7. OKTÓBER 1997
MORGUNBLAÐIÐ
FRETTIR
Úrskurður skipulagsstjóra ríkisins
Ekki fallist á nýtt vegar-
stæði yfir Jökuldalsheiði
EKKI liggja fyrir fullnægjandi upp-
lýsingar um fyrirhugaða lagningu
Hringvegar úr Langadal á Jökuldals-
heiði að Ármótaseli að mati skipu-
lagsstjóra ríkisins eða samanburður
á kostum varðandi staðarval og til-
högun framkvæmda til þess að unnt
sé að fallast á framkvæmdina. í
samræmi við reglugerð um mat á
umhverfisáhrifum skal ráðast í frek-
ara mat á lagningu hringvegarins í
Norður-Múlasýslu.
Skipulagsstjóri kemst meðal ann-
ars að þeirri niðurstöðu að ef af lagn-
ingu vegarins verður, verða mann-
virkjabeltin um svæðið þrjú, þ.e.
núverandi hringvegur, línuleið
Byggðalínu og fyrirhugaðrar Fljóts-
dalslínu 1, með tilheyrandi slóða og
nýr Hringvegur frá Langadal að
Ármótaseli. Fram kemur að fyr-
irhugaður vegur mun skerða tengsl
tveggja ferðaþjónustustaða við
Hringveginn, Möðrudal og Sænauta-
sel. Vegurinn mun ekki stytta vega-
lengdina milli Norður- og Aust-
urlands en hann mun stytta leiðina
milli Vopnafjarðar og Egilsstaða úr
176 km í 152 km. Fyrirhugaður
vegur mun liggja nærri eða fara
yfir 35 þekktar menningarminjar.
Enn fremur fer vegurinn um svæði
sem nýtt er til beitar og veiðar og
liggur nærri varpsvæði heiðagæsa.
Stór hluti vegarsvæðisins er gróinn
og fer vegurinn á nokkrum stöðum
yfir votlendissvæði.
í úrskurði skipulagsstjóra segir
að ekki sé sýnt fram á að slíkur
ávinningur sé af framkvæmdinni,
eins og hún er kynnt af Vegagerð-
inni, að umhverfisáhrif hennar verði
viðunandi.
Fram kemur að í frekara mati
skuli koma fram samanburður á
uppbyggingu núverandi vegar um
Möðrudalsfjallgarða, vegar um
Sauðár- og Gestreiðarstaðaskarð
meðfram Byggðalínu Landsvirkjun-
ar og vegar frá Langadal að Ár-
mótaseli sem kynntur var við frum-
athugun. Gera þarf grein fyrir kost-
um þessara framkvæmda með tilliti
til legu, lengdar, landhalla,
beygjukrappa, vegsýnar, efnisþarf-
ar, koatnaðar og veðurfars og áhrif-
um þeirra á umferðaröryggi, land-
notkun, menningarminjar, gróður,
dýralíf, jarðmyndanir og landslag.
Einnig verði gerð frekari grein fyr-
ir þeim kosti að vegtenging milli
Norðurlands og Austurlands verði
um Fjöllin, Vopnafjörð og Hlíðar-
fjöll með jarðgöngum undir Hellis-
heiði.
Úrskurð skipulagsstjóra má kæra
til umhverfisráðherra og er kæru-
frestur til 12. nóvember 1997.
Lauslegt
fauká
Siglufirði
VERSTA veður var á Siglufírði fyrri
hluta dags í gær og fuku gámur,
bátur, bíll og þakplötur um bæinn.
Kennsla féll þó ekki niður en skóla-
börnum var ekið leiðar sinnar.
Lögreglan á Siglufirði segir að
austan 10 vindstig hafi mælst á veð-
urathugunarstöðinni á Sauðanesvita
og hvassara hafí verið í hviðum. í
fírðinum var misvindasamt og mjög
hvasst og vöknuðu menn á sjöunda
tímanum við veðrið. Um klukkan ell-
efu fóru lauslegir hlutir að fjúka, svo
og einstaka þakplötur.
Hjálparsveitir voru kallaðar út og
höfðu í nógu að snúast því útköll
þeirra skiptu tugum, segir lögregla.
Bátur sem stóð á þurru fauk um
koll. Björgunarbátur fauk á haf út.
20 feta tómur gámur tókst á loft í
sviptivindi og fauk út í höfn og sökk.
Fiat Uno fólksbíll lyftist og fauk yfir
götu en kom niður á hjólin og er þá
fátt eitt talið.
Geysileg rigning fylgdi veðrinu og
voru bæjarstarfsmenn og vegagerðar-
menn önnum kafnir við að losa stíflur
úr ræsum auk þess sem grjót hrundi
á veginn við bæinn.
Siglfirðingar héldu áfram skóla-
haldi en börn voru keyrð í og úr skóla
í bílum lögreglu og björgunarsveita.
Eftir hádegi var rúta fengin til að
flytja börn úr íþróttahúsi bæjarins á
milli.
Rok og rigning
TALSVERÐUR strekkingur
var í miðborg Reykjavíkur í
gær þegar ein haustlægðin
fór hjá og vænar rigningar-
dembur gengu yfir réttláta
sem rangláta. Þá var líka ág-
ætt að vera vel dúðaður með-
an beðið var á rauðu Ijósi.
Morgunblaðið/Kristinn
Andlát
HALLBJORG
BJARNADÓTTIR
Hallbjörg Bjarnadótt-
ir söngkona er látin
82 ára að aldri. Útför-
in hefur farið fram í
kyrrþey að ósk hinnar
látnu.
Hallbjörg fæddist
11. apríl árið 1915 á
Brimnisvöllum við Ól-
afsvík en fimm ára
fluttist hún til
Reykjavíkur og þaðan
uppá Akranes. Ung
missti hún föður sinn
og var hún skömmu
síðar sett í fóstur hjá
hjónunum Kristínu
Jónsdóttur og Jóni Ólafssyni á
Brunnastöðum á Akranesi. Sextán
ára hélt Hallbjörg til Kaupmanna-
hafnar til að nema óperusöng en
sneri sér fljótlega að djassi og kom
viða fram á tónleikum og skemmt-
unum í Danmörku.
Á árunum 1939-1945 dvaldi hún
á íslandi og hélt þar söngskemmt-
anir en að stríði loknu
fluttist hún ásamt manni
sínum, Jens Jörgen
Fischer-Nielsen, til Dan-
merkur á ný, þar sem
þau komu fram á
skemmtunum og í söng-
leikjum auk þess sem
Hallbjörg kom fram í
útvarpi og sjónvarpi á
Norðurlöndum, Englandi
og í Þýskalandi. Árið
1959 fluttu þau til
Bandaríkjanna, þar sem
þau bjuggu til ársins
1983 og kom Hallbjörg
víða fram á tónleikum.
Til íslands fluttu þau hjónin á ný
árið 1992 og hafa búið hér síðan.
í viðtali í Morgunblaðinu við heim-
komuna var haft eftir Hallbjörgu
að hún væri ánægð með að vera
loksins komin heim því hún hefði
alla tið liðið af heimþrá. Eftirlifandi
eiginmaður Hallbjargar er Jens
Jörgen Fischer-Nielsen.
Reglugerð um örygg-
isfræðslu sjómanna
Fundað um
réttinda-
málin á
morgun
Á MORGUN verður haldinn fundur
fulltrúa samtaka útgerðarmanna,
sjómanna og ríkisins þar sem rætt
verður hvernig bregðast eigi við því
að 5-600 sjómenn verða réttinda-
lausir þegar reglur um öryggis-
fræðslu taka gildi um næstu ára-
mót. Með reglugerðinni verður öllum
áhöfnum skipa, sem krafist er lög-
skráningar á, gert skylt að hafa lok-
ið námskeiði í öryggisfræðslu hjá
Slysavarnaskóla sjómanna. Gildis-
töku reglugerðarinnar hefur verið
frestað tvisvar sinnum.
„Við höfum verið með fullbókað á
námskeiðin í tvö ár, en fyrir þann
tíma vorum við að berjast við að
halda úti námskeiðunum vegna fá-
mennis," segir Hilmar Snorrason,
skólastjóri Slysavarnaskóla sjó-
manna. „Það var ekki fyrr en kom
að fyrstu frestuninni á reglugerðinni
að menn fóru að taka af alvöru við
sér." Aðspurður segir Hilmar að sjó-
menn geti í og með kennt sjálfum
sér um hvernig komið sé.
Getum ekki horft á það að
flotinn komist ekki á sjó
„Við stóðum í þeirri trú á sínum
tíma að það hefðist að allir kæmust
í gegnum þessi námskeið sem þyrftu
að gera það," segir Hólmgeir Jóns-
son, framkvæmdastjóri Sjómanna-
sambandsins. „Ég veit ekki annað
en að skólinn hafi verið fullsetinn
og sé fullbókaður fram á næsta vor.
Það er ekkert hægt að segja um við-
brögð okkar á þessu stigi, en menn
geta ekki staðið og horft á það að
flotinn komist ekki á sjó vegna þess
að menn hafi ekki lokið tilskildum
námskeiðum. Það er ráðuneytisins
að svara því hvað verður gert, en
sjálfsagt verður að vera með ein-
hverjar undanþágur meðan þetta er
að komast í lag."
Benedikt Valsson, framkvæmda-
stjóri Farmanna- og fiskimannasam-
bandsins, segir að erfitt verði að fall-'
ast á að menn verði réttindalausir
vegna reglugerðarinnar. „Það var.
vitað mál að það yrði erfitt að láta
þetta ganga upp eins og upphaflega
var ráðgert. Við vitum ekki nákvæm-
lega hvort það eru skipstjórnarmenn,
vélstjórar eða hásetar sem ekki hafa
lokið námskeiðunum en þau eru hluti
af námi skipstjórnarmanna i dag." ¦
Ragnheildur Hjaltadóttir, skrif-.
stofustjóri í samgönguráðuneytinu,-
segir að málið sé til umræðu í ráðuJ
neytinu en að ekki hafí enn verið.
tekin ákvörðun um til hvaða ráða
verði gripið.
---------? ? ?---------
Sjö handtekn-
ir með fíkni-
efni á Húsavík
SJÖ manns, flestir í kringum tví-
tugt, voru handteknir á Húsavík á
sunnudagskvöld grunaðir um kaup,
vörslu eða neyslu ólöglegra fíkniefna.
Við húsleit í fjórum íbúðarhúsum
í bænum fundust fíkniefni og ýmis
áhöld til neyslu þeirra. Einnig fund-
ust efni á fólkinu við handtökuna.
Alls var lagt hald á um 8-10 grömm
af amfetamíni, nokkur grömm af
hassi og maríúana, auk smáræðis
af tóbaki blönduðu hassi.
Yfirheyrslur og rannsókn stóðu
yfir fram á mánudagsmorgun. Málin
voru tvö, en tengdust þó að hluta til
innbyrðis. Játningar hinna grunuðu
um kaup, vörslu eða neyslu efnanna
liggja fyrir og teljast málin að fullu
upplýst. Að sögn lögreglu á Húsavík
var einungis um eigin neyslu að
ræða, ekki sölu. Hluti hópsins hefur
komið við sögu lögreglu áður vegna
fíkniefnamála.
í