Morgunblaðið - 26.11.1997, Blaðsíða 28
28 MIÐVIKUDAGUR 26. NÓVEMBER 1997
LISTIR
MORGUNBLAÐIÐ
Nýjar plötur
• KVARTETTINN ÚT f vorið hefur
gefið út plötu með 19 hefðbundnum
kvartettsöngvum.
Kvartettinn var stofnaður haustið
1992 af fjórum söngfélögum í Kór
Langholtskirkju, Einari Clausen,
Halldóri Torfasyni, Þorvaldi
Friðrikssyni og Ásgeiri Böðvarssyni.
Bjami Þór Jónatansson píanóleikari
kom til liðs við þá félaga snemma árs
1993. Raddþjálfari er Signý
Sæmundsdóttir.
Átta af lögunum eru útsett af Carl
Billich, þar á meðal eru lög eins og
Óli lokbrá, Haf, blikandi haf og
Seljadalsrósin. Einnig eru nokkrar
útsetningar Carls Billich sem aldrei
hafa verið hljóðritaðar áður. Þar á
meðal eru tvær sem hann gerði
sérstaklega fyrir MA-kvartettinn:
Suður um höfin og Vögguljóð
Schuberts - Melichars. Fyrrum
félagar MA-kvartettsins, Steinþór og
Þorgeir Gestssynir lánuðu
útsetningar Carls á þessum lögum.
Stafræn upptaka fór fram í
Laugarneskirkju dagana 1.-3. júní
1997. Upptöku annaðist Sveinn
Kjartansson. Hljóðblöndun fór fram
hjá Stafræna Hljóðupptökufélaginu
ehf. Dreifingu annast SPOR. Verð:
1.999.
SLOPPAR
— frotte
— velur
— satin
Hvergi meira
úrval
bympjTm
Laugavegi 26, sími 551 3300
Kringlunni 8-12, sími 553 3600
Fjölskyldulínan
Morgunblaðið/Þorkell
LANDSLIÐ íslands í Kontrapunkti, f.v. Jóhannes Jónasson, Una Mar-
grét Jónsdóttir og Ríkarður Ö. Pálsson, æflr af fullum krafti fyrir
keppnina í vor.
Kontrapunktur
í Helsinki-óperunni
ÍSLAND tekur nú í fimmta sinn
þátt í Kontrapunkti, tónlistar-
spurningakeppni norrænna sjón-
varpsstöðva um sígilda tónlist.
Upptökur fara fram fyrri hluta
janúar 1998, í nýju óperunni í
Helsinki, og verður væntanlega
sjónvarpað fljótlega eftir það á
viku fresti eins og venja hefur ver-
ið. Úrslitakeppnin fer fram á sama
stað í apríl.
Landsjið íslands er skipað þeim
Rfkarði Ö. Pálssyni landsliðsstjóra,
Unu Margréti Jónsdóttur, er
starfar á tónlistardeild Ríkisút-
varpsins, og Jóhannesi Jónassyni
lögregluþjóni, sem er formaður
Wagner-félagsins og í stjórn
styrktarfélags íslensku óperunnar.
Landsliðið hefur æft vikulega
undanfarið. Liðið þiggur fegið
ábendingar um fágæt norræn tón-
verk á hljómplötum frá lesendum
blaðsins, en eins og kunnugt er
mun eingöngu spurt um verk sem
hafa komið út í hljóðriti.
Hægt er að koma upplýsingum á
framfæri á netföng þeirra Jóhanns
eða Ríkarðs: Johanjþitn.is og rik-
ardurþprim.is.
Willy Brandt,
túlkun í tónum
Hannover. Morgunblaðið.
VIÐ óperuhúsið í Dortmund hef-
ur ný ópera eftir Gerhard Ros-
enfeld verið frumsýnd. Óperan
heitir Kropið á kné í Varsjá
„Kniefall in Warschau" og fjallar
um kafla úr ævi fyrrverandi
borgarstjóra í Berh'n (1957-1966)
og kanslara Vestur-Þýskalands
(1969-1974) Willy Brandt. „þeg-
ar Willy Brandt kraup á kné var
sögulegur atburður sem orð
skortir til að lýsa. Þess vegna
túlkum við hann í formi óperu,“
segir John Dew óperustjóri í
Dortmund aðspurður um tilurð
verksins, en hann pantaði verkið
fyrir hönd óperunnar í Dort-
mund og sér jafnframt um leik-
stjóm. Dew sagði meðal annars í
viðtali við Der Spiegel að Willy
Brandt væri „hetja eftirstríðsár-
anna og atburðurinn 7. desem-
ber 1970 hefði verið táknrænn
og kallað fram sterkar tilfinn-
ingar bæði austan tjalds sem
vestan en jafnframt orðið til
þess að þessar andstæðu fylk-
ingar gátu nálgast. Það er ekki
meiningin að segja ævisögu
Brandts heldur er verkið tígla-
mynd úr tilfinningum,“ segir
John Dew.
Tónskáldið Gerhard Rosen-
feld fæddist árið 1931 í Königs-
berg í gamla Austur-Þýskalandi.
Hann stundaði tónfræði- og tón-
smíðanám í þýsku listaakademí-
unni í Berlín og lauk þaðan prófi
árið 1961. Rosenfeld hefur síðan
þá starfað sem tónskáld og
kennari. Meðal verka hans má
nefna tvo fiðlukonserta, selló-
konsert, píanókonsert auk verka
fyrir kór og sinfóníuhljómsveit.
„Kniefall in Warschau" er
þriðja ópera hans. Gerhard
Rosenfeld sagðist hafa orðið
undrandi yfir að vera beðinn
um að semja óperu um þetta að
því honum virtist þurra efni en
þegar hann hafi skoðað það nán-
ar og rifjað upp útsendingu vest-
ur-þýska sjónvarpsins á atburð-
inum komst hann að því að efnið
væri vel til þess fallið að semja
við það tónlist. „Mér varð Ijóst
að Brandt var undir miklu til-
finningalegu álagi og fram-
kvæmdi án þess að íhuga frekar
gerðir sínar. Þessi staðreynd
gerði mér mögulegt, og beinhnis
bauð upp á, að semja tónlistina."
Gerð textans er í höndum Phil-
ipps Kochheim. Óperan hefur
þegar fyrir frumsýningu vakið
mjög mikla athygh og hefúr því
verið haldið fram að fá önnur
leikhúsverk eftir seinna stríð hafi
fengið slíka umfjöllun bæði í
Þýskalandi sem og erlendis. Tahð
er að frumsýning óperunnar í
Dortmund sé einn merkasti tón-
Ustarviðburður þessa árs. Reikn-
að er með 500 heiðursgestum á
frumsýninguna í kvöld, þar á
meðal mörgum af samferða-
mönnum WiUys Brandt. Kol-
beinn Ketilsson tenórsöngvari
sem nú starfar í Dortmund syng-
ur þrjú htil hlutverk í óperunni.
Ástínþá
er ástín nú
LEIKLIST
Leikfélag Rangæinga
PILTUR OG STÚLKA
eftir Emil og Jón Thoroddsen.
Leiðbeinandi: Benedikt Árnason.
Tónlist í samstarfi við Tónlistar-
skóla Rangæinga: Einsöngur:
Sverrir Jónsson. Píanó: Agnes
Löve. Fiðla: Guðrún Markúsdóttir.
Leikmynd: Katrín Jónsdóttir. Lýs-
ing: Elfar Bjarnason. Förðun: Arn-
dís Sveinsdóttir. Vigdís Guðjóns-
dóttir. Helstu leikendur: Ásgerður
Ásgeirsdóttir. Gunnhildur Jóns-
dóttir, Sjöfn Guðmundsdóttir,
Ingvar Guðbjörnsson, Þórunn
Ólafsdóttir, Svavar Friðleifsson,
Guðni Gfslason, Jón Smári Lárus-
son, Guðríður Júlíusdóttir, Þor-
steinn Ragnarsson, Fjóla Jónsdótt-
ir. Sýnt f leikhúsinu Sunnu á
Hvolsvelli 23. nóvember. Önnur
sýning.
PILTUR og stúlka er kjörið við-
fangsefni fyrir áhugaleikhús. Þar er
fjallað að ástina sem er og verður
vonandi alltaf nútímaleg. Þar birtist
íslensk sveitamenning sem kröftug
andstæða borgarmenningar/siðspiU-
ingar svo þeim hlýnar um hjartaræt-
ur sem eldri eru og þeir yngri læra
sitt af hverju. Og ekki spUlir að í
leikritinu gefur að heyra sönglög
sem þjóðin öU þekkir og á að halda
áfram að þekkja. Þess vegna er Pilt-
ur og stúlka leikrit fyrir alla aldurs-
hópa og það veit ég að þau þrjú ung-
menni sem mér fylgdu höfðu mikla
skemmtun af leikritinu og spurðu
margra spuminga um efni þess og
skírskotanir á leiðinni heim. Og ekki
má gleyma því að í áhugaleikhúsun-
um, sem eru flest úti á landi og sum í
landbúnaðarhéruðum, geymist með
fólkinu djúpur skUningur á þeirri
veröld sem þarna er brugðið Ijósi á,
skUningur bæði á fólki og aðstæðum.
AUt þetta kom glögglega í ljós í
ágætlega heppnaðri uppfærslu Leik-
félags Rangæinga á Pilti og stúlku.
Leikhópurinn nýtur hér handleiðslu
Benedikts Ámasonar, leikstjóra,
sem er náttúrulega þaulreyndur at-
vinnumaður og enginn veifiskati þótt
hann sé Ijúfmannlegur enda hefur
honum hefur tekist að laða fram það
besta í hverjum og einum og skapa
framvindu sem er hvergi andvana og
á ágæti sitt ekki síst að þakka næmu
auga fyrir því skoplega. Og tónlistin
var hugljúf undir styrkri stjóm
Agnesar Löve og einsöngur Sverris
Jónssonar vandaður og áheyrilegur.
Og það var einnig gaman að heyra
búðarvísurnar fluttar af kankvísi og
þrótti sem hæfir þeim vel. Héma
mátti sjá og heyra svo ekki verður
um vilist hversu mjög tónlistar-
kennslan á Hvolsvelli hefur auðgað
mannlífið í héraðinu.
Það er næsta ósanngjamt að gera
upp á milli manna í þessari sýningu,
því allir leggja vel til hennar, en þó
get ég ekki stillt mig um að nefna
Jón Smára Lámsson sem sýndi stór-
skemmtilegan og sannfærandi leik
sem Þorsteinn matgoggur. Þá var
Þómnn Ólafsdóttir góð sem Gróa á
Leiti og Svavar Friðleifsson trúverð-
ugur sem nískupúkinn Bárður á
Búrfelli. Og ekki varð þeim skota-
skuld úr þvi að herma eftir kaup-
staðardönskunni, þeim Þorsteini
Ragnarssyni og Margréti Tryggva-
dóttur.
Búningamir era góðir og sviðsum-
gjörðin öll og styrkir hvort tveggja
það góða andrúm sem skapast á sýn-
ingunni og snerti það í mér og
þroskaði það 1 börnum systur minn-
ar sem ég held að ég kalli bara (án
þess að skammast mín nokkuð fyrir
það): íslendinginn.
Guðbrandur Gíslason
p : 1 1: .4 /
4 i
* 1 f i T 'f'
v';' ^ \ V
Morgunblaðið/Steinunn
HÉRNA mátti sjá og heyra
hversu mjög tónlistarkennslan
hefur auðgað mannli'fið f hérað-
inu, segir í dómnum.
Draumur mun-
aðarleysingja
KVIKMYNPIR
Stjörnubfó
AUÐVELD BRÁÐ „SHOOTING
FISH“ ★★★
Leikstjóri: Stefan Schwartz. Kvik-
myndataka: Henry Braham. Hand-
rit: Richard Holmes og Stefan
Schwartz. Aðalhlutverk: Dan Futt-
erman, Stuart Townsend og Kate
Beckinsaie. 109 mín. Bresk.
Winchester Multimedia/ Tomboy
Films/ Arts Council of England.
1997.
FÉLAGARNIR Dylan (Dan Futt-
erman) og Jez (Stuart Townsend)
eiga sér einn draum. Hann er að
eignast sitt eigið enska sveitasetur.
Báðir hafi gengið með þennan draum
í maganum síðan þeir vom litlir
drengir á munaðarleysingjahælum,
en Auðveld bráð lýsir hugmyndarík-
um aðferðum vinanna við að verða
sér úti tvær milljónir punda til að
láta drauminn rætast.
Dylan er kjaftaglaður lesblindur
Bandaríkjamaður en Jez feiminn
breskur vísindamaður. í sameiningu
ráðast þessir tveir atvinnuleysingjar
í að útbúa mjög flóknar svikamyllur
sem em útgangspunktur grínsins í
myndinni. Auðveld bráð fer af stað
með krafti og útfærslan á hugmynda-
auðgi vinanna er sérstaklega vel-
heppnuð. Grínið er líflegt og ýkt en
aldrei illgjamt, og Futterman og
Townsend gera því báðir góð skil
með dyggri aðstoð Kate Beckinsale í
hlutverki Georgie.
Auðveld bráð er nefnilega ekki ein-
göngu gamanmynd heldur einnig
rómantísk gamanmynd. Rómantfldn
kemur inn í líf félaganna þegar þeir
ráða læknanemann Georgie tíma-
bundið sem ritara. Báðir heillast af
stúlkunni en þó sérstaklega Jez sem
fer allur í hnút af feimni þegar hún er
nálægt. Georgie er klár stelpa sem
hefur margt á sinni könnu en þegar
svikamyllur Jez og Dylan fara allar í
hnút reynir hún að bjarga því sem
bjargað verður.
Auðveld bráð er fersk gamanmynd
en höfundar hennar hafa samt verið
ófeimnir við að ganga í smiðju eldri
rómantískra gamanmynda þegar
þeir hönnuðu leikfléttuna. Stefan
Schwartz, sem er annar höfundur
handrits og leikstjóri, spinnur þræð-
ina nokkuð vel saman þó að myndin
dali aðeins á köflum. Það verður
gaman að fylgjast með því hvað kem-
ur næst frá Schwartz en Sjónvarpið
sýndi um síðustu helgi fyrstu kvik-
mynd hans, „Soft Top Hard Should-
er“.
Anna Sveinbjarnardóttir