Morgunblaðið - 16.12.1997, Síða 32

32 ÞRIÐJUDAGUR 16. DESEMBER 1997
MORGUNBLAÐIÐ
ERLEIMT
Gengishækkanir á fjármálamörkuðum Suður-Koreu
Forsetaefnin lofa að
virða skilmála IMF
Seoul. Reuters.
GENGISHÆKKANIR urðu á verð-
bréfa- og gjaldeyrismörkuðum Suð-
ur-Kóreu í gær eftir að þrír helstu
frambjóðendurnir í forsetakosning-
unum á fimmtudag lýstu því yfir
að þeir myndu virða samkomulag
stjórnar Suður-Kóreu við Alþjóða-
gjaldeyrissjóðinn (IMF) um fjár-
hagsaðstoð við landið.
Gengi suður-kóreskra verðbréfa
hækkaði meira en nokkru sinni fyrr
á einum degi, eða um 7,22%. Gengi
vonnsins, gjaldmiðils Suður-Kóreu,
hækkaði einnig eins mikið og leyfi-
legt er á einum degi gagnvart
bandaríska dalnum eftir metlækkun
í vikunni sem leið.
Matsfyrirtækið Standard & Po-
or’s varaði þó við of mikilli bjart-
sýni og sagði að búast mætti við
því að lánstraust Suður-Kóreu
minnkaði á næstunni áður en jafn-
vægi næðist. Efnahagsvandi lands-
ins á rætur að rekja til gífurlegra
skammtímaskulda, sem urðu til
þess að lánshæfiseinkunn suður-
kóreskra banka lækkaði og gerði
þeim ðkleift að afla fjár erlendis.
Skuldabréfavextir lækka
Fjármálamenn sögðu að gengi
vonnsins hefði hækkað vegna íhlut-
unar seðlabankans á föstudag, þeg-
ar hann seldi 200 milljónir dala,
andvirði 14,2 milljarða króna, til
að styrkja gjaldmiðil landsins.
Verðbréfasalar sögðu að verð-
bréfin hefðu hækkað vegna yfirlýs-
inga þriggja helstu forsetaefnanna
um að þau myndu virða skilmála
samkomulagsins við IMF.
Vextir ríkisskuldabréfa lækkuðu
einnig óvænt í gær eftir að seðla-
bankinn dældi 6 milljörðum dala í
markaðinn. Fjármálasérfræðingar
túlkuðu íhlutun bankans sem til-
raun til að efla verðbréfamarkað-
inn. „Þetta er hættuleg aðferð,“
sagði P.K. Basu, forstjóri verð-
bréfafyrirtækisins UBS í Singa-
pore.
Alþjóðagjaldeyrissjóðurinn hefur
þegar afhent Suður-Kóreu 5,6 millj-
arða dala, 397 milljarða króna, og
búist er við að landið fái 3,6 millj-
arða dala, 255 milljarða króna, á
fímmtudag standi stjórn landsins
við skilmála fjárhagsaðstoðarinnar.
Leiða vandann hjá sér
Mikil óvissa hefur verið um hvort
stjórnin geti staðið við skilmálana
frá því eitt forsetaefnanna, stjórn-
arandstæðingurinn Kim Dae-jung,
lýsti því yfir að hann myndi semja
um breytingar á þeim við IMF ef
hann næði kjöri. Samkvæmt síðustu
skoðanakönnunum, sem birtar voru
25. nóvember, er Kim með svipað
fýlgi og forsetaefni stjórnarflokks-
ins, Lee Hoi-chang.
Ovissan um hvort næsti forseti
Suður-Kóreu virði skilmála IMF varð
til þess að gengi vonnsins gagnvart
bandaríska dalnum lækkaði um 30%
í vikunni sem leið. Fjármálasérfræð-
ingar sögðu að þar sem allir helstu
frambjóðendumir hefðu nú lýst yfir
stuðningi við samkomulag stjómar-
innar og IMF væri „ólíklegt að Suð-
ur-Kórea stæði ekki í skilum“.
„Það versta virðist vera afstað-
ið,“ sagði Lee Young-won, hjá verð-
bréfafyrirtækinu Daewoo. „Fjár-
festar virðast telja að stjómmála-
og efnahagsástandið í landinu batni
með nýrri stjórn og ekki skipti
máli hver verði við völd.“
Fréttaskýrendur segja að þótt
Kim, Lee og þriðji helsti frambjóð-
andinn, Rhee In-je, hafi lofað að
virða skilmála IMF virðist enginn
þeirra gera sér fulla grein fyrir
efnahagsvanda landsins, ef marka
megi sjónvarpskappræður þeirra á
sunnudag.
Lee sakaði Kim um að hafa skað-
að efnahag landsins með því að segj-
ast ætla að semja um breytingar á
skilmálum IMF. Hin forsetaefnin tvö
ræddu syni Kims og ásakanir um
að þeir hafi sagt ósatt um hæð sína
og þyngd til að komast hjá því að
þurfa að gegna herþjónustu. Með
því að beina athyglinni að slíkum
málum era frambjóðendurnir sagðir
vilja komast hjá því að ræða ýmsa
neikvæða þætti skilmála IMF, sem
eiga að draga úr hagvextinum og
leiða óhjákvæmilega til mikils at-
vinnuleysis í landinu.
Reuters
Vinir í Washington
BILL Clinton Bandaríkjaforseti
gengur heim úr jólaboði sem
hann sótti á heimili lögfræðings
síns Bob Bennet. í för með forset-
anum er labradorhvolpur sem
flutti inn í Hvíta húsið í síðustu
viku. Hvolpurinn, sem var gjöf
frá vini Clintons, hefur enn ekki
hlotið nafn þó að tillögum hafi
rignt yfir forsetaembættið.
Mánaðarlinsur fr
Cita Vision
*
a

por
CBA
VESion
aiff**&*
Srtffr* *•£**

TilLoðið gildir til áramóta!
ERAUGN AVERSLUN
HAGKAUPS
Skeifunni Sími 563 51 25