Morgunblaðið - 12.03.1998, Side 25

MORGUNBLAÐIÐ
LISTIR
FIMMTUDAGUR 12. MARZ 1998
25
Á mjúku
nótunum
TÓNLIST
Islenzka óperan
SÖNGTÓNLEIKAR
Ein- og tvísöngsverk eftir Mendels-
sohn, Schubert, Handel, Mozart, Gou-
nod, Gershwin og íslenzka söngva-
höfunda. Söngur: Guðrún María
Finnbogadóttir og Finnur Bjarnason.
Píanóundirleikur: Jónas Ingimundar-
son. íslenzku óperunni, þriðjudaginn
10. marz kl. 20.30.
STYRKTARFÉLAG íslenzku óp-
erunnar stóð fyrir söngtónleikum á
þriðjudaginn var, og var aðsókn með
ágætum. Tónleikar sem þessir hafa
um alllangt skeið verið liður í við-
leitni styrktarfélagsins til að örva
ekki sízt unga söngvara á uppleið til
frekari dáða, og ekki að efa, að tón-
leikahaldið örvi um leið almennan
áhuga á söng og óperu. Þó mun það
vera nýbreytni að bjóða upp á tvo
söngkrafta í senn, en það virðist þeg-
ar hafa gefizt vel; a.m.k. hafa áheyr-
endur ekki látið á sér standa, og
söngvarar munu sömuleiðis hafa tek-
ið frumkvæðinu vel.
Verkavalið var í „mýkri“ kantinum
sem sumir kalla; að meirihluta áferð-
arfalleg ljóðasöngslög, en þó örlaði á
dramatík undir lokin. Þaa Guðrún
María Finnbogadóttir og Finnur
Bjarnason sungu fyrst dúettinn
Gruss eftir Mendelssohn, og eftir
einsöng GM í Standchen og An die
Laute annan Mendelssohn-dúett,
Abendlied. Þvínæst söng FB þrjú
„sjávarsíðulög" eftir Schubert,
Fischerweise, Lied eines Schiffers
an die Dioskuren og Meeres Stille,
og bæði síðan þriðja Mendelssohn-
dúettinn, Wasserfahrt.
Islenzku deildina tóku söngvar-
arnir þarnæst fyrir til skiptis, Guð-
rún Vöggukvæði Emils (Litfríð og
Ijóshærð), Lindina e. Eyþór Stefáns-
son, Gígju Sigfúsar Einarssonar og
Vort líf eftir Jórunni Viðar, en Finn-
ur Nótt e. Arna Thorsteinsson, Vís-
una sem skrifuð var á visið rósblað e.
Árna B. Gíslason, Heimi e. Kalda-
lóns og Spjallað við spóa e. Karl 0.
Runólfsson. Skildu þau loks við Frón
með dúett Bjarna Þorsteinssonar,
Sólsetursljóði (Nú vagga sér bárur í
vestanblæ).
Eftir hlé söng Finnur Ombra mai
fu úr „Serse“ efth- Hándel og Avant
de quitter ces lieux úr „Faust“ e.
Gounod, en Guðrún María Come
scoglio, aríu Fiordiligiar úr „Cosi fan
tutte“, og Air des Bijoux, gim-
steinaaríu Margrétar úr „Faust“.
Saman sungu þau dúett greifans og
Súsönnu úr „Figaro", Crudel, perche
fínora, og dúett Pamínu og Papagen-
ós úr „Töfraflautunni“, Bei Mánn-
ern, welche Liebe fiihlen, og Bess,
you is my woman now („Porgy and
Bess“) eftir Gershwin, en sem auka-
lag dúettinn La cidarem la mano úr
Don Giovanni.
Fyrsti hlutinn bauð sjaldnast upp
á miklar sviptingar. Söngurinn var
fallegur og afslappaður, en oftast án
skapmeiri tilþrifa. Hjá Finni stóðu
upp úr gáskinn í Fischerweise og
Spjallað við spóa, melódramað í
Heimi og kyrrðin í hinu hæggenga
Meeres Stille, þar sem góð öndunar-
tækni hans og úthald komu að góð-
um notum í löngum líðandi hending-
um lagsins. Guðrún María söng
Vöggukvæði Emils innilega, og ekki
síður Lindina Eyþórs, en naut ekki
kómíska tækifærisins í Vort líf til
fulls. Rödd hennar var falleg og jöfn,
en mátti sums staðar gæta sín aðeins
betur á tónhæðinni, er hefði hér og
þar mátt skerpa um fáein cent, sér-
staklega þó í dúett Bjarna, sem seig
áþreifanlega undir lokin, og var þó
líklega beggja sök. Sömuleiðis virtist
sem Finnur mætti hér og þar leggja
meiri áherzlu á að tengja betur milli
tóna og láta „fljóta", auk þess sem
kannski mest áberandi var, nefnilega
skorts á meiri fjölbreytni í litablæ,
því víbrató hans hljómar að svo
stöddu fremur einlitt (Ombra mai fu
var ekki eina dæmið) og dregur það
óþarflega mikið úr augljósu næmi
hans fyrir textatúlkun, eins og t.d.
kom fram í Nótt, sem lauk hins veg-
ar með afar fallegu pianissimói.
Guðrún Maiía átti nokkra góða
spretti í hinni krefjandi aríu Come
scoglio og túlkaði sömuleiðis hégóma-
gimd Margrétar vel í Gimsteinaaríu
Gounods, en beztu undirtektir vöktu
þó átakanleg heróísk depurð Finns í
Avant de quitter eftir sama höfund og
ljúfur dúettsöngurinn í Bess, sem
heillaði mannskapinn upp úr skónum.
Báðir söngvarar munu enn í fram-
haldsnámi ytra, en ljóst er nú þegar,
að mikils má af þeim vænta.
Undirleikur Jónasar Ingimundar-
sonar var að vanda í efsta gæða-
flokki, að einstaka loftnótu fráreikn-
aðri þegar hraðast lét. I heild var vel
að þessum skemmtilegu tónleikum
staðið, að ógleymdri hinni vel frá-
gengnu tónleikaskrá með ágætum
beinum þýðingum eftir Reyni Axels-
son, sem vekja vonir um að þaðan
geti einnig með tíð og tíma sprottið
góðar sönghæfar þýðingar. Yrði það
framtak fagnaðarefni, og skal hér
með hvatt til slíkra þjóðþrifa.
Ríkarður Ö. Pálsson
komdu í
€5^
Gerðu
ævintýralega
góð Kaup
Nýjar ◄
Staðalbúnaður í Mégane Opera:
RENAULT
JHjÍQjanjz Vlassie
kostar frá
1.398.000 kr.
BS.L ■ Ármúla 13 ■ söludeild 575 1220 ■ skiptiborð 575 1200 ■ fax 568 3818 ■ netfang bl@bl.is
Fullkomið hljómflutningskerfi með geislaspilara,
6 hátðlurum og fjarstýringu í stýrinu.
SamUtir stuðarar Álfelgur * Rafdrifnar rúður
Vökva- og veltistýri * Fjarstýrðar samlæsingar
Litað gler * Þjófavörn * Tölvustýrður
oUuhæðarmæUr Öryggisbeltastrekkjarar
með dempara
z,
■rf' RENA
KOMDU OG
Ríynsluaktu
RENAULT MÉGANE OPERA
- HLJOMLEIKAHOLL A HJOLUM
MEGANE OPERA