Morgunblaðið - 06.06.1998, Blaðsíða 4

4 LAUGARDAGUR 6. JÚNÍ 1998
MORGUNBLAÐIÐ
FRÉTTIR
l
I
i
I
I
I
I
\
i
í
i
i
>
Franska freigátan Latouche-Treville í Reykjavíkurhöfn
SON
Oddvitaskipti í borgarstjórnarflokki Sjálfstæðismanna
Beinskeytt andstaða
á næsta kiörtímabili
Morgunblaðið/Þorkell
INGA Jóna Þórðardóttir og Árni Sigfússon heilsast í upphafi síðasta
fundar borgarstjórnarflokks Sjálfstæðismanna undir stjórn Árna.
Útilokar ekki
þingframboð
AÐ loknum fundi borgarstjórnar-
flokks Sjálfstæðismanna í Valhöll
síðdegis í gær vék Arni Sigfússon úr
sæti sem oddviti flokksins og
Jóna Þórðardóttir, sem var í
sæti á framboðslista flokksins
arstjórnarkosningunum, tók við.
Inga Jóna sagði í samtali við
Morgunblaðið að stjórnarandstaðan
í Reykjavík á næsta kjörtimabili yrði
beinskeytt en þó málefnaleg og að
málum yrði fylgt eftir með tillögu-
flutningi. „Eg tek að mér þetta hlut-
verk með gleði í huga og bjartsýni og
trúi því að okkur muni takast að
sigra í næstu kosningum. Stefnu
Sjálfstæðisflokksins hefur ekki verið
hafnað en við munum vinna að því að
endurmeta aðferðir okkar til að ná
til fólksins."
Inga Jóna spáir þvi að R-listinn sé
ekki kominn tíl að vera, og að hann
muni ekki bjóða fram í næstu borg-
arstjórnarkosningum.
Uppörvun að fínna eindregna
samstöðu
Inga Jóna hrósaði Árna fyrir starf
hans og sagði hann hafa byggt upp
góðan anda í hópi Sjálfstæðismanna
og unnið drengilega að sínum málum.
Hún segist ekki hafa hugleitt það
sérstaklega að sækjast eftir oddvita-
starfínu eftir að Árni hefði lýst því
yfir að hann myndi hætta ef ekki
ynnist sigur í kosningunum. „Það lá
þó fyrir að ég var tilbúin til slíks,
enda sóttist ég eftir stöðunni í síð-
asta prófkjöri."
Inga Jóna segir Árna hafa leitað
til sín strax í vikunni eftir kosningar.
„Árni Iýsti því fljótlega yfir að hugur
hans stæði tíl að láta af störfum sem
leiðtogi fljótt svo eftirmaður hans
fengi tækifæri til að skipuleggja
starfið. Ég var sammála því mati en
lagði áherslu á að það yrði ákvörðun
sem yrði tekin í sátt við alla og ég
vildi hafa bæði Áma og Vilhjálm sem
góða bakhjarla. Það hefur verið upp-
örvandi fyrir mig að finna eindrægna
samstöðu flokksmanna."
Blendin tilfinning að láta
af forystustarfinu
Árni Sigfússon segir að það hafi
verið blendin tilfinning að láta af for-
ystustarfinu í borgarstjórnarflokkn-
um. „í því hlutverki eru mörg tæki-
færi sem ég hef haft mikla ánægju af
að glíma við. Um leið fylgir því
ábyrgð sem þarf að axla og það er
tilbreyting að vera ekki bundinn
henni á sama hátt. Ég skynja mig
sem sama mann fyrir og eftir. Þetta
er fyrst og fremst mín ákvörðun, ég
er að standa við orð mín og það er
alltaf léttir að geta gert það, ákveðin
tilfinning fyrir því að maður sé að
gera rétt.“
Árni segist ekki vilja fullyrða um
það hvort hann sé hættur í stjórn-
málum um alla framtíð. „Ég er ekki
að hætta vegna þess að ég hafi feng-
ið yfir mig nóg af stjórnmálum held-
ur er ég að taka þessa ákvörðun að
yfirlögðu ráði, vegna þess að þetta er
minn stíll. En ég hef ekki hug á
stjórnmálastörfum tíl lengri tíma lit-
ið en hins vegar er óráðlegt að menn
ráði í framtíð sína 30-40 ár fram í
tímann."
VILHJÁLMUR Þ. Vilhjálmsson,
borgarfulltrúi og annar maður á
framboðslista Sjálfstæðisflokksins
í nýafstöðnum borgarstjómarkosn-
ingum, segist aðspurður ekki úti-
loka að hann bjóði sig fram til Al-
þingis á næsta ári. Ami Sigfússon,
fráfarandi oddviti borgarstjómar-
flokksins, sagðist í viðtali sem birt-
ist í Morgunblaðinu í gær hafa
hvatt Vilhjálm til framboðs. Inga
Jóna Þórðardóttir, sem tekið hefur
við oddvitastöðunni, sagði í samtali
við blaðið í gær að reynsla Vil-
hjálms af sveitarstjómarmálum,
bæði sem borgarfulltrúi og sem
formaður Sambands íslenskra
sveitarfélaga, myndi hafa mikla
þýðingu á Alþingi nú.
Vilhjálmur segist hafa tjáð Árna
Sigfússyni að loknum kosningum
að hann sæktist ékki eftir stöðu
oddvita borgarstjómarflokksins.
„Það vom ekki vangaveltur um
þingmennsku sem réðu því, heldur
það að ég gegni stöðu formans
Sambands íslenskra sveitarfélaga.
Það hefði að mínu viti ekki farið vel
á því að gegna oddvitastarfi i hvoru
tveggja."
Þingmennska samrýmist
vel formannsstarfinu
„Ég útiloka ekki framboð til Al-
þingis, en að lokum em það flokks-
menn og kjósendur sem ákveða um
það, en ég hef á þessu stigi ekki
tekið neina ákvörðun. Akvörðun um
val á framboðslista verður senni-
lega tekin í byrjun næsta árs og þá
verður að koma í Ijós hvar ég stað-
set mig í þeim málum. Ég er mjög
þakklátur íyrir það sem traust sem
Ami og reyndar ýmsir fleiri hafa
sýnt mér til framboðs til Alþingis."
Aðspurður sagðist Vilhjálmur
telja að þingmennska samrýmdist
vel formennsku í Sambandi ís-
lenskra sveitarfélaga, enda væm
mörg fordæmi fyrir því að formenn
slíkra hagsmunasamtaka sætu á
þingi. Hann bendir þó einnig á að
hugleiðingar um þetta mál séu ekki
fyllilega tímabærar því formanns-
kosningar verði í Sambandinu í
ágúst.
„Hvað þetta varðar tel ég það
einungis jákvætt að málefni sveit-
arfélaga eigi sér fleiri málsvara á
Alþingi. Sveitarstjórnarmál em
mikið til umfjöllunar á Alþingi og
ekki síður samskipti ríkis og sveit-
arfélaga í fjölmörgum mikilvægum
málum.“
Andlát
JÓN
JÚLÍUS-
JÓN Júlíusson, fil. kand., lést á
Reykjalundi aðfaranótt miðviku-
dagsins 3. júní sl. Hann fæddist í
Stykkishólmi 11. desember 1926.
Foreldrar Jóns vom Júlíus Rósin-
kransson og Sigríður Jónatans-
dóttír.
Jón varð stúdent frá Mennta-
skólanum í Reykjavík 1947 og lauk
fil. kand. prófi í latínu og saman-
bm’ðarmálfræði frá Uppsalahá-
skóla árið 1952. Hann varð/Iöggilt-
ur skjalaþýðandi og dómtúlkur úr
og á sænsku 1952.
Jón var kennari í latínu við
Menntaskólann í Reykjavík frá
1952 til 1972, stundakennari í lat-
ínu við Háskóla íslands 1966 til
1974 og prófdómari við stúdents-
próf í latínu við Verzlunarskóla ís-
lands frá 1973 til dauðadags. Hann
var fréttamaður hjá Ríkisútvarp-
inu sumrin 1948, 1949, 1953 og
1955. Jón var auglýsingafulltrúi
hjá Loftleiðum frá 1955 og starfs-
mannastjóri þar frá 1957. Þá var
hann framkvæmdastjóri stjórnun-
arsviðs Flugleiða 1974-1980. Hann
vai’ deildarstjóri í viðskiptaráðu-
neytinu frá 1981, skrifstofustjóri
skrifstofu Norðurlandamála og
staðgengill samstarfsráðherra
Norðurlanda frá 1984 til 1996.
Jón var formaður kvikmyndafé-
lagsins Filmíu 1953-1966, fulltrúi í
launamálaráði BHM 1967-1969, í
nefnd um breytta kennsluskipan
við MR 1969 og sat í ýmsum nefnd-
um og ráðum á vegum hins opin-
bera. Hann var varaformaður
Landssamtaka hjartasjúklinga
1990-1995 og í stjóm SÍBS og
vöruhappdrættis SÍBS frá 1992.
Jón var sæmdur riddarakrossi
hinnar íslensku fálkaorðu árið
1992.
Eftirlifandi eiginkona Jóns er
Signý Sen lögfræðingur. Þau eign-
uðust tvö böm, Erlend prófessor
og Sigríði Hrafnhildi MA.
Ungir og áhugasamir sjóliðar
FRÖNSK freigáta, Latouche-
Treville, lagði að landi við
Ægisgarð í Reykjavíkurhöfn f
gærmorgun. Skipherrann Louis
de Contenson býður almenningi
að koma um borð og skoða
freigátuna milli klukkan 14 og 17
í dag og á morgun.
Latouche-Treville var sjósett
árið 1990. Um borð í freigátunni
eru tvær þyrlur sem hafa það
hlutverk að flytja vopn til
kafbáta. Franski sjóherinn hefur
bækistöðvar í Brest, vestast á
Brittaniuskaganum, þaðan sigla
freigátur um allt Atlantshafið.
Latouche-TreviIIe siglir um
Norður-Atlantshaf. Henni er siglt
reglubundið um svo áhöfnin læri
að bregðast við mismunandi sjó-
og loftslagi. Á þessum ferðum er
svo af og til siglt í höfn, bæði til
að hvíla áhöfnina og gefa henni
tækifæri á að kynnast þeim
þjóðum sem eru í Atlants-
hafsbandalaginu.
Áhöfnin skoðar sig um
í áhöfninni eru tvöhundruð og
fjörutíu manns, þar af eru tuttugu
og Ijórar konur. í franska
sjóhemum em sex skip með
blandaðri áhöfn og þar gilda þær
reglur að tíu prósent
áhafnarinnar séu konur.
Meðalaldur sjóliðanna er ekki
nema 26 ár og hafa þeir mikinn
áhuga á að ferðast og kynnast
ólíkum löndum. Farið verður með
áhöfnina í skipulagðar
skoðunarferðir m.a. að Gullfossi
og Geysi. Henni er svo frjálst að
skoða sig um upp á eigin spýtur
og gerði skipherrann ráð fyrir því
að sjóliðamir muni nýta sér
tækifærið og skoða borgina og
kynnast mannlífinu.
SJÓLIÐAR um borð í freigátunni brostu breitt.

Skipherrann kom sjálfur
hingað til lands 1973 og ferðaðist
þá dálítið um, hann segist mjög
hrifinn af náttúrufegurð landsins.
Hann hefur verið í sjóhernum í 28
ár og hefur lengst af verið
flugmaður. Hermenn í franska
sjóhernum geta valið milli þess að
vera á kafbátum, á skipum eða
flugmenn. Hann hefur svo verið
skipherra á Latouche-Treville frá
því í september 1997.
Næsti áfangastaður
freigátunnar er Tromsö í Noregi
en gert er ráð fyrir því að hún
komi þangað í lok mánaðarins.
Lipponen kveður
PAAVO Lipponen, forsætisráð-
herra Finnlands, hélt af landi
brott í gærmorgun ásamt föru-
neyti sínu eftir opinbera heim-
sókn.
Á fimmtudagskvöld var haldin
honum til heiðurs opinber veisla
í Perlunni og söng Kristinn Sig-
mundsson óperusöngvari þar
nokkur lög auk þess sem Einar
Már Guðmundsson rithöfundur
hélt stutta tölu. Davíð Oddsson,
forsætisráðherra, sagði í samtali
við Morgunblaðið að helst hefði
þó vakið athygli veislugesta jarð-
skjálftinn sem reið fyrir Suður-
land og mun Lipponen hafa haft
á orði að þar færi undarleg að-
ferð gestgjafa til að hrista gesti
sína saman.