Morgunblaðið - 06.06.1998, Blaðsíða 8
8 LAUGARDAGUR 6. JÚNÍ 1998
FRETTIR
MORGUNBLAÐIÐ
HVAÐ hefur þú gert Jóhanna... ?
Samkeppnisráð um gjaldtöku vegna lyíjaskráningar
Brýtur ekki í bága við
markmið samkeppnislaga
SAMKEPPNISRÁÐ telur gjald-
töku hins opinbera vegna skráning-
ar lyfja ekki brjóta í bága við mark-
mið samkeppnislaga og mun þvi
ekki aðhafast frekar í máli
Farmasíu ehf., sem óskaði í janúar
sl. eftir úrskurði samkeppnisráðs á
mismunun í gjaldtöku vegna lyfja-
skráningar.
í erindi Farmasíu kemur fram að
hér á landi kosti skráningarumsókn
fyrir nýtt sérlyf, nýtt efni, 75.000 kr.
Aftur á móti kosti skráningarum-
sókn íýrir nýtt sérlyf, sem inniheld-
ur nú þegar skráð virkt efni, 50.000
kr. Þá kosti skráningarumsókn fyrir
samhliða lyf ekki nema 30.000 kr.
Farmasía álítur að gjaldtaka
ætti að vera í öfugu hlutfalli
Þetta telur Farmasía vera mikla
mismunun í gjaldtöku, sem felist í
því mati að því meira sem aðili leggi
fram til nýsköpunar og frumþróun-
ar, þeim mun meira beri að skatt-
leggja hann. Farmasía álítur að í
þessu tilviku ætti gjaldtakan að vera
í öfugu hlutfalli, þannig að sá sem
minnst leggi fram eigi að greiða
hæst fyrir skráninguna en frum-
lyfjaþróandinn lægst.
Samkeppnisráð sendi heilbrigðis-
ráðuneytinu erindi Farmasíu til um-
sagnar og ráðuneytið aflaði umsagn-
ar Lyfjanefndar ríkisins. Ráðuneyt-
ið tekur í einu og öllu undir umsögn
nefndarinnar og hafnar því alfarið
að í gjaldtökunni felist mismunun.
I umsögn Lyfjanefndar ríkisins er
tekið fram að öll framkvæmd skrán-
ingarvinnu hér á landi sé í samræmi
við þær reglur sem gildi á EES-
svæðinu. Jafnframt segir að við um-
sókn um nýtt lyf, sem kosti 75.000
kr., þurfí samkvæmt Evrópulöggjöf-
inni að leggja fram mjög ítarleg
gögn um framleiðslu, eiturefnafræði
og klíníska notkun. Vinna við mat á
slíkri umsókn sé yfirleitt mjög um-
fangsmikil. Þá kemur fram að með
skráningarumsóknum um nýtt sér-
lyf, þar sem virka efnið er þegar
skráð í öðru lyfi á Islandi, sé ekki
krafist eins ítarlegra gagna og vinna
við mat á slíkum umsóknum sé því
umtalsvert minni en þegar um nýtt
lyf og nýtt efni er að ræða. Enn-
fremur kemur fram að mati á gögn-
um vegna umsóknar um skráningu
samhliða lyfs fylgi engin vinna.
í samræmi við EES-reglur
í máli Lyfjanefndar kemur fram
að upphæð skráningargjalda sé í
samræmi við þann kostnað sem
stofna þurfi til áður en mögulegt sé
að samþykkja eða synja viðkomandi
umsóknum. Að öllu jöfnu sé vinna
við mat á lyfjaumsóknum mjög um-
fangsmikil og jafnframt sé umrædd
gjaldtaka í fullu samræmi við þær
reglur sem gilda í nágrannalöndun-
um, auk þess sem hún sé í samræmi
við reglur EES-samningsins.
Samkeppnisráð minnir á að gjald-
taka sú sem um ræðir sé samkvæmt
reglugerð heilbrigðisráðuneytisins
nr. 706 frá 1997 um skráningar-, ár-
gjöld og önnur leyfisgjöld vegna
lyfja. Einnig er vitnað í ákvæði
lyfjalaga nr. 93 frá 1994 um skrán-
ingarskyldu, en skráning er for;
senda fyrir sölu viðkomandi lyfs. í
áttundu grein fyrrnefndrar reglu-
gerðar kemur fram að gjöld sam-
kvæmt reglugerðinni skuli standa
straum af kostnaði við starfsemi
Lyfjanefndar ríkisins. I fjórðu grein
lyfjalaga stendur ennfremur að
kostnaður af starfsemi nefndarinn-
ai’, þar með talin laun nefndar-
manna og starfsliðs, skuli borinn
uppi af skráningar- og árgjöldum
sérlyfja, svo og öðrum leyfisgjöld-
um, svo sem markaðsleyfum og leyf-
um fyrir klínískar prófanir. I ljósi
alls þessa telur samkeppnisráð ekki
ástæðu til að aðhafast frekar í mál-
inu.
Hjóla í
kringum
landið
SEX slökkviliðsmenn í Reykja-
vík hafa ákveðið að hjóla í
kringum landið til styrktar
krabbameinssjúkum börnum.
Ferðin hefst í dag, laugardag,
og er áætlaður ferðatími 12
dagar. Slökkviliðsmennirnir
munu safna áheitum meðan á
ferðinni stendur.
SEX slökkviliðsmenn ætla að hjóla hringinn í kringum landið,
Tæknidagar f Perlunni 6. og 7. júní
Hægt að fylgjast
með dagskránni
á fjölnetinu
Henrý Þór Gránz
Tæknidagar
Tæknifræðingafé-
lags íslands og
Verkfræðingafélags Is-
lands verða haldnir í
Perlunni í dag og á
morgun. Þar verður
kynnt hið nýjasta sem í
boði er í hugbúnaði,
verkefnalausnum, tölvu-
kennslu og vélbúnaði.
Einnig verða til sýnis
verkefni sem efst eru á
baugi hér á landi í hönn-
un og framkvæmdum.
Sýningin verður opin
sérstaklega fyrir hádegi
milli 10 og 12 fyrir
tæknimenn, hönnuði og
aðra þá sem koma að
töluvstuddri hönnun.
Hún er síðan opin al-
menningi frá 12-19.
Þátttakendur verða
30 talsins og verða 28 á
sýningar á tölvustuddri hönnun
frá sýnendum á stórtjaldi með
reglulegu millibili. Þeir sem vilja
geta fylgst með dagskránni í
beinni útsendingu á fjölnetinu
allt frá opnun. Leiðin að sýning-
unni liggur gegnum heimasíður
TFÍ og VFÍ: www.vor-
tex.is/vfi/tfi með því að velja lið
sem nefnist tæknidagur.
Tæknidagar voru haldnir í
fyrra í fyrsta skipti og er mark-
miðið að þeir verði árviss við-
burður. Með þessu móti vilja
TFÍ og VFÍ kynna starfsum-
hverfi og menntunarleiðir tækni-
manna í nútímanum.
- Hver er yfirskrift sýningar-
innar að þessu sinni?
„Yfirskriftin er tölvustudd
hönnun en sýningin er almenn
kynning á starfsumhverfi tækni-
manna. Þetta þema er valið því
tölvunotkun snertir allt starfs-
umhverfi tæknimanna og hönn-
uða dagsins í dag.“
- Hvað verður á döfínni á
sýningunni?
„Það verður almenn kynning á
verkum sem hafa verið útfærð í
tölvustuddrí hönnun og kynnt á
básum hjá einstökum
fyrirtækjum. Þar
verður sýnt í tölvu,
með teikningum og
öllum tilheyrandi
gögnum hvernig verk
þróast í vinnslu og
hvemig tölvan er
nýtt til útfærslu. Jafnframt verð-
ur hvert fyrirtæki með frátekinn
tíma á stórtjaldi þar sem sýnd er
tilurð valinna verka. Svona
vinnubrögð eru orðin mjög al-
menn í dag því tölvan er notuð í
alla úrvinnslu og teikningar.
Kynnt verða sérstaklega verk-
efni á borð við Sundabrautina og
Hvalfjarðargöng þar sem þau
þykja gott dæmi um tölvustudda
hönnun dagsins í dag, era í
vinnslu og fólk hefur áhuga á.
Fólk getur skoðað þessi verk og
fengið útskýringar á hugmynda-
fræðinni sem liggur að baki.“
- Hverjir verða með fyrir-
lestra á sýningunni?
„Til viðbótar við sýnendur höf-
um við boðið íslenska fyrirtæk-
inu Oz að vera með erindi. Þeir
munu koma til með að kynna
tölvustudda hönnun á tilteknu
verkefni einu sinni hvom sýning-
ardaginn. Einnig höfum við boð-
ið til okkar tveimur dönskum
gestum, Nils Lykke og Peter
Scheutz, sem báðir eru í fremstu
röð í Evrópu í tölvustuddri hönn-
un og atvinnumenn í sínu fagi.
Þeir munu kynna það nýjasta í
► Henrý Þór Granz fæddist í
Vestmannaeyjum árið 1948.
Hann lauk BS-prófi í bygginga-
tæknifræði frá Tækniskólanum
í Óðinsvéum árið 1978, og námi
í markaðshagfræði frá NMH í
Ósló árið 1988. Henrý gegndi
starfi umdæmistæknifræðings
hjá Fasteignamati ríkisins
1979-1991 og starfaði 1991-
1998 hjá Vegagerð ríkisins.
Hann starfar sjálfstætt í dag.
Henrý er kvæntur Ingibjörgu
Sigurðardóttur kennara í
Snælandsskóla í Kópavogi og
eiga þau þrjú börn. Hann er
varaformaður TFI og fram-
kvæmdastjóri Tæknidaga TFI
og VFÍ.
heiminum í dag, ekki síst hvað
varðar þrívíddarhönnun, og eru
báðir að vinna að rannsókna-
verkefni sem verður kynnt. Þeir
verða síðan með fyrirlestur á
vegum TFÍ og VFÍ hinn 9. júní.
A sýningunni verða um 16
stofur sem vinna í tölvuvæddu
umhverfi, fjögur fyrirtæki með
tölvukennslu á sínum vegum og
eitt fyrirtæki sem sinnir öryggis-
gæslu og eftirliti
kynnir tölvustýrt eft-
irlitskerfi. Tölvu-
tæknifélagið, sem
samræmir staðla og
teiknivinnu, verður
einnig til staðar og
loks má nefna
MIDAS-NET, evrópska upplýs-
ingaskrifstofu, sem óskaði eftir
því að vera með og mun kynna
margmiðlunaráætlun Evrópu-
sambandsins."
- Hefur starf tæknimanna
þróastmjög ört?
„Þróunin hefur bæði verið gíf-
urlega hröð og samfelld í allri
tölvuvinnslu. Þeir sem eru með
nýjustu og bestu tækni í tvívídd-
ar- og þrívíddarhönnun hafa
mesta möguleika til þess að .setja
fram efni sitt og kjmna það. Is-
lensk fyrirtæki eru í fremstu röð
hvað tækni varðar og þau sem
eiga aðild að sýningunni eru í
fremstu röð á íslandi. Kostnað-
urinn sem fylgir því að vera með
öflugasta og besta hugbúnaðinn
og vélbúnaðinn á hverjum tíma
er auðvitað umtalsverður. Fyrir-
tækin vilja hins vegar fylgjast
með og nýta tímann betur með
þessum hætti. Annar kostur er
sá að hugbúnaður í dag verður
sífellt aðgengilegri fyrir notand-
ann og því sífellt léttara að vinna
með hann, þótt það krefjist gíf-
urlegi-ar sérþekkingar eftir sem
áður.“
MIDAS-NET
kynnir marg-
miðlunaráætl-
un ESB