Morgunblaðið - 06.06.1998, Blaðsíða 33

MORGUNBLAÐIÐ
„Það verður hver og einn að hafa
sinn hátt á veiðimennskunni og ég
virði þessi sjónarmið. En hvað mig
snertir tekur þetta allan sjarma af
veiðinni. Hluti af minni veiðigleði er
að koma með bráðina heim. Fyrir
mér er hitt bara leikaraskapur. Mér
iínnst það vera eins og að skjóta
púðurskoti á fugl. Eg mundi aldrei
ganga til rjúpna með púðurskot í
byssunni. Nei, mér fínnst þetta ekki
skemmtilegur veiðiskapur, en eins
og ég sagði þá verður hver og einn
að hafa sinn háttinn á í þessum efn-
um.“
Toontje Tand
- Hér á árum áður, þegar umsvif
þín voru hvað mest í laxveiðiám
landsins, heyrði ég þá gagnrýni í
þinn garð að þú værir ekki alltaf
vandur að meðlum við að fanga físk-
inn. Menn sögðu til dæmis að þú
veiddir bara á ákveðnum svæðum í
ánniþar sem þú sæir fískinn ...?
„Já, og menn sögðu líka að ég
„húkkaði" fískinn, sem ekki þykir
merkileg veiðimennska. En þetta, og
eins það að ég sjónrenni bara, er út-
breiddur misskilningur. Það er auð-
vitað meira gaman að veiða þar sem
maður sér fískinn, en aðstæður eru
oft þannig að slíkt er ekki hægt og
það segir sig sjálft að það, að ætla
sér að stunda slíkan veiðiskap ein-
göngu, getur aldrei gengið hér á
landi. Eg nenni ekki að elta ólar við
dylgjur um „húkk“ eða „óheiðar-
leika“ í veiðiskap enda held ég að
slík orð hafi nú kannski fallið í hita
leiksins og einhverjum pirringi yfir
aflasæld minni.
- Þú veist líklega að þú gengur
undir ákveðnu viðurnefni og ert orð-
in eins konar þjóðsagnarpersóna
undir því nafni. Angrar þaðþig?
„Nei, nema síður væri. Ég fékk
þetta viðurnefni snemma á mínum
tannlæknaferli og leit á það sem
eins konar viðurkenningu: Að ég
væri orðinn gjaldgengur í hópi
tannlækna, sem margh- bera áþekk
viðurnefni, svo sem Bjössi tönn,
Biggi tanni og svo framvegis. Raun-
ar varð ég ákaflega upp með mér
þegar ég heyrði að farið var að kalla
mig þessu nafni, „Tóti tönn“. En
þetta viðurnefni hefur borist út fyr-
ir landsteinana, afbakað að vísu, og
ég á blaðaúrklippu úr belgísku blaði
þar sem sagðar eru um mig slíkar
„fískisögur" að Munchhausen hefði
verið fullsæmdur af. Ein sagan seg-
ir að laxabóndi einn, sem átti í erfið-
leikum með að selja veiðileyfi í á
sína vegna aflaleysis, hafí fengið
þennan voðalega galdramann,
„Toontje Tand“, til að koma —
dag einn eftir vinnu og Toontje
þessi Tand hafi síðan landað
einum fimmtán löxum á tveimur
tímum. Eftir það var bóndinn
ekki í neinum vandræðum með
að selja leyfin sín.“
Af lífí og sál
“Þetta er glæsilegt", segir Þór-
arinn með velþóknun eftir að
hafa bragðað á rauðvíninu. Til
viðbótar þessu sem stendur í
vínlistanum, að það sé „talsvert
þungt, mjög vandað vín, talsvert 1—
kröftugt, frekar þurrt og passi vel
með lambi, villibráð og nautakjöti",
má bæta við að það hefur mikið eft-
irbragð með keim af „tannini“, sem
fer vel með rjúpunni.
„Ég blanda yfirleitt aldrei saman
villibráð í einni og sömu máltíðinni
og hef aldrei skilið þegar menn fara
á svokallað villibráðarhlaðborð að
hrúga saman mörgum tegundum á
diskinn í einu. Öðru máli gildir um
blönduðu sjávarréttina sem við
fengum áðan,“ segir Þórarinn og við
erum sammála um að rjúpan njóti
sín vel svona ein og sér. „En það er
auðvitað allt önnur matargerðarlist
á þessari rjúpu en hefðbundinni að-
fangadagsrjúpu,“ bætir hann við og
fer að segja mér hvernig hann með-
höndli sína aðfangadagsrjúpu, sem
er vitaskuld eftir kúnstarinnar regl-
um svo sem við var að búast.
Við víkjum talinu að bridsspila-
mennsku, en Þórarinn var á árum
LAUGARDAGUR 6. JÚNÍ 1998 33
ÞAÐ fer vel um mann í limósín-
unni, með kampavín, sjónvarp
og allar græjur.
DISKURINN með blönduðu
sjávarréttunum var svo fallegur
að sérstök ástæða þótti til að
mynda hann sér, ásamt eðalvín-
inu Chablis Premier Cru.
Blandaðir sjávarréttir
Smokkfiskur á bleksósu,
hörpuskel á sítrónusósu,
rækjur á anaissósu,
humar á humarvinaigrettesósu
krækhngur á rauðvínssósu.
Hvítvínið
Chablis Premier Cru „Monts
de Milieu" árgerð 1995,
Pierre André/Appellation
Chablis premier Cru
Contrólée.
„Dásamlegt vín. Fullkomið
með öllum skelfiski."
áður ástríðufullur bridsspilai’i og
landsliðsmaður í þeirri grein. Ég
spyr hann út í spilamennskuna og af
hverju hann hafi hætt keppni á há-
tindi ferils síns?
„Ég var stigahæstur íslenskra
bridsspilara þegar ég hætti keppni
fyrir allmörgum árum. Það má segja
að það sama hafi gilt um spila-
mennskuna og laxveiðamar. Ég
sökkti mér niður í þetta af lífi og sál
og það tók auðvitað stóran hiuta af
mínum frítíma. A þessum árum var
ég einhleypur og gat leyft mér svona
lífsmáta, en eftir að ég stofnaði
fjölskyldu ákvað ég að hætta.
Ég vissi að annaðhvort spila-
mennskan eða fjölskyldulífið
myndi sitja á hakanum og
ákvað að sinna frekar fjölskyld-
unni.
Það má heldur ekki gleyma
þvi að tannlæknastarfið tekur
sinn tíma og hefur auðvitað for-
gang. Það er höfuðatriði að
menn stundi starf sitt af lífi og
sál og þannig hef ég reynt að
stunda mitt lífsstarf. Auk þess
lít ég á tannlækningar sem
mjög skapandi starf, þótt sumir eigi
ef til vill erfitt með að meðtaka það
og sjái bara fyrir sér mann borandi í
tennur. En það gildir það sama með
starfið og áhugamálin, mér finnst ég
ekki fá neina ánægju út úr hlutunum
nema að ég fái að sökkva mér niður í
þá.“
Sá stærsti?
Diskurinn með Fantasíu-dessert-
inum er ekki síður „augnakonfekt"
en forréttadiskurinn með blönduðu
sjávarréttunum. Þessi eftirréttur er
afar gómsætur og Fonseca-dess-
ertvínið rennur saman við hann eins
og silki. Ég spyr laxveiðimanninn út
í þann stærsta?
„Hann var 27 pund og ég veiddi
hann í Þverá í Borgarfirði. Eg man
ekki nákvæmlega hvaða ár það var
enda var þetta ekki eftirminnilegur
lax í sjálfu sér. Þann eftirminnileg-
asta veiddi ég í Kjarrá, ásamt Sig-
mari Björnssyni. Við vorum að veiða
á Gilsbakkaeyrum, í hyl sem heitir
Ólafía. Vopnið var létt, níu feta stöng
og rauð Francis númer átta. Þá sett-
um við í stórlax og skiptumst á að
þreyta hann og eftir fjögurra tíma
viðureign tókst okkur loks að landa
honum. Ég óð út í ána, sporðtók lax-
inn og kom honum upp á bakkann,
en jafnvel þar ætluðum við aldrei að
hemja hann. Þetta var sá sterkasti
fiskur sem ég hef komist í kynni við,
21 punda hrygna. Flugan hafði
krækst ófan í tungubakið, og tungan
var nánast rifin af eftir viðureignina
og flugan hékk á tægjum. Það mun-
aði sem sagt ekki nema millimetra
að við misstum þessa kraftmiklu
skepnu."
- Og svo byrjar slagurinn aftur 10.
júní. Hvert ferðu þá?
„Ég byrja yfirleitt alltaf í Laxá í
Kjós á opnunardeginum 10. júní.
Nema í fyrra, þá var ég á Kolaskaga
í Rússlandi og varð ekki mjög hrif-
inn af aðstæðum þar og engu saman
að jafna við það sem við þekkjum
hér á landi. Arnar eru lygnar og
skítugar og þarna gildir sú regla að
veiða og sleppa. Ég setti í 40 punda
lax í einni af þverám fljótsins Úmba,
sem heitir Krivertz, en ég tel þann
lax ekki með. Enda nefndi ég hann
ekki einu sinni þegar þú spurðir áð-
an um stærsta laxinn sem ég hef
veitt.“
Það er liðið á kvöld og við erum
sammála um að veitingahúsið Jónat-
an Livingston Mávur hafi staðið und-
ir öllum okkar væntingum enda hef-
ur staðurinn fengið viðurkenningu
sem einn af tíu bestu veitingastöðum
í Evrópu með áherslu á fiskrétti og
villibráð. Og ekki kvörtum við Þórar-
inn yfir „trakteringunum" þetta
kvöld. AUt hjálpaðist að til að gera
þessa máltíð hina ánægjulegustu:
Lipur þjónusta, framreiðsla réttanna
með miklum ágætum og gott hráefni
ásamt ljúffengum eðalvínum. Það er
ekki hægt að biðja um meira. Og úti
bíður limósínan til að aka okkur
heim...
Pop Secret örbylgjupoppleikurmn!
Þaö er rosalega auövelt aö vera meö. Þú klippir flipa
með strikamerkinu af einum Pop Seeret pakka, fyllir
út þátttökuseöilinn hér fyrir neðan, og sendir inn fyrir
17. júní- stundvíslega.
Þú mátt senda inn eins mörg svör og þú átt til af
strikamerkjum af Pop Secret pökkum.
Þannig eykur þú möguleika þína á aö hreppa stóra
„Top Secret" vinninginn.
Dregið veröur úr réttum lausnum 22. júní.

Hvaö heitir nýjasta örbylgjupoppið á íslandi?
Pop Secret
Cop Secret
Hop Secret
Hvaö er í verðlaun?
VW Polo
vw skóió
VW Hjóló
Nafn: ..................................................
Heimi,i:..................................-.............
Póstfang: ..............................................
Sími: ..................................................
Utanáskrift: Pop Secret örbylgjupoppleikurinn, Pósthólf 4240, 124 Reykjavik.