Morgunblaðið - 08.10.1998, Blaðsíða 6

6 FIMMTUDAGUR 8. OKTÓBER 1998
MORGUNBLAÐIÐ
FRÉTTIR
FULLTRÚAR rússnesku verktakanna funda með yfirmönnuni Landsvirkjunar í gærmorgun. Frá vinstri eru
Boris Zaitsev, yfirmaður Technopromexport á Islandi, Andrei R. Yankilevsky framkvæmdastjóri, E. Subbota,
framkvæmdastjóri fyrirtækisins Electrosevkavmontaj og A. Rudometkin, yfirmaður tæknimála Techno-
promexport á fslandi.
Framkvæmdastjóri Technopromexport er staddur hér á landi
Fleiri starfsmenn sendir
heim um helgina
Andrei R. Yankilevsky, einn framkvæmda-
stjóra Technopromexport, segir að 4-5
starfsmenn fyrirtækisins verði sendir heim
um næstu helgi og fleiri í næstu viku. Full-
trúar rússnesku verktakanna vonast eftir
að ná samkomulaffl við Landsvirkjun í dag.
ÞRÍR fullti-úar rússneska fyrirtæk-
isins Technopromexport, þar á með-
ai Andrei R. Yankilevsky, einn
framkvæmdastjóra þess, og E.
Subbota, aðalframkvæmdastjóri
fyrirtækisins Electrosevkavmontaj,
undirverktaka Technopromexport,
funduðu í gær með yfirmönnum
Landsvirkjunar og lögðu fram gögn
um launamál útlendra starfsmanna.
Fulltrúar rússnesku fyrirtækj-
anna sögðu að viðræðurnar hefðu
gengið nokkuð vel og að auðvelt
myndi reynast að ljúka þeim fyrir
föstudagsmorgun, en þá snúa þeir
Yankilevsky og Subbota aftur til
Rússlands. Þorsteinn Hiimarsson,
upplýsingafulltrúi Landsvirkjunar,
sagði að ekkert yi'ði gefið upp um
ganga viðræðnanna fyrr en þeim
væri lokið.
Technopromexport vill fund
með starfsmönnum í felum
Boris Zaitsev, yfirmaður
Technopromexport á íslandi, ítrek-
aði í gær, í skeyti til Félags járniðn-
aðarmanna, kröfur fyrirtækisins um
að fá að hitta starfsmennina þrjá
sem leituðu til félagsins þegar
senda átti þá heim til Rússlands um
síðust helgi en þeir hafa verið í fel-
um síðan.
I fyri-adag var fjölmiðlum og
Technopromexport send yfirlýsing
starfsmannanna þriggja þar sem
þeir segjast hafa orðið eftir á fs-
landi að eigin ósk og frumkvæði og
að þeir vilji ekki hitta fulltnia
Teehnopromexport.
„Við trúum því ekki að þessir
menn hafi ski-ifað undir bréfið án
þrýstings frá verkalýðsfélögunum,“
segir á ensku í skeyti Technopro-
mexport í gær.
Örn Friðriksson, formaður Fé-
lags járniðnaðarmanna, segii' að ef
fleiri starfsmenn Technopromex-
port verði sendir heim áður en
launamál þeirra hafa verið skýi’ð
muni þeim verða boðin aðstoð
verkalýðsfélaganna eins og þeim
þremur sem nú eru undir verndar-
væng þeirra.
Technopromex-
port rússneskt
ríkisfyrirtæki
Technopromexport er
ríkisfyrirtæki, stofnað árið
1955. Það heyrir undir ut-
anríkisviðskiptaráðuneyti
Rússa og aðalskrifstofurn-
ar eru í Moskvu í sama
húsi og ráðuneytið. Um-
boðsskrifstofur eru í 17
öðrum löndum í ýmsum
heimshomum.
Meðan Sovétríkin voru
enn við lýði starfaði fyifr-
tækið einkum í öðram
kommúnistaríkjum eða í
löndum sem Sovétstjórnin
studdi af öðram orsökum.
Frægasta verk
Technopromexport er
sennilega bygging Aswan-
stíflunnar í Egyptalandi
sem lokið var við árið 1970.
Hún er um 2.100 MW, sem
er hátt í tvöföld stærð allra
virkjana Landsvirkjunar.
Technopromexport
starfar nú einkum a
verkefnum í Rússlandi
og í löndum utan Evr-
ópu, til dæmis Kúbu,
írak, Víetnam, Kína
Mongólíu, Norður-Kóri
Samkvæmt nýlegum kynmiig-
arbæklingi fýrirtækisins vinnur
það nú eingöngu að framkvæmd-
um í einu Evrópulandi auk Is-
lands, en það er Grikkland.
Undirverktakar notaðir
til flestra verka
Technopromexport notar
rússneska undirverktaka til
flestra framkvæmda. Við lagn-
ingu Búrfellslínu lagði fyrirtækið
Electrosevkavmontaj, sem hefur
höfuðstöðvar i borginni Krasn-
odar í Suður-Rússlandi, til alla
þá starfsmenn sem sendir voru
til íslands.
Electrosevkavmontaj er hluta-
élag, að meirihluta í eigu
nnkaaðila en ríkið á
einnig nokkurn hlut.
Það hefur starfsemi víð-
ar en í Krasnodar og því
er hluti verkamannanna
r fi'á öðrum hlutum Rúss-
lanus, Uki'aínu og Georgíu.
Samtals eru staifsmenn þess um
2.000 talsins, þar af era nú um
200 starfandi erlendis við verk-
efni á vegum Technopromexport,
á íslandi og í íran.
Hér á landi stofnaði Techno-
promexport fyrirtæki um bygg-
ingu Búrfellslínu 3A og var
stofnun þess tilkynnt til firma-
skrár 4. ágúst 1998. Vegna þess
hve fyrirtækið var stofnað seint
voru fyrstu starfsmennirnir sem
hingað komu skráðir á vegum
samstarfsfyrirtækis Technopro-
mexport, Icepro. Þeir sem síðar
komu vora undir nafni Techno-
promexport á íslandi.
Technopromexport neitar því að hafa reynt að hindra samskipti starfsmanna og verkalýðsfélaga
Höfum engiim hótað
Tekjuskattsþrep í Rússlandi
Árstekjur
(rúblur)
Alltað 20.000
20.001-40.000
40.001-60.000
60.001-80.000
80.001-100.000
Frá 100.000
* M.v. gengi rúplu eftir
Þessi útreikningur er
Arstekjur Tekjuskattsþrep
(ísl. kr.)* (upphæðir í rúblum)
Alltað 87.500 12%
87.501 -175.000 2.400 + 15% af því sem er umfram 20.000
175.001 -262.500 5.400 + 20% af því sem er umfram 40.000
262.501-350.000 9.400+ 25% af því sem er umfram 60.000
350.001-437.500 14.400+ 30% af þvi sem er umfram 80.000
Frá 437.501 20.400 + 35% af því sem er umfram 100.000
l. var gengið 6,2 rúblur í dollar).
17. ág. 1998 16 rúblur í dollar (fyrir 17.
m.v. 70 kr. í dollar.
ANDREI R. Yankilevsky, einn
framkvæmdastjóra rússneska fyrir-
tækisins Technopromexport, segir í
samtali við Morgunblaðið að engum
starfsmanna þess hér á landi hafi
verið hótað og að ekki hafí á neinn
hátt verið reynt að koma í veg fyrir
samskipti þeirra við verkalýðsfélög
eða fjölmiðla.
„Við höfum enga ástæðu til að
hóta þeim. Við höfum borgað þau
laun sem þeim var lofað í Rússlandi
og höfum staðið við allar okkar
skuldbindingar. Það hefði verið úti-
lokað fyrir okkur að þagga niður í
öllum þessum starfsmönnum og við
höfum á engan hátt reynt að tak-
marka samskipti þeirra við annað
fólk. Þeir era að vinna með íslensk-
um starfsmönnum allan daginn og
geta rætt við þá þegar þeir vilja.“
Mistök að ræða ekki
við fjölmiðla
Yankilevsky segir að það hafi
verið mistök hjá Teehnopromexport
að ræða ekki við fjölmiðla í upphafi
deilunnar við verkalýðsfélögin. „Við
reyndum að leysa málin hávaða- og
átakalaust, án fjölmiðlaláta. Því
miður var það ekki hægt því verka-
lýðsfélögin tóku mjög harða af-
stöðu. Forystumaður Rafiðnaðar-
sambandsins er eins og sjónvarps-
stjarna, á hverjum degi er hann á
skjánum ásakandi okkur. Ég held
að hann sé frekar að auglýsa sjálfan
sig heldur en verja hagsmuni rúss-
neskra verkamanna. Hefði hann
leitað til fulltrúa okkar hefði hann
getað fengið allar skýringar sem
þörf var á, en í staðinn tók hann það
ráð að hafa samskipti við okkur f
gegnum fjölmiðlana og beita okkur
þrýstingi. Við hefðum átt að bjóða
til okkur fjölmiðlafólki og svara fyr-
ir okkur á hverjum degi, en eins og
áður sagði vildum við leysa málið
friðsamlega.“
Yankilevski segir að deilur
Technopromexport og verkalýðsfé-
laganna séu ekkert stórvandamál,
misskilningur hafi einfaldlega kom-
ið upp og verkalýðsfélögin hafí ekki
hirt um að kanna málið til hlítar.
Nú hafi öll gögn málsins verið
lögð fyrir forystumenn Landsvirkj-
unar, meðal annars skýringar á
skattareglum í Rússlandi.
„Ástæðan fyrir því að við höfum
ekki getað borgað eins há laun og
íslensk fyiártæki er að engir tví-
sköttunarsamningar era í gildi milli
landanna. Hér era um 39% dregin
frá launum og í Rússlandi eru stig-
hækkandi skattar, sem hæstir verða
37% af tekjum og fóst greiðsla upp
á 20 þúsund rúblur að auki.“
Landsvirkjun ánægð með
störf Technopromexport
Yankilevsky segir að Techno-
promexport hafi þekkt kjarasamn-
inga á Islandi í aðalatriðum þegar
starfsemi þess hófst hér á landi.
„Kannski höfum við gert einhver
mistök í upphafi vegna þess að við
höfum ekki starfað hér á landi áður,
en við létum fljótlega reikna allt út.
Við höfðum lögfræðing frá Coopers
& Lybrand í upphafi og nú erum við
með annan íslenskan lögfræðing.
Við reynum að komast hjá því að
brjóta reglur.“
Yankilevsky segir að á fundinum
með Landsvirkjun í gær hafi komið
fram að forstöðumenn fyrirtækisins
væru ánægðir með störf Techno-
promexport. „Við eram á áætlun og
Landsvirkjun er ánægð með vinnu-
brögðin. Eina vandamálið er launa-
málin.“
Hann segist gruna að markmið
verkalýðsfélaganna sé að koma
Technopromexport úr landi. Þegar
launamálin hafi verið skýrð muni
þeir finna upp á einhverju öðru til
að kvarta yfir. „Þeir vilja ná póli-
tískum markmiðum og sýna félags-
mönnum sínum að þeir vinni hörð-
um höndum í verkalýðsbaráttunni.
Þeim hefur tekist vel að halda þess-
ari ímynd og vinsældir þeirra hafa
efalaust aukist."
Yankilevsky bendir á að allar
ráðningar útlendra starfsmanna
hafi farið fram í samráði við verka-
lýðsfélögin. Fjöldi þeirra hafi orðið
meiri heldur en ætlað var í upphafi
vegna þess að ljúka þurfti verkinu
fyrr og vegna þess að ekki fékkst
nóg af íslenskum starfsmönnum.
„Við höfum verið með 43 íslenska
starfsmenn í vinnu allan tímann og
að auki hafa sveitir frá Landsvirkj-
un unnið okkur til aðstoðar. Um
þessar mundir erum við með um 70
íslenska stai'fsmenn en samtals era
hundrað manns í vinnu hjá okkur.“
Heimsendingarnar eðlilegar
Yankilevsky segir að heimsend-
ingar starfsmanna um síðustu helgi
hafi verið fullkomlega eðlilegar. Nú
líði að lokum verksins og íslending-
ar hafi lært uppsetningu stauranna
af rússneskum starfsmönnum.
Hann segir að um næstu helgi verði
líklega 4-5 starfsmenn til viðbótar
sendir heim og í næstu viku fleiri.
„Um miðjan nóvember ættum við
að hafa lokið öllu verkefninu og þá
verða nánast allir starfsmenn send-
ir heim. Nokkrir verða þó eftir til að
ganga frá og senda heim þau tæki
sem við höfum notað.“
Yankilevsky segir að starfsmenn-
imir þrír sem leituðu ásjár verka-
lýðsfélaganna þegar senda átti þá
heim um síðustu helgi hafi gert það
vegna efnahagserfiðleikanna í
Rússlandi. Hann segir að engar
kröfur hafi borist frá þeim á hendur
Technopromexport. „Við höfum
staðið að fullu við allar okkar skuld-
bindingar gagnvart þeim.
Technoppromexport hefur ítrek-
að óskað eftir sambandi við þre-
menningana til að tryggja að þeir
hafi orðið eftir að fúsum og frjálsum
vilja. „Þegar verkamennirnir fóru
skildu þeir ekki eftir nein skilaboð.
Það kom okkur á óvart. Við höfðum
því áhyggjur af því hvað hefði kom-
ið fyrir þá og óskuðum eftir aðstoð
sendiráðsins. f gær fengum við
skilaboð frá mönnunum í gegnum
Félag járniðnaðarmanna um að þeir
væru hér af fúsum og frjálsum vilja,
en við vitum ekki hvort það var
skrifað undir þrýstingi verkalýðsfé-
laganna."
„Ef verkalýðsfélögin sjá um
þessa menn er það í góðu lagi. Við
munum ekki valda þeim neinum erf-
iðleikum. Ef þeir vilja ekki hafa
samband við okkur er það allt í lagi.
Ef þeir vilja vera hér áfram og
vinna sér inn peninga þá ætlum við
ekki að spilla því fyrir þeim.“