Morgunblaðið - 21.11.1998, Síða 22

22 LAUGARDAGUR 21. NÓVEMBER 1998
MORGUNBLAÐIÐ
VIÐSKIPTI
Vísitala byggingarkostnaðar 1996-nóv. 1998
3 mán. beyting
12 mán. beyting
Vísitala byggingar-
kostnaðar hækkar
VÍSITALA byggingarkostnaðar
hefur hækkað um 0,04% síðast-
liðna þrjá mánuði. Samkvæmt
fréttatilkynningu frá Hagstofunni
nam vísitala byggingarkostnaðar
eftir verðlagi um miðjan nóvember
1998 231,2 stigum og hækkaði um
0,1% frá fyrra mánuði. Síðastliðna
tólf mánuði hækkaði vísitalan um
2,4%.
Þá hækkaði launavísitalan um
0,2% frá fyrra mánuði og er hún nú
172,1 stig miðað við meðallaun í
október.
Mikill áhugi á
hlutabréfum
SKÝRR hf.
MÖRG þúsund tilboð bárust Kaup-
þingi hf. vegna hlutafjárútboðs
Skýrr hf. en frestur til að skila til-
boðum rann út í gær. Var eftirspum
langt umfram framboð og er ljóst að
tilboð í ásknftarhlutann verða skert
verulega. I tilboðshlutanum átti
Handsal hf. hæsta boð, á genginu
4,20.
í útboðinu verða síðustu eignar-
hlutar rfldsins og Reykjavíkurborg-
ar í SKÝRR hf. seldir en þeir nema
samtals 44% af heildarhlutafé fyrir-
tækisins. Boðnar voru út 88 milljón-
ir að nafnvirði, 78 milljónir í dreifðri
áskriftarsölu á genginu 3,20 en 10
milljónir í tilboðssölu.
Fram úr björtustu vonum
Mikill áhugi var meðal almenn-
ings á útboðinu og bárust mörg þús-
und tilboð í áskriftarhlutanum að
sögn Þorsteins Víglundssonar,
deildarstjóra hjá Kaupþingi. Segir
hann að útlit sé fyrir að veruleg
skerðing verði á áskriftarhlutum
þar sem eftirspum hafi verið langt
umfram framboð. „Þessi mikla þátt-
taka var mjög ánægjuleg og fór
langt fram úr okkar björtustu von-
um. Það er greinilegt að fjárfestum
þykir SKÝRR mjög áhugaverður
kostur. Niðurstöður útboðsins
verða væntanlega kynntar betur
eftir helgi,“ segir Þorsteinn.
Samtals ellefu aðilar lögðu fram
tilboð í tilboðshluta útboðsins og
hrepptu tvö fyrirtæki, Handsal hf.
og Fjárfestingarbanki atvinnulífs-
ins hf., allt hlutaféð. Handsal átti
hæsta boð, bauð í fjórar milljónir
króna að nafnvirði á genginu 4,20.
Næstur kom FBA, sem fékk hluta-
bréf fyrir sex milljónir króna að
nafnvirði á genginu 4,12.
Stefnt er að því að SKÝRR hf.
verði skráð á vaxtarlista Verðbréfa-
þings Islands um miðjan desember.
Tekjur Dagsprents hf. jukust um 45% árið 1997
Tap félagsins nam
99 milljónum króna
TAP Dagsprents hf., útgáfufélags
Dags, nam 99,4 milljónum króna ár-
ið 1997, samanborið við 26 milljóna
króna tap árið 1996. Tapið jókst því
um 82% á milli ára. Tapið skýrist að
mestu leyti af miklum fjárfestingum
í rekstri að sögn framkvæmdastjóra
fyrirtækisins. Hann vill ekki tjá sig
að svo stöddu um afkomu yfirstand-
andi árs í heild en segir að rekstur-
inn sé nú kominn í jafnvægi og
stefnt sé að hagnaði árið 1999.
Á aðalfundi Dagsprents hf. í
fyrra kom fram að áætlanir félags-
ins gerðu ráð fyrir að rekstrartekj-
ur fyrirtækisins myndu nema um
230 milljónum á árinu 1997 og
aukast um 60% á milli ára. Raunin
varð sú að rekstrartekjur námu 208
milljónum í fyn-a, samanborið við
143 milljónir árið áður, og jukust
því um 45%. í skýrslu stjórnar
Dagsprents, sem kynnt var á aðal-
fundi þess í vikunni, segir að áætl-
anir um tekjuaukningu hafi staðist í
öllum meginatriðum.
Marteinn Jónasson, fram-
kvæmdastjóri Dagsprents, segir að
allar tekjuáætlanir varðandi Dag
hafi staðist en ekki áætlanir varð-
andi tekjur af prentþjónustu Dags-
prents og það hafi raskað heildará-
ætlunum þar sem ákveðið hafi verið
að vera ekki með eins umfangsmik-
inn prentsmiðjurekstur og til stóð.
Ár uppbyggingar
Hann segir að tapið megi að
mestu leyti rekja til kostnaðarsamr-
ar uppbyggingar á fyrirtækinu.
„Rekstrarniðurstaðan endurspeglar
að öllu leyti ákvarðanir stjómar,
sem vitað var fyrirfram hvað myndu
kosta, og eru því meðvitaðar. Fjár-
festingar voru meiri en ráðgert var
fyrir hálfu þriðja ári, þegar Dagur
var stofnaður í núverandi mynd.
Hluthafar hafa einfaldlega ákveðið
að leggja meiri metnað í verkefnið,
sem endurspeglast í glæsilegum ár-
angri í lestri og útbreiðslu. Síðasta
ár var fyrsta heila starfsár félagsins
og þá var mikilli orku eytt til að
byggja reksturinn upp og auka út-
breiðsluna. Á fyrri hluta ársins var
ráðist í viðamikla markaðsherferð,
þar sem Dagur var kynntur með
auglýsingum og hringingum og
þeim fylgt eftir með sölu áskrifta.
Útgáfa Vikublaðsins, Aiþýðublaðs-
Dagsp: Ársreikningu ren r 1997 t
fíekstrarreikningur 1997 1996 Breyting
Rekstrartekjur Nlilljónir króna Rekstrargjöld 208,4 291,8 143.5 164.6 +45% +77%
Rekstrartap Fjármagnsgjöld (83,5) (15,9) (21,1) (3,4) +296% +368%
Tap af reglulegri starfsemi Óregluleg gjöld (99,4) (24,6) (1.2) +304%
Tap ársins (99,4) (25,8) +285%
Efnahagsreikningur 31. des. 1997 1996 Breyting
| Eignir: \
Veltufjármunir Milljónir króna 60,0 29,5 +103%
Fastafjármunir 177,3 136,1 +30%
Eignir samtals 237,2 165,6 +43%
| Skuidir og eigid fé: \ Skammtímaskuldir 178,4 79,3 +125%
Langtímaskuldir 21,7 21,8 0%
Eigið fé 37,2 64,4 -42%
Skuldir og eigið fé samtals 237,2 165,6 +43%

Kennitölur og sjóðstreymi 1997 1996 Breyting
Veltufé frá rekstri Milljónir króna (80,1) (16,4) +388%

ins og Víkurblaðsins á Húsavík var
sameinuð Degi. Þetta var því við-
burðaríkt ár og kostnaðarsamt, en
þessar fjárfestingar eru nú þegar
farnar að skila sér. Tekjurnar hafa
vaxið verulega á þessu ári og við
reiknum einnig með enn frekari
aukningu á því næsta. Við búumst
við að félagið skili hagnaði árið
1999. Það er alkunna að fýrirtæki í
fjölmiðla- og fjarskiptarekstri, sem
ekki fjárfesta í vélum og fasteign-
um, eru rekin með tapi meðan á
uppbyggingu stendur. Dagsprent er
álitlegur fjárfestingarkostur á nú-
verandi markaðsvirði og ég deili
þeirri skoðun með hluthöfum að
þeir muni fá góða ávöxtun á sitt
hlutafé," segir Mai-teinn.
Aukin útbreiðsla
Útbreiðsla Dags hefur í raun
gengið betur en ráð var fyrir gert í
upphafi, að sögn Marteins. „Sam-
kvæmt lesendakönnunum hefur
lestur blaðsins aukist um 30% á
einu ári, úr 10% í 13% á landsvísu,
og er upplagið nú að meðaltali 15
þúsund eintök á dag. Það er árang-
ur sem við ætluðum okkur ekki að
ná fyrr en á næsta ári. Við lítum því
með bjartsýni fram á við,“ segir
Marteinn.
Hluthafar Dagsprents eru um
180 talsins og Frjáls fjölmiðlun er
sem fyrr stærstur þeirra með 45%
hlutafjár, Kaupfélag Eyfirðinga á
13,7% og Haf hf., sem er í eigu
Ágústs Einarssonar alþingismanns,
á 10%.
Eigendur Dagsprents hafa mætt
tapi með nýju hlutafé og á aðalfund-
inum var samþykkt að auka hlutafé
um þriðjung, eða í 120 milljónir
króna. Marteinn segir að viðbótin
hafi að verulegu leyti verið seld til
eldri hluthafa en einnig séu nýir að-
ilar að skoða hlutafjárkaup. Stefnt
er að því að skrá hlutabréf Dags-
prents á Verðbréfaþingi.
Stofnkostnaður
eignfærður
Skuldir Dagsprents hækkuðu um
99 milljónir króna á árinu og námu
um 200 milljónum um síðustu ára-
mót. Meðal „óefnislegra“ eigna í
efnahagsreikningi er færður stofn-
kostnaður við uppbyggingar og
kynningarstarf á Degi, svo og
keyptur útgáfuréttur að fjárhæð
86,7 milljónir ki'óna. í áritun endur-
skoðenda segir um þetta: „For-
senda fyrir eignfærslu þessari er sú
skoðun stjómenda félagsins að
þessi kostnaður muni skila sér í var-
anlegum tekjuauka fyrir félagið á
næstu árum. Komi til stöðvunar á
útgáfu blaðsins eru forsendur eign-
færslunnar þar með brostnar."
Sjóklæðagerðin
opnar búð í Hollandi
UMBOÐSMAÐUR Sjóklæðagerð-
arinnar í Hollandi hefur opnað sér-
vöruverslun með útivistarvörur
undir heitinu 66° norður. Verslunin,
sem er staðsett í 35 þúsund manna
bæjarfélaginu Wageningen, var
opnuð formlega í gær.
Að sögn Magnúsar Böðvars Ey-
þórssonar, framkvæmdastjóra
markaðssviðs, þótti ráðlegt að helja
umsvif á litlu markaðssvæði til að
byrja með sem gerði mönnum auð-
veldara um vik við að mæla og meta
viðbrögð neytenda. „Segja má að
aðdragandinn að þessu eigi sér ræt-
ur í því að umboðsmaður okkar og
fjölskylda hans hefur klæðst flís-
fatnaði frá okkur um nokkurt skeið.
Varan hefur vakið svo mikinn áhuga
meðal bæjarbúa að ákveðið var að
setja upp verslun sem kemur til
með að annast sölu á öllum útivist-
ar- og regnfatnaði frá Sjóklæða-
gerðinni."
Fyrirtækið er einnig að auka um-
svif sín á innlendum markaði um
þessar mundir því Sjóklæðagerðin
hefur nýlega tekið við rekstri á
verslun Slysavarnafélagsins á
Grandagarði í Reykjavík. Magnús
segir reksturinn ekki hafa sam-
ræmst nægilega vel því hlutverki
sem Slysavarnafélaginu er ætlað að
sinna og því hafi samtökin leitað eft-
ir aðstoð. „Okkar sjónarmið snýr
fyrst og fremst að því að viðhalda
þessari þjónustu fyi-ir björgunar-
sveitirnar í landinu." segir Magnús.