Morgunblaðið - 10.02.1999, Blaðsíða 4

4 MIÐVIKUDAGUR 10. FEBRÚAR 1999
MORGUNBLAÐIÐ
FRÉTTIR
GALLUP - ÞJÓPARPÚLS:
Telur þú að þínir hagir verði betri
eða verri á næsta ári en þeir hafa
verið á þessu ári?
1999 verra
1999
SVIPAÐ
Þau sem svöruðu næsta ár betra...
11999 1 39%
11998 146%
Gallup-könnun
39%
Islendinga
bjartsýnir á
eigin hag
HELDUR lægra hlutfall íslend-
inga er bjartsýnt á eigin hag nú en
fyrir ári skv. Gallup-könnun sem
gerð var í 58 löndum, þar sem al-
menningur var spurður hvemig ár-
ið 1999 legðist í hann miðað við árið
1998. Skv. niðurstöðum könnunar-
innar hér á landi telja 39% að hag-
ur sinn verði betri á þessu ári en
hann hafi verið á árinu 1998. í sam-
bærilegri könnun sem gerð var fyr-
ir ári sögðust 46% Islendinga vera
bjartsýnir á eigin hag.
Þá kemur fram í niðurstöðum
könnunarinnar að mun lægra hlut-
fall íslendinga telji að efnahags
ástandið verði betra á árinu sem
framundan er en í könnuninni í
fyrra, eða 11% núna samanborið
við 34% í könnuninni sem gerð var
fyrir ári.
Fáir telja að
atvinnuleysi aukist
Hlutfallslega færri Islendingar
en aðrir sem könnunin náði til telja
að atvinnuleysi muni aukast á
þessu ári miðað við það síðasta eða
17%. Þá telur fimmtungur íslend-
inga að verkfóll verði minni á þessu
ári en á árinu 1998. í könnuninni
kom ennfremur í ljós að einungis
6% Islendinga telja að alþjóðadeil-
ur verði meiri á árinu 1999 en 1998,
en það hlutfall er langlægst hér á
landi samanborið við afstöðu al-
mennings í öðrum löndum sem
könnunin náði til. Næstir koma
Danir en 19% þeirra telja að al-
þjóðadeilur verði meiri í ár en í
fyrra.
Bill Barry lærði að synda 35 ára gamall en keppir í heimsins erfíðustu þriþraut
Erfiðara fyrir hug-
ann en líkamann
Hversu mikla möguleika hefur átta barna
faðir og forstjóri 3.500 manna fyrirtækis á
að vera frambærilegur íþróttamaður í
sundi, langhlaupi og hjólreiðum? Ragna
Sara Jónsdóttir komst að því að ef maður-
inn heitir Bill Barry er honum ekkert
ómögulegt, jafnvel ekki þátttaka í hinni
þekktu keppni „Járnmaðurinn“ sem aðeins
15.000 manns í öllum heiminum stunda.
BILL Barry er 46 ára, átta
barna faðir og forstjóri fyrir-
tækisins Seafreez Foods Incor-
poration. Um 3.500 manns starfa
hjá fyrirtækinu og eru aðal-
stöðvar þess og mest allt vinnu-
afl á Nýfundnalandi, en þaðan
er Barry. Fyrirtækið rekur 17
fiskverksmiðjur og framleiðir
um 100 þúsund tonn á ári af
ólíkum fisktegundum. Fyrirtæk-
ið er fjölskyldufyrirtæki og er
Barry af ijórðu kynslóð sem
heldur örugglega um stjórnar-
tauma fyrirtækisins á eftir föður
sínum og fleirum. Auk þess hef-
ur hann þegar hafið að þjálfa
tvo af elstu sonum sínum til þess
að taka við fyrirtækinu eftir
sinn dag.
Barry er staddur hér á landi í
tilefni samstarfs fyrirtækis hans
og Sölumiðstöðvar hraðfrysti-
húsanna. Samstarfið hefur stað-
ið yfir í tvö ár og er það marg-
þætt, að sögn Friðriks Pálsson-
ar, forstjóra SH, sem er gest-
gjafi Barry hérlendis. Þetta er í
annað sinn sem Barry kemur
hingað til lands og voru þeir
Friðrik sammála um að þeir
væru að leita allra leiða til þess
að eiga áframhaldandi og aukið
samstarf á næstunni. Fyrirtækin
ættu margt sameiginlegt og
samstarfið gengi afar vel.
Lærði 35 ára gamall
að synda
Þrátt fyrir að Barry ferðist
mjög mikið vegna starfsins,
reynir hann að eyða sem mest-
um tíma í faðmi fjölskyldunnar,
konunnar og barnanna átta.
Hann rekur einkaskóla fyrir
börnin sín átta og kennir móðir
þeirra þeim en hann er ekki
sáttur við gæði grunnskóla-
kennslu í Nýfundnalandi. Barry
segir að börnin hans séu öll mik-
ið í íþróttum. A morgnana, áður
en þau heíja nám, synda þau
saman og á kvöldin fara þau á
gönguskíði. Joseph, 16 ára son-
ur hans, er til dæmis einn af
þremur bestu skíðagöngumönn-
um Nýfundnalands í sínum ald-
ursflokki. En Joseph á ekki
Iangt að sækja hæfileikann til að
stunda íþróttir með góðum ár-
angri. Barry er sjálfur mikill
íþróttamaður og hefur marg-
sinnis keppt í langhlaupi, skíða-
göngu, þriþraut og þar á meðal
keppninni „Járnmaðurinn" sem
er eflaust ein erfiðasta íþrótta-
grein sem menn geta valið sér.
Þrátt fyrir að hafa ekki lært
að synda fyrr en hann var orð-
inn 35 ára gamall hefur Barry
35 sinnum keppt í þríþraut og
tvisvar sinnum í keppninni
„Járnmaðurinn". í þríþrautar-
keppninni byrja þátttakendur á
að synda 1,5 km, hjóla 40 km
og enda með því að hlaupa 10
km. Barry hefur tekið þátt í
4-5 slíkum keppnum á ári sl.
ár. I „Járnmanninum" er hins
vegar um að ræða mun lengri
vegalengdir. Menn byrja á að
synda 3,8 km, hjóla 180 km og
hlaupa svo maraþon, eða 42
km. I fyrra skiptið sem Barry
keppti í keppninni tók það
hann 14 klukkustundir, 15 mín-
útur og 9 sekúndur að komast í
mark. Hann missti fimm kíló á
þessum 14 klukkutimum enda
um 37°C hiti. Þetta var árið
1994 í Bresku-Kólumbíu í vest-
urhluta Kanada. I síðara skipt-
Morgunblaðið/Kristinn
BILL Barry, forstjóri, íþróttamaður og átta barna faðir.
ið sem hann keppti fór keppnin
fram í 13°C hita og rigningu í
Þýskalandi. Hann kláraði á
nánast sama tíma, 14 klukku-
stundum, 16 mínútum og 3 sek-
úndum en missti þá „einungis"
1,5 kg.
Mun meira andlegt afrek
en Iíkamlegt
Eins og gefur að skilja er
þessi keppni ekki fyrir neina
aukvisa. Samt fullyrðir Barry að
99% þeirra sem taka þátt í slíkri
keppni hafí ekki líkamlega getu
til þess. „Að taka þátt í þessari
keppni og að klára hana er
miklu meira tilfínningalegt af-
rek en líkamlegt. Allan tímaun
verður þú að hafa trú á að kom-
ast í mark. Það sem gerist er
hins vegar það að líkaminn fer
að kvarta. Þér verður illt alls
staðar og hann gefur þér þau
skilaboð að stoppa. En hugurinn
segir þér að halda áfram og þú
pínir þig þangað til þú ert hætt-
ur að finna til í líkamanum.
Þetta er allt spurning um vilja
og ákveðni," segir Barry, en á
hverjum fimm mínútum á síð-
ustu klukkustundum keppninnar
örmagnast þátttakendur og eru
sóttir af sjúkrabílum. „Margir
þurfa að fá næringu í æð eftir
keppnina, og í raun ertu mjög
lengi að ná þér eftir svona erf-
iði. I seinna skiptið sem ég
keppti fékk ég mér tvær pylsur,
og leið vel,“ segh- Barry. Hann
bætir þó við að lykillinn að vel-
gengni í svona keppni sé að
neyta selalýsis að staðaldri, það
geri hann og það gefi góða raun.
En hvers vegna tók Barry upp á
á að keppa í jafn erfíðri íþrótta-
grein og „Járnmanninum"? „Ég
hafði keppt í langhlaupi í mörg
ár. Svo fór ég að keppa í skíða-
göngu og síðan í þríþraut og
þannig vatt þetta upp á sig af
því að ég er alltaf að skora á
sjálfan mig. Eftir að hafa keppt í
öllu þessu hugsaði ég með mér,
hvað er það erfiðasta sem keppt
er í? Og þetta var niðurstaðan."
Ofurhugakeppnin „Járnmað-
urinn“ er haldin á sex ólíkum
stöðum í heiminum. Barry hefur
heitið sjálfum sér því að taka
þátt í þeim öllutn. Hann hefur
þegar tekið þátt í tveimur og á
því „aðeins“ íjórar eftir. Með
sinni einstöku ákveðni og vilja-
styrk mun Barry eflaust takast
ætlunarverk sitt. Og aðspurður
um hvernig hann fari að þessu
öllu saman segir hann. „Með því ;
að helga mig algerlega því sem
ég geri. Það er leiðarljós mitt í
li'finu og á það jafnt við íþrótta-
iðkun, fjölskyldub'fið og við-
skiptin sem ég stunda. Það virk-
ar,“ segir Barry að lokum.
Hjörleifur Guttormsson hyggst hætta á þingi
Sáttur við það
sem komið er
„ÉG ER sáttur þar sem komið er,
sáttur við að ljúka þingsetu með
þessum hætti og ég er ánægður
með hvemig til hefur tekist með
líklegt framboð á Austurlandi þótt
eftir sé að ganga formlega frá því,“
sagði Hjörleifur Guttormsson al-
þingismaður I samtali við Morgun-
blaðið í gær. „En þetta er ekki
kveðjustund og ekki kveðjustund í
pólitík."
Hjörleifur Guttormsson gerði
grein fyrir þessari ákvörðun sinni á
heimasíðu sinni í gær þar sem
hann segir meðal annars: „Nú hef
ég átt eins konar tjaldvist í fulla
tvo áratugi á Alþingi íslendinga og
ekki laust við að ég sé farinn að
hugsa til heimferðar." Vísar þing-
maðurinn þar til kvæðisins Tjald-
ljóð eftir Guðmund Böðvarsson
sem endar á stefnu: Tjaldhæla
mína dreg ég bráðum úr jörðu.
Rifjar hann upp að þessa hendingu
hafi hann oft haft yfir á ferðum sín-
um með tjald og mal á fjöllum aust-
anlands.
Á heimasíðu sinni fagnar þing-
maðurinn því að kjörnefnd
Vinstrihreyfingarinnar - græns
framboðs hafi leitað til Þuríðar
Backman um að vera í forystu fyr-
ir lista hreyfingarinnar í Austur-
landskjördæmi í komandi kosn-
ingum. Segir hann henni til þess
treystandi og að með henni muni
starfa vösk sveit. Hjörieifur segist
ætla að vinna að framboði hreyf-
ingarinnar eins og hann best
megi. Hann segist ætla að taka
eitt skref í einu og þetta sé stór
ákvörðun.
■ Að draga tjaldhæla/31
Innbrot í
myndbanda-
leigu
BROTIST var inn í mynd-
bandaleiguna Stjörnuvideo við
Suðurlandsbraut í gærmorgun
um klukkan 5. Brotin hafði
verið rúða í útidyrahurð og
farið þannig inn. Innbrotsþjóf-
urinn braut upp Rauðakross-
kassa og tók úr honum um
átta þúsund krónur. Málið er í
rannsókn hjá lögreglunni.
Ekið á
gangandi
vegfaranda
EKIÐ vai- á gangandi vegfar-
anda við Brúnaveg í gærkvöld.
Hann slasaðist á höfði og rif-
beinsbrotnaði og var fluttur á
slysadeild. Ökumaður bifreið-
arinnar var handtekinn, grun-
aður um meinta ölvun við
akstur.
ÞORGEIR Ibsen,
fyrrverandi skólastjóri
í Hafnai'firði, er látinn.
Hann var 82 ára að
aldri.
Þorgeir Ibsen
fæddist 26. apríl 1917
á Suðureyri í Súg-
andafírði. Hann tók
kennarapróf árið
1939, stundaði einnig
nám í íþróttakennara-
skólanum og nam
ensku og uppeldis-
fræðigreinar við St.
Olaf College í
Minnesota í Bandaríkjunum árin
1944-45. Þorgeir hóf kennslustörf
í Borgarfirði og starfaði síðar á
Akranesi þar sem hann kenndi í
barnaskóla, unglingaskóla og iðn-
skóla. Árin 1947 til 1955 var hann
skólastjóri barna- og miðskólans í
Stykkishólmi og frá
1955 skólastjóri
Barnaskóla Hafnar-
fjarðar, sem síðar
varð Lækjaskóli.
Þorgeir starfaði
einnig að félagsmál-
um, var formaður
Iþróttaráðs Akraness
og Iþróttabandalags
Akraness og íþrótta-
bandalags Ilafnai’-
fjarðar. Hann sat
einnig í Bláfjalla-
nefnd, starfaði innan
Sjálfstæðisflokksins
og sat í kjördæmisráði hans í
Reykjaneskjördæmi um árabil.
Þá var hann einnig varabæjarfull-
trúi í Hafnarfírði.
Þorgeir var tvíkvæntur og er
eftirlifandi kona hans Ebba Lárus-
dóttir. Hann eignaðist fimm börn.
Andlát
ÞORGEIR
IBSEN