Morgunblaðið - 25.03.1999, Blaðsíða 20

20 FIMMTUDAGUR 25. MARZ 1999
UR VERINU
MORGUNBLAÐIÐ
Tölvumyndir hf. selja WiseFish-hugbúnaðinn erlendis
Tæknivæða kanadískt
sj ávarút vegsfy r irtæki
Morgunblaðið/HeMa
TOLVUMYNDIR hf. voru með sýningarbás á sjávarútvegssýningunni í
Boston dagana 16.-18. mars sl. Hér má sjá Halldór Lúðvíksson tækni-
stjóra, og Kára Þór Guðjónsson markaðsstjóra leiða sýningargest í all-
an sannleikann um WiseFish-hugbúnaðinn.
HUGBÚNAÐARFYRIRTÆKIÐ
Tölvumyndir hf. hefur um nokkurt
skeið framleitt svokallaðan
WiseFish-hugbúnað fyrir sjávarút-
vegsfyrirtæki. Hugbúnaðurinn er nú
í notkun í flestum stærstu sjávarút-
vegsfyrirtækjum hérlendis og hygg-
ur framleiðandinn nú á markaðs-
setningu eriendis. Þegar hafa náðst
samningar um uppsetningu búnaðar-
ins í risafyrirtæki í Kanada.
WiseFish er heildarhugbúnaðar-
lausn fyrir sjávarútveg. Kerfíð bygg-
ir á einum gagnagrunni sem þróaður
hefur verið í Navision Financials,
fjárhags- og viðskiptakerfínu og í
samvinnu við nokkur helstu sjávar-
útvegsfyrirtæki á íslandi. WiseFish-
kerfíð nýtist öllum jafnt frá smæstu
fyrirtækjunum allt upp í þau
stærstu. Kerfið byggir á fimm meg-
inþáttum; vinnslukerfi, útgerðar-
kerfi, frystitogarakerfi, gæðakei-fi og
sölukerfi sem er byggt upp með Na-
vision Financials sem er í dreifingu í
um 30 löndum og því aðgengilegt á
fjölmörgum tungumálum.
Auðveldar rekjanleika vörunnar
Að sögn Kára Þórs Guðjónssonar,
markaðsstjóra Tölvumynda, vinnur
sérstök deild innan Tölvumynda að
hönnun hugbúnaðar fyrir sjávarút-
veg og hefur gert í sjö ár. Samvinn-
an við Navision gerir fyrirtækinu
kleift að takast á við nýjungar og
þróun á hugbúnaði um leið og þær
koma fram. Það getur því boðið
bestu möguleika og lausnir hverju
sinni. Kári segir kerfið í grófum
dráttum byggja á því að allar upp-
lýsingar sem fram komi séu aðeins
slegnar einu sinni inn í gagnagrunn-
inn, hvort sem um sé að ræða afla út
á sjó eða í vinnslu í landi. „Þannig
heldur kerfið utan um afla sem unn-
inn er úti á sjó, hann skráist sjálf-
krafa inn á lager, umbúðalager og
notkun er tengd vinnslu og svo fram-
vegis. Þessar upplýsingar er síðan
hægt að senda í móðurkerfið í landi.
Verðmæti, nýting, lagerstaða og aðr-
ar lykiltölur er hægt að nálgast með
auðveldum hætti og þar sem upplýs-
ingar eru aðeins slegnar inn einu
sinni þá er aðeins ein staða í kerfinu
og allar upplýsingar er hægt að
nálgast með nýjum og betri hætti. í
útgerðarkerfinu kemur t.d. fram
hverjir eru í áhöfn skipsins, skipta-
hlutar og verðmæti afla, en þessar
upplýsingar fai-a síðan sjálfkrafa inn
í launakerfið. Eins koma upplýsing-
amar fram um hráefnastöðu fyrir-
tækisins og kaup vinnslunar á hrá-
efni og verð á þvi. Kerfið inniheldur
ennfremur fullkomna kvótabók, upp-
lýsingar um kvótastöðu og kvótatil-
færslur milli tegunda og ára, svo
dæmi séu tekin.“
Kári Þór segir að í raun og veru sé
í WiseFish hægt að rekja ferlið frá
því að fiskurinn er veiddur, hvernig
hann er unninn, hvenær honum er
landað, hvenær hann fer í geymslu,
hvenær hann er unnin og settur á
lager og hvenær hann er seldur.
Samhliða þessu sé hægt að tengja
við vöruna allar aðrar upplýsingar
sem til hafa orðið eins og t.d. gæða-
mælingar.
Hafa stofnað fyrirtæki
í Færeyjum og Kanada
WiseFisþ hefur einkum verið í
notkun á Islandi til þessa og segir
Halldór Lúðvíksson deildarstjóri að
flest af stærri sjávarútvegsfyrir-
tækjum landsins noti kerfið, en
meðal fyrirtækja hérlendis má m.a.
nefna Granda, Hraðfrystihúsið hf.,
Bakka og Þorbjörn. Úppsetningar
standa yfir hjá Síldarvinnslunni og
Vinnslustöðinni og bæði Þormóður
rammi og Hraðfrystihús Eskifjarð-
ar eru með eldri útgáfu. Fyrirtækið
hafi einnig verið að þreifa fyrir sér
erlendis. „Við eigum 10 manna fyr-
irtæki í Færeyjum og erum að
stofna fyrirtæki í Kanada. Við höf-
um náð samningum við nokkur sjáv-
arútvegsfyrirtæki í Kanada sem
munu taka kerfið í notkun á þessu
ári. Meðal þeirra er Clearwater sem
á 12 verksmiðjur, auk skipaútgerð-
ar, rekur slipp og söluskrifstofur á
15 stöðum í heiminum svo eitthvað
sé talið. Þeir munu taka kerfið í
notkun í 4 eða 5 verksmiðjum á
þessu ári en stefna að því að taka
það í notkun í öllum fyrirtækjum
sínum á næstu tveimur til þremur
árum.“
Hefur vantað heildarhugsun /
hugbúnaði fyrir sjávarútveg
Halldór segir að í raun sé ekki að-
eins verið að selja fyrirtækjunum
kerfið sjálft, heklur einnig ráðgjöf og
uppsetningu. „I raun tæknivæðum
við hjá fyrirtækjunum allt ferlið. Við
seljum þeim strikamerkjaprentara-
og lesara og sjálfvirknivæðum
þannig allar skráningar. Við setjum
ennfremur upp kerfið og tengjum
við önnur tæki sem fyrir eru, hvort
sem það eru vogir eða flokkarar og
setjum upp skráningu fyrh' launa-
kerfi,“ segir Halldór.
Tölvumyndir kynnti WiseFish-
kerfið á sjávarútvegssýningunni í
Boston fyrir skemmstu og segja
þeir Kári Þór og Halldór viðbrögðin
hafa verið vonum framar, enda sé
greinileg þörf fyrir heildarlausnir í
hugbúnaði fyrir sjávarútveg alls-
staðar í heiminum. „Við höfum náð
mjög góðum árangri á Islandi og
höfum gert okkur grein fyrir að við
eigum fyllilega erindi með kerfið á
markaðinn erlendis. Miðað við sam-
bærilegar lausnir sem verið var að
kynna á sýningunni í Boston sýnist
okkur að við séum mörgum árum á
undan í þróun á þessháttar hugbún-
aði. Við höfum orðið varir við að fyr-
irtæki eru að leita eftir slíkum
lausnum, bæði í Kanada og Banda-
ríkjunum, en ekki haft erindi sem
erfiði. Við fengum þannig mjög góð
viðbrögð á sýningunni í Boston og
erum þessa dagana að svara fyrir-
spurnum og skipuleggja kynningar.
Það hefur vantað heildarhugsun í
þróun hugbúnaðar fyrir þennan
geira og því eru ekki allir alveg með
á nótunum þegar þeir kynna sér
kerfið í fyrstu. En um leið og við út-
skýrum fyrir mönnum þá möguleika
sem kerfið býður upp á þá átta
margir sig á því að sum vandamál
sem þeir hafa rekið sig á og talið
óviðráðanleg þurfa alls ekki að vera
tU. Menn eru hrifnir af rekjanleika
vörunnar sem kerfið býður upp á og
að þurfa aðeins að slá inn upplýs-
ingar einu sinni í ferlinu," segja þeir
Kári Þór og Halldór.
---------------
Mótmæla
tillögu um
aflakvóta
á maknl
ÞORSTEINN Pálsson, sjávarút-
vegsráðherra, kynnti á ríkisstjórn-
arfundi á þriðjudag mótmæli gegn
tillögu Norðaustur-Atlantshafs-
fiskveiðinefndarinnar (NEAFC)
sem samþykkt var á aukaaðalfundi
nefndarinnar 9. febrúar sl.
Samkvæmt tillögunni fá íslend-
ingar úthlutað 2.000 tonna makríl-
kvóta í úthafinu á ári. íslendingar,
ásamt Rússum, mótmæltu tillög-
unni á fundinum, m.a. vegna þess
að í henni er Island ekki viður-
kennt sem strandríki. Frestur til
að mótmæla tillögunni formlega
rennur út í upphafi næsta mánaðar
og hefur sjávarútvegsráðherra nú
þegar komið mótmælunum á fram-
færi. Mótmælunum verður komið á
framfæri við aðildan-íki NEAFC
og verður ísland því ekki bundið af
samþykkt NEAFC um skiptingu
makrílkvótans. Rússar hafa einnig
mótmælt tillögunni foi-mlega.
j VERSLANIR 66°N: SKÚLAGÖTU 51, FAXAFENI 12, AKUREYRI & VESTMANNAEYJUM