Morgunblaðið - 09.07.1999, Blaðsíða 19

MORGUNBLAÐIÐ
AKUREYRI
FÖSTUDAGUR 9. JÚLÍ 1999 19
Stefán Gunnlaugsson á Bautanum um veitingasölu í Safnaðarheimili
Munum veita
öllum jafngóða
þjónustu
Morgunblaðið/Ásdís
Sjáðu mig
UNGLINGARNIR sem vinna í
Frystihúsinu á Dalvík voru
hressir í góða veðrinu sem hef-
ur leikið við Norðlendinga und-
anfarið. Þeir veittu góðfúslegt
leyfi til myndatöku og veifuðu
til ljósmyndara eins og sjá má.
---------------
Laufásprestakall
Prófastur
heimsækir
söfnuði presta-
kallsins
PRÓFASTUR Þingeyjarprófasts-
dæmis, sr. Ingimar Ingimarsson,
mun heimsækja allar þrjár sóknir
Laufásprestakalls næstkomandi
sunnudag, 11. júlí, að því er fram
kemur í fréttatilkynningu.
Sr. Ingimar byrjar heimsókn
sína með samveru í Grenivíkur-
kirkju kl. 10:30. Þar mun kór kirkj-
unnar syngja undir stjórn Petru
Pálsdóttur og prófastur flytur hug-
leiðingu. Að lokinni helgistundinni
fundar prófastur með sóknamefnd
og söfnuði Grenivíkurkirkju.
Þessu næst verður prófastur við-
staddur guðsþjónustu í Laufás-
kirkju. Þar syngur kór kirkjunnar
undir stjóm Hjartar Steinbergs-
sonar. Sóknarpresturinn sr. Pétur
Þórarinsson þjónar fyrir altari og
prófastur predikar.
Heimsókn prófasts lýkur síðan í
Svalbarðskirkju. Þar syngur kór
kirkjunnar undir stjórn Hjartar
Steinbergssonar og prófastur flyt-
ur hugleiðingu. Að því loknu verð-
ur fundur með söfnuði og sóknar-
nefnd.
------♦-♦“♦----
Hríseyjarprestakall
Minnast 1000
ára kristni
ÍBÚAR í Hríseyjarprestakalli
fagna 1000 ára kristni með hátíða-
höldum að Hávarðsstöðum í Þor-
valdsdal á Arskógsströnd á sunnu-
dag, 11. júlí, kl. 14. Talið er að í
Þorvaldsdal hafi staðið kirkja árið
1000.
Meðal efnis verður helgistund í
umsjá sóknarprests, Huldu Hrann-
ar Helgaaóttur, Einar Georg Ein-
arsson flytur gamanmál,
kirkjukórarnir syngja undir stjóm
Guðmundar Þorsteinssonar og Kór
eldri borgara í Dalvíkurbyggð og
Hrísey syngja undir stjórn Elín-
borgar Gunnarsdóttur.. Árni Óla-
son og Hafliði Ólafsson spila á
harmonikku. Farið verður í leiki
með börnunum og veitingar verða
á staðnum.
Vegurinn inn í Þorvaldsdal er við
afleggjarann upp að Stærri-Ar-
skógskirkju hjá spennistöðinni.
Fólk er hvatt til að fjölmenna í
Þorvaldsdal og njóta góðrar stund-
ar saman.
STEFÁN Gunnlaugsson, einn eig-
enda Bautans, segir að sóknar-
nefnd Akureyrarkirkju hafi farið
fram á það við fyrirtækið að það
sjái um alla þjónustu og veitinga-
rekstur í Safnaðarheimilinu, fyrst
og fremst í erfidrykkjum, en
Bautinn hafi séð um brauðsölu í
fjölda erfidrykkja mörg undanfar-
in ár.
Föst leiga innheimt
Veitingamenn á Akureyri, eink-
um forsvarsmenn Veislubaksturs,
eru óánægðir með að sóknamefnd
skuli hafa gert samning við Baut-
ann um veitingaaðstöðuna án þess
að rætt hafi verið við fleiri. „Við
tókum strax fram að við kærðum
okkur ekki um að það væri skilyrt
að allt brauð væri keypt af Bautan-
um, við töldum það ekki heppilegt
fyrir Safnaðarheimilið né heldur
góða auglýsingu fyrir okkur,“ segir
Stefán.
Hann sagði að ákveðið hefði ver-
ið að fyrirtækið innheimti fasta
leigu fyrir hvert skipti sem erfi-
drvkkja eða annað færi fram óháð
fjölda, eða 18.675 krónur. Gengur
sú upphæð til Safnaðarheimilisins
fyrir húsaleigu og ræstingu og að
auki er ákveðið gjald fyrir hvern
mann og er það breytilegt eftir
stærð hópanna. Gjaldið væri hugs-
að fyrir þá vinnu sem innt er af
hendi við að dúka upp borð, þjón-
ustu, uppvask og frágang og er
gjaldið það sama hvort sem fólk
ákveður að koma sjálft með brauð-
ið eða kaupa það af veitingasölum
úti í bæ, Bautanum, Veislubakstri
eða einhverjum öðmm.
„Við munum leitast við að veita
öllum jafngóða þjónustu, eins og
gert hefur verið undanfarin ár í
Safnaðarheimilinu, og við vonumst
til þess að standa undir því trausti
sem sóknarnefnd ber til okkar,“
sagði Stefán.
NYBYLAVEGI 2 • SIMI 554 2(00
140.000 kr. afsláttur
verður gefinn á tveimur gerðum Peugeot 306 bíla vegna afar
hagstæðra samninga við Peugeot í Frakklandi.
Einungis er um að ræða mjög vel útbúna Peugeot 306 með öflugri
1800 cc vél og sjálfskiptingu, bæði 4ra dyra bíla og skutbíla.
Þetta eru rúmgóðir og sportlegir fjölskyldubílar með framúrskarandi
aksturseiginleika og nú á ótrúlegu verði.
Fyrstir koma - fyrstir fá!
Aðeins er um takmarkað magn að ræða og því þarf að hafa hraðar
hendur til að tryggja sér bíl á þessu frábæra verði. Komdu og reynsluaktu.
Þetta eru án efa ein bestu kaup sem hægt er að gera í nýjum bílum í dag.
PEUGEOT
Lfán 4 vejinunf!