Morgunblaðið - 05.08.1999, Page 33

MORGUNBLAÐIÐ
FIMMTUDAGUR 5. ÁGÚST 1999 33
LISTIR
Út úr kortinu
VERK Hrafnkels Sigurðssonar á sýningunni.
MYNDLIST
Listasafn Kúpavogs /
Gerðarsafn
BLANDAÐ EFNI
ÝMSIR LISTAMENN
Opið 12 til 18. Aðgangseyrir 300 kr.
Sýningin stendur til 8. ágúst.
ÚT úr kortinu er yfírskrift á
stóru sýningarverkefni sem sett er
upp í samstarfi Gerðarsafns í Kópa-
vogi og Listamiðstöðvarinnar í
S'ete í Frakklandi. Á sýningunni er
teflt saman sjö íslenskum lista-
mönnum og sjö frönskum. í heild er
hér um vandaða sýningu að ræða og
öll uppsetning er vel unnin, en þó
virðist sem sýningin eigi eftir að
taka nokkrum breytingum þegar
hún verður sett upp í Frakklandi
því þá bætast við upplýsingar á
Netinu og ritgerð um hana eftir
hinn þekkta listfræðing Bemard
Marcadé.
Verkin á sýningunni eru mjög
mismunandi að umfangi og því ekki
endilega sambæriieg, allt frá inn-
setningu sem tekur hálfan sal niður
í mynd sem límd er á einn glugga í
kjallara. Stærsta verkið er innsetn-
ing Didiers Marcel þar sem lituð
líkön af húsum og kirkjum hafa ver-
ið límd á vegg. Innan um þau
standa síðan prjónar út úr veggnum
og á endum þeirra hefur verið kom-
ið fyrir tómötum. Af framlagi Is-
lendinganna er verk Hrafnkels Sig-
urðssonar líklega mest sláandi, en
það er röð stórra ljósmynda sem
sýna stórar snjóhrúgur sem rutt
hefur verið upp. Hrafnkell hefur
unnið með ýmis form landslagslist-
arinnar en í þessu verki tekst hon-
um á nýjan hátt að túlka þá ljúfsáru
reynslu að búa á íslandi og vísa um
leið í fjöllin því í myndunum birtast
hrúgurnar sem hrikalegar mann-
gerðir jöklar. Af allt öðrum toga, en
þó tengt landslagi, er verk Katrínar
Sigurðardóttur sem hefur útbúið
líkön af stöðum, raunverulegum eða
ímynduðum, og komið fyrh- í köss-
um sem loka má fyrir flutning;
þetta er því eins konar ferðalands-
lag.
Eina myndbandsverkið á sýn-
ingunni er eftir Marion Lachaise
en hún flytur texta í verkinu sem
fjallar um kynóra og kynferði
telpna og drengja. Myndrænt
sveiflast verkið á milli þess að
minna á fjölleikahús og vera of-
skynjunarkennt og ýkt, en áhrifin
af því undirstrika tvíræði textans.
Tvíræði er líka viðfangsefni
Nicholasar Moulin þó á öðru sviði
sé. Hann raðar saman ljósmyndum
úr ýmsum áttum, fjölmiðlamynd-
um úr því mikla myndaflóði sem
yfir okkur gengur daglega. Heild-
aráhrifin af samsetningu hans eru
þau að áhorfandanum finnst hann
dreginn inn í einhvern torskilinn
en þó dálítið kunnuglegan heim
þar sem sumar myndirnar laða
hann til sín en aðrar eru fráhrind-
andi, jafnvel óhugnanlegar. Fram-
lag Hugues Reip er líklega illskilj-
anlegasta verkið á sýningunni,
teiknimynd af trúði límd í glugga;
án frekara samhengis er ekkert
um það að segja. Philippe Ramette
sýnir hins vegar einfalt verk sem
þó hefur skýrar tilvísanir og
virkni. Þar er um að ræða tréverk
sem myndar einfalt horn, líkt og
milli veggja. Verkið er merkt
„Sektarrýmið" en einfaldari þýð-
ing væri líklega „Skammarkrókur-
inn“.
Birgir Andrésson er á þjóðlegum
nótum eins og oft áður og fjallar hér
um útskurð. Fínlegar teikningar á
veggnum kallast á við fagurlega út-
skorið asklok sem hér er notað til að
hylja opið á kamri sem settur hefur
verið upp í salnum. Daníel Magnús-
son fjallar einnig á gagnrýninn hátt
um ímynd Islands í röð mynda af
náttúruperlum sem á stendur síðan
„OK“, „Thjodlegt.is" og fleira í
þeim dúr. Hallgrímur Helgason
vinnur í teiknimyndastílnum, bæði á
pappír og á stórt málverk. Sigurður
Árni Sigurðsson prentar Jjósmyndir
af skýjum á striga og sýnir einnig
stóran skúlptúr úr áli og járni, fjór-
ar láréttar skífur sem tengjast með
lóðréttri stöng og minna á ský. Fyr-
ir utan safnið hefur verið sett upp
verk Jacques Julien, en hann fjallar
gjaman um leiksvæði og sýnir hér
tvær körfuboltakörfur með óvenju-
legri lögun. Loks sýnir Paul Pouvr-
eau ljósmyndir sem límdar hafa
verið á stóra stæðu af pappaköss-
um.
Eins og hér má sjá eru verkin á
sýningunni af ýmsum toga en gæðin
tengja þau saman og gera það að
verkum að sýningin gengur upp
þótt listamennirnir séu ólíkir.
Jón Proppé
Nemendur Vinnuskólans skoða
Asmundarsafn og Kjarvalsstaði
í ÁSMUNDARSAFNI í jiili. Sigríður Ólafsdóttir
ásamt nemendum Vinnuskóla Reykjavíkur.
í SUMAR hafa nemendur Vinnu-
skólans í Reykjavík fengið fræðslu
um myndlist á Kjarvalsstöðum og í
Ásmundarsal. Heimsóknir ungling-
anna á söfnin eru liður í samstarfi
Listasafns Reykjavíkur og Vinnu-
skólans í Reykjavík sem staðið hef-
ur undanfarin ár, segir í fréttatil-
kynningu frá Kjarvalsstöðum.
Ennfremur segir: „Á Kjarvals-
stöðum hafa nemendur 10. bekkjar
skoðað sumarsýningu safnsins og
sýningu á verkum hollenska lista-
mannsins Karel Appel. Þeir hafa
líka svarað nokkrum spurningum
sem fræðsludeild safnsins lagði
fyrir þá og hafa niðurstöðurnar
verið um margt forvitnilegar.
Nemendur voru spurðir hvaða verk
á sýningunni þeim finnast best og
einnig hvaða verk þeim finnast
verst. Flestum fannst verk eftir
Sigurð Árna Sigurðsson og Kjarval
vera best en líkaði aftur verst við
verk Karel Appel. Spurt var um
hvað nemendur vildu helst sjá og
kenndi þar ýmissa grasa, allt frá
Monu Lísu til gjörninga. Krakk-
arnir lýstu þeim verkum sem þeir
vildu sjá á ýmsan máta t.d. „list
sem hvíslar að þeim“ og „krafta-
verk“.
I Ásmundarsal við Sigtún skoð-
uðu nemendur 8. bekkjai- nýja yfir-
litssýningu á verkum Ásmundar
Sveinssonar sem sett var upp í vor.
Einnig er farið yfir sögu hússins.
Að heimsókninni í Ásmundarsafn
lokinni fóru nemendumir niður í
Laugardalinn og skoðuðu þvotta-
laugarnar og verk Rúríar, Fyssu.
I könnuninni sem lögð var fyrir á
Kjarvalsstöðum var forvitnast um
það hvort krakkarnir hefðu komið
áður á safnið og reyndust það um
60%. Þannig að þó nokkur hópur
nemenda var í sinni fyrstu heim-
sókn á safnið með Vinnuskólanum
þó að á hverju skólaári komi um
7.600 nemendur á Kjarvalsstaði og í
Ásmundarsafn en á síðasta skólaári
var raunar slegið aðsóknarmet en
þá fór fjöldi nemendanna yfir
10.000. Á bæði söfnin komu tæplega
2.000 krakkar í sumar og eru þá tal-
in auk Vinnuskólans böm af hinum
ýmsu sumarnámskeiðum."
Á Kjarvalsstöððum er boðið upp
á leiðsögn fyrir almenning alla
sunnudaga kl. 16. Leiðsögn fyrir al-
menning hefur verið fastur liður í
starfsemi safnsins allt frá árinu
1992 og lengst af verið í höndum
myndlistarmanna.
SKAMMAKRÓKUR eftir
Philippe Ramette.
I3ICMIEGA
Fólínsýra
FOIJN
Takist fyrir þungun
og á meðgöngu.
Fæst í næsta apóteki.
EUMENIAV
Eumenia, lítil og nett_____________
en stendur þeim stóru fyliilega á sporði
í afköstum. Hún er afar vönduð, með
bilanatíðni í algjöru lágmarki - og það heyrist
varla í henni. Þetta er vélin sem hentar inni
á baði, í eldhúsið eða í litla þvottahúsið.
m 3 kg, 600 eða 800 snúninga,
hœö/breidd/dýpt: 67,5 cm/46 cm/46 cm
m 3kg, lOOO snúninga,
hœð/breidd/dýpt: 67,5 cm/46 cm/46 cm
m 4 kg, 1200 snúninga,
hceð/breidd/dýpt: 82 cm/54,6 cm/56 cm
m 4 kg, 700 snúninga
með innbyggðum þurrkara fyrir 2 kg,
hœö/breidd/dýpt: 78 cm/53 cm/55 cm
Frá 49.900 kr. staðgr.
Heimilistæki
SÆTÚNI 8 • SlMI S69 1500
úrvalstæki, einstök þjónusta