Morgunblaðið - 08.08.1999, Blaðsíða 20

20 SUNNUDAGUR 8. ÁGÚST 1999
MORGUNBLAÐIÐ
LISTIR
Mannabreytingar hjá Konunglega leikhúsinu
Nýr óperustjóri
Islendingum kunnur
KASPER Holten
Kaupmannahöfn. Morgunblaðið.
NYI óperustjórinn við Konung-
lega leikhúsið er íslenskum óperu-
unnendum að góðu kunnur. Hinn
26 ára gamli Kasper Holten, sem
setti á svið Ástardrykkinn við Is-
lensku óperuna sællar minningar,
hefur verið ráðinn óperustjóri við
Konunglega leikhúsið. Við hlið
hans hefur verið skipaður nýr tón-
listarstjóri við húsið, sem er Mich-
ael Schönvandt, en ætlunin er að
þeir tveir starfí náið saman. Sam-
an stefna þeir að því að Konung-
lega danska óperan verði sú besta
á Norðurlöndum. Holten tekur við
er núverandi óperustjóri, Elaine
Padmóre, hættir næsta vor.
Valið á Holten kom mjög á óvart,
þar sem hann er ungur og óreynd-
ur við stór hús, þó hann hafí sett á
svið óperur við minni hús síðan
hann var 21 árs. Hann hefur und-
anfarin þrjú ár verið óperustjóri
við sumaróperuna í Árósum, þar
sem hann hefur sviðsett óperur, nú
síðast Brúðkaup Fígarós, sem
frumsýnt var í vikunni. Nýlega var
frumsýnd útiuppsetning hans í
Málmey á I Pagliacci. Hann hefur
lifað og hrærst í óperum síðan
hann uppgötvaði Carmen níu ára,
þó það sé annars ekki tónlistarfólk
í kringum hann. Móðir hans er
Bodil Nyboe Andersen seðlabanka-
stjóri Dana.
Það er ekki aðeins á íslandi sem
Holten hefur hrist upp í óperugest-
um með nýstárlegum og nútíma-
legum uppsetningum á klassískum
óperum, því það sama hefur hann
gert heima fyrir. Hann segist í
samtali við Berlingske Tidende
hlakka til að takast á við nýja starf-
ið. Hann hafí hingað til unnið við að
sviðsetja og þá venjulega haft til
þess tvo mánuði. Nú hlakki hann til
að takast á við stærra verkefni yfir
lengri tíma. Það sé þreytandi að
vinna svo ákaft og það gangi á
kraftana.
Holten tekur við af hinni írsku
Elaine Padmore, sem verið hefur
við húsið síðan 1991 að hún tók við
eftir þýskan óperustjóra, sem að-
eins náði að sitja í ár áður en hann
var rekinn með brauki og bramli
og eftirfylgjandi dómsmáli um
ólöglega uppsögn. Padmore hefur
tekist að skapa ró í
óperunni og aðsóknin
hefur farið hraðvax-
andi.
Padmore hefur þó
ekki sloppið við gagn-
rýni, meðal annars
fyrir að koma með er-
lenda söngvara, sem
séu ekkert betri en
danskir söngvarar,
sem vilji gjarnan
syngja heima fyrir.
Það hefur einnig vak-
ið óánægju að ýmsir
danskir söngvarar,
sem eru mjög eftir-
sóttir erlendis, segj-
ast ekki hafa tæki-
færi til að syngja
heima, því ekíri sé
skipulagt nægilega
langt fram í tímann
og oft sé eins og óp-
erustjórinn hafi eng-
an áhuga á dönskum
söngvurum.
Það ríkir mikil eft-
irvæning meðal danskra óperu-
unnenda að sjá hvernig hinum
unga óperustjóra takist að ná tök-
um á jafn hefðþrunginni stofnun
og danska óperan virðist oft á tíð-
um vera. Það mun væntanlega
koma í hlut nýja óperustjórans að
fylgja eftir hálfgildings loforði
stjórnmálamanna um nýtt óperu-
hús, en gamla leikhúsið hýsir
bæði ballett og leiklist, auk óperu.
Þar er því þröng á þingi og starfs-
fólk óperunnar lætur sig dreyma
um nýtískulegt hús til óperuflutn-
ings.
ÞÁTTTAKENDUR í Ljóðleikhúsi Norræna hússins: Vladimir
Shafranov, Rune Sandlund, Varste M. Berndtsson, Hans Tórgarð og
Borgar Garðarsson.
Ljóðleikhús í
Norræna húsinu
HAFIÐ er yfirskrift dagskrár sem
haldin veður í fundarsal Norræna
hússins á morgun, mánudag, kl. 20.
Þar er teflt saman ljóðum og sög-
um norrænna eyjaskálda. Skáldin
eru frá Álandi, Islandi, Færeyjum
og Grænlandi. Dagskráin er sam-
vinnuverkefni norrænu stofnan-
anna á Álandseyjum og Grænlandi
og Norrænu húsanna í Færeyjum
og á íslandi. Mikkjal Helmsdal for-
stöðumaður norrænu stofnunarinn-
ar á Álandseyjum átti hugmyndina
að dagskránni og hefur skipulagt
hana.
Bókmenntafróðir menn frá
hverju landi hafa valið textana en
þeir sem flytja þá eru leikararnir
Rune Sandlund frá Álandseyjum,
Hans Tórgarð frá Færeyjum, Borg-
ar Garðarsson frá íslandi og Varste
M. Bemdtsson frá Grænlandi. Leik-
stjóm annast Eyðun Johannessen
frá Færeyjum, og Vladimir Shafra-
nov píanóleikari sér um tónlistar-
flutning.
Meðal skálda sem lesið verður
eftir eru færeysku skáldin Christian
Matras, William Heinesen, J.H.O.
Djurhuus, Gunnai’ Hoydal og Rói
Patursson, Álendingamir Karl-Erik
Bergman, Kiki Alberius-Forsman,
Valdimar Nyman, Runar Salminen
o.fl. íslensku höfundarnir eru Hall-
dór Laxness, Gunnar Gunnarsson,
Snorri Hjartarson, Steinn Steinarr,
Hannes Pétursson, Jóhann Hjálm-
arsson og Einar Már Guðmundsson.
Grænlensku höfundarnir eru
Villads Villadsen, Jens Rosing,
Kristian Olsen Aaju og Moses 01-
sen.
Norræna ráðherranefndin stend-
ur straum af ferð sýningarinnar um
Vestur-Norðurlönd. Dagskráin er
flutt á sænsku.
1800 cc, ii2 hestafla vél • Viðarinnrétting
Álfelgur • Vindkljúfur • ABS • Loftpúðar
Fjarstýrðar samlaesingar • Þjófavörn og margt fleira
PEUCEOT
406
Gullna
Ijónið