Morgunblaðið - 08.08.1999, Blaðsíða 41

MORGUNBLAÐIÐ
MINNINGAR
SUNNUDAGUR 8. ÁGÚST 1999 41
JOSEPH PATRICK
WALSH
+ Joseph Patrick
Walsh fæddist í
Leeds í Englandi 10.
nóvember 1907.
Hann lést í Adelaide
í Ástralíu 23. febrúar
síðastliðiun og fór
útför hans fram í
Adelaide.
Látinn er Joseph
Patrick Walsh, 91 árs
að aldri. Joseph Walsh
eða „Joe“, eins og hann
var nefndur af hinum
mörgu vinum sínum,
kom fyrst hingað til lands sem her-
maður á stríðsárunum og bast
ævarandi tryggðaböndum við land
og þjóð. Frá árinu 1981 til 1997 kom
hann nær árlega til Islands frá
heimili sínu í Eyjaálfunni og lét
hvorki aldur né fjarlægðir aftra sér.
Joe Walsh átti einstaklega litríka og
viðburðaríka ævi og lágu til þess
þær ástæður að hann var maður
gæddur miklum lífsþrótti og fjöl-
þættum hæfileikum. Verður hér
stuttlega getið nokkurra þátta ævi
hans.
Joseph Walsh gekk í skóla
Jesúíta í Leeds en hóf ungur tón-
listarnám og var hljómsveitarstjóri
á því sögufræga skipi Mauretaníu
1929-1935. Um skemmri tíma á
þessu skeiði lék hann og í hljóm-
sveitum í Þýskalandi, Egyptalandi
og Vestur-Indíum en hann var mjög
góður saxófónleikari. Skal þess get-
ið hér að hann var í hljómsveit
þeirri er frumflutti hið víðfræga lag
Irving Berlin, „Easter Parade“, en
það var á Bermúdaeyjum og stjóm-
aði höfundurinn. Er þessum þætti
ævi hans lauk setti hann á stofn
hljóðfæraverslun í Bretlandi sem
gekk vel og hafði hann opnað átta
verslanir er stríðið hófst. Joseph
Walsh gekk í sjóherinn og hlaut
þjálfun sem loftskeytamaður. Hann
kom til Islands árið 1940, skömmu
eftir hernámið. Starfaði hann í
gömlu loftskeytastöðinni á Melun-
um og stjómaði þar allra handa
fjarskiptum. Meðal annars minntist
hann mjög vel viðureignar Bis-
marcks og Hoods. Sem liðsmanni
flotans bar honum að inna af hendi
tilskilinn siglingatíma og honum
varði hann við lagningu tundurdufla
í vetrarveðrum á hafinu milli ís-
lands og Grænlands. Var ævintýra-
legt að heyra hann segja frá þeim
dögum.
Joe Walsh var afburða málamað-
ur, lagði áherslu á að læra íslensku
og þýddi greinar úr hérlendum
blöðum fyrir yfirboð-
ara sína og ritaði grein
á íslensku í Morgun-
blaðið 1941 sem nefnd-
ist „Sjóliði lýsir skoðun
sinni á íslandi". Hér á
landi eignaðist hann
marga ágæta vini og
skal hér getið um
Eyjólf Jónsson, síðar
kunnan fyrh- sundafrek
sín, og fjölskyldu 'hans.
Einnig Einar Jónsson
hafnsögumann og hans
fjölskyldu. Á stríðsár-
unum var og Hendrik
Ottósson fréttamaður
góður vinur hans. Þessa vináttu
rækti Joe til dauðadags og þær
mætur sem hann fékk á Islandi og
Islendingum voru vissulega ein-
stæðar og hann leit á landið sem
þriðju ættjörð sína - auk Englands
og Ástralíu.
Eftir þjálfun á skóla sjóhersins í
Dartmouth 1941 var hann sendur á
Casa Blanca-ráðstefnuna og var það
vegna rússneskukunnáttu hans, en
rússnesku hafði hann ungur tekið
að læra og hélt þeirri kunnáttu vel
við. Því var hann haustið 1941 send-
ur til Moskvu og var þar er þýski
herinn komst hvað næst borginni.
Ætlunin var að hann færi til Sochi
við Svartahaf en af því varð ekki
þar sem innrásarliðið tók Seva-
stopol um þær mundir. Því var hann
gerður að foringja í fjarskiptadeild
og hafði það starf með höndum að
gefa Rússum upplýsingar um þær
vörur er væntanlegar voru með
skipalestum til Hvítahafs. Minntist
hann oft á hve örðug viðskiptin við
rússneska yfirmenn hefðu verið en
bar almenningi mjög gott orð. í
Rússlandi var Joe Walsh til 1944 en
þá var hann sendur til flotastöðvar
Breta á eyjunni Manus norðan
Nýju-Gíneu. Þar og víðar á Kyrra-
hafi var hann til stríðsloka. Er átök-
unum lauk lögðu Bretar áherslu á
að verða fyrstir til að endurheimta
Hong Kong og var Joe einn sex for-
ingja sem fyrstir fóru í land og tóku
við uppgjöf Japana þar „með
skammbyssur, litla sendistöð og
merkjaflögg ein að vopni“, eins og
hann sagði. Á leið sinni til Islands
frá Ástralíu 1981 kom hann við í
flotastöð Breta í borginni og hlaut
höfðinglegar móttökur en þá voru
liðin 35 ár frá þessum atburði.
Að styrjöldinni lokinni hafði Joe
Walsh viðkomu í Ástralíu og leist
vel á land og þjóð. Varð úr að hann
settist þar að og fékk konu sína og
barn til sín en hann kvæntist
nokkru eftir Islandsdvölina á stríðs-
ERLA
HARALDSDÓTTIR
+ Erla Haralds-
dóttir fæddist í
Reykjavík 8. janúar
1919. Hún lést á
Landspítalanum 1.
júlí síðastliðinn og
fór útför hennar
fram frá Háteigs-
kirkju 9. júlí.
Hún Erla frænka
mín, litla systir hans
pabba, er látin, langt
fyrir aldur fram. 011
hennar vegferð var dá-
samleg, fallega brosið,
tindrandi augun glettin og brún.
Elskuleg öllum sem hana þekktu. I
raun var Erla eins og fallegasta
blómið í garðinum, það sjáum við
best þegar það er farið, garðurinn
er alls ekki samur og hennar er sárt
saknað.
Eins langt og ég man var alltaf
sérstakur blær á því sem hún kom
nálægt, hógværðin yfir eigin verk-
um, sem einkum tengdust heimilinu
hennar, Gísla og bömum þeirra, var
algjör og víst var alltaf gott í hennar
rann að sækja og á vís-
an vin að róa.
Erla átti margt
góðra vina og naut sín
vel á mannamótum,
glæsileg, teinrétt og
kankvís í fasi enda
heimsmanneskja í hví-
vetna, heimsborgari
fram í fingurgóma.
Víst var hún glettin á
stundum, og átti til að
reka vildarvinum sín-
um olnbogaskot til
áréttingar, en fallegri
framkomu minnist ég
varla hjá nokkurri
manneskju sem ég hef þekkt. Á
engan var hallað, enginn var lastað-
ur, hvað sem á gekk. Þykist ég vita
að hún hafi fengið nægt og gott
veganesti úr foreldrahúsum og
miðlað því vel til niðja sinna. Það
má því með sanni segja að Erla
Haraldsdóttir hafi skilað sínu ævi-
starfi með farsæld, verið trú yfir
stóru og smáu, og vissulega lofa
verkin meistarann sem sjá má á
samheldni fjölskyldu hennar.
Þrátt fyrir að hafa náð 80 ára
árunum. Þar hóf hann störf við tón-
listarkénnslu og sinnti þeim störf-
um fram á síðustu ár. Er það til
marks um fjölhæfni hans að hann
kenndi á alls tólf hljóðfæri. Tónlist-
argáfan hefur gengið í erfðir og er
dóttir hans konsertmeistari við sin-
fóníuhljómsveitina í
Queensland. Af öðrum börnum hans
er það að segja að Damian er hag-
fræðingur, Peter opinber starfs-
maður, Valerie enskukennari við
háskólann í Melbourne og Stephen
hæstaréttarlögmaður. Stephen kom
hingað til lands árið 1981. Joe
Walsh var þó vanur að segja að
kona sín Winifred væri fremst fjöl-
skyldumeðlimanna en hún kenndi
löngum stúdentum sem hugðu á há-
skólanám ensku og undirbjó þá í
fagmáli námsgi’eina þeirra. Hún
lést árið 1994.
Sem fyrr segir voru bönd Joe
Walsh við Island afar náin. Oll þau
ár er hann heimsótti Island dvaldi
hann hjá Eyjólfi Jónssyni og konu
hans, Katrínu D. Einarsdóttur, iðu-
lega þrjá mánuði í senn. Þessar
vinaheimsóknir endurgalt Eyjólfur
síðar og var hann í Adelaide er Joe
Walsh lést í febrúar sl. Er hann
staddur ytra hjá vinafólki Joe þegar
þetta er skrifað. Þá var vinátta hans
við syni Einars Jóhannssonar og
Karólínu Guðmundsdóttur, þá Guð-
mund verkfræðing á Gimli við
Álftanesveg og Jóhannes Einars-
son, fyrrum forstjóra Cargolux, ná-
in. Fleiri góða vini mætti nefna, svo
sem Svövu Kristjánsdóttur, Þor-
bjöm Jónsson, bróður Eyjólfs, og
séra Robert Jack.
Af ofansögðu má sjá að Joe
Walsh var óvenjulegur hæfileika-
maður og líf hans viðburðaríkt. Hef-
ur hann ritað æviminningar sínar
sem enn eru þó ókomnar á prent.
Ber að vona að úr því rætist áður en
langt um líður því höfundurinn var
afburða sögumaður og sem nærri
má geta skorti ekki frásagnarefnið.
Átti sá sem þetta skrifar marga
góða stund á spjalli við Joe Walsh á
heimili þeirra Eyjólfs Jónssonar og
Katrínar Einarsdóttur, móðursyst-
ur minnar. Því er skylt og ljúft að
minnast hans nokkrum orðum, þótt
fáu einu verði komið að í svo stuttu
máli. Einnig vegna tryggðar Joe
Walsh við ísland, sem varð honum
svo kært, fer vel á að minnast hans
hér að leiðarlokum. Við útför hans
fórust presti hans svo orð að á Is-
land hefði hann „alltaf litið sem and-
leg heimkynni sín, þann stað sem
hann sótti mesta hugamæringu til
og hann sneri sífellt til að nýju,
ávallt aufúsgestur og í hávegum
hafður“. Þarna er ekkert ofmælt.
Blessuð sé minning þessa heið-
ursmanns sem kunni að lifa lífinu í
svo ríkum mæli og hressti og gladdi
alla þá sem kynntust honum.
Atli Magnússon.
aldri dó Erla ung, hún hlaut þá
gæfu að vera elskuð af foreldrum,
eiginmanni, bömum, barnabömum
og vinum. Fráfall hennar kom
snöggt og óvænt, Erla frænka fór á
fyrsta farrými yfir móðuna miklu til
fundar við Gísla sinn og ástvinina
sem þar bíða.
Elsku Arndís, Hildur, Ólafur
Ágúst óg fjölskyldur, við sendum
ykkur innilegar samúðarkveðjur,
þið hafið misst mikið en eigið jafn-
framt mikils og góðs að minnast.
Megi góður Guð blessa minningu
Erlu Haraldsdóttur.
Bjarni Ingvar og fjölskylda.
Formáli minn-
ingargreina
ÆSKILEGT er að minningar-
greinum fylgi á sérblaði upplýs-
ingar um hvar og hvenær sá,
sem fjallað er um, er fæddur,
hvar og hvenær dáinn, um for-
eldra hans, systkini, maka og
börn, skólagöngu og störf og
loks hvaðan útför hans fer
fram. Ætlast er til að þessar
upplýsingar komi aðeins fram í
formálanum, sem er feitletrað-
ur, en ekki í greinunum sjálfum.
+
Ástkær móðir okkar, tengdamóðir, amma og
langamma,
GUÐBJÖRG EINARSDÓTTIR,
Þinghólsbraut 43,
Kópavogi,
verður jarðsungin frá Kópavogskirkju miðviku-
daginn 11. ágúst kl. 15.00.
Guðrún Ósk Sigurðardóttir,
Rakel Svandís Sigurðardóttir, Ástvaldur Guðmundsson,
Sigurður Þórisson, Hólmfríður S. Jónsdóttir,
Stefanía Ósk Þórisdóttir, Friðleifur Kristjánsson,
Vilhjálmur Þór Þórisson, Diljá Tegeder,
Guðbjörg Ástvaldsdóttir, Michael Jourdan,
Þyri Berglind Ástvaldsdóttir, John Lettow,
Júlíana Ýr Ástvaldsdóttir, André Sikavica
og barnabarnabörn.
+
Elskuleg móðir okkar, tengdamóðir, sambýlis-
kona, amma, langamma, og langalangamma,
DAGBJÖRT GUÐMUNDSDÓTTIR,
Kirkjulundi 6,
Garðabæ,
sem lést á Hrafnistu Hafnarfirði mánudaginn
2. ágúst, verður jarðsungin að Görðum í
Garðakirkju mánudaginn 9. ágúst kl. 13.30.
Jón Norðfjörð, Svava Gunnarsdóttir,
Þóra E. Þorleifsdóttir, Páll S. Jónsson,
Jón V. Pálsson, Salóme K. Jakobsdóttir,
Kristján J. Sigurðsson,
barnabörn, langömmubörn
og langalangömmubörn.
+
Elskuleg móðir okkar, tengdamóðir, amma,
langamma og langalangamma,
GUÐRÚN ÓLAFSDÓTTIR
frá Lambanesi,
sem lést á Sankti Fransiskusspítala, Stykkis-
hólmi, laugardaginn 31. júlí, verður jarðsungin
frá Stykkishólmskirkju þriðjudaginn 10. ágúst
kl. 14.00.
Ingibjörg Ellertsdóttir, Magnús Jónsson,
Finnbogi Ólafsson,
Ólafur A. Ellertsson, Ingibjörg Björgvinsdóttir,
Ingimar Hólm Ellertsson, Sigurrós Berg Sigurðardóttir,
Ólöf Þórey Ellertsdóttir, Páll Guðmundsson.
+
Innilegar þakkir til allra þeirra, sem sýndu ok-
kur vináttu, samúð og hlýhug við andlát og út-
för eiginmanns míns, föður okkar, tengda-
föður, afa og langafa,
SNÆBJÖRNS JÓNASSONAR
fyrrv. vegamálastjóra,
Laugarásvegi 61.
Sérstakar þakkir sendum við öllu því starfs-
fólki á Sjúkrahúsi Reykjavíkur, sem komu að
meðferð hans og umönnun í veikindum hans.
Bryndís Jónsdóttir,
Sigríður Snæbjörnsdóttir, Sigurður Guðmundsson,
Jónas Snæbjörnsson, Þórdis Magnúsdóttir,
Herdís Snæbjörnsdóttir,
barnabörn og barnabarnabörn.
+
Þökkum hlýhug og samúð vegna fráfalls eigin-
manns míns, föður okkar, tengdaföður og afa,
SIGURÐAR SIGURÐSSONAR
skósmíðameistara,
Sævangi 8,
Hafnarfirði.
Guðbjörg Kristjánsdóttir,
Sigurður Sigurðsson, Barbro Glad,
Kristján Sigurðsson, Lára Guðrún Agnarsdóttir,
Rúnar Sigurðsson, María Ýr Valsdóttir,
Anna Sigurðardóttir, Bjarki Bjarnason
og barnabörn.