Morgunblaðið - 01.08.2000, Page 14

14 ÞRIÐJUDAGUR 1. ÁGÚST 2000
MORGUNBLAÐIÐ
AKUREYRI
Hátt mastur Landssímans veldur deilum
Oánægju-
raddir íbúa í
nágrenninu
Nýlega hefur rísið 30 metra hátt mastur við Fjölnisgötu
á vegum Landssímans. Mastrið er GSM-fjar-
skiptamastur og er að sögn Olafs Stephensen, Landssím-
anum, reist til að bæta GSM-samband í Síðuhverfinu og
-------------------------7---------
bæta afköst GSM-kerfísins á Akureyri. Ibúar í nálægum
götum telja það hins vegar hið mesta umhverfíslýti.
Ekki fengið svör við athugaseradum
Bendikt Guðmundsson segir að aðeins þau
hús sem hafi legið næst lóðinni sem mastrið
var reist á, hafi fengið svokallaða grenndar-
kynningu og tækifæri til athugasemda. „Þeir
eru ansi óánægðir margir héma í kringum mig
því að þeir fengu enga grenndarkynningu. Ég
var einn af fáum sem fékk slíka kynningu og
gerði athugasemdir," sagði Guðmundur. Hann
segist hafa gert athugasemdir við það að í bréfi
frá bænum hafi eingöngu verið sagt að um
fjarskiptamastur var að ræða en ekki sagt
hvers konar. „Einnig var ekki gerð grein fyrir
sendistyrk, úr hvaða átt bylgjurnar kæmu eða
neitt þessháttar. Umfram allt voru ekki gefnir
neinir aðrir valkostir um staðsetningu mast-
ursins á lóðinni. Ég kvartaði yfir þessu, sér-
staklega yfir staðsetningunni, en mastrið er
skammt frá eldhúsglugganum hjá mér,“ sagði
Benedikt.
Hann segir að þetta hafi engan árangur bor-
ið og segist ekki muna til þess að hafa fengið
svar frá bænum við bréfi sínu. „Maður veltir
því fyrir sér til hvers svona grenndarkynning
er ef maður fær ekki svör við athugasemdun-
um.“ Benedikt segir mastrið vera umhverfis-
lýti og telur að grenndarkynning sé ekki nóg
fyrir mannvirki af slíkri stærð. „Maður veltir
því fyrir sér hvort svona mastur, sem reist er
:: i
I:

Morgunblaðið/Kristján
Benedikt Guðmundsson fyrir framan íbúð
sína. I baksýn má sjá mastrið sem óánægja
ríkir um hjá íbúum nærliggjandi húsa.
nánast í miðri íbúðabyggð, þurfi ekki að gang-
ast undir umhverfismat," segir Benedikt.
Finnst þurfa umhverfísmat
Benedikt segir að sér skiljist að dýrara hefði
reynst að reisa mastrið annars staðar vegna
nálægðar við stöðvarhús þar sem það er núna.
„Mér finnst hins vegar að fyrirtæki sem er að
leggja um fimm milljarða í ríkissjóð á næstu
árum vegna hagnaðar á undanförnum árum,
hefði ekki átt að verða skotaskuld úr að byggja
við þetta mastur svo að hægt væri að hafa það
fjarri íbúðabyggðsagði Guðmundur. Hann
segir einnig að enginn viti í raun hvaða lang-
tímaáhrif mastrið geti haft varðandi bylgjur og
geislun. Alla vega hef ég ekki séð neitt slíkt
mat.“ Um það hvort Benedikt hyggist mót-
mæla þessu mastri frekar, sagðist hann hafa í
hyggju að hafa samband við Skipulagsstofnun
ríkisins. „Mig langar að spyrjast fyrii- hvort á
þessum dögum umhverfisvitundar þurfi svona
mannvirki ekki að gangast undir umhverfis-
mat. Það hljóta einhverjar reglugerðir að vera
til um það,“ sagði Benedikt.
Mastrið valdi sem minnstri röskun
Ólafur Stephensen, forstöðumaður upplýs-
inga- og kynningarmála Landssímans, sagði að
strax við hönnun mastursins hefði verið tekið
mið af að það væri í þéttbýli og því reynt að
gera það eins lítið áberandi eins og kostur
væri.
„Við sóttum um byggingarleyfi fyrir mastrið
til Byggingar- og skipulagsnefndar Akureyr-
arbæjar. Eftir að þetta var kynnt fyrir nefnd-
inni var hugmyndin send í grenndarkynningu í
þremur nærliggjandi götum,“ sagði Ólafur.
Hann sagði að eftir grenndarkynningu hefði
aðeins ein athugasemd borist og að hún hefði
fjallað um hugsanlega geislun frá mastrinu.
„Eftir að við höfðum sent ítarleg svör við fyrir-
spurnum nefndarinnar um þau efni sá hún ekki
ástæðu til að gera neinar athugasemdir og
veitti okkur byggingarleyfi," sagði Ólafur.
Engin hætta af rafsegulsviði
Hann sagði að í reglum um slík mastur væri
kveðið á um að þau yrðu að vera lengra en sex
metra frá hýbýlum manna. „Við uppfyllum þá
reglu og vel það.
Hættan af rafsegulsviði er engin og aldrei
hefur verið sýnt fram á hættu af rafsegulsviði í
kringum slík GSM-möstur. Það eru til ákveðin
ákveðin mörk um leyfilegt rafsegulsvið og í
kringum mastrið er sviðsstyrkurinn einungis
um 3% af leyfilegum mörkum," sagði Ólafur.
Hann segir að til þess að tryggja GSM-sam-
band í borgum og bæjum verði að reisa mastur
í þéttbýli og mastrið við Fjölnisgötu sé til að
bæta samband og tryggja sístækkandi hópi
viðskiptavina á Akureyri góða þjónustu. „Sím-
inn reynir alltaf að fara leiðir sem spilla sem
minnst ásýnd umhverfis eða útsýni hjá fólki og
það var einnig þannig í þessu tilfelli," sagði
Ólafur.
Mikið eignatjón í
fimm umferðar-
ðhöppum um helgina
Bflbelti björguðu mannslífum

Morgunblaðið/Kristján
Hlutavelta
SLYS í umferðinni voru tíð í um-
dæmi lögreglunnar á Akureyri um
nýliðna helgi, ökumenn og farþegar
í nokkrum óhappanna voru fluttir á
slysadeild Fjórðungssjúkrahússins
á Akureyri og eignatjón varð um-
talsvert en færa þurfti ökutæki
gjörónýt af vettvangi með kranabíl.
Ökumaður og farþegar í bíl sem
ekið var eftir þjóðveginum í Öxna-
dal, rétt við Bægisá, voru fluttir á
slysadeild eftir óhapp sem þar
varð. Ökumaður bílsins hugðist aka
fram úr bíl sem þá var beygt inn á
veginn inn í Hörgárdal en við það
rákust bílarnir saman. Aftari bíll-
inn hentist fram af 5 metra hárri
vegöxl og stakkst inn í moldarbarð.
Þá sem voru í fremri bílnum sakaði
ekki. Mesta mildi þykir að ekki fór
verr í þessu slysi og telur lögregla
að þar hafi notkun bílbelta bjargað
mannslífum.
Annað óhapp varð við framúr-
akstur á þjóðveginum um Sval-
barðsströnd, rétt við Sigluvík, en
þar var bíl ekið fram úr öðrum með
þeim afleiðingum að hann lenti á
jeppa sem kom á móti. Hann valt
þversum á veginum og lokaði hon-
um um tíma. Að sögn lögreglu bera
vitni að um ofsaakstur hafi verið að
ræða og er leitt að því getum að
bíllinn hafi verið á um 150 til 160
kílómetra hraða. Rann bíllinn um
150 metra út af veginum vinstra
megin, afturhjól hans brotnuðu
undan honum þannig að hann rann
stjórnlaust eftir veginum og utan
hans. Ökumaður og farþegi bílsins
sem valt voru flutt á slysadeild en
meiðsl þeirra reyndust minniháttar
að sögn varðstjóra lögreglunnar á
Akureyri. Að mati lögreglu björg-
uðu bílbelti og líknarbelgir því að
ekki varð banaslys. Báðir bílarnir
skemmdust mjög mikið.
Þrír leituðu aðstoðar á slysadeild
eftir að bíl hafði verið ekið á hálfs
metra háan steyptan vegg á bíla-
stæði við Melasíðu, en ökumaður
kvaðst hafa blindast af sól.
Ökumaður sem var að fara fram
úr kranabíl við eyðibílið Fagranes í
Öxnadal, skammt frá Engimýri,
lenti í heldur kröppum dansi, en að
sögn lögreglu virðist hann hafa
beygt heldur snemma inn á hægri
akreinina aftur. Hægra afturhorn
bílsins rakst á vinstra framhornið á
krananum, en við það snerist fólks-
bíllinn þversum fyrir framan kran-
ann og ýttist á undan honum allt að
50 metra leið. Bíllinn stórskemmd-
ist en ökumann sakaði ekki.
Þá má nefna að aftanákeyrsla
varð á Hlíðarbraut á móts við
Merkigil síðdegis á sunnudag og
var ökumaður aftari bflsins fluttur
á slysadeild. Bílarnir skemmdust
báðir mikið.
ÞESSIR dugmiklu krakkar héldu á
dögunum hlutaveltu. Ágóðinn var
8.809 krónur og rann það til Rauða
krossins. Krakkarnir heita Róbert
Örn Guðmundsson, Þuríður Helga
Ingvarsdóttir, Davíð Orri Guð-
mundsson, Auður Anna Jónsdóttir
og Guðrún Margrét Jónsdóttir.
Yinnings-
hafar
ÁFENGIS- og vímuvarnanefnd Ak-
ureyrar gaf út blað í maímánuði sem
nefndist Án vímu. í blaðinu var
getraun sem fjölskyldur voru hvatt-
ar til að taka þátt í. Þátttakan var
mjög góð og dró bæjarstjórinn,
Kristján Þór Júlíusson, úr réttum
svörum þann 21. júlí síðastliðinn.
Vinningshafar voru: Fjölskyldan
Ásabyggð 4, austan og hlaut hún
30.000 krónur.
Fjölskyldan Hamragerði 29, sem
fékk helgardvöl að Ytri-Vík.
Fjölskyldan Kiistnesi 9, Eyja-
fjarðarsveit, en hún fékk sundmiða
fyrir alla í Sundlaug Akureyrar.
------------------
Fagursöngur
fellur niður
FAGURSÖNGUR sem átti að vera í
Deiglunni Kaupvangsstræti 23 á
vegum Listasumars á Akureyri í
kvöld, þriðjudagskvöldið 1. ágúst,
með Sigríði Elliðadóttur fellur niður
af óviðráðanlegum orsökum.
Slökkvilið Akureyrar
Akureyrarbær segir upp samn-
ingi við Brunavarnir Eyjafjarðar
AKUREYRARBÆR hefur sagt upp samningi við
Brunavarnir Eyjafjarðar um rekstur og umsjón
slökkviliðsbíls á svæði Brunavarna Eyjafjarðar,
með sex mánaða fyrirvara. Forsvarsmenn Akur-
eyrarbæjar eru þó reiðubúnir að taka upp við-
ræður um nýjan samning, en bent er á í því sam-
bandi að auknar skyldur hafa verið lagðar á
sveitarfélög í brunavörnum og eftirliti.
Brunavarnir Eyjafjarðar hafa yfir að ráða ein-
um slökkvibíl, sem staðsettur er á Slökkvistöð
Akureyrar, mannaður þaðan og getur slökkviliðið
notaðan hann eftir þörfum. Tómas Búi Böðvars-
son, slökkviliðsstjóri á Akureyri, sagði umrædd-
an samning frá árinu 1966 og því barn síns tíma.
Þurfum að sameinast
„Við höfum fengið margar athugasemdir frá
Brunamálastofnun vegna samningsins, að hann
uppfylli ekki kröfur, enda nær hann einungis til
slökkviþáttarins en ekki til ábyrgðar og forvarn-
arstarfs.
Hólmgeir Karlsson, oddviti Eyjafjarðarsveitar,
var rétt búinn að fá bréfið um uppsögn samnings-
ins í hendur er Morgunblaðið hafði samband við
hann og hafði því ekki kynnt sér nákvæmlega
hvað lægi þarna að baki. „Ég sé þó fyrir mér að
við þurfum að sameina Brunavarnir Eyjafjarðar
og Slökkvilið Akureyrar. Það á bara að vera til
eitt slökkvilið sem þjónar útkalli, hvort sem það
er úr sveitunum hér í kring eða í bænum.
Tómas Búi sagði að tveir möguleikar væru í
stöðunni, annars vegar að Slökkvilið Akureyi'ar
tæki þessa þætti að sér í verktöku eða að um sam-
einingu við Brunavarnir Eyjafjarðar yrði að
ræða. Brunavörnum hefur verið sinnt innan sveit-
ar í Eyjafjarðarsveit og að hafa þeir hlutir verið í
ágætu lagi, að sögn Hólmgeirs. „Hins vegar er
engin spurning að það væri miklu betra að hafa
þá vinnu á sama stað. Hættan er sú að slökkvilið
sem kallað er út hafi ekki nýjustu upplýsingai',
t.d. til að rata um byggingar."