Morgunblaðið - 03.08.2000, Blaðsíða 27

MORGUNBLAÐIÐ
FIMMTUDAGUR 3. ÁGÚST 2000 27
ÚRVERINU
Arsskýrsla Rf
7 milljónir
í hagnað
RANNSÓKNARSTOFNUN fisk-
iðnaðarins hefur gefið út ársskýrslu
sína, en þar kemur fram að stofnunin
var rekin með 7 milljóna króna tekju-
afgangi á síðasta ári. Tekjur jukust
frá fyrra ári um 17% og voru um 356
milljónir króna en rekstrargjöld voru
um 349 milljónir króna.
Rannsóknarstofnun fiskiðnaðarins
rekur nú fimm útibú, í Reykjavík, á
Akureyri, ísafirði, í Neskaupstað og
Vestmannaeyjum, en þau tvö síðast-
nefndu fluttu í nýtt húsnæði á árinu.
Hjörleifur Einarsson forstjóri segir í
ávarpi sínu að árið 1999 hafi verið
unnið að því að byggja upp og tryggja
fjárhagslegan grunn Rf en það sé
nauðsynleg forsenda þess að stofnun-
in sinni hlutverki sínu sem er að
stunda rannsóknir, framkvæma mæl-
ingar og prófanir, veita ráðgjöf, miðla
upplýsingum og annast fræðslu fyrir
sjávarútveginn, matvælaiðnað og
tengdar greinar.
Rf stóð að ýmsum ráðstefnum og
fundum á árinu og má nefna ráðstefn-
una „From catch to consumers" sem
haldin var í Kópavogi í september og
norrænu skynmatsráðstefnuna sem
haldin var um svipað leyti. Rf tók þátt
í mörgum verkefnum á árinu en velta
rannsóknarsviðs stofnunarinnar hef-
ur tvöfaldast á síðustu tveimur árum.
Þjónustumælingar sveifluðust sem
íyrr í takt við sjávarútveginn en þjón-
ustumælingar er stærsti tekjuliður
Rf ef ríkisframlag er fráskilið.
Stærstur hluti efna- og örverumæl-
inga fer fram í Reykjavík en mæling-
ar drógust heldur saman á lands-
byggðinni að Neskaupstað undan-
skildum.
-----*-H------
Of heitt í
Norðursjó
NIÐURSTÖÐUR rannsóknar á veg-
um rannsóknamiðstöðvar fiskveiða
og fiskeldis í Bretlandi (CEFAS) og
birt var í tímaritinu Nature gefa til
kynna tengsl milli hækkandi yfir-
borðshita í Norðursjó og hnignun
þorskstofnsins á hafsvæðinu.
Hitastig sjávar í Norðursjó hefur
hækkað á imdanförnum áratug en á
sama tíma hefur þorskveiði dregist
saman úr 200 þúsund tonnum árið
1980 í 100 þúsund tonn að meðaltali á
árunum 1990 til 1998. Hrygning tókst
þó mjög vel árið 1996 en þá var vorið
óvenju kalt. Það skilaði sér í góðri
veiði 1998. CEFAS telur að einnig
megi rekja hnignum þorskstofnsins
til ofveiði og bendir á að stór hluti
stofnsins sé veiddur áður en fiskur-
inn nær kynþroska. Fiskimenn vilja
auk þess kenna jarðhræringum í
Norðursjó um ófarir þorskstofnsins.