Morgunblaðið - 03.08.2000, Side 32

32 FIMMTUDAGUR 3. ÁGÚST 2000
MORGUNBLAÐIÐ
FERÐALÖG
Borgarfjördur eystri
Morgunblaðið/Bryndls
Brautin iiggur upp á hdlmann þaðan sem varpstaðir ýmissa fugla-
tegunda sjást vel.
Á vappi meðal
lundanna
Á BORGARFIRÐI eystra er nú
hægt að skoða fjölskrúðugt fuglalíf
úr nokkurra metra fjarlægð en þar
hefur verið komið upp göngubraut
úr timbri uppi á hólma við höfnina.
Þar verpa tugir þúsunda lunda,
nokkur hundruð ritur, á þriðja þús-
und æðarfuglar og 100-200 fýlapör.
Brautin var byggð til að fólk
gæti séð varpið og fuglana í návígi
án þess að fæla fuglana. Það hefur
gengið ágætlega, að sögn Magnús-
ar Þorsteinssonar, oddvita Borgar-
fjarðarhrepps eystra, fyrir utan að
nokkrir tugir lundapara sem
bjuggu næst gangbrautinni hafa
ekki skilað sér í varp. Af brautinni
má skoða fuglana úr aðeins nokk-
urra metra fjarlægð og segir
Magnús að þeir séu nú orðnir ótrú-
lega gæfir þó að fólk sé á ferli.
„Fuglinn styggist helst þegar fólk
gengur bak við hann en á meðan
hann hefur viðkomandi í sjónmáli
þá er hann rólegri."
Ungarnir sveltir að heiman
Fyrri hluta sumars sjást aðeins
fullvöxnu fuglamir en ungarnir
skríða ekki úr holunum fyrr en
seinnipartinn í ágúst þegar þeir
hafa verið sveltir út. „Foreldrarnir
bera í þá fæðu þar til þeir eru orðn-
ir feitir og sællegir, en síðan hætta
þeir að fæða þá svo þeir grennist,
en í fyrstu eru þeir ófleygir vegna
fitu. Þeir fara aldrei upp úr holun-
um fyrr en þeir era orðnir fleygir
svo það má segja að þeir séu sveltir
upp úr holunum, en þegar þeir fara
loksins út, fljúga þeir beint út á
haf.“ Göngubrautin var opnuð árið
1997 og þá var aðeins opið frá 13-
17 á daginn til að venja lundann við
umferð. „Þessi framkvæmd hefur
mælst vel fyrir og hafa flestir
ferðamenn nýtt sér aðstöðuna. Við
höfum lengt opnunartímann í
áföngum til að venja lundann við
umferð og nú er opið frá 10-19 á
daginn," en á morgnana og seint á
kvöldin er lundinn viðkvæmur fyrir
umferð og þarf að fá að vera í friði,
að sögn Magnúsar. Á öðrum stað í
hólmanum hefur einnig verið kom-
ið upp útsýnispalli þaðan sem hægt
er að virða fyrir sér rituvarp í
klettunum í aðeins nokkurra metra
fjarlægð. Hólminn er ekki eini
staðurinn til fuglaskoðunar í firðin-
um því síðastliðið vor var sett upp
fuglaskoðunarhús í þorpinu þar
sem samtímis er hægt að skoða allt
að 20 fuglategundir í fjörunni og
segir Magnús fuglalífið vera fjöl-
skrúðugast í maí og júnf.
Morgunblaðið/Halldór Kolbeins
Himbriminn á
Þingvallavatni
HIMBRIMINN, bátur Þingvalla-
vatnssiglinga, verður í útsýnissigl-
ingum um Þingvallavatn alla verslun-
armannahelgina, þ.e.a.s. laugardag,
sunnudag og mánudag.
í fréttatilkynningu frá Þingvalla-
vatnssiglingum segir að báturinn taki
20 manns í sæti og lagt verði upp frá
bryggjunni á Skálabrekku í Þing-
vallasveit klukkan 11, 14 og 17 en
einnig er hægt að fara á öðrum tím-
um eftir samkomulagi.
í ferðinni verður spjallað um það
helsta sem fyrir augu ber í landslag-
inu, sagðar sögur af mannlífí við vatn-
ið og lífríki þess undir yfirborðinu.
Hægt er að velja um þijár mislang-
ar leiðir; einnar og hálfrar klukku-
stundar hring um vatnið, tveggja og
hálfrar stundar hring með viðkomu í
Amarfelli og stutta eyjasiglingu, sem
tekur um 40 mínútur.
I fréttatilkynningu segir enn frem-
ur að hægt sé að setja saman sérstak-
ar ferðir sem henta hverjum hóp fyrir
sig og til dæmis er hægt að renna fyr-
ir fisk og grilla í fjöranni, fara í fjall-
göngu eða leiki.
Auk hinna hefðbundnu útsýnissigl-
inga hafa óvissuferðir og starfs-
mannafélagaferðir notið mikilla vin-
sælda. Þá er hægt að leigja bátinn
sérstaklega í veiðiferðir.
Á siglingunni gefst færi á að kaupa
létta hressingu eins og til dæmis
heimabakaðar skonsur með reyktum
Þingvailasilungi.
Nánari upplýsingar um ferðir
Himbrimans er á slóðinni
www.himbriminn.is.
Lagarfljótsormurinn stoppar við Húsatangg
Gamanmál
í indjánatjaldi
Norður-Héraði
LAGARFLJÓTSORMURINN er
farþegafeija sem gengur áætlunar-
ferðh- um Lagarfljótið, eða Fljótið
eins og heimamenn kalla það
gjarna, yfir sumarmánuðina júní,
júlí og ágúst.
Hefðbundin siglingaleið ferjunn-
ar er frá Egilsstöðum upp í Atlavík
þar sem stoppað er, síðan er siglt
aftur til Egilsstaða og umhverfi
Fljótsins skoðað í ferðinni. Um
borð er hægt að fá keypta hress-
ingu allt frá gosi, sælgæti og kaffi
upp í súpu dagsins og steiktan sil-
ung úr Lagarfljóti.
Skipstjórinn Aðalsteinn Valdi-
marsson lýsir því sem fyrir augu
ber á leiðinni og segir það helsta í
sögu staðanna sem sjást á Fljóts-
bakkanum. Einnig er sögustund
íyrir krakkana um borð þar sem
sagt er frá orminum í Fljótinu, Sig-
ríður Halldórsdóttir segir söguna
en hún er spiluð af geisladiski.
Röskun vegna þurrka
Að sögn Sigurðar Ananíussonar
framkvæmdastjóra hefur nýting
verið nokkuð góð í sumar og al-
gengur fjöldi í ferðunum 50 til 110
manns en það er það hámark sem
feijan má bera samkvæmt íslensk-
um reglum. Þess má geta að þegar
feijan var smíðuð í Rússlandi var
gefið upp að hún mætti bera 425
manns. Nokkur röskun varð á ferð-
um ferjunnar í lok júlí vegna þess
að vatnsborð Lagarfljóts lækkaði
veralega vegna þuirkanna sem þá
gengu yfir. En það komst strax I lag
aftur þar sem grafið var upp úr
innsiglingunni og lokur settar íyrir
við Lagarfossvirkjun svo aftur
hækkaði í Fljótinu. Vegna þessa
þurfti aðeins að sigla einn dag frá
bráðabirgðaflotbryggju við Skipa-
læk.
Morgunblaðið/Sig Að
Gylfi Björnsson leikur undir fjöldasöng á heimleiðinni og skipstjór-
inn Aðalsteinn Valdimarsson leiðir sönginn.
Grillmeistarinn Sigurður Ananíasson framkviemdastjóri Lagar-
fljótsormsins ber sig fagmannlega að við grillið.
Landgangurinn er að uppistöðu gamall hertrukkur sem Hákon á og
bakkað er út í fljótið til móts við ferjuna.
Vinsælustu ferðirnar á
fimmtudögum
Sigurður segir að vinsælustu
ferðirnar séu á fimmtudögum en þá
er lagt upp í seinni ferð klukkan 17
og siglt upp í Atlavík þar sem
stoppað er í hálfa klukkustund og
teknir fai-þegar. Þaðan er siglt yfir
Fljótið að Húsum í Fljótsdal þar
sem lagt er að Húsatanga og feijan
Lagarfljótsormurinn er bundin við
Tangann, sem Lagarfljótsormur-
inn hinn eini sanni var bundin við í
fymdinni, og þar liggja þeir bundn-
ir hlið við hlið í þrjá klukkutíma og
fer hið besta á með þeim.
Meðan Ormarnir liggja bundnir
við Húsatangann fara farþegarnir í
land og ganga til tjalds sem Hákon
Aðalsteinsson og Sigrún Bene-
diktsdóttir skógarbændur á Húsum
hafa reist á Fljótsbakkanum. Geng-
ið er í land um allsérstæðan land-
gang sem að uppistöðu er gamall
hertrakkur sem Hákon á og bakkað
er út í Fljótið til móts við ferjuna.
í tjaldinu fer Hákon bóndi með
gamanmál fyiir farþegana og segir
söguna um uppruna ormsins í Lag-
arfljóti og þegar hann var kveðinn
niður í regindjúp Fljótsins og tjóðr-
aður með rammasta galdri við
Húsatanga þar sem hann hefur leg-
ið bundinn síðan.
Grill og harmonikuleikur.
Meðan fólk hlustar á sögur
bónda grillar Sigurður Ananíasson
ofan í mannskapinn og slegið er upp
átveislu mikilli. Á harmoniku leikur
Gylfi Björnsson á Hofi.
Þegar áti og gamanmálum er lok-
ið er skipið leyst frá Húsatanga en
gætt er vel að því að sá gamli losni
ekkiog siglt er áleiðis til hafnar á
Egilsstöðum. Á leiðinni leikur Gylfi
á harmonikuna undir fjöldasöng
sem skipstjórinn Aðalsteinn gjarn-
an leiðir.
• Ferðir eru alla daga nema
mánudaga klukkan 12.30 og
klukkan 17. Á föstudögum
og laugardögum er aukaferð
klukkan 21.15.
—'

Indjánaljaldið á Húsatanganum er byggt úr heimafengnu lerki. Uppistöðurnar eru lerkibolir og þiljað
utan á þá með lerkifjölum. Strompurinn er tjaldaður hreindýraskinni og bálkurinn kringum eldstæðið
inni í tjaldinu er líka þakinn skinnum af lömbum og hreindýrum.