Morgunblaðið - 12.08.2000, Qupperneq 6

6 LAUGARDAGUR 12. ÁGÚST 2000
MORGUNBLAÐIÐ
FRÉTTIR
Árlegnr fundur íslenskulektora við erlenda liáskóla
Morgunblaðið/Jim Smart
Árlegur fundur íslenskulektora við erlenda háskðla hófst í gær og heldur áfram í dag.
Mikill áhugi
en skortur á fé
ÁRLEGUR fundur íslenskulektora
sem starfa við erlenda háskóla byrj-
aði í gær, en fundurinn heldur áfram
í dag. Fundinn sækja lektorar sem
kenna íslensku í háskólum í Evrópu,
en hann er skipulagður af Stofnun
Sigurðar Nordals sem hefur umsjón
með íslenskukennslu í fjórtán
evrópskum háskólum.
Að sögn Úlfars Bragasonar, for-
stöðumanns stofnunarinnar, styður
ríkið íslenskukennslu við þessa há-
skóla og verður sérstaklega fjallað
um nýja úttekt á kennslu í nútímaís-
lensku við erlenda háskóla sem
menntamálaráðuneytið lét gera á
skólaárinu. Hann segir úttektina
fjalla um stöðu kennslunar, hvaða
gögn skuli notuð við íslensku-
kennsluna og hvort kennaramir geti
nálgast slík gögn. Að sögn Úlfars er
áhugi mikill erlendis á íslenskunni,
en fjárveitingar margra evrópskra
háskóla miðast við hve margir ljúka
prófi frá deildum innan skólanna.
Þetta gerir íslenskunni erfitt fyrir
vegna þess hve fáir ljúka prófi, enda
oft ekki boðið upp á það, þó svo að
námskeiðin séu í flestum tilfellum vel
sótt.
Rristinn Jóhannesson kennir ís-
lensku við Gautaborgarháskóla.
Hann hefur kennt íslensku erlendis í
tuttugu og fimm ár, fyrst í Finnlandi
og svo í Svíþjóð. „Þetta er fjölbreytt
starf,“ segir Kristinn. „Þetta er mik-
ið upplýsingastarf um Island, menn-
ingu, bókmenntir og þjóðfélag. Nem-
endur sem sækja námskeiðin koma
frá ýmsum sviðum, en margir sem
lesa almennar bókmenntir, landa-
fræði, jarðfræði eða norðurlanda-
málin skrá sig í íslenskunámskeið.
Einnig sækir fólk námskeiðin sem
ekki er í háskólanámi en hefur áhuga
á Islandi.“ Kristinn segir námskeiðin
vel sótt hjá sér. „Vandamálið er hins-
vegar að fjármálastjómun innan há-
skólanna er að breytast og oft eiga
lítil tungumál, eins og íslenskan, í vök
að verjast. Stjómendur háskólanna
sjá oft meiri þörf fyrir aukakennara í
útbreiddari tungumálum, svo sem
ensku og frönsku, og það er ekki
endilega vilji fyrir hendi að manna
stöður í íslensku," sagði Kristinn, en
flestar stöðumar eru nær eingöngu
fjármagnaðar af viðkomandi háskól-
um þó svo að íslenska ríkið veiti
styrki til kennslunnar, að hans sögn.
7% minni
umferð
en í fyrra
UMFERÐ í Hvalfjarðargöngunum
var 7% minni um verslunarmanna-
helgina í ár en í fyrra. Alls fóra 22.669
bílar um göngin frá föstudegi til
mánudags í ár en 24.204 bílar á sama
tímabili í fyrra, 1.538 bílum fleiri.
Líkleg skýring þykir að mun færri
íbúar suðvesturhomsins héldu til Ak-
ureyrar um verslunarmannahelgina í
ár en í fyrra.
---------------
Bflvelta vid
Landmanna-
laugar
BÍLL valt við Frostastaðavatn á
veginum sem liggur til Landmanna-
lauga um klukkan 21.30 í gærkvöld.
Að sögn lögreglu var einn maður í
bílnum, skoskur ferðamaður, og
slapp hann alveg ómeiddur.
Ekki er vitað hvað olli slysinu en
bíllinn, sem er bílaleigubíll, endaði á
hvolfi og er mikið skemmdur.
------4-4-4----
Óbreytt líðan
LÍÐAN piltanna tveggja, sem lentu í
flugslysinu í Skerjafirði á sunnudag-
inn, er óbreytt. Piltarnir, sem báðir
era 17 ára gamlir, liggja alvarlega
slasaðir á gjörgæsludeid Landspítal-
ans í Fossvogi, þar sem þeir era
tengdir öndunarvélum.
Lína.Net um ljdsleiðaratengingu
grunnskólanna
Eina fyrirtækið sem
getur gert þetta
Morgunblaðið/Ragnhildur Aðalsteinsdóttir
Gengið við Dettifoss
EIRÍKUR Bragason, fram-
kvæmdastjóri Línu.Nets, segir fyr-
irtækið vel í stakk búið til að tengja
grannskóla Reykjavíkur inn á ljós-
leiðaranetið sem fyrst. „Það má
segja að allir þeir sem eiga skóflu
og ljósleiðararúllu geti lagt ljósleið-
arakerfi," sagði hann í gær. „Þetta
snýst hinsvegar um hversu fljótt og
hvemig verður staðið að svona
tengingu. Við bjóðum upp á fram-
tíðarlausn, klæðskerasniðna fyrir
grannskólana. Það er gífurleg
gagnaflutningsþörf á milli skólanna
og það er hagkvæmast og eðlilegast
að þetta sé á sérstöku ljósleiðara-
neti. Landssíminn hefur ekki boðið
upp á það og vill heldur að sam-
skiptin á milli skólanna fari í gegn-
um net Landssímans."
Landssíminn telur ekki rétt að
Lína.Net sé eini aðilinn á landinu
sem geti sinnt þessari þjónustu og
hefur fyrirtækið kært fyrirhugaðan
samning Fræðslumiðstöðvar
Reykjavíkur og Línu.Nets
Eríkur segir Línu.Net hafa
byggt upp öflugt ljósleiðarakerfi á
höfuðborgarsvæðinu sem best væri
lýst sem margþráðakerfí. Að hans
sögn er þetta ný aðferðafræði í
fjarskiptakerfum og er hún mjög
frábragðin eldri hugsunarhætti. Að
sögn Eiríks er ekki að undra að
Fræðslumiðstöð Reykjavíkur hafi
valið Línu.Net til þess að sjá um að
tengja grannskóla borgarinnar ljós-
leiðaraneti, en hann heldur því
fram að Lína.Net hafi náð að koma
fótum undir mun öflugra ljósleið-
aranet á 10 mánuðum en Landssím-
inn á 100 áram.
Að sögn Eiríks getur Lína.Net
komið lykilskólum í grannskóla-
kerfinu, sem verða hluti af burðar-
hring netsins, inn í haust. Þessir
skólar era Melaskóli, Engjaskóli,
Laugarnesskóli, Seljaskóli og
Hvassaleitisskóli, en áður hafa þrír
skólar tengst kerfinu „Lykilskól-
arnir geta verið tengdir netinu eftir
nokkrar vikur,“ sagði hann. „Hinir
skólamir koma svo inn í áföngum
og við reiknum með að allir skól-
arnir verði svo tengdir næsta vor.
Við eram eina fyrirtækið á landinu
sem getur gert það.“
Eiríkur sagði það undarlegt af
Landssímanum að kæra borgina
sem er einn af stærstu viðskipta-
vinum fyrirtækisins, en kæran
kæmi sér vel fyrir Línu.Net. „Það
er okkur í hag að fjarskiptaþjón-
usta ríkisfyrirtækja sé boðin út.
Fjarskiptaþjónusta Háskóla íslands
og menntaskólanna hefur ekki verið
boðin út. Landsbankinn samdi beint
við Landssímann og við fengum
ekki einu sinni að gera tilboð í þá
þjónustu þó svo að við hefðum ósk-
að eftir því. Einnig hafa öll ráðu-
neytin samið beint við Landssím-
ann án þess að við höfum fengið að
gera tilboð," sagði Eiríkur. „Það er
mikil ánægja á meðal okkar með
gang mála, en kæran hefur leitt til
þess að öll fjarskiptaþjónusta ríkis-
ins og Reykjavíkurborgar verður
boðin út í framtíðinni. Og það kem-
ur sér mjög vel fyrir okkur.“
ÞAÐ er eins gott að halda sig
réttu megin við línuna þegar
gengið er fram hjá Dettifossi,
vatnsmesta fossi Evrópu, en á
myndinni má glöggt sjá hversu
mikilfenglegur og aflmikill foss-
inn er.
Oft er mikill úði nálægt stórum
fossum og því ágætt að vera með
regnhúfu. Úðinn gerir það að
verkum að stórir steinar verða
oft sleipir og því er gott að vera í
góðum gönguskóm og ekki er
vcrra að vera með hund sér til
halds og trausts.
Fótsveppalyf dýrari og meira notuð
hér en á hinum Norðurlöndunum
INGIBJÖRG Pálmadóttir heil-
brigðisráðherra fundaði í gærmorg-
un með Sigurði Guðmundssyni
landlækni og Haraldi Briem sótt-
varnarlækni um leiðir til að stemma
stigu við sýkingu fótsvepps.
Talið er að um 30 prósent karl-
manna sem sækja sundlaugar sýk-
ist af fótsvepp. Talaði Ingibjörg um
að rétt hreinlæti sé talið geta
minnkað sýkingar veralega.
Eins og komið hefur fram í Morg-
unblaðinu, era ávísanaskyld fót-
sveppalyf ekki lengur niðurgreidd
Heilbrigðisyfírvöld leita leiða til að
fækka sýkingum
af Tryggingastofnun. Sagði Ingi-
björg í samtali við morgunblaðið að
með þessu hefðu fótsveppalyfin ver-
ið sett undir sama hatt og sýklalyf,
sem hafa ekki verið niðurgreidd í
hartnær 10 ár. Auðvitað væri til-
gangurinn sá að minnka kostnað
ríkisins vegna þessara lyfja en einn-
ig að minnka notkun þeirra í ljósi
þess að hún væri margfalt meiri hér
á landi en annars staðar á Norður-
löndunum.
í gögnum frá heilbrigðisráðu-
neytinu kemur fram að notkunin er
rúmlega fjóram sinnum meiri hér á
landi en t.d. í Danmörku.
Einnig kom fram í máli Ingi-
bjargar að í ráðuneytinu er verið að
kanna hvernig staðið geti á því að
verð á fótsveppalyfjum er 40-70
prósent hærra hér á landi en t.d. í
Svíþjóð.
Heimild til útgáfu lyfjakorts
Varðandi fuOyrðingar um að hóp-
ur sjúklinga hafi ekki efni á að leysa
út lyfín sín, segir Ingibjörg að komið
hafi verið til móts við þá tekju-
lægstu og þá sem þjást af krónísk-
um sýkingum með því að í júní var
gefin út reglugerð sem heimilar
úgáfu lyfjaskírteinis í þeim tilvikum.