Morgunblaðið - 12.08.2000, Qupperneq 11
MORGUNBLAÐIÐ
LAUGARDAGUR 12. ÁGÚST 2000 11
FRÉTTIR
Lokið við frumathugun á umhverfísáhrifum fyrirhugaðra framkvæmda á Reykjanesbraut
SKIPULAGSSTOFNUN hefur lok-
ið frumathugun á umhverfísáhrifum
fyrirhugaðra framkvæmda á
Reykjanesbraut við Mjódd og hefur
skipulagsstjóri ríkisins fallist á þær
með ákveðnum fyrirvörum. Ráðgerð
eru tvenn mislæg gatnamót, annars
vegar á mótum Reykjanesbrautar,
Nýbýlavegar og Breiðholtsbrautar,
hins vegar á mótum Reykjanes-
brautar, Smiðjuvegar og Stekkjar-
bakka. Þá verður á næstunni ráðist í
gerð þriðju akreinar á Miklubraut til
austurs, milli Kringlumýrarbrautar
og Háaleitisbrautar.
Áætlaður heildarkostnaður fram-
kvæmda við mislægu gatnamótin er
um 1.270 milljónir króna. Vegagerð-
in fer með framkvæmd verksins í
samvinnu við Reykjavíkurborg og
Kópavogsbæ. Fyrsta hluta verksins
á að bjóða út seinni hluta þessa árs
og á honum að vera lokið að mestu
leyti í lok ársins 2001. Útboð annars
hluta verksins er fyrirhugað árið
2003 og lok þess hluta á árinu 2005.
Fyrsti áfangi framkvæmdanna felst
í byggingu punktgatnamóta á mót-
um Reykjanesbrautar, Nýbýlavegar
og Breiðholtsbrautar, lagfæringum
á Dalvegi, tengingum að Byko, ljósa-
gatnamótum við Nýbýlaveg, undir-
göngum undir Breiðholtsbraut fyrir
umferð um Álfabakka, göngustíg og
tvennum undirgöngum fyrir gang-
andi umferð undir Dalveg og Ný-
býlaveg og nauðsynlegum tenging-
um göngustíga.
Markmið framkvæmdanna er að
auka umferðarrýmd og draga úr
slysahættu, einkum á Reykjanes-
braut.
Aukin hljóðmengun
helsti ókostur
Meginathugasemdir skipulags-
stjóra varðandi framkvæmdirnar
snúa að aukinni hljóðmengun í at-
vinnu- og íbúðarhúsnæði í nágrenni
gatnamótanna en einnig er fjallað
um mögulega röskun á útivistar-
svæðinu í Elliðaárdal vegna nýrra
gatnamóta. Telur skipulagsstjóri
brýnt að komið verði í veg fyrir auk-
inn hávaða í Elliðaárdal með því að
setja upp hljóðvarnir, sem jafnframt
miði að því að draga úr sjónmengun
frá útivistarsvæðinu séð.
Samkvæmt frummatsskýrslu er
hávaði nú þegar yfir viðmiðunar-
mörkum reglugerðar um hávaða á
fjórum stöðum, þ.e. að Árskógum 6
og 8, Þangbakka 8-10, Bleikargróf
Morgunblaðið/Golli
Onnur mislægn gatnamdtin á Reykjanesbraut eiga að koma á mdtum Reykjanesbrautar og Breiðholtsbrautar.
Ráðgera tvenn mislæg
gatnamót við Mjódd
við Reykjanesbraut og við Smiðju-
veg 13-23.
Náttúruvemd ríkisins gerir í um-
sögn sinni athugasemd við þá full-
yrðingu að svæðið sem fer undir
framkvæmdir hafi ekkert sérstakt
til að bera í gróðurfarslegu tilliti og
segir hana vera órökstudda. Ekki
íylgi nein úttekt eða kort sem sýni
dýralíf eða gróðurfar, né sé vitnað í
greinargóðar heimildir sem liggi fyr-
ir um náttúmfar á þessu svæði. Of-
angreindar upplýsingar þurfi að
liggja fyrir áður en ákvörðun verður
tekin. Bendir Náttúruverndin á að
hluti þess svæðis sem fari undi
brautina hafi verið skilgreindur sem
útivistarsvæði á skipulagi.
Yfirborðsvatni verður safnað
saman og það hreinsað
í svöram framkvæmdaraðila við
athugasemdum Náttúmverndar rík-
isins er tekið undir sjónarmið Nátt-
úmvemdar varðandi náttúmlega
sérstöðu, fegurð og mikilvægi
Elliðaárdalsins fyrir íbúa Reykja-
víkur. Framkvæmdir við gatnamótin
muni hins vegar ekki hafa áhrif á
Elliðaárdalinn nema að því leyti sem
ofanvatn af götum renni í vestur-
kvísl Elliðaánna.
Ráðgert er að safna yfirborðs-
vatni af svæðinu saman og veita því
um sérstakar tjamir til að hreinsa
það. Tjarnirnar, sem útbúnar verða,
eiga að taka við sótögnum, ýmiss
konar næringarefnum, þungmálm-
um, söltum og fleiru. Með þessu
kerfi mun reynt að stemma stigu við
því að mengandi efni berist með af-
rennslisvatni í vestari kvísl Elliða-
ánna og Kópavogslæk.
Skipulagsstjóri ríkisins fellst á
íyrirliggjandi áætlun að uppfylltum
þremur skilyrðum.
í fyrsta lagi að undirgöng fyrir
gangandi umferð undir Breiðholts-
braut, við gatnamót Breiðholts-
brautar, Stekkjarbakka og Skógar-
sels, verði gerð í fyrsta áfanga
verksins sem er í samræmi við kröfu
borgaryfírvalda.
I öðm lagi setur skipulagsstjóri
það skilyrði að við hönnun hljóð-
varna verði miðað að því að bæta
hljóðvist við íbúðar- og atvinnusvæði
og á útivistarsvæðum á áhrifasvæði
framkvæmdanna eins og framast er
kostur. Er þess krafist að haft verði
samráð við íbúa og eigendur fast-
eigna um endanlega hönnun hljóð-
varna og frágang svæðisins.
Þriðja og síðasta skilyrðið, sem
skipulagsstjóri setur, er að fram-
kvæmdaraðili grípi til viðeigandi að-
gerða, komi það í ljós við reglu-
bundnar eftirlitsmælingar að hávaði
frá umferð um mislæg gatnamót
Reykjanesbrautar við Mjódd sé yfir
viðmiðunarmörkum.
Helgi Hallgrímsson vegamála-
stjóri sagði í samtali við Morgun-
blaðið að verið væri að athuga
hvernig hægt væri að uppfylla skil-
yrðið um undirgöng undir Breið-
holtsbraut og hvað það kæmi til með
að kosta. Skilyrðin um hljóðmengun-
arvarnir væm einfaldlega „hefð-
bundin þéttbýlisskilyrði".
Miklabraut breikkuð
til austurs
Borgarskipulag Reykjavíkur hef-
ur auglýst deiliskipulag, sem felst í
breikkun Miklubrautar í stefnu
austur frá Kringlumýrarbraut til
Grensásvegar um eina akrein. Kall-
ar það á breytingar á gatnamótum
við Kringlumýrarbraut, Háaleitis-
braut og Grensásveg. Að- og frárein-
um við Kringlu verður breytt, sem
og skipulagi göngu- og hjólreiða-
stíga. Girðing verður sett upp á mið-
eyju Miklubrautar og þannig komið í
veg fyrir umferð gangandi vegfar-
enda utan við gangbrautir við gatna-
mót og undir brú við Kringlu. Stend-
ur til að framkvæmdir verði hafnar
og þeim lokið í haust.
Áð sögn vegamálastjóra er hér
verið að ljúka breikkun Miklubraut-
ar vestur að Kringlumýrarbraut.
Aðspurður kvað hann áætlanir um
frekari breikkun Miklubrautar vest-
ur í bæ ekki liggja á borðinu en haf-
inn væri undirbúningur að færslu
Hringbrautar suður fyrir Tanngarð í
samræmi við samning á milli
Reykjavíkurborgar og ríkisins.
Sagði hann að það væri í athugun
hvað gert yrði frá Miklatúni austur
að Kringlumýrarbraut en enginn
botn væri kominn í það mál.
ÚTSÖLULOK
Síðasti dagur í dag, laugardag
Allt að 80
afsláttur
Með tösku, borasetti,
hleðslutæki og skrúfbitasetti
■■ ■■
OPIÐ OLl KVOLD TIL KL 21
JtÉ% METRO
Skeifan 7 • Simi 525 0800
DKNY, VIRMANI, GERARD DAREL, FRENCH C0NNECTI0N, NIC0LE FARHI,
FREE LANCE, PAUL et J0E, PRIVATE LABEL, CALVIN KLEIN JEANS, J0SEPH
Allt á að seljast
GVQ galleri
LAUGAVEGI 42 , S. 562 0625