Morgunblaðið - 26.10.2000, Blaðsíða 16

16 FIMMTUDAGUR 26. OKTÓBER 2000
MORGUNBLAÐIÐ
HÖFUÐBORGARSVÆÐIÐ
Bæjarfulltrúar Samfylkingar vilja upp-
byggingu á lóð Lækjarskóla
Leggja fram lausn
í stað uppbygging-
ar á Hörðuvöllum
Morgunblaðið/RAX
Jóna Dóra Karlsdóttir, Tryggvi Harðarson og Lúðvík
Geirsson, bæjarfulltrúar Samfylkingarinnar, ásamt
Friðriki Friðrikssyni (annar frá hægri), arkitekt hug-
mynda um nýbyggingar við Lækjarskóla.
Hafnarfjörður
BÆJARFULLTRÚAR Sam-
fylkingarinnar í Hafnarfirði
telja að hægt sé að leysa þann
vanda sem blasir við vegna
einsetningar Lækjarskóla
með betri, skjótari og ódýrari
hætti en byggingu nýs skóla á
hinu umdeilda Hörðuvallar-
svæði. Þeir kynntu í gær hug-
myndir, sem Friðrik Friðriks-
son, arkitekt hefur hannað
fyrir Samíylkinguna í Hafnar-
firði, og gera ráð fyrir að
nýbyggingum og endurbótum
á núverandi skólasvæði við
Lækinn. Jafnframt vilja þeir
að byggður verður skóli íýrir
yngsta stig grunnskólans í
Setbergshverfi til að leysa úr
tímabundinni þörf fyrir skóla-
rými í því hverfi.
Tryggvi Harðarson, bæjar-
fulltrúi, sagði á blaðamanna-
fundi þar sem Samfylkingar-
menn kynntu þessar tillögur
sínar að lausn Samfylkingar-
innar mundi spara bænum
500-1.000 milljónir króna ef
borið væri saman við áform
meirihluta bæjarstjórnar um
að byggja upp nýjan grunn-
skóla á Hörðuvöllum.
Þau áform hafa sætt nokkr-
um mótmælum bæjarbúa,
sem m.a. hafa myndað samtök
og safnað undirskriftum gegn
áformunum. Foreldraráð og
foreldra- og kennarafélag
Lækjarskóla hafa hins vegar
ályktað um stuðning við bygg-
ingaráformin á Hörðuvöllum
en með þeim er einnig ætlunin
að leysa einsetningarvanda í
Setbergshverfi.
Auðleyst með viðbygg-
ingu og uppbyggingu
Lúðvík Geirsson sagði að
hönnun Friðriks Friðriksson-
ar sýndi fram á að auðveld-
lega væri hægt að leysa málin
með viðbyggingu við núver-
andi skólahús.
íþróttahús skólans og
bókasafn og lausar kennslu-
stofur yrðu látnar víkja fyrir
viðbyggingu en í máli bæjar-
fulltrúanna kom fram að bær-
inn ætti þegar allar þær eign-
ir sem e.t.v. þyrfti að rífa
vegna viðbyggingarinnar, að
frátöldu einu húsi.
Þá sögðu þeir að allar heim-
astofur yrðu í nýbyggingunni,
sem mundi mynda hálfhring
um gamla skólahúsið, en gert
væri ráð fyrir að stofur í
gamla skólahúsinu, sem er frá
1926, yrðu nýttar sem sér-
greinastofur. Nýbyggingin
yrði tveggja hæða með hall-
andi þaki og byggð fast upp að
klettunum bak við gamla
Skólahúsið. Gamla bókasafnið
við Mjósund yrði tengt skóla-
byggingunni og áfram nýtt
fyrir skólann. Gamla íþrótta-
íiiiínrreTífíinnnriiiniiririr:
31. SilS: ..i.33 3331, 3333,
lufsaas^'lilu'caat .saocj
Tölvumynú/Teiknistofan THAK/Friðrik Friðriksson arkitekt
Lækjarskóli með áformaðri viðbyggingu.
Tillagan, sem Samfylkingin kynnti í gær, að viðbyggingu
við Lækjarskóla.
húsið ásamt viðbyggingum
yrði hins vegar flutt á burt.
Ekki er gert ráð fyrir skóla-
sundlaug, eins og mundi
fylgja uppbyggingu á Hörðu-
völlum.
Smábarnaskóli
í Setbergshverfí
En hvernig ætla Samfylk-
ingarmenn að leysa þrengsli
og einsetningu í Setbergs-
skóla? Uppbyggingunni á
Hörðuvöllum var ætlað að
koma til móts við þrengsli þar
og flytja börn úr Setbergs-
hverfinu yfir Reykjanes-
brautina í nýja Hörðuvalla-
skólann.
Lúðvík sagði að Samfylk-
ingin vildi halda skólamálum
hverfanna áfram aðskildum.
Því væri lagt til að byggður
yrði nýr skóli í Setbergs-
hverfi, á tilteknum stað í
grennd við Setbergsskóla, og
þar færi fram kennsla 1.-4.
bekkjar. í máli Jónu Dóru
Karlsdóttur bæjarfulltrúa
kom fram að vandinn í skóla-
málum Setbergshverfis væri
fyrst og fremst tímabundinn
því að barnafjöldi í hverfinu
yrði í hámarki næsta áratug.
Að þeim tíma liðnum væri
gert ráð fyrir að hús nýja
yngri barna skólans yrði nýtt í
þágu annarrar þjónustu.
Lúðvík sagði að með þess-
um tillögum yrði hægt að flýta
áformaðri einsetningu Lækj-
arskóla og Setbergsskóla,
tryggja bömum í hverfunum
bætta aðstöðu og þjónustu
fyrr en áformin um nýjan
skóla á Hörðuvöllum gerðu
ráð fyrir, eða haustið 2002. Þá
væri áfram hægt að nýta
Hörðuvallasvæðið undir heil-
brigðis- og öldrunarþjónustu,
í samræmi við það skipulag
sem fyrir er. Þá mundu þess-
ar endurbætur koma í veg
fyrir umferðarvanda við
Lækjargötu og spjöll á um-
hverfi Sólvangs og Hörðu-
valla.
Lúðvík sagði að meirihluti
bæjarstjórnar hefði alfarið
hafnað því að aðrir kostir
væru skoðaðir en uppbygging
á Hörðuvöllum en með tillög-
um sínum væri Samfylkingin
að benda á nýjan, raunhæfan
og hagkvæman kost, sem hún
teldi brýnt að fengist ræddur
meðal þæjarbúa og í bæjar-
stjóm.
Til að stuðla að slíkri um-
ræðu hefur Samfylkingin boð-
að til opins borgarafundar um
málið í íþróttahúsinu við
Strandgötu klukkan 20 í
kvöld.
Göngustígur flutt-
ur og breikkaður
Háaleiti
UM þessar mundir er verið
að flytja til göngustíginn
norðan Miklubrautar, milli
Grensásvegar og Kringlunn-
ar.
Að sögn Ólafs Stefánsson-
ar hjá gatnamálastjóra var
gamli stígurinn orðinn nánast
ónýtur, missiginn og steypan
víða brotin. Því hafi verið
kominn tími til að ráðast í við-
hald. Ákveðið hafi verið að
grípa tækifærið til að færa
stíginn eilítið nær byggðinni,
þ.e. fjölbýlishúsunum við
Safamýri og Fellsmúla.
Stígurinn, sem nú liggur
þarna meðfram Miklubraut-
inni, er tveggja metra breiður
en að sögn Ólafs verður sá
nýi þrír metrar að breidd.
Hann verður malbikaður og á
að vera fullfrágenginn í
haust. Ekki hefur verið
ákveðið um hvenær ráðist
Morgunblaðið/RAX
verður í viðhald göngustíga á
öðrum svæðum sem liggja
meðfram Miklubrautinni.
Fuglaskoðunarskýli
rís senn í Grafarvogi
Grafarvogur
ÁHUGI manna fyrir náttúr-
unni og öllu sem henni við-
kemur færist sífellt í aukana
og nýlegt dæmi þess er að
Garðyrkjudeild Reykjavíkur-
borgar hefur um þessar
mundir á teikniborðinu fugla-
skoðunarskýli sem ráðgert. er
að byggja í Grafarvogi fyrir
komandi áramót.
„Jú, þetta var samþykkt á
fjárhagsáætlun og svo kynnt í
umhverfisnefnd fyrir um
u.þ.b. inánuði," segir Þórólf-
ur Jónsson hjá garðyrkju-
deild, aðspurður um málið.
Forsöguna segir hann vera
þá, að Fuglavemdarfélag Is-
lands hafi skrifað til borgar-
yfirvalda á síðastliðnu ári og
bent á þá möguleika sem
fólgnir væru í skýlum af þess-
um toga og óskað eftir liðs-
inni borgarinnar til að koma
einu slíku á laggirnar.
„Málinu var svo vísað til
okkar og síðan höfum við ver-
ið í sambandi við Fuglavemd-
arfélagið um nánari útfærslu,
t.a.m. um staðsetningu og
hvernig þetta mætti allt best
verða,“ heldur Þórólfur
áfram. „Niðurstaðan varð sú
að hafa skýlið fyrir miðjum
Grafarvogi, sunnanvert. Það-
an er hægt að sjá yfir allan
voginn. Þetta er mikið fugla-
svæði og alltaf eitthvað um að
vera á leirunum, allan ársins
hring, segja þeir sem best
þekkja til.“
Umrætt svæði í Grafarvogi
er ekki vemdað samkvæmt
náttúmvemdarlögum, held-
ur einungis skipulagslögum. I
aðalskipulagi Reykjavíkur
hefur það m.ö.o. staðfesta
borgarvemd, en það er vernd
upp að ákveðnu marki. Til að
breyta svæðinu eða gera eitt,-
hvað annað við það verður að
breyta aðalskipulagi..
Að sögn Þórólfs á fugla-
skoðunarskýlið ekki að vera
lokað hús, því slíkt myndi
hafa ýmis vandamál í fór með
sér, eins og það hver ætti að
hafa lykil o.s.frv. Því er um að
ræða opið skýli, en þannig
gert að fólk sé varið fyrir
veðri og vindum. í því verða
engir sjónaukar, heldur er
gert ráð fyrir að náttúmskoð-
arar komi með þá hluti sjálfir.
„Erlendis eru skýli af þess-
um toga algeng, og þá oft á
sérstökum fuglaverndar-
svæðum; sjaldnar inni í miðri
borg. En mér skilst að það
hafi hvergi annars slaðar á
Islandi orðið af hugmyndum
um að reisa slík hús, svo aö
þetta verður eina fuglaskoð-
unarskýlið á landinu. Um sinn
a.m.k. Við stefnum að því að
koma skýlinu upp fyrir ára-
mót, og ég vona að það takist.
Næsta skref yrði að koma
upp einhvers konar upp-
lýsingum um fuglalífið þarna
á skilti, en það er reyndar
einnig hugmynd komin frá
mönnum í Fuglaverndarfé-
laginu ogþað myndum við
auðvitað vinna með þeim,“
segir Þórólfur að lokum.
Bæjarstjórn
samþykkir upp-
lýsingastefnu
Hafnarfjörður
BÆJARSTJÓRN Hafnar-
fjarðar samþykkti samhljóða
á fundi á þriðjudag upplýs-
ingastefnu fyrir sveitarfé-
lagið.
„Upplýsingamiðlun skal
ávallt vera mikilvægur hluti
í allri starfsemi og innan all-
ra rekstrareininga. Að veita
og leita upplýsinga er eðli-
legur hluti af daglegu starfi
og þar ber hver og einn
ábyrgð,“ segir m.a. í upp-
lýsingastefnunni.
Þar kemur fram að upp-
lýsingar skuli almennt vera
aðgengilegar og til þess
fallnar að styrkja lýðræði og
möguleika bæjarbúa til þess
að taka virkan þátt í stefnu-
mótun bæjarfélagsins. Þær
skuli settar fram með svo
einföldum og skýrum hætti
sem mögulegt er.
Bæjarbúar upplýstir
Ennfremur kemur fram
að með upplýsingamiðlun
skuli ávallt haft að leiðar-
ljósi að bæjarbúar og starfs-
menn sveitarfélagsins séu
almennt upplýstir og með-
vitaðir um starfsemi á veg-
um Hafnarfjarðarkaupstað-
ar og málefni sveitar-
félagsins og að bæjarbúar
verði sem best meðvitaðir
um möguleika sína til að
koma sjónarmiðum sínum á
framfæri til viðeigandi yfir-
valds. Ennfremur skuli haft
að leiðarljósi að upplýsa
bæjarbúa og starfsmenn
bæjarins um réttindi þeirra
og skyldur, möguleg áhrif á
ákvarðanatöku og breiða út
þekkingu á helstu reglum
sem gilda um meðhöndlun
erinda frá bæjarbúum.
Þá segir að fjölmiðlar
gegni lykilhlutverki við upp-
lýsingamiðlun til almenn-
ings. „Forstöðumönnum
rekstrareininga ber ávallt að
veita fjölmiðlum þær upp-
lýsingar sem leitað er eftir
nema þær njóti sérstakrar
verndar samkvæmt lögum,“
segir þar. „Almenna reglan
skal ávallt vera sú að afrit
opinberra gagna ber að af-
henda fjölmiðlum eða öðrum
sem eftir þeim leita og veita
þeim leiðbeiningar, fræðslu
og þjónustu sem miðar að
því að gera gögnin aðgengi-
legri fyrir fjölmiðlamenn og
almenning."
í greinargerð með stefn-
unni segir að upplýsinga-
miðlun á vegum bæjarins og
stofnana hans skuli ávallt
viðhöfð samkvæmt skil-
greindum ferlum að höfðu
samráði við yfirmenn rekstr-
areininga og formenn, for-
svarsmenn eða starfsmenn
stjórna, ráða og nefnda eftir
því sem við á og ákveðið hef-
ur verið hverju sinni.